風車

營業中

休息中

記得以前未住大圍時已經偶然黎過呢間餐廳食飯，記得當時既感覺係性價比高既地區小店。所以搬左黎大圍住之後終於有機會再黎試下。😊今晚有波睇，所以現場都有唔少關於世界杯既佈置，幾有氣氛! 不過今日太早到，等唔到咁耐，唯有下次😅😜晚上主要叫a la carte為主，便和老公叫了個沙津、一個意粉同主食share😋落左單好快就先黎左個鹹牛肉沙津🥗，份量唔算好大，2-3人剛好，幾醒胃意粉我就揀左芝士🧀大網菇黑松露意粉🍝，出乎意料地好食! 個汁掛得好好，意粉的熟度都剛好，夠al dente又唔太硬，最緊要係個忌簾汁濃度好好，有菇既香味又唔會太漏，大啡菇梗係好食啦，加埋芝士就更香但又唔會over! 而且真係好飽肚，就算4個人去share黎食都OK，呢個意粉好掂👍🏼個意粉食到一半就黎埋個主食，老公揀左西班牙脆皮乳豬🐷，原來仲有煙燻效果，除左有油香仲有少少一層smoke味😋而且仲有焗薯墊底，保証夠食~個乳豬烤得好香脆，不過因為係乳豬仔所以舊肉油份係偏多，肉質就真係好嫩! 幾乎唔駛用牙咬咁😆 老公亦好鍾意個彩椒汁，佢話椒味夠香。我就都係鍾意平時食開既乳豬醬多D，仲好，一人點一邊🥳連埋飲品每人三百幾，唔算好平但價

今日去大圍探完朋友，見到有間食西班牙菜既餐廳，當然要試下啦。餐廳樓底好高，有空間感，座位好多，仲有吧檯位，可以坐低飲番幾杯，吹下水；一大班朋友黎到，仲可以睇下波，玩下飛鏢。打開餐牌，有勁多選擇，很多都係知名西班牙特色菜，而且價錢合理。食物方面：煙三文魚凱撒沙律：羅馬生菜很新鮮，混和著香濃巴馬臣芝士和煙三文魚，中間夾雜著脆卜卜的麵包粒，每口都滋味無窮。英式啤酒炸魚薯條：炸魚好大件，有成隻碟咁長，灑上少少香草及檸檬汁，超級好味；大大條薯條炸得好乾身，即叫即整，熱辣辣，好好食。紐西蘭肉眼扒配焦糖菠蘿：好欣賞大廚既功架，對控制塊扒既生熟程度掌握得非常好，上枱仲有煙燻效果，好驚喜，打開蓋香氣撲鼻，肉眼扒肉質鮮嫩，配上燒過既新鮮菠蘿份外鮮甜，加上幾款配菜，很豐富。最後點了2杯水果茶，凍荔枝茶和熱青蘋果茶都好正。員工服務態度好，每道菜都有介紹，很多謝你們的熱情招待。

自從屯馬線開左，嚟大圍越嚟越方便，嚟開探朋友，就係附近覓食。一推開門就比盞水晶燈吸引住目光，挺有情懷的。另外餐廳有bar枱，有大電視，相信有波睇果陣會好熱鬧。嚟緊世界杯，住附近嘅大圍居民可以落嚟睇波喇！前菜我哋要咗個煙三文魚凱撒沙律，三文魚拼岀花型，有心思，數量都多，菜都爽脆新鮮。另外我哋仲叫咗一杯cocktail一杯mocktail，分別係 cosmopolitan同 cool mint 味道幾好，cocktail果汁味重，整體偏甜。如果喜歡酒味重，可能要叫另一款。啡菇黑松露意粉， 上枱是聞到好香黑松露味，但食落就唔濃黑松露味，意粉煮得啱啱好口感一流。來到重頭戲，就係荔枝木煙燻乳豬 用膠蓋冚住充滿神秘感，侍應介紹完同等我哋影埋相先打開，啲煙一出嚟就聞到好香木煙燻味，除咗煙燻乳豬仲可以煙燻牛扒，有驚喜。

風車(Windmill Restaurant and Bar) 係位於大圍站近城門河邊 食飽之後可以散下步😆都唔錯💁🏻‍♀️ 侍應會按前餐、餐湯、主菜既次序上菜💁🏻‍♀️ 🍴三色蕃茄多士 $99「三色」係分別指巴馬火腿、煙三文魚同鹹牛肉三種味道, 個多士烘到脆卜卜, 再加埋薄薄的蕃茄醬 係一個唔錯既前菜🍴是日餐湯 $29係紅湯 飲到有d蕃茄蓉😆🍴芝士網菇黑松露意粉 $179有好好味既芝士焗大啡菇(網菇) 咬落幾多汁😍 再配埋creamy 既黑松露意粉 係無得輸既組合😋 🍴西班牙脆皮乳豬配彩椒汁 $229乳豬係用荔枝木微醺 一開蓋就嗅到好香既荔枝木味🥰乳豬個皮焗到好脆 除左有彩椒汁亦有一般既食乳豬既甜醬伴碟 可以視乎自己口味點🥂Yau Lager $48推薦✨香港手工製啤酒 係用冷泡法製作既拉格啤酒 有陣柑橘味 好易入口👍🏻🥂Bloody Mary $82Halloween 應節之選🤭好啱打卡📍風車 @大圍積存街50號葵偉樓地鋪

餐廳位於大圍，如果係地鐵站A出口，步行大約6分鐘就會到達，都算容易搵，一行到積存街就會見到大大個牌寫住Windmill🥰一入去會比兩個menu，一個係食物🍽，另一個就係drink menu🍸今次我地order左👇煙三文魚凱撒沙律🥗煙三文魚有成3-4件，捲成一朵花🌸好靚💗📷生菜都好新鮮，加埋沙律醋酸酸地，好開胃👍炸魚薯條🐟魚肉十分嫩滑，粗薯條好好食，好香口又好脆！肉眼扒🥩上菜前佢有個蓋cup住，打開之後有蘋果木嘅味道，儀式感相當十足👍亦好適合打卡📷肉眼扒要左5成熟🐮好大塊！又好食！旁邊配菜有蕃茄仔、西蘭花、椰菜花、薯仔，牛扒上面重有一塊焦糖香甜菠蘿🍍好清甜，好Fresh！飲品方面，我地order 左兩杯Mocktail，Strawberry Colada🍸入面包含Strawberry,coconut milk,pineapple juice, fresh milk，菠蘿味酸酸地好夾個椰子味👍Cool Mint 🍸入面包含lychee, ginger ale, fresh mint,soda，原粒荔枝配上清新薄荷味道，有小清新的感覺⭐️🍀

到大圍嘅美林邨探望朋友，朋友介紹咗“風車”畀我，平時佢都會來食，如有朋友來更加要介紹，事關“風車”喺呢區都屹立咗好多年喇。我鍾意海鮮，而朋友鍾意肉類，因此呢晚两個餐就係一個“龍蝦意粉套餐”和另一個“黑椒羊柳套餐”。两樣都有跟前菜，湯及飲品。前菜之一係“鴨胸蕃茄莎莎生菜包”，擺盤好靚，生菜上邊有鴨胸及莎莎醬，色，香，味俱全，另一頭盤係“香煎阿拉斯加蟹肉餅”，蟹餅下有一片脆卜卜多士，蟹餅調味適中，可食到啖啖蟹肉，又係我至愛吖。湯有兩款可揀，两樣都要晒，南瓜湯較淡味清新啱我，可品嚐到南瓜的清香，龍蝦湯好濃郁，入邊還有蝦肉及帶子肉，好正good 👍意粉餐裡有半隻焗得好香口的龍蝦，芝士味濃，蟹膏亦多，意粉亦好大份，仲有啲菇類，意粉不會過腍，有口感；羊柳餐除咗羊，啲配菜有蕃茄仔，椰菜及西蘭花，還有焗薯角，豐富材料，食得高興smile 😊

今日去大圍食西班牙菜。一入餐廳就被呢盞大型水晶燈吸引住，好有氣派。皮製坐椅很舒服，讓人拋開繁忙的都市生活，坐低摸下酒杯底，傾下計。呢度仲有個大型電視同飛標，啱晒一大班朋友黎睇波，玩番晚。Menu 設計簡約，個drink list好grand。食物方面：鴨肉被滿滿既蕃茄醬包圍住，酸酸甜甜很開胃。Parma Ham不太咸，加上有生菜絲墊底，口感夠fresh。魚柳同薯條炸到脆卜卜，好乾身，唔會有油膩既感覺，真係好食到唔停得口，送啤酒一流。肉眼扒好大塊，我點七成熟，肉唔韌夠嫩，牛味重同個汁好夾，配上新鮮菠蘿同薯角、西蘭花、椰菜花點聚，擺碟好靚。總括來說，菜式設計有心思，員工服務週到，就連老閣都親身送上主菜及進行介紹，令我有賓至如歸既感覺😍

中午和朋友經過大圍，見到呢間餐廳名幾特別：「風車」，一於入去試下睇餐牌有好多選擇，樣樣都想食，我地最後揀咗以下既餐：流心藍芝士牛肉漢堡（$79）充滿牛味既漢堡，好足料，牛肉厚切得黎又唔會靭，同流心芝士融合埋一齊，好正，咬落去唔肥膩，個包軟硬適中煙三文魚配田園沙津(+$25)煙三文魚好大片，好鮮甜，好抵食法式龍蝦湯(+$15)龍蝦味好濃郁，加15蚊就有真係好抵風車鑊仔早餐（$92）（好豐富，有黑松露炒蛋，香腸，煙三文魚，田園沙津，煙肉，牛角包）其中既黑松露炒蛋好滑，仲落咗好多黑松露，好正👍👍牛角包散發住陣陣既香油香，外層金黃香脆，內裡既酥皮好鬆化👍玫瑰咖啡（+$12）飲落去除咗有陣陣既咖啡香之餘，還夾雜著清新既玫瑰味，估唔到玫瑰和咖啡都幾夾荔枝梳打（+$12）甜度適中，味道好清新，愈飲愈入味整體黎講，我地都好滿意呢間餐廳，下次會再幫襯

去大圍接女朋友放工&食dinner，佢同事話呢間嘅乳豬好好食，咁就試下佢啦。到左先知係Restaurant & Bar~吊燈好靚，我地坐低左就叫野食，勁快就上菜，黎左兩杯野飲先~Brooklyn Stonewall Inn IPA ($60)入口有果香味，容易入口，幾清爽。Cool Mint ($72)好好飲，唔會太甜，入口有好香嘅荔枝味。原來有薑汁汽水，唔怪得咁好飲啦。意式炒大蝦薯仔($99)大蝦好爽口，薯仔唔會太硬，仲有其他配菜四季豆都好好食。意大利帕爾馬火腿薄餅 ($159)我本身好鐘意食PARMA HAM，但重點係個PIZZA都好好食，我好怕有D餐廳嘅薄PIZZA淨係脆口，唔好咬，但呢個個面係軟，底焗得夠脆，配埋個PARMA HAM簡直完美。西班牙脆皮乳豬配彩椒汁 ($229)主角終於出場，上菜個陣有蓋，餐廳職員比我地開，開個陣有煙，用煙燻過好香，滿滿儀式感呢個乳豬真係超級好食，超級外脆內軟，脆皮唔會好厚，裡面D肉又滑又嫩，肥美多汁，食完會有幸福嘅感覺。下次想試埋意粉同肉眼扒，睇返D相搞到好肚餓。埋單

去完美林探朋友，就去大圍街尾油站果條街搵食，路經呢間叫「風車」的餐廳，比佢氣派水晶燈吸引咗入去😂打開餐牌，選擇都幾多，有套餐有散叫。Drink Menu就表達清晰易明，紅酒白酒CocktailMocktail都有齊。意式鹹牛肉沙律🥗想食d野開下胃先，就點咗呢款沙律。沙律菜食落夠Fresh，牛肉少少咸咸地吊下味，一凹一凸match😊炸魚薯條因為我地叫咗2杯Mocktail，所以就想食下d香口野。以前去英國海邊食過，好多都係遊客價得黎，又唔脆又要拎住係街食。今次正正經經係餐廳食，水準不錯😜魚肉入口滑嫩，粗薯條更是熱辣辣，證明即叫即做🔥肉眼扒上菜前有一膠盒焗住，打開即有浸浸蘋果木煙燻味湧出，儀式感十足😂 不過未知是否焗一焗所以牛扒由5成熟變成7成熟，建議大家可以挑戰下3成熟，咁就岩岩好😜 牛扒配上鮮甜菠蘿，果汁及牛肉味在口中混合下，口感新鮮👍🍹Strawberry Colada🍸Cool MintColada: 椰香及草莓味比例恰當，入口香甜Mint: 原粒荔枝配上清新薄荷，經典之選

🍽 風車📍地址: 大圍積存街50號葵偉樓地舖💰只供參考💰人均$50-$100😋👉🏻 響門口睇平平無奇 估唔到內有乾坤裝修同環境都好適合拍拖👫同埋佢有部超大電視 夜晚用黎睇波一流👉🏻香濃蘑菇餐湯 跟餐+$0推介‼️一上台比佢嚇親 估唔到咁嘅價錢竟然會落咁多蘑菇😍😍唔止足料 味道仲岩岩好 食落唔會漏為美好既一日拉開左序幕👉🏻轉煙三文魚沙律 跟餐+$25煙三文魚勁有心機圈到一朵花咁 睇見都開胃蕃茄仔鮮甜 好好食😋👉🏻風車鑊仔早餐 $92(黑松露炒蛋、紐倫堡腸、煙三文魚、牛角包、蕃茄、田園沙律配薯菜)推介‼️炒蛋超大份 廚師落松露冇手軟 炒蛋好滑 唔會過熟 勁正不得不點名讚下個牛角包🥐 超岩我心水 食落口勁重牛油味👉🏻風車扒餐 $152(肉眼扒、羊柳、德國腸）肉眼扒煎既時間岩岩好 唔會過龍羊柳唔算太蘇 係好香既羊肉味😋2個扒配埋黑椒汁 超正值得一提佢既薯條 新鮮炸出黎 熱辣辣 仲搞到我辣親條利 雖然受傷 都無阻我對佢既愛🫶🏻👉🏻玫瑰味咖啡 跟餐+$12推介‼️玫瑰味濃 混合左係玫瑰清香再加咖啡味濃郁 估唔到係咁夾👍🏻覺得佢可以就咁推出一個單點外賣🥡👉🏻焦糖味咖啡 跟餐+$12推介‼️推介大家一定要試

積存街里度好多年無行過，原來而加多咗好多野食😍又有中式邊爐又有西餐睇波酒吧！今晚心思思想飲下啤酒🤣就一於試下係接近街尾嘅風車🎉入面有一個公主燈，樓底好高好舒服！坐位亦都有啲空間，都幾唔錯👍🏼👍🏼炒大蝦 $99係辣肉腸，蕃茄，雜菌，薯仔炒大蝦!大蝦肉眼睇都有6隻，前菜份量黎講好足😝味道有小小辣，食落好惹味香口，好食😋雜菌都好多唔同種類，最正係厚切，所以食落有咬口！黑松露意粉 $179份量好多😍比平時一般cafe多好多，而且勁多菇同芝士粉，超香！條條意粉都充滿哂汁😝好食！最有誠意係上面有個大啡菇，入面有芝士🤓好juicy!一切啲汁beet哂出嚟！肉眼扒 $209上菜嘅時候佢會有一個膠盒擒住先，當你要食嘅時候佢就會幫你開！因為入面係有蘋果木煙薰過😋一開嘅時間勁香，好多煙，好有儀式感亦都好啱打卡！入面嘅菠蘿超甜，食啖扒再食啖菠蘿，好舒服，幫助消化😝肉眼扒本身要5成熟，唔知係咪煙燻過之後就比較熟咗啲，變咗7成熟🤣🤣不過都好食！Strawberrry colada $72 Mocktail👍🏼入面有士多啤梨蓉，菠蘿汁，椰汁同牛奶，本身諗住個mix n match 會唔會奇怪，咁多野溝埋一齊🤣點知又

大圍火車站行一陣就見到呢間bar&resturant一入到去就比盞好靚既水晶燈吸引環境幾舒服，適合一班朋友食住野吹水意式炒大蝦薯仔 (5/5⭐️)SAUTÉED PRAWNS WITH POTATO即吹即整，仲好惹味，有鑊氣既感覺適合做下酒菜薯仔夠曬林，吸曬啲汁仲加左小小Salami, 提升成個菜既鮮味👍🏽👍🏽芝士大網菇黑松露意粉 (4/5⭐️)BLACK TRUFFLE SPAGHETTI WITH BAKED PORTABELLO & CHEESE芝士同菇好match，焗岀黎仲好juicy 無overcook 😍意粉大份量兩個人食到投降烤露笋氫肉雞卷 (4.5/5⭐️)CHGKEN ROLLED WITHROASTED ASPARAGUS AND BACON驚艷地岀場，staff煙燻完後用蓋焗一焗 再去到你面前先開 好香既charcoal味，無論肉定係配菜都充滿住煙熏味，鍾意煙熏嘅朋友仔就一定要點

今日同朋友黎到呢間大圍西式小店食晚餐，把酒言歡。餐牌簡單易睇，圖文並茂，飲品Menu款式好多，酒既選擇繁多。煙三文魚凱撒沙律($99）煙三文魚捲成花瓣形狀呈上，煙三文魚新鮮，蔬菜同麵包糠都非常爽脆，好多餐廳既沙律菜都會好淋，但佢呢個沙律既菜真係好爽脆。睇落好似無咩醬，但食落非常夠味，用左凱撒醬加沙律醬。主食：波士頓龍蝦意大利粉($189）原隻波士頓龍蝦呈上，都算大隻同幾厚肉，上面加左芝士更加係錦上添花。意粉係炒意粉，但唔會太油，食落軟硬適中。主食：黑椒羊柳($199）呢道菜上台時係用蓋蓋住，店員話羊柳係用煙燻住，打開既瞬間煙就會走哂，所以貼心提我地如果要打卡，機會只有一次，打開既瞬間果然即刻煙霧瀰漫。食羊最擔心係好重羊羶味，但佢呢個完全唔會，個醬汁亦都調教得幾好味，同個羊柳好夾。我同朋友平時都好少飲酒，所以唔係好識揀，特意叫店員介紹，店員介紹左以下兩款：Kir Royale($88）店員介紹呢杯酒係英女皇曾經既最愛，堪稱係最經典既香檳雞尾酒之一，味道酸酸甜甜，好易入口，好好飲。呢杯酒帶有濃烈香甜紅藍莓、黑加侖子、櫻桃等味道，好適合女仔飲。Asahi ($55)店員介紹呢隻日本啤酒係日本

今天早上跟朋友去拜車公廟拜神， 拜完神諗住食個早餐兼午餐，喺大圍行下行下，行到一個一條小街 裏面，有間西餐廳［風車］， 名稱很特別。叫咗個早餐，風車鑊仔早餐，加$15可有龍蝦湯。 龍蝦湯味道很濃郁，好有龍蝦味。早餐有黑松露炒蛋、煙三文魚、煙肉、沙律菜、香腸和牛角包。好豐富嘅早餐呀！黑松露炒蛋好惹味，煙三文魚肉質很鮮嫩、很可口 。牛角包烤得好香、好脆、好重牛油味。真係好滿足呀！ 加一杯鮮奶咖啡，真係一個絕頂的早餐。 我朋友叫了流心藍芝士牛肉漢堡， 如果你鍾意食牛肉的話，你一定好鍾意這個午餐，牛肉肉味非常濃郁，口感一流，牛肉裏面仲隱藏一塊流心藍芝士， 藍芝士味濃兼流心 ，食落很有口感。還有沙律、薯條作伴菜，薯條炸得好香脆，份量亦足夠。再配蘑菇湯，蘑菇湯好醒胃呀， 最後加荔枝茶，真是絕配！！