風車

營業中

休息中

大圍舒適酒吧餐廳🌸芝士🧀大網菇黑松露意粉🍝$179⭐️⭐️⭐️⭐️⭐️芝士🧀大網菇十分邪惡，芝士🧀完美融入大網菇內，芝士🧀既鹹香不會蓋晒大網菇既香口，大網菇十分淋容易入口，簡直係完美配搭。黑松露既味道十分足夠，配搭意粉🍝剛剛好，十分creamy 。🌸烤蘆荀煙肉🥓雞卷$199⭐️⭐️⭐️⭐️☆雞卷入面有煙肉🥓同火腿，配菜有西蘭花🥦、車厘茄、薯仔🥔、白椰花、蘆荀。雞卷啖啖肉，嫩滑而夠入味，傻婆們吃得勁滿足呀！🌸意式炒大蝦🍤薯仔🥔$99⭐️⭐️⭐️⭐️⭐️大蝦🍤十分新鮮入味，肉質爽脆，配菜有辣肉腸、蘑菇🍄、雞脾菇、洋蔥🧅、蘆荀、薯仔🥔，十分惹味！🌸Cosmopolian$82⭐️⭐️⭐️⭐️☆伏特加，蔓越莓汁， triple sec，檸檬🍋汁幾好飲，易入口，檸檬🍋味夠出，而且有塊檸檬皮🍋配襯。🌸Strawberry Colaada$72⭐️⭐️⭐️⭐️⭐️士多啤梨🍓，椰子🥥奶，菠蘿🍍汁，新鮮牛奶🥛好味呀！個椰子🥥奶超出，顏色又靚，鐘意椰子🥥味的就必叫。餐廳座位舒適，光線偏暗，keep播英文歌十分有情調，得閒黎飲番杯都不錯。店員服務態度良好，需加一服務費。======詳情======風車大圍積存街50號葵偉樓地舖=============

朋友係大圍工作多年，喺附近嘅餐廳佢都一清二楚，今日去搵佢食lunch, 梗係要佢推介一啲好食餐廳啦。係港鐵站行去餐廳只需7，8分鐘，都幾易搵㗎。朋友介紹呢間餐廳話有抵食午餐，只需70蚊起就有前菜，主菜同飲品，非常吸引。前菜可揀餐湯或沙律。朋友揀左鹹牛肉沙律，牛肉好大塊，少少鹹配合沙律菜食，味道就啱啱好。風車鑊仔早餐。有牛角包，黑松露炒蛋，煙三文魚，紐倫堡腸，同煙肉，非常豐富。牛角包牛油味香，包夠軟熟。黑松露炒蛋係我至like，黑松露味一上枱已經撲鼻而黎，蛋味又香，加多少少黑胡椒粉就更好了。煙三文魚擺成花形，甚有心思。流心藍芝士牛肉漢堡。牛肉夠厚，夠肉汁，仲有美味芝士喺入邊，少少拉絲，多多滋味。yummy飲品揀左荔枝梳打，夏天透心涼嘅飲品，正。

傳統的bar and restaurant 環境一般比較逼夾。不過，風車的樓底較高，座位又舒適闊落，就算有好多人傾計都唔會太嘈，比人舒服寫意的感覺皮製軟櫈好適合慢慢坐低飲酒傾計，唔怕好快坐到攰店員親切友善，會主動收碟換碟，比顧客一個更寬敞的空間，與朋友相聚碰杯今次放工黎食晚餐，飲品有Asahi 啤酒和水果茶。水果茶的甜度剛好，少少甜 ，唔會好似坊間珍珠奶茶店果d咁甜，果味唔會太出，蓋過紅茶味食物方面：BB鴨蕃茄莎莎生菜包：鴨肉非常嫩，加上莎莎醬有少少辣，增添食慾意式炒大蝦薯仔：依碟是最令人驚喜，蝦仁大隻又彈牙，加上蒜蓉、黑椒和辣肉腸，味道濃厚又香而且，它的配料非常多，有露筍，野菇，薯仔，洋蔥，又有黑醋汁沙律點敍顏色和味道都非常豐富英式啤酒炸魚薯條：件炸魚仲大過手掌，如圖所見，炸魚入面鋪滿香草，所以食落有濃濃香草香味。口感堅 鬆脆，切落去時「索～索~」聲，未食已經令人流晒口水魚柳亦十分juicy, 外脆內嫩附上的沙律醬夠酸，有粒粒酸瓜，配炸物夠惹味，口感更豐富薯條口感香脆，有黑椒及鹽調味，好適合送啤酒意大利帕爾馬火腿 pizza：一上枱已經聞到好香好濃的芝士味仔細再聞多次，今次有Parm

約朋友晚膳，去了大圍積存街50號葵偉樓地舖~風車Windmill Restaurant & Bar西班牙菜西式酒吧，港鐵大圍站A出口，步行約6分鐘。店內裝飾高雅，很有外國風格，樓底很高，西歐式的古典水晶大吊燈，燈光柔和浪漫氣氛，大電視播放著勁歌熱舞，使客人感覺非常舒服。菜譜非常豐富，有多款套餐，由於這店也是間酒吧，所以酒類款式也特別多。服務員禮貌招待推介菜餚和飲品，使人客稱心滿意。白酒煮蜆配蒜蓉飽$99酒香樸鼻，蜆肉煮得剛好，調味適中，鮮甜爽嫩。配上脆口蒜蓉飽，輕微點上白酒蜆肉菇菌湯汁，更覺可口惹味。意式炒大蝦薯仔$99估不到西式餐廳炒大蝦薯仔都一樣很有鑊氣，熱氣騰騰，香氣四溢，大蝦超爽甜，薯焦皮脆，薯香肉淋，配上雜菜，佐酒一流。紐西蘭肉眼扒配焦糖菠蘿$209肉眼扒牛味很濃，又嫩又淋又多汁，且份量十足，厚度油脂均勻，汁液調味特出。特別一讚，焦糖菠蘿鮮甜多汁，菠蘿的表面脆香焦糖，口感非常特別，能平衡牛肉濃味，使口腔留下陣陣鮮菠蘿香味。嘉士伯生啤$48飯後最佳消暑飲品，為美味一餐，劃上完美的句號。

接朋友放工，想搵間餐廳飲杯野，食西餐，傾下計，朋友介紹我來風車 dinner, 聽名字以為是普通西餐廳，原來是一間提供西餐的酒吧，滿足哂我咁多個願望，那麼就試試吧！😀 店內吧檯附近吊住好大盞水晶燈，很有氣氛，環境不錯，時間尚早，人流未算好多，我們可以享受這休閒的環境了😄意式炒大蝦薯仔首先叫了意式炒大蝦薯仔，蝦的份量好多，大大隻，好入味，我和朋友很快就吃完了😋 芝士大綱菇黑松露意粉 見到意粉上的芝士大綱菇就覺得好吸引，大綱菇有厚厚的芝士， 焗得啱啱好，香味濃郁之餘好多汁。醬汁有好香濃黑松露味道 。意粉本身亦煮得啱啱好，唔會過軟或過硬，這個主菜值得一試👍🏻。我們還叫了烤露笋煙肉雞卷份量都好多，雞肉鮮嫩，加上煙肉，味道好夾，我們連薯角都吃完了，真的很滿足😄飲品方面朋友叫了杯Carlsberg，而不太好酒的我則叫了杯Melon Sour, 好有驚喜😀這杯cocktail 🍸 顏色靚，很容易入口，淡淡果汁味，真的很好喝，推薦👍👍👍這間餐廳的 happy hour 時間好長，食完晚餐還可以繼續飲酒談心，真是個好地方！

今日到家姐帶我去大圍蒲啦~係巷仔見到喱間叫左風車既酒店~~細細地WEEKDAY又唔算好多人, 試試佢!首先, 我地叫左一份三色蕃茄多士($99), 有三文魚﹑咸牛肉同埋PHAMA HAM三種款式~主角多士既份量合理, 都算大塊, 入口脆身, 配搭本身比較咸既三文魚﹑咸牛肉同埋PHAMA HAM, 用黎做佐酒小食都係個唔錯既選擇。主菜方面叫左一份炸魚薯條!($199), 本來EXPECT喱個係酒吧, 食物應該都係一般般, 但係炸魚薯條出奇地有十分驚喜!!雖然等待既時間比較長, 但好野係需要時間等既!!上菜時明顯見到炸魚薯條係新鮮出爐夠熱，份量勁多，咬落表面脆口而入面既魚肉仍然非常滑嫩，薯條夠脆係即叫即製~另外為左送酒我地亦叫左一份白酒煮蜆($99), 質素亦唔錯~~白酒煮蜆配左3舊多士XD, 可以點白酒汁食~蜆大隻肥美啖啖肉~喱個菜式本身既蒜同洋蔥味比較出, 喜歡既人都可以試試。飲品方面叫左兩杯, 分別係Cosmopolian($82)同Margarita($82)~~喱到畢竟都係酒吧~~酒既質素本身非常卓越個人比較欣賞Margarita, 酒味較出加上有檸檬做陪襯~層次分明又唔會太濃烈

現在有東鐵線真係好方便趁今日假期去大圍踩下單車🚲還車後搵間餐廳晚餐先原來大圍站A出口～成條街越行越多小店食舖！今次同朋友2人試下呢間意式西餐廳先！餐廳裝修：🕋💡🪑🛋️一入去有個大電視播放足球， 喜歡睇足球啱曬～一邊睇波一邊飲啤酒～一樂也！ 座位寬闊及舒服，天花仲吊咗盞宮庭水晶燈，感覺好high服務態度：👨🏽‍🦱👨🏼‍🦰👱🏽‍♂️👱🏾6：00pm入座～每個侍應都好有禮貌！仲略略講解下已選菜式的味道！讚😍食物方面：🦐🥬🥦🥔🍺🥤🍝選擇了三款食物及兩杯飲品：1） 意式炒大蝦薯仔 $99好有意大利風味～ 大蝦煎得好爽脆！加埋辣辣地有黑椒味薯仔，味道一流！😋2） 大啡菇黑松露意粉 $179意粉上檯已見到大大啡菇，厚厚芝士舖上面，切落去菇汁及芝士已流出！好Creamy嘅黑松露配埋爽口彈牙嘅意粉，絕配！3） 烤露筍煙肉雞卷 $199露筍好少食，今次食落口清新香甜！配以煙肉味道好大分別～ 雞烤得剛剛好及嫩滑，最後order埋兩杯飲品：分別係水果茶及嘉士伯！呢晚真係好豐富！

又是買餸前覓食是日大雨，12點左右見到未要排隊，價錢又相宜，就選了這家座位十分寬敞，樓底高到可放盞水晶燈，空間感十足分午餐menu和漢堡餐，各點了一款跟餐的番茄湯，少少酸，少少甜，幾開胃加了$25轉的煙三文魚配田園沙律，煙三文魚大大塊，田園沙律配上甜甜地的醋跟餐的水果茶(是日的是熱情果口味)，唔太甜，幾好；另一杯是普通的凍檸水流心藍芝士牛肉漢堡$79漢堡包皮焗得香脆，上層沾滿烤到半溶的芝士，下層則塗滿牛油，牛肉漢堡都幾厚身，一切落去就流出很多肉汁，好juicy，藍芝士的味道又不會太搶，夾住生菜、番茄片，夾埋整體幾好食有跟田園沙律和薯條，食完好飽😂韓式醬燒豬鞍配飯$68三條大大條的豬鞍，切下切下其實都幾多肉，醃得入味又惹味，配有翠肉瓜，啖啖肉得來又感覺健康、均衡飲食一點午市不用加一👍🏻有一定的性價比😉

風車 (大圍)去左大圍搵朋友食午餐😊😊食西餐happy👍風車鑊仔早餐$92🥗🥓黑松露炒蛋、煙三文魚、煙肉、沙律菜、香腸、牛角包🥐好豐富，好好味，黑松露炒蛋好惹味，煙三文魚肉質鮮嫩😋😋牛角包好重牛油味🥰🥰食得好滋味😗😗流心藍芝士牛肉漢堡 🍔$79藍芝士濃郁🧀🧀牛肉肉味濃，口感一流✨✨喜歡食牛肉朋友必叫😆😆好好味😊😊仲有埋薯條🍟同沙律菜🥰🥰薯條炸到好香脆👍👍跟餐南瓜湯跟餐沙律跟餐仲有南瓜湯/沙律，好抵食❤️❤️沙律菜配埋黑醋好夾，新鮮🥗🥗南瓜湯味道都唔錯🥣荔枝梳打+$12🍹🍸飲品仲有荔枝肉，荔枝味香濃，清甜解渴👍👍水果茶🫖☕️水果茶有多種水果口味，都幾好飲😊😊餐廳環境🏖🏝餐廳環境都幾舒服，仲播住輕快嘅音樂，好啱同朋友一齊食飯傾偈🤩🤩地址：大圍積存街50號葵偉樓地舖整體評分：5/5味道：4/5環境：4/5抵食：5/5

聽名可能覺得風車係一間cafe，實際上佢係一間食西餐嘅酒吧。當時正值晚巿，但時間較早，進入餐廳嘅時候侍應都問我哋要唔要揀啲冷氣無咁大嘅座位，服務方面有質素。我哋叫左頭盤前菜各一，再加上兩個主食。食物等左幾分鐘開始送上。先上枱係頭盤嘅三色多士。多士底部嘅麵包脆身但唔硬，一次過試哂火腿、煙三文魚同咸牛肉，送酒或做前菜一流。跟住上枱嘅係前菜炒大蝦。廚師炒香煙薰香腸，以腸嘅鹹味做基底炒大蝦同配菜，加上少許沙律菜以清新做平衡，味道恰到好處。主菜之一嘅黑松露意粉，意粉上有配以芝士焗嘅大啡菇。大啡菇焗得啱啱好，香味濃郁之餘切開更有大量汁液。而意粉用上唔少嘅松露醬，拌以炒香嘅蒜片，味道香濃。而意粉本身亦煮得啱啱好，唔會過軟或過硬。最後送上係紐西蘭肉眼扒伴焦糖菠蘿。牛扒比想像中大塊，並按要求嘅五成熟烹調好。扒身無筋，而且食得出好濃嘅牛肉味。菠蘿比較少作為牛扒嘅配菜，不過當日所食嘅菠蘿香甜多汁，清新嘅味道出奇地平衡返濃味嘅牛肉眼扒。風車嘅主菜份量比其他西餐廳平均為多，落單時可能要稍為留意。

聽講大圍呢邊開咗好多新嘅cafe同餐廳，日頭食完cafe, 晚餐就搵間西餐嚟食下，揀咗呢間Windmill Restaurant & Bar一入到嚟，覺得裝修非常有氣派，有一盞好大好靚嘅水晶燈，成間餐廳有d古典貴族嘅感覺。值得一讚嘅係餐廳播嘅英文歌都係出名嘅流行曲，未有野食個陣聽下歌，唔會悶☺️頭盤揀咗Parma ham 火腿沙律，火腿好香，唔會過咸，上面有少少蕃茄蓉，同d菜一齊食好fresh。跟著揀咗個意式炒大蝦薯仔，大蝦好爽好彈牙！正！主菜揀咗波士頓龍蝦意大利粉同埋炸魚薯條。龍蝦好大隻好多肉，D肉好鮮甜。入面仲要超多膏😍意粉仲吸咗龍蝦嘅鮮味😍炸魚薯條新鮮熱辣辣，外脆內軟，而且超大塊，大過隻手掌！唧D檸檬汁，可以平衡番，食咁大塊都唔會覺得油膩。薯條都係即叫即炸，好脆！

今日平日放假 就出咗去大圍小巷搵吓啲新餐廳食下點知都有意外驚喜！行過風車 見到個名幾得意就試吓🤣其實佢係一間bar嚟 下午就主要做西餐Order左一份all day breakfast同埋一客燒春雞加薯條龍蝦湯加$15 都幾濃味！薯條真係一流 好脆！熱辣辣D staff都好細心 預先同我講定啲燒春雞有辣汁 問我o唔oK😃 總括嚟講都係幾滿意嘅午餐

夏日炎炎去踏單車🚴🏻‍♀️岀發時經過見到間「風車」，價錢合理，環境大錯，於是決定先吃飽飽才岀發踏單車😂套餐有田園沙律或是日餐湯選擇，小編點了兩個套餐，各點了一份😋沙律有兩粒番茄，加了醋拌勻後吃很開胃。是日餐湯流心藍芝士牛肉漢堡 $79大大件漢堡飽，厚身牛肉夠足料，肉質Juicy，不會太韌，而且牛味重。喜歡吃藍芝士的你，可以嘗一嘗。薯條炸得脆口，份量算多。切開牛肉，就看到流心藍芝士。大蝦蕃茄炒意粉 $88份量足料，驚喜十足。番茄味道濃郁，每條意粉都沾滿了漿汁，好味道。有四隻大大隻大蝦，肉質彈牙。水果茶兩人份量剛剛好，吃飽後就可以岀發踏單車。Let’s go!餐牌如下。有6類漢堡餐，有牛肉、雞肉、芝士火腿和三文魚等。

踩單車原著單車徑到大圍時開始肚仔餓要搵食就係條河側邊起初見到係酒吧心諗都冇野食者點知係門口睇有晚餐食反正朋友又想飲啤酒夏天熱辣辣啤一啤就唔洗諗就呢間啦有散叫或套餐我地選擇散叫👉🏻露荀帕爾瑪沙津不會似一般偏咸加d 露荀仔又幾清新👉🏻德國腸大蝦pizza 薄批好爽口大蝦配少少德國腸餅底脆口芝士好香👉🏻芝士大綱菇黑松露意粉😋大綱菇有厚厚拉絲芝士醬汁好香濃黑松露味道加了好多菇菌外面多數唔會加菇菌類真係食唔停黑松露粉絲值得一試👍🏻👉🏻叫杯Asahi 呢間d happy hour 時間都好長一至四到零晨三點😅五至日都去到九點朋友傾吓計晚飯直落好去處唔洗轉場超方便晚市套餐可加配鵝肝又有不同小食送酒👍🏻

今日去探朋友仔，朋友仔帶我去位於大圍積存街50號葵偉樓的「風車」午餐🤭「風車」裝修很優雅，環境舒適，重點午市套餐很平民🤭🤭餐湯有2款..龍蝦湯，龍蝦味很濃郁，加少許黑椒更出味！甘筍忌廉湯，香濃又夠滑，各有千秋🤭墨西哥辣肉醬豬扒，可以選擇飯，意粉或薯菜🫠肉醬微微辣巧惹味，配意粉🍝味道剛剛好。豬扒2大塊，煎得剛剛好，不會鞋口夠Juicy👍🏻 配菜翠肉瓜都好好味！流心藍芝士牛肉漢堡，牛肉漢堡足料又Juicy，牛味重而帶點淡淡的香草香味到；牛肉肉質剛剛好，不會太韌 ~ 醬汁配牛肉漢堡好好味！芝士味很香濃，不錯！玫瑰咖啡，咖啡味香而帶點淡淡的玫瑰香味，不錯！Cappuccino,泡沫豐富又夠滑🫠