影片
更多
2022-10-02
66 瀏覽
今日同朋友黎到呢間大圍西式小店食晚餐，把酒言歡。餐牌簡單易睇，圖文並茂，飲品Menu款式好多，酒既選擇繁多。煙三文魚凱撒沙律($99）煙三文魚捲成花瓣形狀呈上，煙三文魚新鮮，蔬菜同麵包糠都非常爽脆，好多餐廳既沙律菜都會好淋，但佢呢個沙律既菜真係好爽脆。睇落好似無咩醬，但食落非常夠味，用左凱撒醬加沙律醬。主食：波士頓龍蝦意大利粉($189）原隻波士頓龍蝦呈上，都算大隻同幾厚肉，上面加左芝士更加係錦上添花。意粉係炒意粉，但唔會太油，食落軟硬適中。主食：黑椒羊柳($199）呢道菜上台時係用蓋蓋住，店員話羊柳係用煙燻住，打開既瞬間煙就會走哂，所以貼心提我地如果要打卡，機會只有一次，打開既瞬間果然即刻煙霧瀰漫。食羊最擔心係好重羊羶味，但佢呢個完全唔會，個醬汁亦都調教得幾好味，同個羊柳好夾。我同朋友平時都好少飲酒，所以唔係好識揀，特意叫店員介紹，店員介紹左以下兩款：Kir Royale($88）店員介紹呢杯酒係英女皇曾經既最愛，堪稱係最經典既香檳雞尾酒之一，味道酸酸甜甜，好易入口，好好飲。呢杯酒帶有濃烈香甜紅藍莓、黑加侖子、櫻桃等味道，好適合女仔飲。Asahi ($55)店員介紹呢隻日本啤酒係日本
餐牌簡單易睇，圖文並茂，飲品Menu款式好多，酒既選擇繁多。
煙三文魚凱撒沙律($99）
煙三文魚捲成花瓣形狀呈上，煙三文魚新鮮，蔬菜同麵包糠都非常爽脆，好多餐廳既沙律菜都會好淋，但佢呢個沙律既菜真係好爽脆。睇落好似無咩醬，但食落非常夠味，用左凱撒醬加沙律醬。
主食：波士頓龍蝦意大利粉($189）
原隻波士頓龍蝦呈上，都算大隻同幾厚肉，上面加左芝士更加係錦上添花。意粉係炒意粉，但唔會太油，食落軟硬適中。
主食：黑椒羊柳($199）
呢道菜上台時係用蓋蓋住，店員話羊柳係用煙燻住，打開既瞬間煙就會走哂，所以貼心提我地如果要打卡，機會只有一次，打開既瞬間果然即刻煙霧瀰漫。食羊最擔心係好重羊羶味，但佢呢個完全唔會，個醬汁亦都調教得幾好味，同個羊柳好夾。
我同朋友平時都好少飲酒，所以唔係好識揀，特意叫店員介紹，店員介紹左以下兩款：
Kir Royale($88）
店員介紹呢杯酒係英女皇曾經既最愛，堪稱係最經典既香檳雞尾酒之一，味道酸酸甜甜，好易入口，好好飲。呢杯酒帶有濃烈香甜紅藍莓、黑加侖子、櫻桃等味道，好適合女仔飲。
Asahi ($55)
店員介紹呢隻日本啤酒係日本最暢銷既啤酒之一，賣點係味道夠純粹。飲落的確覺得好清新、好爽口，唔會太苦澀太多雜質。
PS1：餐廳雖然唔大，但店內已設有男女廁，飲幾多酒都唔洗擔心無廁所😂
PS2：店員好有禮貌，我習慣每次店員上菜收菜都會講唔該，佢每次都必定回覆一句唔洗客氣，我應該講左十次八次，佢都每次不漏！
張貼
