影片
更多
2022-09-10
71 瀏覽
同女朋友行開大圍，佢話想食西餐鋸扒😋，本身以為大圍冇西餐，但竟然俾我上網搵到呢間風車餐廳，外表似酒吧但其實入面西餐都幾出名，所以一於去試下先得。餐廳裝修幾有情調，啱晒男女朋友黎撐枱腳。💕紐西蘭肉眼扒配焦糖菠蘿 $209女朋友鐘意食菠蘿🍍，咁啱又想鋸扒，諗都唔使諗就決定左叫呢款扒。肉眼扒肉味夠濃，而且油脂豐富，口感軟腍，食落去啖啖油香真係好正，而且配菜係菠蘿有心思，酸甜嘅焦糖菠蘿可以令油脂豐富嘅肉眼冇咁膩，每一啖都可以充分享受油花，呢個配搭幾好。😆芝士大網菇黑松露意粉 $179意粉入口大大陣女朋友最鐘意嘅石油氣味，黑松露嘅香氣充滿口腔，上面大網菇超大一個，舖滿拉絲嘅芝士，另外大網菇燒嘅火候啱啱好，一d都唔會乾身，食落去超多汁，正！👍三色蕃茄多士 $99多士有parma ham🐷，煙三文魚🐟，燒牛肉🐮三種風味，仲有碎洋蔥同碎蕃茄整成嘅醬，parma ham咸香配脆卜卜嘅多士啱啱好，煙三文魚份量好豐富，食落去好肥美，燒牛肉肉味幾濃，同酸甜蕃茄醬幾夾。Strawberry Colada $72🍓見到佢mocktail有strawberry colada，有菠蘿汁又有士多啤梨，女朋友即刻想
紐西蘭肉眼扒配焦糖菠蘿 $209
女朋友鐘意食菠蘿🍍，咁啱又想鋸扒，諗都唔使諗就決定左叫呢款扒。肉眼扒肉味夠濃，而且油脂豐富，口感軟腍，食落去啖啖油香真係好正，而且配菜係菠蘿有心思，酸甜嘅焦糖菠蘿可以令油脂豐富嘅肉眼冇咁膩，每一啖都可以充分享受油花，呢個配搭幾好。😆
芝士大網菇黑松露意粉 $179
意粉入口大大陣女朋友最鐘意嘅石油氣味，黑松露嘅香氣充滿口腔，上面大網菇超大一個，舖滿拉絲嘅芝士，另外大網菇燒嘅火候啱啱好，一d都唔會乾身，食落去超多汁，正！👍
三色蕃茄多士 $99
多士有parma ham🐷，煙三文魚🐟，燒牛肉🐮三種風味，仲有碎洋蔥同碎蕃茄整成嘅醬，parma ham咸香配脆卜卜嘅多士啱啱好，煙三文魚份量好豐富，食落去好肥美，燒牛肉肉味幾濃，同酸甜蕃茄醬幾夾。
Strawberry Colada $72🍓
見到佢mocktail有strawberry colada，有菠蘿汁又有士多啤梨，女朋友即刻想試下，飲落好有椰奶香，而且粉紅色好浪漫，用黎打卡一流。
Carlsberg啤酒 $48🍺
男仔當然要叫返杯啤酒啤啤佢，店員推薦呢隻啤酒，入口好順滑，非常清新，苦味唔算太重，幾啱我呢d飲酒新手一嚐。
估唔到大圍都有間西餐咁出色，真係估唔到，之後有機會一定要再試下先得。
T-able指數： 4.1/5
張貼
