韓雅林

營業中

休息中

Lunch ordered 石頭飯， 炆牛肋骨湯 ，同鐵板牛肉。 石頭飯嘅牛肉， 唔新鮮， 個底又燒到燶咗 。牛肋骨湯，牛助骨好肥 好韌， 唔夠味， 又唔夠湯。 鐵板牛肉，牛肉 燒得較乾。 可取係 ，伴菜都幾好食。有個女侍應( 菲律賓 或印尼人) 超冇禮貌又晦氣， 問佢嘢唔應人, 見到人扮睇唔到。食完要走， 問我哋係咪要紅棗茶 ，問完等左10分鐘， 冇茶攞嚟，仲 要另外一個大叔 再叫佢 ，先有茶。 來到態度超差。 總結， 食物和服務態度差，絕對唔會再嚟。

移民潮下,。好多朋友會因為唔同原因去到第二個地方生活，難得齊就當然珍惜相聚機會。今次大家選食韓菜， 朋友話呢間餐廳係正宗韓式餐廳，食物高質，地點又方便，就決定嚟呢度啦。一行9人，餐廳俾左間房我地。我地叫左勁多野食， 前菜既小碟味道唔錯， 無論五花腩肉，牛肉什至雞肉既肉質都算鮮味，好少係香港食韓國燒肉，此間都值得推介。

新式的韓食店最近試了幾間，今次來到一家韓食老店試試傳統韓式食物。落單未幾，店員已端出前菜，分別有茄子、薯仔、蘿蔔條、泡菜、波菜及大豆芽。這裡的泡菜鹹辣度較高，爽脆入味；最歡喜久違了的薯仔粒重現多年前食韓國餐的風味，不粉而甜甜的；蘿蔔條則帶些微辣意；每款都各有所長。煎餃一客八隻，上枱時還是熱騰騰的，未蘸伴汁前先咬一口，無需音效已聽到清脆的咔嚓聲，極度治癒！蘸汁鹹中帶甜，相當惹味！韓食之中，小人至愛之一就是韓式炒粉絲。有別於中式的爽滑，韓式的則偏腍滑。混著牛肉、蛋絲、木耳等配料，我們瞬間清碟。炸醬麵裡的炸醬用上了黑豆，顏色較深，味道不會太鹹。麵條煙煙靭靭，撈入炸醬很是合襯，再加上青瓜條，帶出一抹的鮮爽。炸雞分有原味及甜辣，友人要了原味的。炸雞一上，其大堆頭的份量十分震撼！炸皮香脆，雞肉軟嫩；伴上的醃蘿蔔酸酸甜甜，能解除肥膩感。品嚐到一餐可口的傳統韓食，美好的回憶即時湧現！

依間韓國菜係韓國朋友介紹嘅，果然一入到去已經聽到好多人講韓文，而且店員都係講韓文多，菜式選擇都多，有得燒肉同食韓國料理，今次叫咗一個牛肚牛腸鍋加多個海鮮煎餅，份量非常之大！韓雅林牛腸牛肚鍋 $480份量好大，佢上黎果陣我原本以為係得個面有牛腸牛肚，點知湯一滾之後，我撈咗撈，鍋底嘅料都好多，唔怪得叫果陣店員向我地再確認多一次😂湯嘅味道好啲似韓國嘅大醬湯，牛腸基本上係粉腸，口感好軟，牛肚係金錢肚，食落有少少彈牙，夾埋一齊都好得意，其他配料仲有豆腐、蔥、洋蔥、娃娃菜、金菇、年糕～全部都好入味而且口感豐富！份量夠3-4人食，依個價錢好抵食！海鮮煎餅 $130叫咗個小，有6大塊塊塊都份量好足😂，啱啱一上，熱辣辣，好脆身，而且入面嘅料都好多，落埋入地個醬料，惹味咗好多👍🏿佢最後送上咗甜品～一小碗紅棗茶，幾特別，紅棗味道好濃，意外地幾好飲。依間韓國菜嘅性價比同味道都好好，選擇都好多，要去幾多次先食得晒想食嘅野！

今日兩個人下午七點多行到銅鑼灣廣場一期六樓韓雅林醫肚仔。呢間係傳統韓國餐廳，有得韓燒，地方有D氣氛，好似好正宗。指定動作首先嚟8個前食，泡菜、薯仔、紫菜、大荳芽菜等開胃前菜。居然有蛋捲同魚片，好鍾意。跟著上了牛脷、牛肋骨肉、豬頸肉及招牌鲜五花肉。中火燒着。牛脷新鮮有𡁻口、好味道。豬頸肉肉質鮮嫩多汁好味。牛肋骨肉味道濃郁，似乎加入甜醬油、入口鬆軟好味。招牌鮮五花肉不愧是招牌菜、鮮味香口好食。食完熄火最後來了兩杯紅棗甜茶，飲完有滿足感。餐廳地方乾淨有氣芬，座位寬敞，餐牌品種選擇多，服務員有禮貌，服務週到。

今年嘅冬天真係夠哂凍出街食飯除咗打邊爐 更係食燒肉嘅時候最近食咗一間性價比高 又正宗嘅韓燒無論係燒肉定韓食 都好食 好有韓國味係餐廳內都見到有好多韓國人黎食🥢韓式前菜👉🏻點菜後就會上前菜 佢嘅前菜有8款 佢嘅泡菜味道 好啱我口味 酸辣度剛好 仲有醃蘿蔔、海草、豆腐等前菜 都好開胃解膩 🥢韓雅林護心肉🥢醃製牛肋骨肉👉🏻佢嘅燒肉真係好好食！係韓國味嘅醃製手法 護心肉雖然厚厚地但好有肉汁一啲都唔韌 之後再上多咗一款芝麻辣拌菜 配護心肉起食用 芝麻香氣令護心肉更加分 大推👉🏻醃製牛肋骨肉又係好好食 呢到嘅肉真係好犀利 我係要食熟肉嘅人 但燒到近乎well done佢都唔會好韌而且食到香濃嘅牛肉味 牛肋骨肉都大推🥢韓式石頭拌飯👉🏻石頭拌飯嘅飯和料嘅比例其實好重要 邊樣太多都會變得無咁好食 呢個石頭鍋飯就剛剛好了 而且仲食到金黃嘅飯焦 好味阿🥢泡菜煎餅👉🏻 有分大/小size 2個人食就叫咗細size 泡菜餅嘅外圍煎得焦脆 中間係軟腍嘅餅夾雜住泡菜 正宗好味嘅韓國泡菜餅 好食所以2個人都食哂成塊了開心又滿足嘅一餐韓燒係令人會想回頭再食嘅韓燒/韓食店

韓國人開的韓國傳統餐廳，可以食到正宗韓國菜式餐廳是傳統裝修，而且座位寛敞冬天天氣寒冷，今晚先食烤肉，再食傳統石頭鍋飯8款小碟前菜可以免費添加，而且充滿傳統款式烤特級雪花牛🥩選了上等特級雪花牛肉，雪花分佈好平均，烤肉時油脂分佈好全面，肉質好鬆軟，好香牛肉香味😋韓雅林鮮五花肉🥓餐廳可以幫客人烤肉，尤其五花肉，見到烤肉時有特別技巧，烤五花肉特別香滑有彈性韓式海鮮石鍋伴飯🥘熱騰騰石鍋伴飯，除海鮮外，還有各款蔬菜，加上秘製醬料，好有韓式風味飯後還有免費糖水，今晚係紅棗水

要食正宗韓國菜，就一定首推銅鑼灣中心既「韓雅林」，餐廳開業多年，大部分店員都係韓國人，食品種類繁多，有傳統菜式、醬油蟹、韓燒、冷麵、甚至炸雞都有，每款都夠正宗，夠好味，所以非常多韓國人光顧。我哋揀咗幾款食物，首先係海鮮葱煎餅。嗰個葱煎餅煎得香脆，入面仲有新鮮嘅海鮮及大量香葱，真係好美味！加埋特色醬汁一齊食，更加開胃！🍳🦐🌿之後，我哋點咗韓式炒粉絲。個粉絲炒得好香，配上蔬菜同肉絲，味道鮮美，層次感滿分，粉絲飲硬適中剛剛好！食完之後仲有啲韓國泡菜可以配，真係正宗又開胃！🍜🥕🥩然後就係韓式石鍋伴飯。個石鍋煮得滾滾熱，飯底夠焦夠香，上面仲有好多種類嘅配料，包括蔬菜、牛肉等等，每一口都好滿足！飯底會因為石鍋熱度而變得酥脆，真係一絕！🍚🥬🍤🥩最後，仲有牛筋骨湯。湯底濃郁，牛筋骨煮得軟腍入味，好滋補！喝完湯之後身體都覺得暖暖地，十分舒服！🍲🐮「韓雅林」絕對係一個讓你食到正宗韓國菜既好去處！不論係食物種類、味道定係服務，都無得挑剔！下次再想食韓國菜，我一定會再去。🇰🇷😋✨

銅鑼灣韓雅林韓國料理.味道：8/10🌟抵食：7/10🌟環境：8/10🌟.今日帶大家黎到銅鑼灣️食韓餐🤤呢間韓國阿豬媽經營嘅餐廳評價一向好高👍🏻小編推薦：1. 韓雅林牛肋骨皇超好味嘅韓式燒肉🔥肉質好嫩，韓式醬汁正宗得，醃得都好入味😍最貼心嘅係，小編因為淨係叫得一份燒肉，侍應幫手安排咗廚房燒，唔使自己開爐😌2. 牛肋骨湯湯底有濃厚牛骨味同清甜蘿蔔味，越飲越好飲，配上粉絲同飯，食完成個身都暖曬🫶🏻真係好適合冬天嚟！3. 泡菜湯湯入面勁多料！有豆腐、金菇、年糕、泡菜、豬肉等等，睇得出老闆係大方嘅人😆湯底同樣非常正宗好味，值得一試🤤.#香港 #食評 #foodie #食好西 #香港好去處 #香港美食 #拍拖好去處 #打卡銅鑼灣 #銅鑼灣韓國菜 #韓國 #韓國料理 #泡菜湯 #銅鑼灣 #銅鑼灣美食 #韓雅林

成日去銅鑼灣都會幫襯呢間韓國菜每次都係同一個韓國阿珠媽serve我地佢廣東話好叻又好好笑容 好親切㗎 又會主動幫手燒肉 坐定定等食實在太正呢度嘅小菜嘅款式都好多 食完可以refill每次都要食嘅就係韓雅林牛肋骨皇佢有原味同醃過嘅 我就鍾意醃過嘅版本 甜甜地阿珠媽用快炒咁嘅手法去燒呢款肉佢話咁係最好食 又的確係燒得好juicy嘅夾埋洋蔥絲一齊好正呀醃製豬排骨好大件 性價比好高個醃汁同牛肋骨差唔多 肉質嫩滑有彈性人蔘雞湯仲有隻新鮮元貝 蔘味唔太重糯米飯煮到好綿 最近天氣食個人蔘雞暖笠笠食完仲有雪米糍同紅棗湯做甜品紅棗湯超正 我添飲左兩碗😆

呢排天氣凍咗，有乜嘢好得過食過韓國菜？今日同朋友去銅鑼灣食一間韓國菜，韓雅林✅✅✅餐廳選擇非常之多，有醬油蟹，燒肉，傳統韓國菜，炸雞等等先黎個前菜8小碟，每樣都幾好食，又好配飯👍辣海鮮豆腐湯：以新鮮的海鮮和豆腐為主，湯底辣度適中。海鮮的鮮味與辣椒的刺激相融合，湯汁鮮美濃郁。豆腐的嫩滑口感與辣椒的辣味形成了一種絕妙的對比，帶來滿足且刺激的口感。辣牛肉粉絲湯：湯底辣度不高。牛肉的鮮嫩和辣椒的辣味相互融合，湯汁濃郁而有深度。粉絲的口感彈牙，與辣椒的辣味形成了一種獨特的風味，帶給人刺激且滿足的口感。韓國生牛肉：牛肉質嫩滑，口感鮮美。店員會喺現場幫你mix 埋☺️☺️搭配的醬料和蔬菜提供了豐富的風味層次，讓每一口生牛肉都帶來滿足且清爽的口感。韓國辣拌冷麵：辣椒醬和各種蔬菜，口感豐富多元。辣椒醬的辣度帶來刺激的口感，而冷麵的清涼感則平衡了辣味，讓人在熱夏天也能品味到辣味與涼爽的結合。食完嘢後，店員仲窩心地送上紅棗湯，飲完真係暖哂，補血補氣啱哂咁凍嘅天氣🥰

第一次試呢間韓燒, 估唔到味道正宗, 係家鄉嘅味道☺️唔怪得有咁多韓國客👏🏻’阿豬媽’好親切, 同我哋講啲伴菜都係佢自己醃, 其中嘅魚仔係韓國魚, 唔係大陸魚🤣不過啲泡菜又真係好好味, 阿豬媽之後仲主動幫我哋燒肉, 唔知係咪咁所以特別好味🤭韓雅林牛肋骨皇 牛肋骨真係冇得輸, 好香好腍, 仲好有炒氣🤤有時食醃咗嘅燒肉會比較鹹, 但係呢個唔會喎, 加埋個醬汁, 冇得彈烤特級雪花牛肉 睇到啲花紋都知靚, 好有咬口又Juicy😋阿豬媽教我哋冇醃嘅牛肉可以點淺色嗰個汁, 係有味麻油, 其實我覺得唔使點都已經好味😙我哋買單先知原來有甜品送, 係紅棗茶同雪糕糯米糍, 我平時唔太鍾意紅棗嘅味道, 但係覺得呢個幾好, 飲完暖笠笠好舒服☺️

最近無同呀媽出去食飯，所以前2日特登帶左佢去銅鑼灣食韓國野。今次揀左位於銅鑼灣廣場一期既《韓雅林》。餐廳傳統韓式裝修，我地2個人坐卡位好闊落，然後一坐低發現附近全部都係韓國客人。連韓國人都幫襯既應該好正宗🇰🇷之後有位呀珠媽上前菜俾我地，發現連佢都係韓國人黎，但佢識講少少廣東話。當晚嗌左3樣野食但食到超飽！食物質素又幾好，埋單連加一$700都唔使，絕對可以再去幫襯👍🏻前菜有成8碟，絕對唔求其！有泡菜、翠玉瓜、魚糕、茄子、土豆絲、豆腐、蘿蔔同菠菜，真係食前菜都可以食飽我呀😅🐷韓雅林鮮五花肉 $180 一場黎到緊係要試下燒肉既，我最鍾意五花肉包菜食。有成2大條五花肉，有呀珠媽專人幫我燒。睇住佢燒真係好有架勢！我既技術應該連佢既十分之一都無😅每一塊肉都肥瘦相間，帶少少焦香，外焦內嫩，肥而不腻。包住生菜或紫蘇葉，落少少麵豉醬、泡菜、蒜片一齊食，簡直好似去左韓國食燒肉咁呀😋🥬韓國生菜麵豉醬 $70呢到既生菜係要另外加錢，有生菜 、紫蘇葉、蒜片 、青辣椒、新鮮泡菜同麵豉醬。🍗甜辣炸雞 $230 食韓國野除左燒肉，一定要食下炸雞既。一上枱俾佢個份量嚇親！有成十幾嚿，仲要每一嚿都唔細。嚿嚿鋪滿甜辣醬汁，

韓雅林 (銅鑼灣)銅鑼灣軒尼詩道489號銅鑼灣廣場一期6樓。韓國餐廳香港大把，但係呢間我會特別推介，係因為環境好坐夠光猛，而且肉類高質，最重要係韓國老板娘好nice，睇到好多人都係熟客，同佢有傾有講，佢仲要識少少廣東話架 😯。燒肉方面叫左牛肋骨肉（$210）、鮮五花肉（$180），牛肋骨肉醃製得好入味 🥩 五花肉老闆娘親自過嚟幫我哋燒，學到唔少燒烤技巧，佢仲好nice教我地五花肉要配醃洋蔥食，果然好味好多 😍 醃洋蔥減去五花肉油膩感，食落比較開胃。韓式石鍋拌飯（$150）、辣牛骨黃菜湯（$150）習慣左食燒肉會食飯襯一襯，食韓國嘢叫石鍋飯就岩曬，辣牛骨黃菜湯黃菜同牛骨都煮到超淋，湯頭已經入曬味道 😋。@hanahrum.hk 。#gpigcwb

位於銅鑼灣廣場一期的「韓雅林」是屬於走中高檔路線的餐廳室內裝潢設計有格調🥂 而且大多是卡座 就算兩個人去也被安排到四人卡座寬敞除了有韓燒外  也提供小火鍋、湯品、醬油蝦等家常料理🔹️ 韓式前菜八小碟 (免費)這堆前菜也太豐富了吧😳有海帶、泡菜、甜辣魚糕、豆腐、白蘿蔔、小魚等等其實吃這些+白飯應該都很飽了味道很好😋😋🔹️ 燒豬頸肉 $150一碟份量頗多的想大讚它的調味恰到好處真的調得好好吃👍🏻肉質本來就非常好 很有彈性就算烤過 豬頸肉依然保留了濃濃的醬汁Perfect Match❗️🔹️ 烤原粒帶子 180一碟有8顆大帶子碟底本身帶有少許醬汁 不過比較稀所以不會蓋過帶子的鮮味私心覺得如果能夠原殼上會更好呢🤗🔹️ 牛肋骨湯 (附送一碗白飯) $150本來有點怕牛肋骨會太大塊很難咬沒想到湯裡的大部分牛肋骨已經處理好有一些已切成一塊塊也保留了一些牛肉連著骨頭牛味很濃之餘肉也很有彈性😋湯裡面簡單加了蔥、蛋花、鹽等等配上香濃的牛骨湯充滿鮮味😍讓人忍不住一直想要喝建議可以把白飯加到湯裡面變成湯飯一起吃 🔹️ 海鮮煎餅 (小) $130這裡的海鮮煎餅連著鐵板一起上能夠保持熱度裡面有不少海鮮例如魷魚粒和蔥即使點小s