韓雅林

營業中

休息中

韓雅林位於銅鑼灣軒尼詩道489號銅鑼灣廣場一期6樓係銅鑼灣站B1出口銅鑼灣廣場一期上1樓可乘搭電梯上6樓韓式燒烤燒雞肉$140好似雞脾肉的部分已用燒汁醃製放上網，每邊燒3至5分鐘至金黃焦香就食得雞肉好嫰滑，燒汁味岩岩好，帶點甜香辣海鮮麵$168大大碗有爽口蝦仁原隻青口鮮甜大蜆麵質好彈性湯底好香辣仲有少少椰菜絲辣炒年糕$118係甜辣醬岩晒唔係好食得韓國街道美食辣年糕既朋友有蛋絲同菜絲滿滿一碗醬油蟹$280醬油蟹比較大隻非常多蟹膏醬油帶點甜拌飯食，食唔停口呢間韓國餐廳好高質地方又方便岩晒朋友聚會或公司聯誼

今晚去銅鑼灣吃飯，這家餐廳的職員很多都是韓國人，連食客也有不少韓國人，味道相對正宗。前菜有豆腐、茄子、菠菜、芽菜、泡菜、薯仔等，頗豐富。⭐️醬油蟹&牛油飯醬油蟹和牛油飯組合是這家店的招牌之一。這道菜結合了醬油蟹的鮮美和紫菜雞蛋牛油飯的香濃，給人一種口感上的豐富度。醬油蟹的蟹肉鮮嫩多汁，搭配上濃郁的醬油汁，讓人回味無窮。⭐️ 牛肋骨肉 這款牛肉搭配上韓式特製的調味料，口感鮮美。每一口咬下去，都能感受到牛肉的鮮甜和口感的豐富度。⭐️烤豬肉 豬肉切成薄片後，放在熱鐵板上烤至金黃色，肉質鮮嫩多汁。搭配上韓式辣椒醬，增添了整道菜的風味。⭐️生菜 新鮮的生菜，可以作為包裹肉類料。將烤肉包在生菜中，一口咬下去，可以感受到蔬菜的清脆和肉類的鮮美，給人一種口感上的平衡。這裡的米飯也值得一試，是用高壓壓縮飯的方式烹調而成，入口煙韌，增添了整道菜的口感層次。

今日黎到位於銅鑼灣既哩間韓國菜餐廳。店舖環境寬敞，裝修雅致花心思，有大量卡位，全部都係沙發凳，坐得好舒適。餐牌～一坐低就會送上六款韓式配菜，包括泡菜、菠菜、豆腐、芽菜、茄子及薯仔，而且仲可以添加。🦀醬油蟹、醬油鮑魚、醬油蝦及牛油紫菜飯$449今次揀左個醬油海鮮套餐，包一隻醬油蟹，兩隻醬油鮑魚同埋兩隻醬油蝦。食完之後完全覺得叫哩個套餐係明智嘅決定！醬油蟹既蟹肉味道清甜，蟹膏勁鮮甜，記得要點埋旁邊嘅醬油一齊食！而食蟹蓋嘅時候，一定要刮埋蟹蓋旁邊匿埋咗嘅蟹膏出嚟，用嚟撈牛油紫菜飯真係超正💕最估唔到係醬油蝦同醬油鮑魚勁有驚喜❗️醬油蝦蝦肉結實彈牙，蝦頭係滿滿嘅蝦膏，真係超好食‼️而醬油鮑魚同樣彈牙，而且味道鮮甜，兩款都好新鮮，哩個套餐真係必食推介👍🏻🌶️海鮮嫩豆腐鍋 $158哩個海鮮豆腐鍋，除左有豆腐之外，仲有蜆肉、魷魚同蝦，佢嘅辣度比出面其他餐廳嘅更勁，香辣過癮～🦐🦑海鮮蔥煎餅 $128海鮮煎餅周邊煎得香脆，仲有個醬汁可以點埋一齊食。

覺得自己好似好耐冇食過韓國嘢，好耐未食過醬油蟹，今次朋友就搵咗呢一間喺銅鑼灣嘅韓國餐廳，餐廳座位都好闊落，環境唔會太嘈，整體餐廳環境都幾舒服㗎！坐低叫完嘢食之後店員就會先上六款唔同嘅泡菜，款款都好好食😋😋醬油蟹(1pc)🦀🦀$280佢哋嘅醬油蟹，無論蟹膏定係蟹肉都好多，連蟹肉都好鮮甜好味，$280一隻醬油蟹連埋紫菜蛋飯，個人覺得算計抵食👍🏻蝦煎餅(4pcs)🦐$138呢個蝦煎餅幾得意，佢係原隻蝦肉，沾上蛋漿煎熟，整成好似煎餅咁樣，蝦肉都係新鮮爽口嘅！炸醬麵 🍜$128講起韓式食物有點少得炸醬麵，呢度嘅炸醬麵份量絕對係重量級‼️醬汁唔會太鹹，配埋少少洋蔥同埋肉粒增加口感～海鮮嫩豆腐鍋 $158我鍾意呢個豆腐鍋，佢哋嘅豆腐鍋湯底唔會過鹹，撈飯好惹味開胃！成個海鮮豆腐鍋都好足料，有魷魚蜆蝦肉等等嘅海鮮🫶🏻🫶🏻

呢排成日煲韓劇，對韓國菜上咗癮，今日想食燒肉，就嚟到銅鑼灣廣場呢一間，呢度環境都幾大，座位好多都係卡位，坐得幾舒服，同朋友傾偈都比較好。醬油蟹食韓國菜一定要叫醬油蟹，醬油蟹味道很鮮甜，蟹膏味道濃郁，醬油蟹肉質鮮嫩幼滑，醬油味道帶有少少酒香，唔會太過鹹，店員會幫手將醬油蟹拆肉加埋去紫菜拌飯到，紫菜拌飯仲有生雞蛋一齊食，蛋味香濃，真係幾多碗飯都食得落。烤牛肉牛肉味道濃郁，肉質嫩滑，醬汁醃得很入味。牛舌入口爽脆，有咬口。

週末約左朋友去銅鑼灣食飯，我地揀左一間韓國餐廳，又可以燒肉又可以飲返杯傾下計🍻🥩 呢間韓國餐廳唔但只菜式豐富多樣，而且環境舒適，座位好闊落，好適合家庭或者朋友聚會～-醬油蟹叫醬油蟹免費配埋牛油飯，啱晒醬油拌飯、將蟹肉同蟹膏擠入飯一齊食，又香又鮮，味道令人難忘😌 佢地嘅蟹好新鮮，蟹肉嫩滑，蟹膏鲜甜、醬油唔太鹹。-燒肉食完醬油蟹我地仲叫左烤牛肉同烤雞肉，可以開火自己燒，兩款肉嘅份量都幾多，肉質好靚，調味剛剛好，可以配埋韓式配菜一齊食-泡菜煎餅煎餅係用鐵盤上菜，可以保持溫度同埋香脆口感👍🏻 食落有泡菜嘅香辣味，唔會太油，好適合送酒😋

好耐無食韓國料理，今晚食韓國菜😋銅鑼灣廣場韓雅林位置夠方便，味道正宗👍🙂個場好大，裝修好新淨，坐窗邊卡位十分舒適。🦀醬油蟹1隻配紫菜飯 $280新鮮香甜，豐富蟹膏， 醬油味剛剛好唔會太鹹。🥢辛奇煎餅 $128即係泡菜煎餅，非常香脆，一定要趁熱食😋🥩烤牛肉 $160牛肉片醃得好入味，肥瘦適中。🦐🍚海鮮石鍋拌飯 $160熱辣辣有飯焦，配料豐富，有蝦及魷魚等，食完好飽。最後仲送2粒雪米糍，開心。❤️

🐮醬油蟹配拌飯新鮮的醬油蟹和濃郁的蟹膏呢隻真係夠哂大隻！口感鮮嫩而且沒有腥味搭配紫菜拌飯增加口感層次食完回味無窮🐮辣炒魷魚辣度剛好給人些少舌尖上的刺激感魷魚彈牙熱炒夠哂新鮮好味🐮韓牛雪濃湯最喜歡韓國湯品牛肉入口即融非常嫩滑雖然湯的口味比較淡鹽提供了給客人根據個人喜好自行調味喜歡餐廳的給予客人彈性選擇另外前菜豐富有5-6款與其他食物好夾地方乾淨企理滿意♥️🐮韓雅林銅鑼灣軒尼詩道489號銅鑼灣廣場一期6樓

明明Openrice最初的帖是在多年前的, 但這晚到訪門前一堆花藍祝賀, 不知是否易手經營? 🤔 當然這不是重點, 餐廳內環境相當寬敞舒適, 深啡色的木板, 一盞盞三角吊燈, 最喜歡就是卡位牆邊不同顏色及不同古式圖案, 滿有韓式感 ☺️ 餐廳可以包廂房, 如果一班人到來不妨預訂, 私隱度高又舒適, 但我並沒有問最低消費。跟一般韓國店一樣, 先來了六款餐前小食, 小食中竟然有茄子, 薯仔超軟腍粉嫩, 味道微甜, 非常美味!!醬油蟹•鮑魚醬•蝦醬飯 $449可以分開散叫, 這樣一拼點當然比較化算 😁 這是我首次吃醬油蟹的, 第一口吃蟹膏時感受到超級濃郁的海水味, 理解我的都知我不太喜歡這種海水味, 出奇地這個海水味帶點鮮甜, 還可以吃得下 😝 蟹肉跟蝦肉都是透明超新鮮, 肉質爽口彈牙, 非常清新的感覺!! 然後把蟹膏與紫菜蛋飯一起吃又是另一種感受, 有點像吃手卷。 鮑魚非常厚身大隻, 相比起蟹肉蝦肉, 鮑魚比較煙韌軟腍, 味道雖然鮮甜, 但不如蟹肉蝦肉, 整體是一次非常不錯的體驗 🤗韓牛雪濃湯 $188喝到最熱騰騰的湯, 味道很濃郁, 用的是韓國上盛牛肉, 肉質非常軟腍, 近乎入口即溶的口感

冇咩韓國人唔認識嘅韓雅林 ，喺銅鑼灣做嘢嘅我已經食過幾次！最近去感覺耳目一新，而且菜式亦都越嚟越豐富！今次我就點左韓劇入邊最常出現嘅白飯小偷-醬油蟹！🦀伴住一碗蛋黃紫菜飯，當鮮甜新鮮嘅蟹肉伴上醬油淡淡嘅香味，果然係送飯嘅最佳朋友🐷食醬油蟹最緊要就係多膏同埋新鮮，而醬油味道又唔可以搶過蟹嘅本身，佢哋絕對完美體現到啊！水冷麵-又係一個經典嘅韓國菜，新鮮嘅梨加上涼涼嘅水冷麵，絕對係開胃之選！💓泡菜煎餅-煎到脆卜卜嘅泡菜煎餅，加上帶出鮮味嘅醬汁，一嚿接一嚿，見到我食得咁豪邁就知幾好味啦😝辣牛肉粉絲湯-充滿牛肉，粉絲，配菜，唔鐘意食飯既朋友叫呢個一定唔怕肚餓😂飽到上心口！

突然好想食醬油蟹男友又話要食燒肉俾我哋搵到韓雅琳兩樣都咁出色嘅韓國餐廳環境仲好寬敞舒適 🦀🦀🦀前菜有韓式小碟有泡菜、芽菜、豆腐、茄子、菠菜、薯仔仲可以無限添加🦀 醬油蟹 🦀韓雅琳醬油蟹好有質素 夠大隻又多膏 另配有紫菜蛋飯 撈埋蟹膏一齊食 可以食晒成碗飯 🐮牛舌牛舌有好多片輕輕燒一燒已經可以吃 味道很香濃 肉質嫩滑🐮烤牛肉牛肉沾滿醬汁 醬汁好香 肉質嫩滑🐙海鮮煎餅煎餅煎得好香口 餡料有好多海鮮同葱可以點埋醬汁一齊食更加惹味

總共有8碟拌菜😍 真心respect佢哋既心思同埋時間 包括茄子、菠菜、芽菜、薯仔、泡菜當中我覺得最好是係茄子、薯仔🌟真係每一道菜都好正宗 全部都好好食 凍凍哋 配埋熱辣辣既燒肉 可以解膩！餐廳定期換燒烤板 唔會等到太燶先換🍳 員工係韓國人 係我韓國朋友推介 佢覺得好正宗 有家鄉的味道👅燒牛舌👅：薄切 爽口 牛味幾出 豬腩肉🐖：店員會幫你燒埋 唔洗驚過熟 燒到豬皮脆脆哋 好彈牙 而且豬肉有少少炭香味！豬後厚度超級適合 有咬口 同時間配埋洋蔥同埋故令到肉無咁膩 韓式炒年糕： 辣醬唔會太辣 反而偏甜🌶️ 好易入口 份量唔係超大 年糕份量唔係超多 反而係多野菜、洋蔥、京蔥去調翻d味出來 脆脆哋🧅 炸雞🐔：炸粉超級脆卜卜 可以拍到asmr😂 但係絕對唔會太油 同埋炸粉夠薄！雞肉係連骨的 有黑肉同埋白肉 適合每個人yangcong口味～ 份量都幾多 真係有8+舊 好抵食 味道：🚀🚀🚀🚀.5/5 📍韓雅林地址： 銅鑼灣軒尼詩道489號銅鑼灣廣場一期6樓

今次去到韓雅林，係尖沙咀超人氣醬油蟹韓脈新開張姐妹餐廳，港島區朋友都有好味醬油蟹食啦！餐廳好闊落，有多卡位，仲有包廂，適合多人聚會。黎到一定要既醬油蟹配牛油飯，蟹膏十足，蟹肉超鮮甜🤤🤤將牛油飯拌入蟹蓋內，鮮味勁足！新鮮程度可以話係香港數一數二既醬油蟹之一👍🏻食韓國野當然唔少得海鮮煎餅，尺寸超大，配上香蔥，好惹味，配上魚露汁鮮味好突出黎到當然要叫返啲燒肉食下，我地分別叫左韓牛肉眼牛扒同五花腩肉。肉眼牛扒入口即溶，好重牛味，份量好多，配上特配醬汁食超滿足😙五花腩有兩大條，脂肪同肉比例剛好，燒過後外皮好脆身，配上鹽油同白飯好有口感🤤最後叫左兩杯飲品，分別係柚子茶同大棗茶、鮮甜解渴😙食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️🍽️ 餐廳名稱：韓雅林📍 地點：銅鑼灣軒尼詩道489號銅鑼灣廣場一期6樓

部長一句 “an nyong ha se yo” (你好)，加埋非常nice嘅笑容😃，令人好舒服並彷如置身於韓國嘅餐廳之中點完餐後已經立即端上6款免費嘅美味前菜，超豐富睇見已經流哂口水🤤，有豆腐、芽菜、菠菜、泡菜、茄子及薯仔嚟呢度一定要食佢哋嘅招牌菜醬油蟹🤩🥢醬油蟹 配紫菜飯 $280醬油味清甜並帶着微微嘅酒香，蟹膏甜中帶鮮，撈埋紫菜飯一齊食，絕對係高級享受，仲要有隻生蛋拌飯，好味指數升級🔝；蟹嘅肉質綿滑細緻，慢慢啜，好過癮🥢海鮮石鍋飯$160海鮮有蝦、魷魚、蜆仔、 生蛋、冬菇、芽菜、菠菜等材料，熱辣辣嘅石鍋飯撈埋辣椒醬一齊食夠哂惹味，食到底部仲有飯焦添，啱哂我哋🥢烤魷魚$188將原隻魷魚烤到香味撲鼻，然後剪開，再撈埋醬油及辣椒醬一齊食，可以enjoy整個過程之餘，又品嚐到魷魚嘅滋味🥢煎餃(4隻)$98煎餃都好大隻，肉味濃又夠juicy，點埋個酸酸鹹鹹嘅醬汁，滋味倍增飯後仲有雪糕糯米糍送添👍餐廳好多卡檯，而我哋仲被安排坐窗口位，坐得非常舒服；餐廳都幾大，所以一大班朋友嚟都好適合👍

食：第一次食豬頸肉是柴的🙃，正常都係彈牙的。我點都估唔到第一次食韓燒係要另外付費買生菜！我笑左。 牛肉是醃製的好入味，石鍋飯是沒有味道的。服務：叫咗第三次先有人幫我加水，沒有人幫我燒肉，示意叫我自己燒，無問題。中間全程沒有人加小菜，也不是大問題。種要收加一😅環境：似係剛裝修完，因為門口很多花牌，但是餐廳內環境似80年代。餐廳內有包廂。價錢是偏貴的，不會再有下一次，更會叫朋友避開這間餐廳，我食樓上任食好過。