韓雅林

營業中

休息中

最近鐘意睇大熱韓劇《背著善宰跑》，特別想食下韓國菜😆銅鑼灣廣場就有間正宗韓國餐廳－韓雅林，開業多年水準有保證👍🏻餐牌選擇甚多，醬油蟹、韓燒、肉類主菜、煎餅、年糕、湯麵、拌飯等應有盡有。店內有部大螢幕播放韓國節目，呢日有韓國人邊食飯邊睇波，幾有氣氛🤣🤣🥬韓式前菜點完菜就送上7款前菜，份量慷慨👏🏻🦀醬油蟹及牛油飯唔使飛去韓國食，係呢度都食到好食嘅醬油蟹🥳將澎湃蟹膏唧出，見到橙黃色嘅蟹膏已經覺得好吸引。醬油味不太鹹，食到蟹膏甘香味😋😋附送嘅牛油紫菜飯足夠兩個人分。🥩牛肋骨肉韓燒有多款肉類及海鮮選擇，可以叫店員代勞燒，確保燒得啱啱好😎牛肋肉份量不少，肉質非常軟腍有肉汁，醬汁入味，甜甜地幾好食😋🍕海鮮蔥煎餅用鐵板上保持熱辣辣🔥邊位煎得幾香脆，食落粉感不重，配料落得足，有唔少海鮮粒同蔥，所以口感都幾豐富😙😙🥟煎餃煎餃超級巨型🤣金黃色嘅外皮煎得好脆，裡面餡料好豐富。人均消費：$390推介指數（10分為滿分）：8分

朋友帶我嚟一間好有傳統而且正宗感覺嘅韓國餐廳，佢話呢度嘅醬油蟹好正，鍾意食醬油蟹嘅我一聽到就決定一定要試吓。落完單之後店員會將八小碟前菜送上，非常有誠意，我特別鍾意薯仔同埋泡菜！醬油蟹🦀呢度嘅醬油蟹比出邊嘅稍為大隻啲，所以蟹肉都比較多啲，味道方面唔會太鹹，絕對有足夠嘅鮮味，肉質軟腍腍，的確好食過出邊嗰啲！餐廳會預先將部份嘅蟹膏放喺蟹殼度，方便倒入去個飯度，連埋紫菜同埋油撈埋一齊食，同醬油蟹超夾。鮑魚蔘雞湯🐣另一款推介係鮑魚蔘雞湯，除咗兩隻新鮮而彈牙嘅鮑魚令人驚喜之外，餐廳仲將成隻雞放入湯裏面，每一啖湯都食到啖啖肉，而且肉質仲好嫩滑，湯嘅味道啱啱好，唔會太重人蔘嘅苦味，同時亦都好香嘅雞湯味。冷麵🍜冷麵一向都係我認為係比較開胃嘅煮食，口感涼涼哋，加埋煙煙韌韌嘅麵條，真係會令人上癮，店員仲會好貼心咁幫手剪開啲面，以免太長食得太論盡🤣木梨汁梳打🍹木梨汁係韓國嘅特色飲品，雖然口味方面比較甜，但係一路飲會食到一絲絲嘅木梨絲，夠晒清爽。

未試過咁難食嘅醬油蟹 雖然有好多膏係入面 呢個係優點 亦係唯一個優點 色水好談 醃唔入味 味道好單調 只有少量鹹味 連醬油味都唔係幾食到 非常腥 炸醬麵醬汁都非常稀 完全掛唔到汁 服務態度亦奇差 告知品質不佳後 解釋話之前太多人投訴太鹹 所以改良左偏淡（但事實係蟹本身醃唔入味 調味非常寡） 但係部長本人試完之後皺晒眉 都可以繼續話好食🙂🙂 仲略帶悔氣收走話幫我地取消 真係唔晦氣十足 服務為零真心唔會有下次 貼錢買難受 性價比極低 食物質素到服務都唔值佢個價錢

每次看完韓劇，都想吃一頓韓國菜。 來到銅鑼灣「韓雅林」，餐廳環境寬敞，裝修雅致，內裡有不少卡位，坐位舒適。 點餐後，店員先奉上多款不同款式的韓式前菜，包括：泡菜、薯仔、大豆芽、豆腐…等等，讓客人先開開胃。無論是醃漬、涼拌，味道都各有特色。😋餐廳使用QR code點餐，是日選擇：1️⃣醬油蟹 🍽淡淡的醬油香味，醬油味道不會過濃。蟹鮮甜美味，蟹膏滿滿，拌飯一齊吃，正！ 2️⃣鮑魚蔘雞湯 🍽兩隻新鮮的鮑魚，湯裡還有糯米、紅棗、人蔘。糯米吸收了雞湯和人蔘的精華，還有紅棗的清甜。雞肉嫩滑，滲有淡淡的人蔘香氣。 3️⃣炸醬麵🍽麵條彈牙，黑醬油亮、甜香撲鼻。4️⃣青梅茶🍽滋味酸甜，清爽又解渴。

前幾天，朋友突然很想吃韓國菜於是我們在網上找到了這間韓國餐廳。餐廳環境很韓式，座位很闊落，食物很正宗，餐前小食的份量很多。我們兩人叫了：🦀 醬油蟹＆牛油飯HANMAT Soy Sauce Crab 1pc $280💎 這道醬油蟹肉質鮮嫩,蟹香撲鼻,搭配香濃的牛油飯,是一道極具特色的創意組合。🍡 宮廷炒年糕 Royal Tteokbokki $128💎 這道宮廷風格的炒年糕色澤誘人,Q彈的年糕配上濃郁的醬汁,口感豐富層次十足。🦐 蝦煎餅Prawn Pancake(4pcs) $138💎 這款蝦煎餅色澤誘人,蝦肉鮮甜多汁,與香酥的餅皮相得益彰,是一道絕佳的下酒菜。🥩 烤牛肉Beef Bulgogi $160💎這道烤牛肉入口即化,肉質鮮嫩多汁,配以獨特的韓式醬汁,讓人垂涎欲滴。

啱啱從韓國返來，韓國嘢沒食夠，咁一定要揀一家韓國人打理嘅韓國餐廳。梨子汁，食韓燒必須叫埋韓國飲品，淡淡梨子味道，仲有粒粒梨子肉，好清爽。韓式前菜，有7款前菜，每款分量都幾大下，泡菜好正宗，同韓國食嘅味道一樣，香辣爽口。蘇子葉，會包埋店鋪特色大醬，大醬送上來仲用石頭鍋保持溫度。蘇子葉有好特殊嘅香味，同燒肉泡菜好夾。醬油蟹&牛油飯，蟹肉晶瑩透亮飽滿,仲要曝曬膏，食落好似果凍質感。就算落咗薑絲同辣椒調味，蟹肉都好鮮甜，一定係用咗新鮮花蟹醃制才可以咁好味。醬油蟹仲搭配埋免費嘅牛油飯，飯裡落咗無菌蛋同大量韓式紫菜。醬油蟹醬汁唔好浪費，倒落牛油飯撈埋一齊，食落好惹味。烤排骨，肉質好厚身同埋好大一件。排骨預先用韓式醬醃制過，食落鮮甜軟嫩，唔洗點醬已經好夠味。加埋蘇子葉同大醬一齊食，又係另一種風味。烤牛肉，一睇就知道係用咗新鮮牛肉。牛肉切得好薄身，微微炙烤已經可以食。牛肉略帶筋膜，食落牛味好香同埋有脆脆口感。

平時食韓國嘢去尖沙咀多，原來銅鑼灣都有一間幾高質嘅地道韓國料理！餐廳由韓籍夫婦主理，環境行懷舊家庭風格，坐得都幾舒服，價錢同份量成正比，每道菜都大大份～今次衝住佢個醬油蟹🦀，爆曬膏，仲有韓燒可以選擇，牛豬海鮮都有，全部都幾高質🔥！坐低之後，店員會先上自家製泡菜🌶️，款式幾多，入面個薯仔同泡菜都好出色！------------------------------🦀◖醬油蟹◗ $280醬油蟹分成件，有好多蟹膏，賣相一流，口感滑溜而且唔會腥，調味啱啱好，鹹香十足！會配上一大碗紫菜蛋飯，篤爆蛋黃撈埋啲蛋漿，加上醬油蟹膏，鮮甜滑溜，超正！😍🐂◖烤牛肉◗ $160佢係偏瘦嘅牛肉片，事先調味醃好，開猛火放喺網上面快燒一下就得！肉質軟腍，仲有少少焦香，好食！🍖◖牛排骨湯◗ $158除咗有牛排骨，仲加入咗蛋同粉絲去燉煮呢個湯，湯頭牛味濃郁🐂，加埋啲飯去自製咗個泡飯，索晒啲湯夠晒味！🍜◖冷麵◗ $138水冷麵可以根據個人口味調味，加入白醋同黃芥末，麵質口感煙韌，加上酸蘿蔔青瓜呢啲配菜，酸爽開胃，夏天食一流！🌟 Encore指數：9/10

🦀醬油蟹 $280 (牛油飯免費任加)🔥宮廷炒年糕 $128🐔烤雞肉 $140🐽烤豬肉 $150☕️凍咖啡 $38🔸本身人生淨係食過2,3次醬油蟹，之前觀感一般，但今次食到真係好出色嘅！呢間嘅醬油螿味道鮮甜，蟹肉又腍又 juicy♥️好鮮味而撈落個牛油飯好香，同時好啱香港人口味！🔸宮廷炒年糕份量好多，入面有牛肉同魚糕，保持到韓式風味。韓燒方面叫咗一份烤雞肉，一份烤豬肉，兩份都一樣香口，燒完肉質唔會太乾，豬肉係辣香感，雞肉就嫰滑！配菜都好有韓式風味。🔸凍咖啡有趣嘅係有椰子味但唔甜，驚喜之選！🔸總結咁講呢間新裝韓菜食物質素真係幾高，價錢合理，服務員都有禮，係銅鑼灣食韓菜嘅好選擇😙

店名: 韓雅林地址: 銅鑼灣軒尼詩道489號銅鑼灣廣場一期6樓銅鑼灣站C出口，行1分鐘環境: 4/5價錢: 4/5味道: 4/5今日放咗工，就約咗朋友去呢間傳統韓國餐廳🇰🇷試吓。一入到去餐廳環境好舒服，座位亦都好闊落👍🏻，大部份職員都係韓國人，但係佢哋亦都識聽簡單嘅廣東話，態度服務亦都唔錯🥰 客人亦都好多係韓國人，菜式好正宗，就好似返咗去韓國咁👀一上嚟就有六至七款小菜，有泡菜、芽菜、豆腐、菠菜、茄子、薯仔，一定有一款你鍾意食！呢度嘅小菜，平時其他韓國餐廳都比較少見架！✌🏻飯後仲送雪米糍添😙醬油蟹& 鮑魚醬＆蝦醬❤️❤️❤️❤️❤️$449呢個一上菜就完全吸睛，醬油蟹🦀多膏，蟹肉好鮮甜，食落去亦都唔會有腥味。一啖蟹膏一啖紫菜飯🍚好match。醬油蝦🦐咬落去彈牙黏口，啖啖肉好滿足❗️醬油鮑魚食落去唔會過硬，亦都好易咬。如果想一次過食晒咁多款呢個拼盤絕對適合你👍🏻海鮮蔥煎餅 ❤️❤️❤️❤️$128呢個一上碟熱辣辣🔥，份量都好足！入面亦都有海鮮魷魚，外脆內軟，咬落去好脆口🙌🏻，而且充滿蔥嘅香味。再配上佢酸酸甜甜嘅醬汁， 好開胃令我同朋友都一啖接一啖食❗️牛舌❤️❤️❤️❤️$150一碟份量好足夠，每塊牛舌都好厚身，咬落去

韓雅林地址: 銅鑼灣軒尼詩道489號銅鑼灣廣場一期6樓電話: =====================韓劇永遠都會見到大班人。圍一起吃著不同的韓食，如炸雞，五花肉、炸醬麵，年糕，飯卷等等，根本是用韓劇推廣美食，引到我口水流。先來前菜有7碟 ，有kimchi 豆腐，豆芽 ，薯仔朋友話好耐無食$280醬油蟹這個白飯殺手，肉用手壓按一下，再撈入膏同醬汁於白飯中，$160 海鮮石鍋飯，整到有小小飯焦，仲有碗湯附送。$298 辣炒章魚， 紅紅醬汁，有洋蔥椰菜同冷麵，個汁撈落麵度一起都好好食，惹味。最後有mini 糯米滋。#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介 #keto#lchf #生酮 #好去處 #igable #假日好去處

香港食過好多韓國餐都唔多正宗，今日喺銅鑼灣行完街無意中發現到呢間韓國餐廳，味道同韓國食嘅有過之而無不及；餐廳座位好舒適又闊落。職員先送上前菜7碟，我最推薦大家一定要refill佢個薯仔、炮菜同茄子☺️。H01醬油蟹 $280Soy Sauce Crab送紫菜飯有齊爆膏醬油蟹同免費送嘅麻油紫菜蛋拌飯，透徹嘅蟹腳啖啖肉，將醬汁撈飯擺落蟹蓋一齊食，食盡一滴精華。114 烤豬肉 $150 🧡Pork Bulgogi超好食必叫呀！醃料滲透曬豬肉內，一燒好啲肉汁出曬黎，嘩！啖啖肉juicy又香甜，肉質軟嫩，配飯食好開胃。520 海鮮嫩豆腐鍋 $158Seafood and Soft Bean Curd Stew用海鮮同豆腐製成嘅湯品，充滿海鮮嘅鮮甜，辣辣地送飯食好正。517 炸醬麵 $138Jajangmyeon食落就知超級正宗，就好似韓國餐館嘅一樣味，黑醬油亮、甜香撲鼻，撈勻口感十足又煙煙韌韌嘅麵食，超正👍🏻，而且份量超級大份。#韓雅林Han Ah Rum Korean Restaurant銅鑼灣軒尼詩道489號銅鑼灣廣場一期6樓

真係好鐘意食醬油蟹，之前去韓國旅行都會食返一餐但近排無時間去旅行，又心癢癢想食醬油蟹，放工就去左間由韓國人主理嘅韓國餐廳滿足一下店內設有大量化卡位，座位寬闊，空間感十足裝修充滿懷舊韓國設計，音樂一路播住 Kpop，感覺好似去左新沙洞食醬油蟹一樣除左必試既醬油蟹，仲有燒肉、石鍋飯、鐵板燒、炸雞、湯麵、冷麵、同其他韓式小食，款式選擇多食物方面:前菜 : 前菜有泡菜、辣泡菜、芽菜、菠菜、豆腐、茄子、蘿蔔，仲可以添加，無得彈醬油蟹 : 醬油蟹爆曬膏，醬油入味，肉質嫩滑鮮甜，將生蛋撈入紫菜飯到，再放落蟹蓋連同蟹膏一齊食，果然係白飯小偷，食飯都可以食多碗豆汁麵 : 非常大碗味道濃郁嘅凍豆乳，加入香口嘅黑芝麻及麵條，麵條掛滿豆乳夠曬滑溜，凍豆乳仲可以當飲品飲，岩曬夏天嘅消暑主食烤五花肉 : 兩條五花肉肥瘦間隔，肥而不膩，燒完之後再剪開一半，再蘸上烤肉醬就更加美味烤牛舌 : 牛舌厚度適中大大塊，肉質爽口嫩滑，最鐘意嘅燒肉之一

朋友唔講唔知🤔原來銅鑼灣廣場一期都有間好味嘅韓國菜，餐廳環境寬敞舒適，而且店員非常有禮，食成餐飯都覺得好舒服而作為傳統嘅韓式料理，當然唔少得嘅就梗係有多款前菜，泡菜、芽菜、波菜、豆腐、茄子等ღ醬油蟹 & 牛油飯免費 $280醬油蟹好吸睛，滿滿橙黃色嘅蟹膏蟹肉鮮甜入口唔會腥再將部分蟹膏、蟹肉放落去有隻蛋嘅紫菜牛油飯度撈勻嚟食真係好食到停唔到口🤤ღ牛肋骨肉 $210肉質鮮嫩多汁，帶有骨頭嘅香氣而且醃得非常入味，汁多味美😋ღ牛舌 $150牛舌油花細緻肉質幼滑鮮嫩，牛味濃郁ღ雞蛋羹 $80漲卜卜🤩入口細膩嫩滑口感超滑最後仲有雪糕糯米糍送🤤

韓式炸雞，pizza，快餐隨住近年韓風襲港變得十分普片，傳統韓國料理就相對少接觸。今日嚟到位於銅鑼灣中心地段嘅韓雅林。韓雅林地方寬敞整齊企理，無一般適合大伙人嘅韓式餐廳果種油煙味，足夠空間坐得舒舒服服。另外餐廳仲有可以容納十幾人嘅房間，適合晒一大班人一齊食飯聚會。先上菜嘅係傳統嘅韓式泡菜作前菜，包括咗白菜泡菜、涼拌芽菜、菠菜、茄子、醬煮薯仔，蜜汁小魚乾、豆腐等等，多種類之餘份量亦夠晒 generous！🌟醬油蟹 $280/1隻- 醬油蟹除咗大大隻之外，味道鮮甜，醬油嘅味道唔會掩蓋咗蟹本身嘅鮮味，蟹肉同蟹膏都浸透咗醬油嘅味道，配上紫菜蛋黄拌飯食非常開胃 😋😋🌟辛奇煎餅 $128- 薄薄嘅辛奇（泡菜）煎餅口感混合咗煎餅剛煎香嘅脆香外皮同軟韌嘅中心，辛奇煎餅雖然用咗泡菜但唔會過鹹，味道適中，加上熱辣辣剛煎好就上菜，正呀！🌟人參雞湯 $258- 用細細隻嫩雞製成嘅人參雞湯，足料，雞湯味又濃郁，原隻雞上，再加上糯米配韓式白飯，味道一流飲品🍵木梨茶$38- 酸酸甜甜，飲完令人覺得特別開胃🍻韓國啤酒 Terra $48- 用澳洲金三角小麥釀製嘅 Terra 係韓國比較流行嘅啤酒之一，味道清新爽口，嚟

食過幾次銅鑼灣的韓雅林，水準高，食物好味。今日主要係食燒肉同醬油蟹。醬油蟹$280一隻，配埋白飯同蛋。醬油蟹有勁多蟹膏，勁有麻油味，散發出誘人的香氣。一咬下去，鮮嫩多汁的蟹肉在口中瞬間爆開，，配埋白飯美味無窮。燒五花肉燒五花肉乃韓燒必點，餐會有專人幫手燒。五花肉肉質嫩滑，外層烤至微焦的表面增添了一層香脆的口感，內裡的肉汁則保持了豐富的味道。點一辣醬，再加上蒜頭、青椒，包上生菜，叫人一口接一口。燒牛肋肉牛肋肉切成均勻的薄片並且醃製好，肉的纖維綿密，醬汁令人開胃。燒牛舌牛舌薄薄一片，燒過一陣就食得，點上檸檬汁好正。牛舌肉質細嫩，一啲都不鞋口。餐廳仲有其他韓式菜式，例如海鮮、小食、鍋飯，應有盡有。餐廳就連韓式前菜都好好食，仲可以refill，抵讚。