韓雅林

營業中

休息中

朋友帶我嚟一間好有傳統而且正宗感覺嘅韓國餐廳，佢話呢度嘅醬油蟹好正，鍾意食醬油蟹嘅我一聽到就決定一定要試吓。落完單之後店員會將八小碟前菜送上，非常有誠意，我特別鍾意薯仔同埋泡菜！醬油蟹🦀呢度嘅醬油蟹比出邊嘅稍為大隻啲，所以蟹肉都比較多啲，味道方面唔會太鹹，絕對有足夠嘅鮮味，肉質軟腍腍，的確好食過出邊嗰啲！餐廳會預先將部份嘅蟹膏放喺蟹殼度，方便倒入去個飯度，連埋紫菜同埋油撈埋一齊食，同醬油蟹超夾。鮑魚蔘雞湯🐣另一款推介係鮑魚蔘雞湯，除咗兩隻新鮮而彈牙嘅鮑魚令人驚喜之外，餐廳仲將成隻雞放入湯裏面，每一啖湯都食到啖啖肉，而且肉質仲好嫩滑，湯嘅味道啱啱好，唔會太重人蔘嘅苦味，同時亦都好香嘅雞湯味。冷麵🍜冷麵一向都係我認為係比較開胃嘅煮食，口感涼涼哋，加埋煙煙韌韌嘅麵條，真係會令人上癮，店員仲會好貼心咁幫手剪開啲面，以免太長食得太論盡🤣木梨汁梳打🍹木梨汁係韓國嘅特色飲品，雖然口味方面比較甜，但係一路飲會食到一絲絲嘅木梨絲，夠晒清爽。