韓兄弟燒烤

營業中

休息中

這家在網路上頗受好評所以讓我這個愛吃鬼一直很想去吃吃看 牆上貼著很多明星照片 走進店內 可以感受到濃濃的工業風格，韓式汽油桶的烤肉桌上的小菜都是無限供應的喜歡它們的青瓜，酸酸甜甜的完全開胃啊我們點了精選豬肉套餐A $290生五花腩肉/梅頭肉/特級豬頸肉在準備開始烤肉前 店員會先在一旁的溝槽內放入蛋液，再加入玉米以及起司這是吃完還可以請他們續加的，建議大家這烤好後先吃，不然可是會焦掉生五花腩肉不會太薄，所以咬起來令人滿足不乾柴也不油膩，口感很好拿去烤盤上 濃濃的肉香味立刻四溢開來梅頭肉烤熟也是軟嫩~烤好後直接單吃肉，不用沾醬就非常好吃燉牛肋骨配飯 $88燉的很軟嫩的牛肉濃郁的湯頭，有著奶香味 而且這天遇到的店員也非常親切有禮貌 整個感覺不錯！ 紅磡祟潔街27及63號地下

我是很愛食燒肉的人所以我個個星期都會去食一食韓國野及韓燒等今次就黎左紅磡很出名既美食街有好多唔同既韓國食物因為我想試下TST以外既韓國餐廳我會覺得紅磡既既韓國餐廰會比較平啲啲因為我係岩岩開市既時候食所以可以影到餐廳既環境係好大既而且枱同枱之間都有好足夠活動既空間可以減少和其他人的碰撞呢間韓燒可以無限提供凍茶我覺得很可以解膩很細心既一點而且都有很多不同的配菜我和朋友先叫了炸雞這是必點的吧我次次食韓國野都會叫炸雞啤酒既咁先正這炸雞有兩個味有甜醬及spicy 我是比較愛食甜醬味的因為我覺得甜甜地好食啲而且食到入面雞肉味都仲有甜甜地既味道好好食呢個燒肉真係超正因為又有粟米啦又有蛋仲有我最愛既拉絲芝士加埋落熱啦啦既燒肉入面真係我最愛既食法之一如果想個味淡dd 仲可以加埋落去生菜包住食仲可以更加好食同埋可以有更加特別既口味而且燒肉既分量係足夠兩個人食入面仲包左唔同款既豬肉所以口味就一定唔會單一啦仲可以燒唔同既豬肉添精選豬肉餐A  ＄280

黎呢頭多數都應該係食加*賀 今日就試下新野囉噫～都好多明星黎過啵我地時間尚早，所以未有太多人。好韓風呀 咪電視劇戈d大家放工會去hea戈d地方❤️❤️❤️前菜可以refill的 佢d前菜好認真好好食呀 個青瓜 薯仔 ❤️❤️❤️大愛呀D豬質素好唔錯呀 菜同蒜頭記得問職員拎呀 蒜片配肉 好食到痴線😍 同埋我地燒到好out of control 好彩職員好貼心咁幫我地燒❤️韓國野就一定要有部隊鍋啦 好足料食到成肚珍味啦 我滿足了

可能今日好大雨，晚上7時左右，人流未算多，一入去係傳統韓燒店的樣子，圓形不銹鋼枱以及電油桶椅，一貫韓風。店入面有幾台電視播韓國歌，店主仲要係韓國人TIM!爐邊蛋係自己落既，有埋芝士同粟米。先來前菜有6樣，醃蘿蔔、醃青瓜、韓式泡菜、大豆芽、薯仔、菜。比目魚生魚拌飯 $88生魚完全唔係會腥果d魚，咬落幾有嚼勁，有少少魚鮮味，凍凍地，加上蟹籽，同拌飯，自己拌飯自己調辣度！$88又唔太貴，推介！辣八爪魚 $98原隻八爪魚，大大隻，咬落好爽口，口感豐富。因為醃製過辣辣地，燒完好爽口彈牙！特級豬頸肉$118肥肉較多，肉質嫩腍，一路烤一路出有油花，最好食最推介。食完真係肥幾磅。特級豬柳 $98肉質較瘦、脂肪比較少，有點嚼口。成台都係野食....好飽!整體唔太貴，氣氛有韓風，食完唔太油煙，略嫌位置有D難搵。

和友人一起吃韓燒，相約在土瓜灣。先來五碟的前菜，可以添吃的呢。有必備的泡菜，而且還有芽菜、菠菜等等。精選豬肉套餐A上桌時是一整碟整份套餐拿過來。 碟子上有一塊大豬排，兩塊五花腩和一件己切開五份的豬小排。另外還有兩塊雞髀菇片。最美味的是五花腩，燒了一會後，可用剪刀剪開一小件一小件的吃。 油花豐富，都滲進了豬肉的肉質中，不會有乾硬的感覺。豬排顏色不太好，但味道不錯。看到旁邊的桌子叫了部隊鍋，大大盤的，應該很美味呢！

友人話要食韓燒，山長水遠去到土瓜灣，這兒雖然無地鐵站，幸好餐廳走十多分鐘就有巴士站，可以坐1.5小時巴士回東涌的家。辣八爪魚，$98以為是生的，原來是急凍的。拿上爐燒，幸好不是冰的，雖然大大隻，不一會就燒好了。燒了一會便吃，怕縮水。自己剪開一份份，淋淋地都幾好。部隊鍋，$98本人最不明白就是部隊鍋在香港的興起原因，辛辣麵配午餐肉腸仔，就好像自己在家最廢最懶時吃的東西。當然在餐廳吃的會有不同，腸仔是司華力腸，還有焗豆、年糕片。充滿辛辣麵的味道。四個人，全靠部隊鍋內的即食麵食滯少少個胃，否則回家煮一樣款式的麵吃就搞笑了。

住喺土瓜灣嘅朋友帶我來呢一間韓式餐廳食飯，餐廳係內街入邊，真係唔係地膽帶我來，我都唔識，幾鍾意入面嘅裝修，不停播着韓國歌曲，幾好feel。我老闆原來韓國人嚟嘅，點出嘅時候好似去左韓國咁，中文再加英文來點餐，好搞笑。烤牛肉（首爾特色）$128見到隔離枱食緊呢一個好似好好味咁，咁我哋都點左一個，佢唔似一般嘅韓燒係一個平板上面燒，睇住啲牛肉燒嘅時候，牛肉汁慢慢流落去下面嘅配菜上，好香。牛肉好嫩滑，肉汁多，將佢夾係山菜入面食，一嚟冇咁熱氣，二來會口感更加豐富，除咗牛肉之外，佢哋嘅配料煮到最後都好好食，最鍾意佢嘅面，因為索晒啲牛肉汁，甜甜地，好好食。芝士蛋卷＄98上枱嘅時候俾佢嘅份量嚇親，有手臂咁長，用刀切開嘅時候滿滿嘅芝士， 多層嘅蛋皮包住芝士，上面仲有辣嘅醬汁，食嘅時候不會太膩，絕對夠飽。原味炸雞＄150睇佢個餐牌上面寫住係李家炸雞，外皮炸得剛好，唔會太油膩，入邊嘅雞肉仲有肉汁，點個韓式辣醬食，真係好似韓國食緊炸雞咁。雖然佢哋冇加一，但係前菜都比到好多款我哋，仲有都可以得refill。

食韓燒！店員送上6款kimchi 。我最喜歡白蘿蔔，甜甜酸酸的，十分開胃。我們食的是精選豬肉套餐A，有豬腩肉、梅頭肉及豬頸肉。肉類嘅份量不少，店員親切地幫我們燒野。首先燒豬腩肉，我相信係因為肥肉比較多，會出油。配合生菜，一點都不油膩。沾一點辣醬，更加出色。大大啖豬頸肉，好滿足。另外，爐邊有芝士粟米同蛋。食的時候，要小心熱。燒焦了有點可惜。還好只是洋蔥，反正我不喜歡吃洋蔥。這個芝士蛋卷，切開的時候，芝士一絲絲的。蛋不是嫩滑的，但配合芝士及酸酸甜甜的醬汁，蛋卷的口感豐富。

老早在instagram看了韓兄弟的資料，看到燒烤非常吸引，剛巧有機會有朋友R想吃韓燒，當然在口袋拿了這間餐廳出來。 誰知，一個颱風，大雨公路加唔小心嘅司機....放心，不是朋友出了什麼意外，也不是那淒美的愛情故事，沒有給最愛的說話，只是朋友R濕透身加上塞車，叫我在餐廳等了半小時，最後，在烤燒空氣中幾想食燒烤都因為時間和朋友病了而只能吃這裡的韓國小食。 濟州島特色豬肉湯麵 $78，以叉燒半肥瘦來呈上，爽口又多汁的肉質，湯麵中的蔥花紫菜碎滿滿的，香口味美，拍得上school food的那些韓式麵。 簡單的年糕餃子湯連白飯$88有不少驚喜，材料豐富，結實的餃子內含豬肉韮菜及粉絲，而年糕非常彈牙，甚有嚼口，湯底的蛋花滑溜溜，想把每滴湯都喝光，上上下下年糕餃子湯都和飯有化學作用。 飛魚子蛋卷 $98巨型得四人也可以吃個夠，茄汁甜芥末的份量剛剛好，蛋卷上的飛魚子脆卜卜，蛋卷略微乾身了一點，但還是很好味，喜歡那飛魚子在口中狂野奔遲，最後被濃濃的蛋包收覆，口感多層次。 最後要提的是兩杯飲品也不錯，覆盆子馬格利酒 $80，以6%的酒精，帶點點raspberry的甜味，女孩子也很

 呢間餐廳算大間, 坐得都舒服前菜有薯仔食,呢個都係我比較中意得小部分餐廳有炸雞有一半有醬一半無唔知係唔係刻意,無醬個邊岩我食D,因為我唔太中意食太濃醬味既雞,份量多, 肉身都算新鮮~牛肉係普通韓式牛肉黎~姐係之前我成日食既陽光味~份量都算多既~格離有埋金菇食~泡菜湯就比較酸, 個人覺得用爐整返熱辣辣會更好食~岩岩好可以放入韓燒個爐到整!生菜係俾人用黎燒個陣煮熟放係一邊用!不過我地都懶所以唔用haha

呢間店比我既感覺係好似韓國既燒肉小店, 價錢唔算太貴, 但係食物既質素都能夠保持到, 嗌左都幾多野食, 等我推介下呢餐有d咩係值得再去食架啦 韓牛, 個牛扒真係勁大塊, 一放落去就聽到滋滋聲, 然後一陣陣牛香就飄出黎。煮呢個既SKILL就係要等一面熟哂先翻另外一面, 再剪細佢慢慢燒側邊, 咁就完美了 食韓食必點既當然就有部隊鍋, 非常足料, 個拉麵底好入味, 全靠因為有咁多料, 特別係D午餐肉同我地平時食開既唔一樣, 口感更硬實而冇咁淋, 味道唔差, 一窩都幾大下, 2個男人食都食到飽!! 韓式薄餅, 食落既口感有d似有兩層餅底的pizza, d配料全部都收埋左係個餅底入面, 食落會更飽肚同埋我會覺得d汁都鎖左係入面, 所以個餅底都好夠味 正

一坐底店員就已經將前菜小吃放上枱面上 估唔到連前菜都咁多味, 我極力推薦既係泡菜, 辣得黎又幾野味, 邊等邊食真係一大樂事 佢呢度既水係檸檬水, 仲用個咁有特色個樽裝住, 同我係韓國食野見到一模一樣, 感覺即刻返哂黎 最鐘意就係呢一種燒盤, 因為上面油分佈得好平均, 唔會咁易煎膿舊肉 五花肉, 望到就想食, 佢仲要一早已經切好一舊舊, 方便燒之餘仲要肥瘦均勻, 上面就係魷魚, 我覺得最正既係佢一早已經硽好左, 入味之餘唔洗加咩醬料就可以落去燒 估唔到原來魷魚都幾易燒, 因為佢會由透明變到白色咁就已經食得lu, 當然要燒多一陣啦畢竟都係海鮮黎 佢既爐邊蛋勁快熟, 唔似其他有D韓燒餐廳咁, 煮極都唔熟, 而且最正係佢可以自己加配料, 有粟米同芝士, (仲可以自己加一開頭既前菜整泡菜蛋), 超多選擇

 上個星期黎左呢間韓兄弟。裝修簡單，通風做得唔錯，入到黎唔會好大油煙味。Ｍenu 方面，晚市可以叫set，亦有得散叫，價錢中價啦。我點左一個烤牛肉首爾特色同一個豬肉set。同正常韓國餐廳一樣，前菜一碟碟，有芽菜泡菜青瓜蘿蔔片等等。開開胃。韓燒當然唔少得爐邊芝士同爐邊蛋啦!爐邊芝士真係幾時食都好鍾意, 入面加D 栗米真係好味得黎又唔漏!爐邊蛋蛋漿撈得好均渾, 所以煮完都好滑。個爐都幾好碼力, 輕輕燒一燒就熟喇, 好快食得。個人幾鍾意呢間既豬肉，有肉香得黎，唔會太肥膩，好好味!下次我都會叫左D 豬肉。而牛肉呢，呢度比既份量都幾多，Ｄ肉好厚身，燒起上黎唔會太乾。佢會提供埋生菜，驚太漏既朋友可以包黎食! 烤牛肉首爾特色呢個係比較特別既一碟，佢有少少似火鍋，上面鋪左D牛肉，燒熱左既時間，牛既肉汁流哂落個湯度，令到個湯更加濃烈。下面就配粉絲，整體黎講幾好味，冬天食應該會好暖身！整體黎講，呢間餐廳都幾值得黎試下。價錢唔算係最平價既燒烤，不過呢度既菜色覺得有唔少都幾有特色，唔係間間韓國餐廳都有得食，可以一試。

今日同中同出街食飯，聽佢介紹話紅磡韓兄弟好食，所以決定咗今晚帶我食一入到門口就聽到有人講韓文，原來厨房有OPPA😂 見到啲枱枱櫈櫈圓型就知道，十足十去咗首爾食韓燒咁，仲有電視播少女時代同其星唱歌打開menu野食樣樣齊，仲有中、英文同韓文，咩人去都唔驚睇唔明有咩食啦！坐低咗無耐就有特色小食送過嚟，全部都係醃好嘅韓國招牌餸，有薯仔、菠菜、芽菜、青瓜、泡菜、蘿蔔片，食飯之前開一開個胃先！牛頸肉150g(＄138)我朋友好鍾意食牛，佢平時都會叫開牛肉，但係我唔食牛，佢又諗唔到食咩好於是就叫經理推介，呢碟牛頸肉份量夠一個人食唔會太多，肥瘦肉嘅比例做得標準，食落都唔會有雪藏味。呢度仲有專人服侍你幫你燒幫你剪，出邊好少有通常都要自己燒！特級豬頸肉150g＄118再叫咗份豬頸肉，呢份係我食嘅，啲肉又好大條好肥美！一如以往有人服侍，燒肉係包埋芝士同埋雞蛋醬，咁食啲肉嘅時候啲味道都冇咁寡。啲豬頸肉燒耐啲都冇問題，入口嘅時候非常之彈牙又多汁，出邊包住一層芝士簡直係正呀！忘記咗呢碗麵嘅名稱同埋價錢⋯⋯我哋兩個都驚唔夠飽嘅關係每人嗌左一碗飯同埋面share，我一向都鍾意啲比較淡口味嘅，所以就叫左呢個佢淡得來起碼

韓兄弟D燒烤勁特別，佢係有上面韓燒爐邊係加湯既同出面既好唔同，食左2種一個牛set 一個豬set，牛set就係爐邊加湯既，燒完牛既油份同味道落曬去湯到，特別有肉味同甜味，唔會食到好厭，韓式粉絲同d菜吸曬湯同牛味勁好食。燒豬肉set入面有唔同部位，唔會太肥但好有油香，用唔同部位燒香少少再用生菜包住會有唔同既感覺同味道，佢有提供辣椒醬同唔同既泡菜前菜好有風味而且爐邊有芝士 粟米同埋蛋，佢d蛋唔似有溝好多水既感覺好有蛋味同清甜。