韓兄弟燒烤

營業中

休息中

真係柳暗花明又一村！朋友話去食韓燒，仲以為去尖東，點知帶到去紅磡！最Surprise係個位置有少少偏僻，點知原來好多野食！講返韓兄弟，一間超地道的韓燒店，同首爾既燒肉店差唔多既setting，連老闆同員工都係韓國oppa，睇得佢地盡力用廣東話同我地對答，好彩身邊的朋友識韓文！  我地點左個精選豬肉套餐Ａ。兩個人既份量黎講，真係超大份！因為啖啖肉，去哂筋同骨。唔太識得分邊Ｄ肉算好食，但起馬依份肉既花色都算唔幾好！  店員哥哥好肯幫手添手換塊鐵板，幾乎煎完1 round就幫我地換！service超好！值得一讚既係，場內通風好好！可能個場好大，ｄ煙散得好好，唔會令到衣物有味道！佢地張「鄧」仔仲可以儲物，隔味又慳位。  朋友好想食韓式炸雞，我地都叫左份「雙併」的炸雞 紅色個款，超辣！仲以為韓式辣醬應該甜甜地 點知後勁和厲害，食到出哂汗，少少麻，超辣，好過癮！ 而黃色個款，係普通炸雞，可能食完辣版，所以覺得欠缺個性。

今天我和公司同事一起去試一間韓國燒烤店，他在紅磡但是在小巷之中，有點隱蔽！韓國燒烤興了一段時間，但似乎韓國的口味未必太適合香港人，很多韓國的燒烤店也倒閉了！我抱着嘗試的心態去這間，但食物令我很驚喜！我們叫一個辣味的八爪魚，他是原條上的看起來很新鮮，放進口便知道他真的，是新鮮的八爪魚，咬進去還有海水的鮮味！海鮮是不能欺騙人的，新鮮就新鮮，不新鮮就不新鮮！我再叫了一個韓式炸雞，我一向都認為KFC的炸雞比起韓式炸雞好吃，但是今次我改觀了，我叫了一個有辣醬和原味的炸雞，炸皮不太厚粉咬起來還有雞汁彈出來，辣汁明顯是刻意調配的，辣起來有點甜亦非常香！，辣味後勁厲害，今次我承認他們的炸雞比起KFC 的好吃

係睇演唱會前，既然出到紅磡，試下openrice推介既韓兄弟燒烤三人行，揀左：精選豬肉套餐A、韓式辣牛肉湯+米飯、飛魚子蛋卷。前菜有5小碟，好食喔！水係玄米茶😍😍任飲韓式辣牛肉湯+米飯又唔係好辣炸啵3個人都係$524-呢好好多海鮮食，由韓國直送，有海菠蘿、海腸？ 會郁既八爪魚，刺身等等在場都有好多韓國客人呢！店員有部分都係韓國人，服務態度夜係好好👍🏻👍🏻👍🏻店鋪坐得舒適，有book枱重有卡位坐

原來紅磡依條食街唔只有花之戀，原來仲有間韓兄弟，依間係專食過韓燒韓國菜嘅餐廳！食物都幾新鮮，燒左五花腩，豬頸肉，同埋牛舌，勁香脆勁好味，勁滿足🤭🤭🤭🤭🤭🤭佢啲爐邊蛋，會落埋芝士同粟米，令到成個口感非常夾！仲有仲有原隻燒八爪魚🐙🐙🐙🐙🐙好鮮好爽口！！仲叫左炸雞，兩隻味，有辣有唔辣，脆口，炸醬適中，個味幾好，辣味個邊，見到d紅色醬都出汗！好辣好野味！鐘意食辣既人一定唔可以錯過！仲有個小驚喜，依到既生牛肉真係好！好！好！食呀！一d都唔似食緊生牛，冇血淋淋個種口感，反而煙煙銀銀，醬既味道岩岩好，蓋左生牛嘅味，但又保留番牛味，係香港食過最好食既生牛肉沒有之一！🤗🤗🤗🤗🤗🤗

今次就同朋友去左美食街入面嘅韓兄弟食韓式燒烤。韓式泡菜食韓式燒烤當然唔少得各種韓式泡菜，而韓兄弟就提供六種泡菜，由普通嘅芽菜酸蘿蔔，到薯仔都有。各種韓式泡菜酸辣均衡，相當開胃。鍋邊蛋及芝士粟米依到嘅韓式燒烤亦有提供鍋邊蛋同芝士粟米，配上燒肉食簡直一流。hite啤酒食韓燒當然要飲返韓國啤酒啦。值得一讚嘅係玻璃杯都有雪凍，確保飲到冰涼嘅啤酒。飛魚子蛋卷飛魚子蛋卷份量比想象中大，蛋卷中間夾左好多飛魚子，加上醬汁，味道不錯。 精選豬肉套餐豬肉套餐就有五花腩、梅頭肉同豬頸肉。豬肉質素好，肉味濃有油香，肉質軟嫩。燒肉用生菜包住，再加上醬汁同泡菜一齊食可以增加層次，口感亦更好。

今日同屋企人一齊食lunch，爸爸話好想食炸雞，我哋以前曾經都食過呢間，覺得味道唔錯，所以今日就再次嚟咗呢度食嘢👅呢度嘅人唔多，所以唔使等位就直接有得坐。以前來呢間食嘅時候，啲職員成日嗌極都唔應，所以我哋唔係特別鍾意呢度。但係今日來嘅時候，換咗啲新嘅職員，而家職員嘅服務態度都好好，見到我哋有需要都會好快過嚟幫手！呢度嘢食嘅價錢都唔算話好貴，但係食物質素就好好，而且選擇都幾多，淨係午市優惠就有幾十款，任君選擇！我哋四個人叫咗個炸雞Share食，之後就一人點咗一個餐。呢度啲炸雞炸得香脆可口，肉質都幾鮮嫩，以前食過其他口味，但係都係覺得完味簡簡單單最好！之後我就食咗呢個港女摯愛嘅部隊鍋，佢嘅湯底有啲微微嘅辣味，送飯食一流！裏面無論係餸定係面嘅份量都十足，仲會附帶一個白飯，＄65就可以食到超飽！

萬聖節宋仲基、宋慧喬大婚日子，雖然由緋聞傳出到真正結婚總是有點令人難以置信，不過還是祝福oppa跟女神幸福快樂。 失去了個oppa，來吃個韓燒觀賞一下其他oppa吧。 餐廳叫韓兄弟燒烤，一進來真的所有都是韓國人，還有個疑似是韓國人老闆娘，全部都說韓文，不過簡單的中文都明白，加上親切的態度，我們指手畫腳都基本上溝通得到。餐牌來說想不弓這家小店有這麽多選擇，除了燒肉外，set dinner的熱食也有三頁。另外還有炸雞，但寫著是「李家」，令人想起尖沙咀金巴利街那家出名的炸雞店，難到是同出一徹？平日晚上還早，人不算多。餐廳就是很有韓燒風味的裝潢，數個圓桶圍坐一張鐵圓桌。雖然沒有拉下來的抽煙囪，但通風還好，不會太有油煙味，這是我覺得韓燒店最重要要做到的，沒有之一，因為太強烈油煙味會減低客人食慾。點菜後oppa立刻端上韓式前菜小碟，分別有泡菜、菠菜、辣豆芽、酸瓜洋蔥，以及下面的醃薯仔和醋醃白蘿蔔，簡單的醃物都很開胃，送飯一流。泡菜更是味道不錯，酸辣調節剛好，還保留爽脆口感。調味碟由上至下是燒肉汁、豆瓣醬和像是麻油般的汁，個人較喜歡燒肉汁，帶點甜的惹味。生菜洗得乾淨，簡單新鮮爽脆，一塊塊完整得來，大

今晚由喺紅磡呢頭返工嘅朋友帶路，食兩個韓國堂兄弟開嘅韓兄弟地道韓國菜。店內有兩幅介紹豬同牛肉嘅部位圖，唔識叫咩名唔緊要，想食邊個部位，指一指比店員睇就得：一坐底就送上前菜6款，好有誠意：首先點左兩個特別少少嘅頸肉：左：牛頸肉$178牛頸肉比較少食，原來呢個部位好淋嘅！右：特級豬頸肉$118食左牛再食埋豬頸肉～個人好推薦豬頸肉，同我之前喺其他餐廳食到嘅好唔同，無咩肥膏，唔會食到成口油，食落啖啖肉。爐邊有芝士粟米同蛋，芝士一融就可以食喇！值得一提呢度係用明火爐，個人覺得用明火燒肉香好多！烤辣八爪魚$98Oppa推介話今日嘅八爪魚好靚，辣味仲可以揀，我地揀左少辣，成隻夾起，好大隻好長！難得燒熟左之後唔會好似食橡筋咁，好淋！特色梅頭肉泡菜湯$68朋友想有飯落肚，點左呢個泡菜湯，亦都係可以揀少辣嘅，酸酸辣辣，好下飯！埋單價錢唔貴夠地道，值得推介

唔想成日去尖沙咀韓國街，可以揀紅磡崇潔街，呢間韓國料理店也非常地道，睇門面又經感受到。入面都幾大，有好多枱。除左韓燒，仲有韓國必食炸雞。Dinner set都好正宗咁，價格合理。先上前菜，都有六小碟。當中波菜有加蒜頭，蠻特別，其他小菜也不錯，喜歡醃蘿蔔片和薯仔。蜂蜜蒜香炸雞($180)，蜂蜜的味道濃郁，跟一般的甜味不一樣，醬汁加了青辣椒碎，帶點辣味，食起來很惹味，炸雞脆脆的，肉嫰嫩的。燉牛肋骨湯+飯 ($88)，有蘿蔔、粉絲、蛋絲、牛肉，睇落以為好簡單，食落就知湯很清甜，牛肉很稔，好吸引我的味蕾，很棒的一道菜。砂鍋牛肉飯+芝士 ($75+$10)石頭飯味道不錯，帶甜味，材料豐富有翠肉瓜、紫菜、紫蘇葉、蘿蔔、洋蔥、牛肉，芝士，攪拌後可以食到脆卜卜的窩巴，馬蘇里拉芝士味道不會太濃，剛剛好，值得推介。海帶湯有大量海帶。芝士蛋捲 ($98)蛋卷做的很有層次，夾住芝士，配茄汁和蜂蜜芥末醬，食出多重口感滋味。店員係韓國人，能操流利廣東話，很厲害！整體黎講能食到正宗的韓國料理風味，cp值甚高，下次黎要試下韓燒。

有朋友話呢間韓國燒烤係韓國人開，食既味道正宗韓國既，就黎試下。開口位置都幾大，感覺唔會求其開，入到去收銀處既應該係韓國人老世，一入去都好nice咁好快安排位置俾我地，d位間隔唔會好迫，坐落好舒服。一坐低侍應就俾左6碟前菜我地，有酸白蘿蔔片，辣青瓜，菠菜，泡菜，辣芽菜，仲有薯仔粒，都係開胃菜👍🏻👍🏻👍🏻👍🏻👍🏻👍🏻味道一流。調味料都係平時韓燒會食到既🤗精選豬肉套餐🐷🐷🐷有雞脾菇，梅頭肉，五花腩肉，特級豬頸肉，洋蔥圈。d肉質都幾鮮美，唔會似擺得耐既雪藏豬肉咁。另外個爐邊侍應會幫你倒d蛋漿同d粟米粒芝士落去，熟左之後個芝士粟米粒出奇地好好味👍🏻😋😋如果你嫌要自己燒又或者驚自己唔識燒既唔緊要，呢度d侍應同韓國既一樣，會過來幫你睇火，幫你燒，幫你剪埋，服務一流👍🏻👍🏻👍🏻🤗所以唔怕會燒燶又或者唔知熟未啦。蛋漿半熟狀態已經可以不黎食了🤤🤤🤤辣八爪魚佢會用調味料奄過，原條八爪魚仔俾你燒，燒後味道相當不錯，可能佢d奄料好味，但會有少少辣芝士泡菜餅呢道菜真係值得一提，平時出面叫類似呢款既菜，食一至兩件後已經覺得好濟，食唔至落去，但今次呢個真係食完一件有想追落去食第二件既感覺，我地2個人都可以清得晒呢碟野

隨意在openrice搜尋一下那裡吃韓燒, 特意選了些遠離油尖旺的地區, 希望不多多人, 結果找到這店室內有兩個範圍, 靠近正門及一排活海鮮的魚缸是一些時興的燒烤格局, 坐在圓鐵桶上, 以細圓枱燒烤的, 靠內面的是正常枱櫈佈局, 幸運的話可坐到全場唯一兩張的卡座呢...蒲坐下便被端來前菜, 正常份量及選擇接著是汁醬, 配菜等等點了牛肉, 不錯的份量及肉質, 味道亦相當美味; 職員會來為客人燒烤一些, 久不久會來看看有沒有需要幫忙的地方, 或指點一下食法及煮法, 不錯的服務!其餘點的食物都令人滿意, 這地方是絕對會能令人再來光顧的!

上次朋友帶路認識左紅磡食街，呢條食街係係紅磡廣場附近，穿梭係d工業大廈入面既崇潔街。叫得食街就當然開滿大大小小唔同國家既美食，今晚我就揀左韓國做代表。呢間韓國餐廳係係崇潔街較中間位置，當眼易搵。餐廳裝修簡約，地方寬敞，主要係以灰色同黑色做主調，不鏽鋼既餐枱加埋油桶型揭蓋凳，都係有種韓式地道餐廳既感覺。至於d服務員仲係韓國本土既，播埋韓國pop music，唔講真係以為飛左去韓國。Menu呢度主打韓國燒肉，但係都可以order韓式料理，好似部隊鍋、韓式薄餅、炸雞、餃子、壽司卷等等...好多選擇係未正式開動之前例牌都會有前菜，呢度仲有成6款tim，真係甜酸辣有齊，包你醒胃，唔夠食仲可以添加架。精選豬肉套餐A（400g）$290呢個豬肉套餐有五花腩肉、梅頭肉、特級豬頸肉同洋蔥伴碟。豬肉肉質唔鞋，紋理分明，油脂平均，豬頸肉食落爽口，五花腩肉嫩，至於個梅頭肉就夠軟身，冇話入口即溶，但係豬肉可以燒到呢個口感真係唔錯最正既係可以燒完d肉點爐邊蛋同芝士粟米，簡直係perfect match海鮮炖豆腐辣湯$68呢個湯仲有白飯跟，大碗抵食，料多味道又醒胃，辣度適中，又唔會太辣，豆腐超嫩滑，蝦肉新鮮不過si

紅磡呢頭一直都出名多嘢食， 除咗掃街之外仲有唔少嘅餐廳都好吸引， 今次就試左呢間叫韓兄弟嘅韓燒~入到坐環境相當闊落，坐得好舒服， 裝修都好有地道嘅韓式風格~豬肉set，份量都幾多下， 有唔同嘅部位，例如係豬腩肉，同埋豬頸肉等等~ 全部都冇乜點醃，原汁原味，方便顧客自己燒好準備食時自己加上配料~呢道菜令人好驚喜，一切開個蛋皮外層之後入面全部都係濃厚既流心芝士， 每一啖都食到芝士，好幸福~😍呢間餐廳好大，相比之下可能樓面既人手就唔夠，侍應們都好忙噢~

韓國餐廳越開越多，今次食呢間「韓兄弟」都算係我食咁多間韓國燒肉裏面最正宗嗰間！點左精選豬肉套餐A，特色梅頭肉泡菜湯，芝士蛋卷，食燒肉同埋點少得燒酒同啤酒！精選豬肉套餐裏面有生五花腩肉，梅頭肉同埋特級豬頸肉！前菜點少得！店員會開咗火之後，加啲蛋漿係側邊，之後仲有芝士同埋粟米！燒燒下嘅時候，店員見我哋雞手鴨腳就主動過嚟幫我地燒埋，之後仲教我地食咗五花腩先，最後先食豬頸肉，真係好細心！啲豬肉全部都肥瘦均勻，包埋啲菜食，非常得！其實啲材料靚真係點煮都好食。個特色梅頭肉泡菜湯，有一個白飯跟埋。個湯出奇地唔辣，裏面仲有豆腐，撈飯一流！呢個芝士蛋捲係我食過嘅咁多韓式蛋卷裏面最好食嘅！啲蛋煎得有好滑，啲芝士仲要勁多，份量又夠大，個人應為好抵食！3樣野食，3個人食啱啱好，價錢公道，值得再黎！

呢間餐廳坐落係紅磡嘅一條美食街裏邊，店面幾大，好容易搵見到門口啲相，發現呢間韓國餐廳係由韓國人開嘅，相信可以食到地道嘅韓國菜，就吸引左我同男友入去一試前菜有六款，有大豆芽、蘿蔔、薯仔等。每款都好好味，可惜食完再添之際，店員話只可以揀兩款，我就揀咗大豆芽同埋薯仔。好耐冇食韓燒嘅我哋，見到呢度啲肉嘅價錢都唔貴，就決定燒下佢啦肉嘅肥瘦比例幾靚，仲跟左兩塊雞髀菇同洋蔥，同埋生菜可以包住啲肉食。仲有爐邊蛋同埋芝士粟米，我同男朋友都非常鍾意食呢個芝士粟米呀店員有時候仲會過嚟幫手燒，又會提我地啲肉要反得密啲咁多款肉裏面，我最鍾意食嘅就係五花腩，小小厚切，食起上嚟有口感，油香亦都好豐富，邪惡得來又好好味呢間韓燒嘅價錢唔貴（平過絕大部份嘅韓燒店），加上又係韓國人主理，可以食到地道嘅韓國風味（話說當晚有兩台客人都係韓國人～）。餐廳環境亦都唔錯，油煙味唔算好勁，大家可以一試