韓兄弟燒烤

營業中

休息中

雖然二月很多很多假期，也正因為如此二月剩下的日子特別難捱！今天終於來到二月的最後一天了，一定要吃些自己喜歡的獎勵自己！跟在尖沙咀工作的好朋友約了吃晚飯，但她說工作又在尖沙咀，晚飯又是尖沙咀，實在有點不自在。那麼，到附近的紅磡又怎麼樣？想著想著又搜尋著，烤肉好像也是一個不錯的選擇！就決定了到這家韓兄弟燒烤試一試，聽說是兩個韓國堂兄弟開的地道韓國菜哦！我們點了...芝士蛋卷 - $98點了這個芝士蛋卷作為前菜，芝士算是不少，而且份量超大！剛剛好工作過後要補充大量營養吧，芝士的拉絲什麼時候都是這樣子吸引的！海鮮豆腐辣湯 - $68這個海鮮豆腐辣湯的豆腐是挺滑，材料很多，而辣度是剛剛好，沒有太過嗆！還有一個白飯送上，一定飽肚吧！精選豬肉套餐 A - $290喜歡燒腩肉的我們點了這個精選豬肉套餐 A，分別有三款肉類，五花腩 、梅頭肉、特級豬頸肉！韓燒的烤盤當然不可以沒有蛋漿，是定律來的！五花腩的脂肪就是精華，我就比較喜歡燒得過火一點，這樣子特別脆，也不會太肥膩！特級豬頸肉超爽口，吃多多都可以！店內有多款熱門的汽水類別跟韓國的罐裝果汁，價錢也算是大眾化！ 趁有機會一定要發掘多點紅磡的美食了，交通愈

岩岩去完韓國返黎,,已經好掛住當地的烤肉所以約朋友去食返餐, 回味一下。一坐低就送上六碟小吃, 味道唔錯(Kimchi, 著仔, 菠菜, 大豆芽, 小黃瓜,白蘿蔔)我地點左二人SET,有五花腩肉. 梅頭肉, 特級豬頸肉五花腩好厚身,好嫩口又juice, 另一食法係配上生菜Kimchi大豆芽再放入辣醬包著食 (可以再加入白飯,包住食)呢個食法無咁油膩, 又唔會一味食肉only~~海鮮豆腐湯, 好足料,有大大的豆腐而且好滑仲有蝦,蜆,冬菇,金菇,雞蛋等等..湯的味道好濃郁, 岩哂重口味既我飛魚子蛋卷蛋卷一d都唔油,份量好大份,, 入面仲有好多魚子兩個人食真係食唔哂食完呢餐真係置身在韓國一樣

朋友岩岩搬到紅磡呢區，話屋企附近有間韓國人主理既地道韓國菜，就決定去朋友屋企玩下兼試新野。星期一夜晚，店入面都半滿，仲有3group韓國人食飯飲酒。耳邊滿滿既韓語👍🏻👍🏻坐底先上6小碟，一貫韓國味道！今日就點左三款食物，蒜香蜜糖雞翼，精選豬肉套餐，泡菜湯。最先上既係雞翼，好脆！密糖汁上仲見到一粒粒蒜蓉，蒜容微辛，但配上密糖汁非常可口！食緊雞翼既同時，豬肉set就到左喇，老闆就介紹返，有五花肉，豬頸肉，梅頭肉。先燒五花肉，好香，燒好點醬包菜食，完全無罪惡感。但注意既係軟骨部分比較硬，建議可以剪左佢。豬頸肉，肉比較厚身，燒既時間比較耐，但燒到外面微蕉，內裡熟透後非常好食！梅頭肉，啖啖肉，食得非常開心😃泡菜湯，豆腐非常嫩滑，湯底有蝦仔，蜆，同肉粒。用呢個湯配米飯作結。非常有滿足感既一餐。

朋友想食韓燒，搵到呢間話係由韓國人打理既韓燒店店面同環境都好有地道既韓國風味，同其他滲入港式味道既韓燒店唔同，呢度就好似真係首爾街頭會見到既韓式燒肉店一樣，好有韓國本土味店內播韓國節目，四處都係韓文，加上聽到廚房內工作人員都用韓文交談，真係呃到自己以為去左旅行講返食物，一坐低先黎六碟前菜，個人覺得佢既薯仔、泡菜同青瓜都好好味鍋邊芝士粟米同蛋漿叫左一個豬肉套餐，入面有五花腩、豬頸肉同梅頭豬肉，份量足夠兩人食用鐵鍋燒肉特別夠鑊氣秘訣係唔好燒咁耐，剛好熟就食，肉夠新鮮就做到多汁又嫩滑一邊燒豬肉，鍋邊既拉絲粟米同蛋已經食得另外叫一個芝士蛋卷，去親韓國食店都忍唔住叫蛋捲！呢個蛋捲煎得夠嫩，唔會太乾抽走哂啲水分，入面仲有芝士令口感更豐富$98大大碟都算抵食整體黎講呢間店最吸引人既係佢既正宗韓國風味，可能因為真係由韓國老闆主理，餐廳環境佈置同食物用具都充滿韓式氣氛，如果好懷念韓國又或者好想感受韓式風情，一定要黎呢間正宗韓燒店

突然好掛住韓國既食物，但又食厭一般連鎖韓式餐廳。聽朋友講黃埔近年都開佐唔少韓國餐廳，於是就想過黎尋下寶～ 無意之中就發現佐呢間由兩oppa開既韓式餐廳。一入到間餐廳就好似返到去韓國咁，有勁多韓國人食緊😂 睇menu，基本上呢間餐廳包括佐成個韓國唔同總類既料理，由一般韓燒到濟洲既刺身都有齊曬！睇到我同朋友樣樣都想叫黎試。我地叫佐炸雞、牛肉燉湯同埋一set豬肉韓燒。當中真係超推介佢個牛肉燉湯！佢唔似其他餐廳勁多雜菜得幾塊牛肉，而係落足料，有4-5大舊牛肉，個味都好濃郁～想回味韓國菜可以過黎試！

曾經係韓國食過一次韓牛，成日都好懷念個味念，估唔到係紅磡可以食得返入到去見到餐廳門面已經好似去返韓國旅遊果時既感覺。好似離開左香港去左韓國食野咁叫左精選牛肉套餐A同埋韓兄弟半半。牛肉既質感同係韓國食到既超級相似，如果鍾意食韓牛既朋友絕對可以去試下。而且份量方面都好足夠，一個套餐足夠兩個人既份量。加埋爐邊蛋同芝士粟米，包埋生菜一齊食，百份百韓國風味。韓兄弟半半就係豬肉飯加辛辣麵，滿足完韓牛既慾望再滿足埋韓式伴飯同辛辣麵

朋友帶左我黎呢度食韓燒，好似好有名咁喎，不斷左食客到訪，而且好多都係韓國人添呀！點菜後送上六小碟，是晚有甜薯仔，泡菜，酸蘿蔔，菠菜，大荳芽，同酸青瓜。味道天然好味，淨係食佢地加個白飯已經好正啦，哈哈。燒肉用的醬料麥茶，店員實在太忙，自己去拎左一支睇餐牌介紹，好似呢款係傳統燒爐黎，個盤好重好傳熱。精選牛肉套餐A（$490）有牛肉眼扒，牛頸肉，牛五花腩，全部加埋約400g。我地先燒左最肥的五花腩，出左啲牛油先，之後燒牛頸肉，最後係肉眼。三款肉都牛味濃郁，無調味的原汁原味來的，靚牛基本上連醬汁都不用點，有口感之餘牛味回甘，好好味呀～開波，燒！蛋漿，是甜蛋來的，甜甜地幾得意。仲有芝士同粟米一半蛋，另一半就梗係芝士粟米啦，瀜左嘅芝士做到拉絲較果，好正。肉眼呀勁好味呀！蒸餃子（$55）原本叫泡菜餃子的，但餐廳無貨轉左做豬肉餃子，一客四隻勁大隻。飽滿的餃子，餡料是豬肉白菜，食落好多汁呢，加點辣汁超好味。真係好味喎，朋友無介紹錯PS。前菜，蛋漿，芝士粟米都是可以添加一次的。

同大學同學好耐無見,我地決定食餐好既! 因為佢本身住紅磡, 好熟邊到有好野食!而佢今次就推介左韓兄弟燒烤, 令到我勁期待!不過不得一提間餐廳地理位置係有少少唔方面, 要行成15分鐘, 天氣咁凍係有D辛苦!但一去到食到D燒肉就即刻暖番啦哈哈我地兩個人叫左豬肉套餐, 牛五花腩同一份炸雞!爐邊放左芝士栗米同蛋, 超好食!推介豬肉套餐裡面既特級豬頸肉, 用爐燒香兩邊變金黃色，加少少醬，好爽口又唔油膩, 用生菜包住食就一流!另外幾款豬肉都唔錯,大大份夠厚身! D脂肪同肉分佈平均，好味。但係牛五花腩其實即係肥牛LOL 無咩特別!建議大家點其他牛肉!最後個炸雞都幾香口,唔錯!略嫌少貴, 兩個人食完加埋一要800幾蚊, 不過勁飽同幾好食!

崇潔街出名多野食，今次比呢個大魚缸吸引左。香港韓燒店有大魚缸真係好少見，入面有左口魚，海腸，鮑魚，活章魚喺度游水哩店員安排我地坐卡位，座位旁仲畫左d畫，好可愛Menu上好多韓食種類，李家炸雞，湯鍋拉麵，燒肉，魚缸既海鮮全部可以做刺身。先送上6小碟前菜泡菜，開開胃。燒煱加上蛋汁，客人可按自己中意加入芝士，粟米。我地點左【精選豬肉套餐】，有五花腩肉，梅頭肉，豬頸肉。一大盤上檯好新鮮，最中意韓燒燒無醃既肉，咁先食到最鮮，最原味。五花腩肥瘦平均，痴住小小豬皮，好香口。梅頭肉燒到medium剪開再4邊燒，鎖住肉汁沾埋麵豉包菜食，呀！不可不提豬頸肉，燒到有脆邊呀，加埋肉質煙韌，口感十足。另外仲點咗【吞拿魚蛋卷】，熱辣辣上枱，切開中間出哂煙帶出陣陣吞拿魚香味，加埋上面既茄汁更突出蛋香。

放工整完野 係紅磡附近 娘親話想食韓國野 於是上網搵到呢間 一於坐企食時間尚早 未係好多人前菜未點就來了 唔知係咪無限refill, 因為靜係食左一次兩個人 叫左個精選豬肉套餐A 見到有400g肉 應該夠食 再叫多個芝士蛋卷落完單就係爐邊加蛋槳同埋芝士粟米 隨即套餐都來了分別有五花腩肉、梅頭肉同埋豬頸肉，兩片菇好一舊洋蔥先燒左韓國人最愛既五花腩 唔會太肥 個人認為岩岩好，兩大塊剪開有10小舊左右 薄薄地 用生菜包住食再加醬油同泡菜 好好食一啖食哂 唔會太肥 反而覺得幾健康後來燒埋豬頸肉 有五件 都幾厚 食落口好爽脆唔錯 梅頭肉就相對較大件 一大塊加厚 五分鐘左右食得 唔會好un 不過真係食到好飽 後來冇包生菜 就咁點醬油食 感覺肥膩啲 都係建議包菜食菇都好香 但太薄 如果厚小小會更好 而蛋同埋芝士粟米都好香，芝士粟米唔會太重芝士味連埋粟米食甜甜地 唔太餾 連唔中意食芝士既媽媽尬話接受到最後上埋個芝士蛋卷 呢個真係讚蛋卷加茄汁再加芝士味 味道岩岩好 唔好偏重芝士或蛋 加埋茄汁就更香更甜 真係好好食 總括來說呢間韓燒既份量唔小 起菜時雖然得幾件 不過眼闊肚窄 食到兩人捧住肚走 味道都好好

話說老公今日喺紅磡附近做嘢，佢話之前見過呢度有間韓燒好吸引，話要帶我去搵oppa燒烤店名字叫韓兄弟，名呼其實搵oppa喎真係店內裝潢真的似韓劇入面男女主角去韓燒的地方，十分地道是的呢！店員有禮邀請我們到座位後奉上menu和配菜韓兄弟送上的配菜比其他的韓燒為多，老公吃不停口，配菜亦是十分醒胃！店員和我們說道粟米混有沙律醬，並再加上芝士粒，我和老公倒是第一次這樣吃，十分特別。店員為我們倒上蛋漿和於另一邊倒上芝士粒和混了沙律醬的粟米亦十分有禮地提醒我們一熟便要吃，要不會燶和痴底真的是十分體貼是的！嘩！芝士粟米更有拉絲效果！讚！燒肉方面同老公點左生五花腩肉(上)同牛五花腩(下)店員十分有禮提醒我們要先食豬腩肉，因為豬的味道較為淡味，要不會被濃味的牛肉搶了味道。真是有所不知呢！豬腩肉肥美厚肉，配上生菜和泡菜簡直絕配一流！另外牛五花腩亦肉質甘香，令人食指大動！凍冰冰嘅天氣當然要點湯！湯是特式梅頭肉泡菜湯，非常暖胃！而且泡菜和梅頭肉份量不少，十分足料！而且充滿香濃泡菜味，十分適合寒冷天氣下吃！韓兄弟除了有韓燒和韓食外還有炸雞！想一次過品嚐所有韓國食物的朋友一定啱曬！愛食炸雞的老公點了原味炸雞和甜辣醬

今日細妹生日，所以一早就安排去食韓國野。最後由我呢個英明大哥決定左黎呢間韓兄弟食。係搵食嘅時候見到提過係由一對韓國人兄弟開嘅餐廳，保留左好多韓國傳統做法。大約晚上七點半左右去到左餐廳，唔需要等位，我同細妹就入去坐住等我女朋友。服務員應該係香港人，唔驚雞同鴨講～打開餐牌見到仲有「李家」炸雞食。一於叫住炸雞食住等～之後我地加左個豬肉套餐同牛肉，再加芝士蛋捲。最後發現我係叫多左。三個人真係食唔曬，最後燒熟打包返屋企食～蜜糖蒜蓉炸雞～芝士蛋捲豬肉套餐B + 牛肉爐邊有雞蛋同粟米芝士～

唔係成日食正宗韓烤 ，今日特登落嚟試下呢一間，諗住啲人講到咁正宗，不妨一試吖!門口算係大街裏面最企理嘅一間， 外面仲有幾個位畀人食煙今日六點零鐘嚟到 ，唔算多人， 仲有好多位畀你揀，不過一到七點幾，就好多人嚟啦，仲有好多真既韓國人，可惜。。。完全唔靚仔。呢度有成條左口魚刺身㗎喎， 唔知係咪就係呢條呢?魚缸都幾多嘢響度呢度嘅配菜係可以免費添加 我自己就幾鍾意食酸白蘿蔔~ 芽菜~ 同薯仔另外就叫咗份豚肉拼盤 ，有五花腩 、洋蔥 、雞髀菇 、豬頸肉同一塊大豚肉，食得出係靚嘢，唔係大陸豬肉。五花腩冇想像中咁軟腍，反而有啲頭，肉味亦都好重.另外再叫左一個芝士蛋 ，味道唔錯 ，易食得出芝士，不過兩個人食就會食得好飽

呢條街特別係工廠區中有好多食肆既街道，我同朋友揀左呢間韓式燒肉店。店子地方好大，空間感大, 裝潢有韓國地道既感覺。我地好肚餓，先點左懶人吾洗動手燒既食物😂餃子拉麵 $58 有三隻餃子，皮夠薄，餡夠多，味道吾錯，好中意食韓式拉麵，辣辣的，食完暖笠笠。.泡菜壽司 $45 卷入面配料算多，幾好味呀！係韓國菜必食之一。梅頭肉 (180g) $108肥瘦分層，幾有肉味，沾醬用生菜包住食！生五花腩肉 (150g) $108呢個幾肥美，肉質彈牙👍🏼韓兄弟烤牛肉(首爾特色) (300g) $128 哇！呢個好大份呀！😱成座山咁😳 好多我中意食既蔥呀！同埋洋蔥！見到都流口水喇🤤 牛肉夠嫩彈，幾juicy , 最後仲有牛肉湯飲，幾滑甜，飲完又可以暖身👍🏼.果汁 $19有幾種味道，有好好飲，

琴日收工無野做，想食韓國野又想食完可以即刻翻屋企，就揀左附近一間韓國野食。我地兩個人叫左個豬肉拼盤，牛五花肉同埋個炸雞，估唔到佢地有賣埋李家既炸雞！質素方面，個豬肉拼盤幾好食，唔洗點醬都夠味，而牛五花肉個人覺得一般，似普通肥牛，不過勝在服務搭救，整體都ok