韓兄弟燒烤

營業中

休息中

見到tvb介紹同有好多明星相就入嚟食燒肉啦，大熱天食燒肉另風味。先食八樣韓國小食菠菜同黃豆芽最好味。菠菜有少少麻油。泡菜同青瓜都浸漬辣嫁，薯仔？以為係，但係大件黃蕃薯，似薯仔口感但帶有甜味。白蘿蔔就酸酸開胃，但薄少少，解辣。特色梅頭肉泡菜湯 fresh pork with kimchi stew配埋白飯，韓劇食法係放落湯，但我地想留啲食燒肉。泡菜湯有啲羅宋湯既味道，偏辣既。但多泡菜又有豆腐配合，唔會水水無味。泡菜都好多，食多菜健康啲。開爐邊係蛋醬蛋同芝士粟米，不過不失。蛋醬有芝士就好啦。芝士粟米溶左好多油呀，但粟米幾有咬感既。精選豬肉套餐包括豬肉眼扒 豬頸肉 豬五花腩 grilled assorted pork豬肉眼扒 全肉比較瘦，嘻嘻。依個包生菜配泡菜最夾。因為豬肉眼扒肉質外軟少少內有口感，但燒耐少少就有啲微脆邊。豬頸肉就有半肥瘦感覺，食落有點oily，但不過份。豬頸肉咬落真係好味既本身，燒一燒就油出哂嚟。豬五花腩最怕怕最邪惡既豬肉種類。佢油肉分佈一層層。燒耐左就會乾身啲，店員幫手燒，所以大部分都ok。豬皮薄左點，但少油啲！肥肉加腩肉食一係飯，一係點醬油碟中間個個燒肉醬汁，似蠟肉味。

好耐冇食韓燒，經過土瓜灣呢頭，見到呢間好有韓式風味嘅餐廳就入咗嚟雖然係細巷仔入面，但係可以話係臥虎藏龍嘢食好多選擇，又有正宗嘅活章魚，牛肉等入到嚟點完菜，店員就即刻捧上9款前菜有泡菜，波菜，芽菜，薯仔，醃青瓜同白蘿蔔每一款都出奇哋啱口味，泡菜又唔太辣以前食韓國嘢，啲配菜總係有一兩碟好難食但係呢度嘅9碟竟然俾我哋清哂食到咁上下，已經迫不及待想燒嘢食啦精選豬肉套餐A豬肉拼盤有五花腩，豬頸肉，梅頭肉，雞髀菇同洋蔥望落肉質幾靚，肥瘦有致，切嘅厚薄適中容易燒然後店員幫我哋倒咗窩邊蛋，仲有一碗芝士粟米同生菜醬汁方面有韓式辣醬，豆瓣醬，同一隻燒肉嘅醬油，鹹鹹哋有芝麻香，三隻醬都好食五花肉好容易燒，剪開再燒香至金黃色鐘意食juicy啲嘅就燒熟即可，鐘意食香口啲嘅就可以燒到佢外層變得脆口因為落order嘅時候冇留意佢有窩邊蛋，所以另外叫咗個芝士蛋卷，點知都有驚喜蛋卷入面包住拉芝嘅濃厚芝士，啖啖都係香濃嘅芝士蛋香，加上茄汁同芥末醬，食多多都得旁邊仲有個少少嘅沙律到燒豬頸肉啦豬頸肉勁靚，雪花均勻唔會太肥，燒完邊邊位好脆，香口有油脂，肉質爽口彈牙，大推介之後燒嘅梅頭肉都好嫩滑，肉質靚，燒出嚟都好食最後要講吓佢

今日放工又去韓一韓，去左紅磡的小韓國- 韓兄弟，一路食一路都有好多韓國人幫襯! 睇下外面的魚缸有好多新鮮海鮮，韓國seafood好吸引！好想食醬油蟹，上次去韓國冇食到活章魚，今日可以食返！韓國產地直送海鮮，唔係唔試呀！五款小菜，有豆芽、菠菜、kimchi、蘿蔔片，本人最鐘意洋蔥、蘿蔔、魚糕，有點咸有點甜，很開胃。梨子 ($15)，粒粒梨肉，yumyum。活章魚($198)，以簡單的芝麻和麻油調味，八爪魚很生猛，上枱後依然在強烈跳躍，生命力超強！想夾都要用些力，吸住隻碟吸得超實，放入口還在動，章魚爽口有嚼勁，好有趣！原味炸雞 ($150)配沙律、酸蘿蔔和韓式醬，炸雞炸得超脆，肉質嫩滑，都幾辣，好惹味。點埋個韓式醬可以增加口感，層次更豐富！年糕餃子湯+米飯 ($88)有餃子、年糕、蛋和牛肉，湯頭牛味十足，餃子包得好靚，餡有粉絲和豬肉碎，很有地道特色。

來到了這家由韓國人主理的餐廳果然一入店聽到的都是韓語食物包羅萬有像個小韓國門外的大魚缸已說明一切餐單赫見活章魚比目魚海鞘海腸等以前只在韓國食到的都能有這裡找到我們先點一份原味加甜辣醬炸雞原味味道辛辣外皮脆脆感覺有點像某美式連鎖店甜辣醬味道口味比較重我個人偏好原味的微辣味另點了活章魚刺身甫上桌章魚腳在蠢蠢欲動夾入口吸盤會吸住嘴唇慢慢咀嚼會感受到鮮味章魚刺身已加入麻油調味雖然殘忍但不失為一個有趣經驗最後點了牛骨燉湯配白飯牛骨湯呈白濁色味道清雅鮮甜美味一啖白飯一啖湯大滿足為在香港吃到如此正宗的韓菜香港人真的好幸福

韓兄弟我又來了，因為好想念這裡的炸雞、燒肉芝士蛋卷 $98意想不到都幾大份切開有不少芝士跑出來雞蛋夠滑，有芝士味道更濃更豐富，建議3人之上分享。炸雞半隻 + 甜辣醬炸雞半隻 $160今次不再是李家炸雞原味外皮好香脆，而且帶點辣，雞肉不算太嫩滑那種，但都不錯而甜辣醬那種我覺得幾辣，整體比起在李家的炸雞較美味。生五花腩肉 $108因為不多燒肉，廚房可以幫助燒好上檯，可惜燒的過火，肉質較韌。海鮮純豆腐辣湯 $68海鮮湯濃味中辣，不過有點油，有嫩滑豆腐、雜菜等等，用料十足，而且更配有白飯。

好耐無食韓國菜，今次約埋fd 再次黎祟潔街覓食.其實呢頭都多美食，不過位置唔算太方便所以晚市都無鬧區餐廳咁多人，而價錢通常都抵食d. 前菜好多，6碟中最喜歡個醃薯仔，泡菜同青瓜. 好快就被我地KO 哂，餐廳唔會主動refill. 不過我見其他枱另外request 都無問題.一黎到店員其實推薦生octopus，不過我實在未有勇氣試....😂所以都係自己選其他韓兄弟烤牛肉（首爾特色）$128呢度係menu 話係一人份量，有成300g 肉，再配一碗白飯，超抵. 我覺得係more than 一人份量牛肉醃過帶點甜味，燒熟完超下飯，好食. 一邊仲有金菇冬菇米粉等配料. 烤熟肉後，一邊仲可以當湯飲. 性價比超高，如果再黎會想encore order 左個泡菜海鮮湯，海鮮份量唔算好多. 不過勝在夠辣，都幾開胃. 味道既話朋友覺得👆上面烤牛肉湯更好味. 下次可能會想試其他湯多d.仲order 左個好耐無食過既炸雞. 其實蜜糖芥末好像都好吸引，但貪心既我地想一次過試兩款味道所以最後選左甜辣同原味雙併$168個炸雞好香脆，而甜辣個款即使裹住sauce 仍然好crispy. sauce 微辣好惹味. 唔錯呢

位置唔算難搵空間感好大 平日又唔算好多人三個醬汁入面我最鍾意右邊個個甜甜地幾開胃 夾埋d 肉嚟食最正一坐低啲店員會先上六個小食俾你我最鍾意就係青瓜酸酸辣辣幾開胃同埋店員會淋啲蛋漿同埋芝士粟米喺個爐度先嘅😋😋我地叫左個燒豬肉拼盤最鍾意佢哋嘅豬肉肥瘦均勻 好香而且個爐好有火力所以燒一陣都已經食得呢個壽司其實佢嘅配料都好豐富不過食落個口咁同我哋平時食開嘅有d唔一樣 呢個係偏硬身少少♥️呢個魚子煎蛋捲係我最鍾意分量十足 食落口係脆卜卜 不過如果你人數唔係好多 就唔建議你食呢個 因為份量真係好大🤣🤣食到最後先燒呢一個豬扒真係好正呀😍😍

作為韓迷緊係要試晒香港既韓色食店先係架嘛!!先前睇雜誌報導過紅磡有間韓燒都幾吸引，一直記住!!終於等到生日有老闆科水來試!!不過出面條街都幾靜，唔係特登搵都唔知原來有好野食!!行左陣終於搵到啦!!間鋪既牆上面Show晒相同海報，睇睇下發覺呢兩個人咁熟面口既!!係雙宋Couple囉!!好勁呀!!而且牆度有光洙既畫!!RM Fans應該超鍾意，話晒長頸鹿喎!!而且大電視播緊Kpop，係太妍啊!!!!唔止咁，仲有ViuTV同TVB講佢地既節目不停係最裡面既電視度Loop。唔單止咁，牆度仲有豬跟牛各部份既解構圖，仲可以學下韓文既部位叫咩!!!幾好玩!!坐低緊係要食前菜啦!!!有6款咁多，泡菜、豆芽同青瓜!!最鍾意食係綠色個個菜!!不過冇得再添食有D可惜!!食晒都仲想食!!!好啦!講返主菜食咩先!!今次叫左個精選套餐SetA啦!!仲有八爪魚同豬皮!!Set A有豬頸肉、梅頭及五花腩，我最鍾意食梅頭同豬頸肉，因為感覺厚身少少有口感!!太薄真係唔OK~全餐最吸引既係八爪魚，上菜個陣佢地有提過係韓國八爪魚，心諗都係八爪魚je~仲以為佢地已經醃好、切開左，點知係原條上!!!嘩!!異形咁樣囉!!勁似!!!

下班在同事帶路下來到紅磡崇潔街，沒想到這條小巷會是條隱世食街，而且附近都有不少韓式食店!!由於忽然想吃韓燒就選了韓兄弟!!門口跟裝修也不錯!!可能是平日吧，晚上也頗寧靜，店內電視播放年代比較久遠的韓語歌，聲浪適中，沒有很吵，蠻適合跟朋友到來聊天。又雖然沒有一條條典型的抽油煙管，但神奇的是店內也不會污煙障氣。店員跟店長都是韓國人，不過店長會說流利廣東話，當問到有什麼推介的時候，還會問我們吃不吃生牛肉，我就不太吃生牛肉的，不過同事想試就來了兩人份量的，上菜時店長還怕我們不會吃的方法，教我們將醬跟牛混著吃，相當貼心。除了這些，還跟同事店了一份精選套餐SET A、一客豬皮、牛舌、八爪魚，當然少不了炸雞!!精選SET A包括豬頸肉、梅頭及五花腩，配上生菜跟醬汁食真的一流!!!再來就是炸雞，吃這麼多次，真心第一次吃到如此辣的炸雞，起初不知道是來自李家的，亦忽然不會分普通跟辣炸雞，於是一手就夾了辣醬的，辣醬後勁相當凌厲，吃後嘴唇麻麻的，狂喝水也不夠。喜歡挑戰辣的朋友必試!!!整體來說環境跟食物都不錯，值得推介，不要讓美食店的光茫隱藏在大街之中。

台灣朋友黎香港玩幾日, 而呢間又係我食過好食的韓燒所以今次帶佢黎食香港風味的韓燒約唔到一齊同遊韓國, 只能解下相思之苦。其實呢度老闆係真正韓國OPPA聽到佢講韓文就暫時當自己唔係香港同韓國一樣, 正餐前會先上幾碟前菜二人套餐的燒肉, 份量夠足料 * 特級豬頸肉 – 好爽脆 , 脂肪分佈平均, 唔油膩* 五花肉 – 呢個位置係豬的腹部, 肥瘦間隔, 又香又腍, (增肥必選,, 食完先再減啦XD)* 梅頭肉 – 係豬身上最嫩的部位, 又稱肩胛肉，肉質好嫩再點左個飛魚子蛋卷, 自己切可以切到八舊,滿滿的飛魚子藏係蛋入面, 啖啖都食到飛魚子的甜味加上兩個女仔, 真係食唔哂~仲要帶朋友去食香港中式糖水, 要食盡每個地方

今日突然間想食韓國野, 就唸起韓兄弟~韓兄弟真係由兩個韓國人兄弟開嘅~平日都好多人食~今日晏左食飯, 一入到去就有吉枱, 不過全部都未執~我地要等服務只執好枱先可以入座~同韓國嘅烤肉店一樣, 茶同茶杯係要自己出去拎嘅, 小食有泡菜/芽菜/菠菜, 食完可以叫佢再拎, 無限添~我叫左個砂鍋牛肉飯, 朋友叫左韓式牛肉拌麵牛肉飯入面有紫菜同青瓜絲, 味道保持一向嘅水準, 加埋d泡菜入去撈來食仲好味~拌麵有牛肉, 青瓜絲, 紅蘿蔔絲加韓式辣椒醬一齊撈, 麵質唔錯, 但係唔太夠味~

之前路過見到好似幾吸引，而一個朋友好鐘意韓食料理，所以就約埋去食兩個女仔揀左一個細嘅豬肉set同一個豆腐鍋D菜包住豬肉真係好正，一路燒嘅時候自我陶醉，當正自己去緊韓國😂另外個豆腐鍋味道好濃，送飯剛剛好

韓燒一直都係香港既至愛之一 今日同友人黎左紅磡食韓燒 呢間韓兄弟燒烤真係由OPPA主理 入面除左見到oppa之外 仲有其他食客都唔少係韓國人 入面都有唔同既飲料 有韓國直送既燒酒同汽水 入面都係參考返韓國韓燒店既裝潢 好似去左韓國咁 同電視劇入面一樣 等緊食物既時候有比6款既小食配料比我頂住胃先 我最鐘意食佢啲泡菜 我地叫左個豬肉A餐 有五花腩肉,梅頭肉同特級豬頸肉 佢每塊肉既份量同厚度都好夠 2個人食就岩岩好 一定夠食 先烤五花腩肉再烤豬頸肉最尾先烤梅頭肉就最好 因為係根據肉既厚度去烤 韓燒又點少得爐邊蛋 除左就咁食肉,夾菜都好重要,先唔會太熱氣,利用新鮮的生菜， 包住熟透的烤肉一起享用, 先可以中和油膩感 同埋係燒好先剪開 OPPA仲會提你燒邊樣先 好暖男好貼心 我地嗌左個芝士蛋卷 佢份量比想像中大好多 而且會唔煎到好熟 個人鐘意啲蛋有啲生 兩個男仔最尾都食到好飽 我地都算大胃王 而且最尾埋單兩個人除開都幾抵同埋侍應都比較忙 等待既時候要比多啲耐性

餐廳好友韓國氣氛見到好多店員可能都係韓國人，而且好大抽起個系統都唔錯最怕食完燒肉起身之後一陣味。夜晚已經坐左好多人，為免影到其他人所以我都無影佢哋。精選套餐豬肉A： 五花腩，豬頸肉，肉眼＋配菜（生菜，雞肶菇了)味道唔錯好多五花肉，份量都算幾多野晒啲肉質都好有韓國嘅味道加上佢旁邊好多葉制嘅漿料例如豆瓣醬辣椒,蒜頭等等。餐廳職員都有過嚟幫我地燒，怕我地燒到吾好食晒所以覺得佢哋嘅服務態度都唔錯。海鮮豆腐辣湯＋白飯：豆腐，蝦，小青口，冬菇，泡菜。味道唔會太重口味所以陪埋白飯啱啱好可以送埋一齊。原來佢嘅時海鮮都幾新鮮，配合埋佢哋自己整嘅泡菜同埋冬菇，真係好滋味好想食多幾碗飯。海鮮煎：糯米粉，蝦，尤魚，九菜，都幾大份而且啱啱好，唔會太多油油魚同蝦都有好多。勁鍾意食韭菜佢哋配搭得好。可樂兩罐，食燒肉最鍾意就係飲可樂同埋汽水反而我就比較少叫韓國嘅清酒同埋飲品。

自從11月去完韓國後，就一直好掛住當地嘅韓燒。係香港嘅任食韓燒硬係食唔番果種風味，今日隨意入左呢間位於紅磡嘅韓兄弟，卻發現幾有當時的感覺!我地order左個豬肉精選套餐冇耐，店員就拎左6款冷盤比我地❤同韓國一樣，碟碟都各有特色。套餐包左3款唔同部位嘅肉，分別係豬頸肉 豬腩肉同埋豬排，分量都幾充足。仲有洋蔥同雞脾菇等，2個人食分量剛好。熱好個爐就準備燒喇😁呢度係自己燒嘅方式，剪肉、燒肉等都係自己搞掂。豬頸肉食落較彈牙，豬腩肉則有肥膏香，食落脆卟卟，而豬排則可以食到啖啖肉嘅感覺，各人口味唔同，我就比較鍾意食腩肉嘅。最後我地仲叫左個芝士蛋捲，芝士味濃郁，非常好食!