韓兄弟燒烤

營業中

休息中

友人話要食韓燒，山長水遠去到土瓜灣，這兒雖然無地鐵站，幸好餐廳走十多分鐘就有巴士站，可以坐1.5小時巴士回東涌的家。辣八爪魚，$98以為是生的，原來是急凍的。拿上爐燒，幸好不是冰的，雖然大大隻，不一會就燒好了。燒了一會便吃，怕縮水。自己剪開一份份，淋淋地都幾好。部隊鍋，$98本人最不明白就是部隊鍋在香港的興起原因，辛辣麵配午餐肉腸仔，就好像自己在家最廢最懶時吃的東西。當然在餐廳吃的會有不同，腸仔是司華力腸，還有焗豆、年糕片。充滿辛辣麵的味道。四個人，全靠部隊鍋內的即食麵食滯少少個胃，否則回家煮一樣款式的麵吃就搞笑了。

住喺土瓜灣嘅朋友帶我來呢一間韓式餐廳食飯，餐廳係內街入邊，真係唔係地膽帶我來，我都唔識，幾鍾意入面嘅裝修，不停播着韓國歌曲，幾好feel。我老闆原來韓國人嚟嘅，點出嘅時候好似去左韓國咁，中文再加英文來點餐，好搞笑。烤牛肉（首爾特色）$128見到隔離枱食緊呢一個好似好好味咁，咁我哋都點左一個，佢唔似一般嘅韓燒係一個平板上面燒，睇住啲牛肉燒嘅時候，牛肉汁慢慢流落去下面嘅配菜上，好香。牛肉好嫩滑，肉汁多，將佢夾係山菜入面食，一嚟冇咁熱氣，二來會口感更加豐富，除咗牛肉之外，佢哋嘅配料煮到最後都好好食，最鍾意佢嘅面，因為索晒啲牛肉汁，甜甜地，好好食。芝士蛋卷＄98上枱嘅時候俾佢嘅份量嚇親，有手臂咁長，用刀切開嘅時候滿滿嘅芝士， 多層嘅蛋皮包住芝士，上面仲有辣嘅醬汁，食嘅時候不會太膩，絕對夠飽。原味炸雞＄150睇佢個餐牌上面寫住係李家炸雞，外皮炸得剛好，唔會太油膩，入邊嘅雞肉仲有肉汁，點個韓式辣醬食，真係好似韓國食緊炸雞咁。雖然佢哋冇加一，但係前菜都比到好多款我哋，仲有都可以得refill。

食韓燒！店員送上6款kimchi 。我最喜歡白蘿蔔，甜甜酸酸的，十分開胃。我們食的是精選豬肉套餐A，有豬腩肉、梅頭肉及豬頸肉。肉類嘅份量不少，店員親切地幫我們燒野。首先燒豬腩肉，我相信係因為肥肉比較多，會出油。配合生菜，一點都不油膩。沾一點辣醬，更加出色。大大啖豬頸肉，好滿足。另外，爐邊有芝士粟米同蛋。食的時候，要小心熱。燒焦了有點可惜。還好只是洋蔥，反正我不喜歡吃洋蔥。這個芝士蛋卷，切開的時候，芝士一絲絲的。蛋不是嫩滑的，但配合芝士及酸酸甜甜的醬汁，蛋卷的口感豐富。

老早在instagram看了韓兄弟的資料，看到燒烤非常吸引，剛巧有機會有朋友R想吃韓燒，當然在口袋拿了這間餐廳出來。 誰知，一個颱風，大雨公路加唔小心嘅司機....放心，不是朋友出了什麼意外，也不是那淒美的愛情故事，沒有給最愛的說話，只是朋友R濕透身加上塞車，叫我在餐廳等了半小時，最後，在烤燒空氣中幾想食燒烤都因為時間和朋友病了而只能吃這裡的韓國小食。 濟州島特色豬肉湯麵 $78，以叉燒半肥瘦來呈上，爽口又多汁的肉質，湯麵中的蔥花紫菜碎滿滿的，香口味美，拍得上school food的那些韓式麵。 簡單的年糕餃子湯連白飯$88有不少驚喜，材料豐富，結實的餃子內含豬肉韮菜及粉絲，而年糕非常彈牙，甚有嚼口，湯底的蛋花滑溜溜，想把每滴湯都喝光，上上下下年糕餃子湯都和飯有化學作用。 飛魚子蛋卷 $98巨型得四人也可以吃個夠，茄汁甜芥末的份量剛剛好，蛋卷上的飛魚子脆卜卜，蛋卷略微乾身了一點，但還是很好味，喜歡那飛魚子在口中狂野奔遲，最後被濃濃的蛋包收覆，口感多層次。 最後要提的是兩杯飲品也不錯，覆盆子馬格利酒 $80，以6%的酒精，帶點點raspberry的甜味，女孩子也很

 呢間餐廳算大間, 坐得都舒服前菜有薯仔食,呢個都係我比較中意得小部分餐廳有炸雞有一半有醬一半無唔知係唔係刻意,無醬個邊岩我食D,因為我唔太中意食太濃醬味既雞,份量多, 肉身都算新鮮~牛肉係普通韓式牛肉黎~姐係之前我成日食既陽光味~份量都算多既~格離有埋金菇食~泡菜湯就比較酸, 個人覺得用爐整返熱辣辣會更好食~岩岩好可以放入韓燒個爐到整!生菜係俾人用黎燒個陣煮熟放係一邊用!不過我地都懶所以唔用haha

呢間店比我既感覺係好似韓國既燒肉小店, 價錢唔算太貴, 但係食物既質素都能夠保持到, 嗌左都幾多野食, 等我推介下呢餐有d咩係值得再去食架啦 韓牛, 個牛扒真係勁大塊, 一放落去就聽到滋滋聲, 然後一陣陣牛香就飄出黎。煮呢個既SKILL就係要等一面熟哂先翻另外一面, 再剪細佢慢慢燒側邊, 咁就完美了 食韓食必點既當然就有部隊鍋, 非常足料, 個拉麵底好入味, 全靠因為有咁多料, 特別係D午餐肉同我地平時食開既唔一樣, 口感更硬實而冇咁淋, 味道唔差, 一窩都幾大下, 2個男人食都食到飽!! 韓式薄餅, 食落既口感有d似有兩層餅底的pizza, d配料全部都收埋左係個餅底入面, 食落會更飽肚同埋我會覺得d汁都鎖左係入面, 所以個餅底都好夠味 正

一坐底店員就已經將前菜小吃放上枱面上 估唔到連前菜都咁多味, 我極力推薦既係泡菜, 辣得黎又幾野味, 邊等邊食真係一大樂事 佢呢度既水係檸檬水, 仲用個咁有特色個樽裝住, 同我係韓國食野見到一模一樣, 感覺即刻返哂黎 最鐘意就係呢一種燒盤, 因為上面油分佈得好平均, 唔會咁易煎膿舊肉 五花肉, 望到就想食, 佢仲要一早已經切好一舊舊, 方便燒之餘仲要肥瘦均勻, 上面就係魷魚, 我覺得最正既係佢一早已經硽好左, 入味之餘唔洗加咩醬料就可以落去燒 估唔到原來魷魚都幾易燒, 因為佢會由透明變到白色咁就已經食得lu, 當然要燒多一陣啦畢竟都係海鮮黎 佢既爐邊蛋勁快熟, 唔似其他有D韓燒餐廳咁, 煮極都唔熟, 而且最正係佢可以自己加配料, 有粟米同芝士, (仲可以自己加一開頭既前菜整泡菜蛋), 超多選擇

 上個星期黎左呢間韓兄弟。裝修簡單，通風做得唔錯，入到黎唔會好大油煙味。Ｍenu 方面，晚市可以叫set，亦有得散叫，價錢中價啦。我點左一個烤牛肉首爾特色同一個豬肉set。同正常韓國餐廳一樣，前菜一碟碟，有芽菜泡菜青瓜蘿蔔片等等。開開胃。韓燒當然唔少得爐邊芝士同爐邊蛋啦!爐邊芝士真係幾時食都好鍾意, 入面加D 栗米真係好味得黎又唔漏!爐邊蛋蛋漿撈得好均渾, 所以煮完都好滑。個爐都幾好碼力, 輕輕燒一燒就熟喇, 好快食得。個人幾鍾意呢間既豬肉，有肉香得黎，唔會太肥膩，好好味!下次我都會叫左D 豬肉。而牛肉呢，呢度比既份量都幾多，Ｄ肉好厚身，燒起上黎唔會太乾。佢會提供埋生菜，驚太漏既朋友可以包黎食! 烤牛肉首爾特色呢個係比較特別既一碟，佢有少少似火鍋，上面鋪左D牛肉，燒熱左既時間，牛既肉汁流哂落個湯度，令到個湯更加濃烈。下面就配粉絲，整體黎講幾好味，冬天食應該會好暖身！整體黎講，呢間餐廳都幾值得黎試下。價錢唔算係最平價既燒烤，不過呢度既菜色覺得有唔少都幾有特色，唔係間間韓國餐廳都有得食，可以一試。

今日同中同出街食飯，聽佢介紹話紅磡韓兄弟好食，所以決定咗今晚帶我食一入到門口就聽到有人講韓文，原來厨房有OPPA😂 見到啲枱枱櫈櫈圓型就知道，十足十去咗首爾食韓燒咁，仲有電視播少女時代同其星唱歌打開menu野食樣樣齊，仲有中、英文同韓文，咩人去都唔驚睇唔明有咩食啦！坐低咗無耐就有特色小食送過嚟，全部都係醃好嘅韓國招牌餸，有薯仔、菠菜、芽菜、青瓜、泡菜、蘿蔔片，食飯之前開一開個胃先！牛頸肉150g(＄138)我朋友好鍾意食牛，佢平時都會叫開牛肉，但係我唔食牛，佢又諗唔到食咩好於是就叫經理推介，呢碟牛頸肉份量夠一個人食唔會太多，肥瘦肉嘅比例做得標準，食落都唔會有雪藏味。呢度仲有專人服侍你幫你燒幫你剪，出邊好少有通常都要自己燒！特級豬頸肉150g＄118再叫咗份豬頸肉，呢份係我食嘅，啲肉又好大條好肥美！一如以往有人服侍，燒肉係包埋芝士同埋雞蛋醬，咁食啲肉嘅時候啲味道都冇咁寡。啲豬頸肉燒耐啲都冇問題，入口嘅時候非常之彈牙又多汁，出邊包住一層芝士簡直係正呀！忘記咗呢碗麵嘅名稱同埋價錢⋯⋯我哋兩個都驚唔夠飽嘅關係每人嗌左一碗飯同埋面share，我一向都鍾意啲比較淡口味嘅，所以就叫左呢個佢淡得來起碼

韓兄弟D燒烤勁特別，佢係有上面韓燒爐邊係加湯既同出面既好唔同，食左2種一個牛set 一個豬set，牛set就係爐邊加湯既，燒完牛既油份同味道落曬去湯到，特別有肉味同甜味，唔會食到好厭，韓式粉絲同d菜吸曬湯同牛味勁好食。燒豬肉set入面有唔同部位，唔會太肥但好有油香，用唔同部位燒香少少再用生菜包住會有唔同既感覺同味道，佢有提供辣椒醬同唔同既泡菜前菜好有風味而且爐邊有芝士 粟米同埋蛋，佢d蛋唔似有溝好多水既感覺好有蛋味同清甜。

單食韓燒會有點悶，如果有埋炸雞就最好不過喇~~~來了這間韓兄弟，地點不近火車站，有點偏僻。最想食的李家炸雞，終於有機會一食！這裡李家的分店，一間餐廳可以食到兩間餐廳的食物，正！韓式餐廳一定有的多小碟小食~~蜂蜜蒜蓉炸雞半份，脆脆外皮，蒜味香濃帶點蜜糖甜，而肉質算滑，味道好正！忍不住一件接一件。泡菜海鮮豆腐湯，個湯辣中帶酸幾開胃，至於豆腐是百福豆腐，不算太滑。精選豬肉A餐 400g有五花腩肉、梅頭肉、特級豬頸肉首先放五花腩肉不過鐵板設計一般，好似被油彈到。而且食物燒得較油，不過這個幾香口，用生菜夾住食用可減少油膩感。一大塊梅頭肉，色澤好靚，燒烤時也散發肉香味。這個鬆化有點嚼勁，最喜歡這個部位~~

今晚和ah bee 吃dinner, we are crazy about Korea BBQ, 一於來過韓式燒烤吧，我們看到紅磡的韓兄弟燒烤真的人山人海，於是我們入去吃過痛快!這間韓燒原來是韓国人開的，首先坐下先送來一壺又香又解喝的凍麥茶!前菜有大豆芽，泡菜，菠菜，青瓜， 酸蘿葡應有盡有!我們叫了一個精選豬肉套餐，有生五花腩肉，梅頭肉及特級豬頸肉，這三款肉都很有口感，尤其是肥美的五花腩肉，真的用菜包起來吃，別有一番滋味，而豬頸肉既爽口又彈牙，我們吃到停不了口!芝士蛋卷是這裏特色小食，没想到很大份，而蛋卷伴着芝士又香又滑，真的很不錯!這間韓兄弟真的很道地的韓燒，難怪客似雲來!  We will be back again because we really to enjoy the BBQ Dinner in this Korean Restaurant.

今日約咗朋友去紅磡附近食飯，朋友話想食韓燒，我立即上網搵一搵附近有什麼好食的韓燒，俾我搵到一間裝修格調好像韓式燒肉店的鋪頭。我們決定試一試，入到店內見時間尚早，還有很多座位，而且空間也尚算寬敞。職員細心介紹菜單內的菜色，態度非常友善！牛肉湯麵清湯底上，牛肉雖然冇烤牛肉咁滑但口感也不錯，牛肉味足夠，韓式公仔麵味道少許似出前一丁，份量也不少。烤牛肉首爾特色我同朋友都唔係太食得辣所以叫咗呢一個唔辣嘅口味，侍應幫我地將牛肉鋪左係個鍋嘅上面，下面再用火慢慢去燒熱佢，睇住啲牛肉汁慢慢流落去下面嘅湯嗰度，已經食指大動，牛肉帶有甜味，食得出落咗芝麻油，好好食，下面嘅菇同面都吸晒牛肉嘅精華，再配有麻油味，非常入味。蜂蜜蒜香炸雞來韓國餐廳當然要食炸雞啦，侍應就推薦我哋呢一款炸雞，我朋友話佢哋嘅炸雞係用李家，佢之前試過李家嘅炸雞覺得不錯，所以佢都想試吓，炸雞嘅份量唔少，而且又雞而嘅唔同部位，雞胸，雞髀，同埋雞翼，仲有雞翼尖，醬汁甜到剛好，蒜頭味就唔好食得出，但鍾意佢甜甜地，而且啖啖肉好正。

番紅磡搵舊同事食飯，佢話附近開左間由韓國人開既韓燒，甘就一於去試試佢。店舖裝修真係幾似韓國果D燒肉店，而且位都幾多，就算一大班人黎應該都坐得到。未叫野食之前先上KIMCHI，一共有有6款選擇。最特別既前菜係薯仔，一般韓國餐廳既薯仔都係甜甜地，但呢到既係帶微辣，都幾好食。精選牛肉套餐A (肉眼排、牛頸肉及五花腩) $490我地2個人叫左個套餐，牛頸肉同五花腩油脂適中，燒完好香口，牛頸肉食落去牛味香濃，好正!! 其實一般韓燒好似好少見成塊扒甘上，因為甘大塊扒比較難控制，所以店員都有主動幫我地，呢到供應既生菜好新鮮，好脆口！包住肉黎食，配撘好Fresh 。海鮮炖豆腐辣湯 $68 豆腐非常非常非常滑！不過海鮮唔算多，鮮味就差少少。芝士蛋卷 $98 Portion好大！ 芝士味濃郁，蛋仲係好嫩滑！ 上面的紅黃醬同D蛋好matach，好好味~鐵板爐側邊仲可以放蛋汁、芝士、粟米，可以就甘食或者配埋D肉一齊食亦得，配搭多D，感覺唔會甘快食到膩。OVERALL呢到既食物唔錯，而且店員好主動好有禮貌。價錢方面亦算合理，唯一係地點唔算好方便，紅磡區既朋友有機會可以去試試。

餐廳就在我公司附近，是平時食lunch 的口袋名單之一！其午餐款式夠多，味道亦好，所以今次放工就來試下這裡的晚餐。泡菜有六款，每碟味道也不俗。芝麻菠菜味道濃郁爽口。泡菜酸辣度平均，怕辣的人也易於接受。燒烤前，店員先為我們製作爐邊蛋，但要注意時間，煮得太久就會過老了。另一邊爐加入了芝士碎，芝士遇熱溶化，有強勁牽絲效果，可以用來蘸點肉類，或加入爐邊蛋同吃，芝士控定必瘋狂！精選豬肉套餐A (400g) ($290)生五花腩肉 (圖上) / 特級豬頸肉 (圖右) / 梅頭肉 (圖左)二百九十元就可以嚐到三款高質素的豬肉，分量足夠三五知己分享，真的很值。生五花腩肉有兩大片，肥瘦相間，紋理相當漂亮。不要害怕那些白白的肥膏，燒完之後，油膩會逼出，肥膩感全無，口感帶點焦脆，有點像煎煙肉的口感。而且油香滿溢，令整個口腔都是油脂香。不用蘸點任何醬汁更能嚐到誘人的油香。特級豬頸肉平時食泰式的豬頸肉通常是薄切的，這裡自己燒肉DIY, 可以把豬頸肉切得厚一點，令口感更佳。燒過的豬頸肉，表層金黃香脆，肉質爽脆不韌。梅頭肉梅頭肉平時用來做叉燒的，用來韓式燒烤，味道又如何呢？賣相像牛扒一樣，大大塊的，而且是厚切。咬落