韓兄弟燒烤

營業中

休息中

番紅磡搵舊同事食飯，佢話附近開左間由韓國人開既韓燒，甘就一於去試試佢。店舖裝修真係幾似韓國果D燒肉店，而且位都幾多，就算一大班人黎應該都坐得到。未叫野食之前先上KIMCHI，一共有有6款選擇。最特別既前菜係薯仔，一般韓國餐廳既薯仔都係甜甜地，但呢到既係帶微辣，都幾好食。精選牛肉套餐A (肉眼排、牛頸肉及五花腩) $490我地2個人叫左個套餐，牛頸肉同五花腩油脂適中，燒完好香口，牛頸肉食落去牛味香濃，好正!! 其實一般韓燒好似好少見成塊扒甘上，因為甘大塊扒比較難控制，所以店員都有主動幫我地，呢到供應既生菜好新鮮，好脆口！包住肉黎食，配撘好Fresh 。海鮮炖豆腐辣湯 $68 豆腐非常非常非常滑！不過海鮮唔算多，鮮味就差少少。芝士蛋卷 $98 Portion好大！ 芝士味濃郁，蛋仲係好嫩滑！ 上面的紅黃醬同D蛋好matach，好好味~鐵板爐側邊仲可以放蛋汁、芝士、粟米，可以就甘食或者配埋D肉一齊食亦得，配搭多D，感覺唔會甘快食到膩。OVERALL呢到既食物唔錯，而且店員好主動好有禮貌。價錢方面亦算合理，唯一係地點唔算好方便，紅磡區既朋友有機會可以去試試。