霸王山莊

營業中

休息中

第一次看草蜢的演唱會, 開show前我們先去霸王山莊晚飯, 更於Openrice印了Coupon, 送了3盅甜品, 雖然為了等這免費甜品而誤時, 但也值得!宋嫂魚羹 – 足料, 只是味道不太正宗回鍋肉 –辣度不足, 亦略嫌咸了點小籠包 – 湯汁勁多, 皮薄好味煎鍋貼 – 底部煎得香脆, 內有湯汁, 不錯擔擔麪 – 花生醬味香濃, 只嫌湯水不足椰汁燉花膠(免費) – 滋潤, 不過甜了些

首次光顧霸王山莊入門口的感覺幾好。order小籠包、上海粗炒、雞絲粉皮、素鴨。小籠包比較好味, 上海粗炒的瘦肉較乾, 吃不下。 素鴨很多油, 沒有油隔...雞絲粉皮味道一般, 但價錢略嫌貴, 豪無驚喜!!待應的態度麻麻地, 雖然人手足夠, 不過不懂基本的服務, 例如收碟、加茶等!所以有點兒失望!!

下星期便有位好友將會為他的公司駐北京工作三個月,今天我們一班朋友便和他出來吃飯,一起和他戰行,今晚我們揀選的地方便是尖沙咀的-霸王山莊.之前一直也想和家人一起來霸王山莊,但我們差不多次次都選擇日本料理,今次相反和朋友來品嚐一下什樣霸王.今晚,第一碟來的,便是1) 龍井蝦仁-$108外觀蝦仁,真的很晶瑩剔透.味道也是相當好味.雖然是熟食,但有點兒像刺身的味道,一樣這樣鮮甜而且爽口的,不錯,不過價錢也很像貴了點.2) 山東手撕-$128還以為手撕雞是凍食的. 原來還是熟食的. 味道和母親大人的豉油雞差不多,味道也一般.講真,外相真的麻麻,特別是雞皮,有點難看,所以這一碟我都是只吃了一件.3) 老重慶紅油龍抄手(8隻)-$36這一碟是本人order的,因menu上的相片很吸引我. 口感也像雲吞般,不過詁不到這一碟味道有點似雲吞,但可以擁有一個這麼強勁的名稱,真的要讚讚創作這一個名稱的人.4) 霸王小籠包-$28完全明白為何這一碟小籠包是霸王山莊的招牌菜,真的好味.餡料充足,而且內裏也是充滿著湯水.記得前一個星期到了紅磡一間上海茶館order小籠包,但味道真的很普通.今晚試過霸王山莊的小籠包,

與朋友於附近行街，未試過尖沙咀分店，一行七人去試吓。食物：-馬蘭頭：無味，份量又少，仲要唔知點解有兩片很細片的菠蘿放在旁邊片皮鴨：皮連肉的部份圍住只有皮的部份擺放，分佈得很好。鴨不肥，鴨肉無味，鴨皮香脆夾片皮鴨的皮：太薄 ，好似透明咁，似無食過夾片皮鴨的青瓜、葱：我無食，唔知道配片皮鴨吃的醬：普通海鮮醬生菜包：餡料普通無特別；生菜只有幾塊，數量太少薯盒：我無食，唔知道四季豆：有少少鹹蝦仁炒飯：蝦仁無“梅”，但不爽口；整碟食物是無味小籠包：皮是凍的，餡料是暖的。我們已經即刻食，因為知道凍了會不好吃，但問題是侍應拿來時已經凍了，為何要客人食凍了的小籠包！茶：個茶壼內是沒有茶葉的，飲唔到是什麼茶，侍應話是香片，但完全無香片的香片服務：-桌子上無公筷，現時大部份食肆都自動放最少一對公筷於桌上，此店竟然沒有。（我們張枱是中型枱，都無公筷於桌上，此其一）我總共叫了五次才有人拿公筷給我，仲要我每次提出後侍應是有應我，話好的。（叫了五次才肯拿公筷給我，此其二）我叫侍應拿多一隻湯匙給我，侍應即時再問我兩次是否要湯匙。（我叫你俾湯匙我，不是叫你俾錢我，為何要我講三次，此其三）張枱原本是八人枱，我們只有七位

Book左位同老豆慶祝爸爸節,好想食片皮鴨,上次試過鹿鳴春,今次就試下呢間啦片皮鴨(二食)$208,有d皮會連住好多肉,有d皮就無肉,不過皮都幾脆,包既皮大小剛好,可能因為我無食瓜關係,岩岩cover到隻鴨,其實片皮鴨除左個鴨肉多定少,皮脆唔脆之外,味道間間都分別不大。(7/10分)七彩鴨松跟生菜,ok啦,我估唔到佢有"勤菜",我最討厭食勤菜,但呢個送都接受到,我爸爸說菜洗得唔乾淨。(6/10分)霸王炒飯$58,以為招牌炒飯有幾好味,點知普通得太過份,有d雜菜﹑肉絲同5隻左右蝦仁lor,茶餐廳會好味d。(5/10分)黃金蝦$108,係好多蝦肉,但..........好咸!好油!無蝦殼,無蝦味,that all。(3/10分)雲吞砂鍋雞$108,入面材料有火腿﹑雲吞﹑雞同小白菜,(4/10分)火腿入面好似只有一塊,我無吃過雞有一忽係滑d,一忽係鞋d,味幾啖,滑個d我幾喜歡,雲吞,我唔知無蝦既雲吞同水餃有咩分別,呢個好啖好啖,有少少少肉味,個湯,我同爸爸一飲第一啖都異口同聲:"好咸"我覺得似味精呢間野試下就算,無下次,呢個價錢其實可以食到更好既,仲有d 侍應服務真係麻麻,除左落order之

以往我同屋企人都好鍾意去霸王山莊食，不過近呢次去明顥覺得差咗...首先係前菜，個味都好似差啲，成碟前菜都好淡咁。每次必點嘅小籠包同醉雞。小籠包 keep 到一貫嘅水準，皮薄，又夠湯汁 ! 不過醉雞就無我之前食咁滑，雖然聞落好香，不過食落又覺得唔太入味。韮菜鱔糊，韮菜嘅比例好似多咗啲 ... 而家每樣野都切得好粗，本人就覺得麻麻...

朋友想去 " 霸王山莊" 慶祝生日. 所以一行 6 人就去了尖沙咀 " 霸王山莊" 食晚飯..花鵰醉雞 - 啲雞入晒啲酒味..正呀 霸王小籠包 (我地加多一籠) - 好多肉汁在包入面..正呀 金華火腿扒津白 - 味道剛剛好...唔錯...江南紫酥骨 - 呢個就一般. 因為肥肉比較多川辣牛肉炒薯粉 - 呢個太多油了莧菜小魚羹 - 呢個唔錯...味道適中..碧綠芙蓉蝦仁 - 好滑好好味霸王片皮鴨 - 我冇過, 不過朋友話唔錯, 幾好味 七彩鴨松跟生菜 - 呢個好正. 用生茶包住. 味道 arm arm 好石鍋韓式三杯雞 - 正呀! 不過雞少咗啲手磨花生醐 - Good (又滑又唔太甜) 草梅桂花糕 - 呢個都幾好味. 唔太甜楊枝金露 - 呢個 no good 呀! 啲沙田抽好苦呀 麻蓉雷莎湯圓 - 呢個都 ok. 不過就甜咗少少 雪城高力豆莎 - 呢個好好味呀. 唔太甜. 熱騰騰, 真係好好味呀

終於開始寫第一次食評, 呢諞野會貼埋o向我個blog度, 希望以後每一次食完野都可以寫下.霸王山莊好耐之前食過, 前日又同朋友行開尖沙咀, 突然想食小籠包又諗起佢. 佢地d員工算一般, 冇咩特別, 但係個經理就好風趣, 同我地傾計, 又話就黎大裝修.....講番d食物, 今次我地叫好多野食, 有d有影相, 整體都係水準之上, 不塊我地一心行過黎: *乾貝鮮魚羹: 好多魚肉粒, 清得黎有魚味, 好正! *黃金蝦: 好香咸蛋黃, 隻蝦又大隻. *蔥爆海參: 撈飯之選. *鎮江希肉: 我朋友鐘意食, 我就麻麻地. *霸王炒飯: 無咩特別. *小籠包: 真正招牌必食!! *清炒小肉瓜: 好清爽, 夏天唔錯. *士多啤梨鮮奶x6: 正, 夠凍, 夠士多啤梨味, 唔甜, 美女必試! 今次回味無窮, 下次又要再搵d好耐冇去既地方試番下先 ^o^

早在2星期前訂位, 昨天自動打電話去confirm , 2次都沒有跟我提過要9點前交, 我一收到朋友sms話要9點交, 就火鬼滾................先來炮火一輪才開始進入正式食飯程序. 我愛在openrice睇食評就因為大家講的都錯不了去邊 : 1.) 份量比較小2.) 醉的酒不夠香, 只有重重的酒精味3.) 小籠包確實是必食之選, 招牌菜 4.) 山東手撕 : 沒有生蒜泥, 是連一點蒜都沒有, 醬油不香也不濃, 還比街外豉油汁還差5.) 水魚片, 要了小辣. 但沒有麻辣的香, 得個甜字6.) 椰汁燉花膠 : 個燉盅好熟, 但內裡只是和和暖 7.) 干扁四季豆 : 都可以, 話晒自稱招牌菜, 配料不單是肉鬆, 還加入其他材料, 幾野味~~8.) 北京填鴨 : 皮是廣東那種, 即是薄薄一片, 不過都合格, 鴨皮連肉片成一件件, 不是太肥9.) 砂窩津白 : 內裡的豆腐是帶點酸的10.)上海炒年糕 : 夠乾身, 味濃, 軟硬適中.

今晚同同事OT訂位7:00PM, 但侍應話要8:30PM交枱, 以前去食都冇話限時既, 而家就限住食個半鐘, 我地叫左片皮鴨, 雞絲粉皮, 素鵝, 紅油抄手, 黑醋排骨, 糖醋魚塊, 金華火腿津白片皮鴨 - 有一食或兩食, 我地叫左一食$138, 隻鴨唔算肥, 啲包皮好薄好細片, 根本就唔夠包雞絲粉皮 - 一般, 花生醬好"傑"素鵝 - 好似鮮竹卷咁囉, 有啲素鵝係只係皮, 冇料喺裡面添, 搵笨紅油抄手 - 唔落汁真係一啲味都冇黑醋排骨 - 唔錯...啲肉唔un, 甜甜地糖醋魚塊 - 個汁係酸酸甜甜咁, 配有菠蘿片, 但啲魚塊, 炸粉多過乜, 都唔知係食炸粉定食魚, 魚只係一薄片咋金華火腿津白 - 金華火腿好咸, 仲有啲"壓"味添呀, 怪怪咁, 津白都ok呢間野好似越來越差咁, 價錢就唔覺唔覺咁加價, 每碟既份量就唔覺唔覺咁少左, 如果唔係ot 開公數, 我就唔會夜晚黎食飯囉!

一直都聽朋友說霸王山莊的食物很美味, 所以特地來尖沙咀這間分店試試。大約6時半左右, 我們沒有訂位, 待應說只可以留一小時於是我們趕快點食物, 點了醉雞, 鎮江淆肉, 小籠包, 擔擔麵和雞煨麵先上來的是擔擔麵, 是男朋友點的, 樣子很美味, 但男朋友說沒沙田的分店好吃小籠包皮很薄, 肉味鮮美多汁, 還不錯的醉雞.. 酒味很很重但不香, 而且有苦澀的味道, 我不喜歡鎮江淆肉, 這個是我之前曾在xx拉麵小籠包吃過, 一試難忘, 所以特地點的, 卻令我大為失望...肉很硬, 咬下去太散, 不懂形容, 就像雪了很久的感覺, 不好吃!等了很久, 最後是雞煨麵, 還可以的..懷著希望的心情第一次嘗試這間餐廳, 卻得來這個感覺, 真是有點失望。男朋友說質素怎麼這樣參差? 沙田的那間分店真的超好吃, 超震撼, 我就感受到不到啦!

差不多2年沒有到過霸王山莊再試都能保持水準7點幾都唔full，到埋單都仲係唔full可能係星期一啦，所以訂位都訂左下層因為上層係好迫好嘈好窄鎮江餚肉幾好，水晶同肉嘅比例唔多唔少雞絲粉皮好夠味，但份量少左d小籠包仲係咁ok，讚！素菜餃好大隻，好食，不過唔係好明點解佢會俾小籠包嘅醋醮，素菜餃要醮野嘅咩？ 牛(月展) 黑金剛麵 x 2明明係order牛(月展) ，但裡面有3件牛筋囉，雖然都好食，但係我要牛(月展) o架嘛做咩搭d牛筋俾人呢？同埋份量少左，比起我以前食嘅好明顯少左，所以order左2碗松子魚 $138招牌菜，都唔錯，唔會d炸粉多過魚 黑醋小排骨我覺得甜左dd，但都okwaiter 反應都算快起碼茶壺冇水都唔駛等好耐4個人食左$52X

多謝友人同我食生日飯～來食飯之前上開飯網看看評價，發現蠻多人批評它的服務，有裡有點十五十六，但試一試才發現不差呀！我們沒有訂位，七點時問了一下知客姐姐，才知道要九十分鐘後交位。我們打算等齊人才入座，免得吃得太趕。但知客姐姐很好心的說，站在門口會很冷，就多給我們十五分鐘，讓我們上二樓坐。那一刻真的從心底感到溫暖呢！我們一行五人ｏｒｄｅｒ了：蒜泥白肉小籠包ｘ２牛肉炒薯粉ｘｘｘ獅子頭風沙雞半隻（加送菜飯２碗）蒜泥白肉很貼心的把醬分開上，不太吃得辣的朋友也可以自己調整；小籠包很好吃，又不會很易夾爛，又多湯汁，是水準之作；牛肉炒薯粉炒得香口，麻辣得嘴角也痺了；獅子頭的味道我自己不太喜歡，老是覺得有「川貝枇杷膏」的味；風沙雞也不錯，但有點不夠熱，但有炸蒜粒，蠻香口的。一頓飯吃得很開心愉快，謝謝朋友和霸王山莊

尖沙咀近日真係好正, 好多新場行. 尋日行既dna galleria幾得意, 門口有個大高達, 立時影番張相留念 跟住去左隔離既霸王山莊. 呢度上次同家姐食左一次, 今次同肥佬試.一定食既係小籠包, 暫時可算係食過既最good!! 唔係大陸個D超厚皮小籠包, 好爆汁!! 肥佬食完仲encore, 攬到d waiter眼定定!!!!! @@仲有醉雞同炒飯都保持水準. 冇骨醉雞係最抵讚既, 酒味夠濃fit 哂我呢d酒鬼; 炒飯炒得旱身, very good!! 隔離枱叩左隻片皮鴨好大隻, 好似好好食, 肥佬差d叫埋. 大佬, 兩個人點食ar! 問d waiter有冇半隻, say NO, 惟有下次先試.

星期日與女友途經尖沙咀這間分店，久聞霸王山莊很有好評，所以入去試下菜。由於祇是六點左右，肚子不是太餓，所以祇點了一些家常小品，包括賽螃蟹，花雕雞，黑醋小排骨及川辣炸醬麵等四樣食品。先來的是花雕雞，雞件裝在一個小酒壺內，也有十多件之多。入囗酒味很濃，也算得很滑，但卻無半點雞味，最糟是竟然帶有苦味，很是可惜！再來是賽螃蟹，跟本就是一碗炒得過熟的蛋白，即使是加了醋下去，仍然是淡而無味，我們祇吃了一囗便放棄了。再來的是黑醋小排骨，這個味道做得不錯，可惜上菜時已經是涷的！最後上的是那炸醬撈麵，坦白說那肉醬做得味道不太差，但可惜那麵底煮得過久，以致淋得像BB吃的糊仔似的，難吃得很！埋單二百七十幾，不算太貴，但食物水準就令人失望，試過一次便算了，不會再去！