霸嗎拉麵 (屯門市廣場1期)

營業中

休息中

今晚朋友想吃拉麵，看見OpenRice上食評不錯，就去嘗試一下，結果不似預期。豬肉叉燒拉麵和雞肉叉燒拉麵各叫了一個，豬肉叉燒並不是平常看見的圓形叉燒，是一片長方形叉燒，上面是一層厚厚的脂肪，吃著十分肥膩；雞肉叉燒則是用雞肉捲成圓形，肉質比較‘鞋’。至於拉麵麵質，我們都並不喜歡；而湯底味道還可以。依我用餐時所看見的情況，店員只檢查顧客的針卡顏色，並沒有記錄針卡資料，因為我們也是其中，是不是防疫政策改了？！

屯門市廣場有很多不同的美食，而在頂層有一間日本連鎖拉麵店，我跟老公一起嘗試。餐廳裝修較為日本化，空間感足夠，有不同的日本裝飾配置在午市品嚐拉麵會有不同的優惠，可以有升級滋味，加錢可換購飲品有一個松葉蟹肉蟹膏軟殼蟹拉麵（$128），此為限定的拉麵🍜因為此為限定拉麵，所以老公一見到餐牌那麼吸引，就要叫這個拉麵。果然拉麵不負眾人所望，味道10分吸引，份量也很多有足夠的蟹膏及蟹肉。在遠處已經聞到那陣蟹肉的味道，已入袋裏也有很多軟殼蟹，軟殼蟹10分香口，不會太油膩而湯底也很鮮甜及濃縮，充滿蟹肉味而我也叫了豬骨豚肉紫菜玉子拉麵（$98），豚肉有兩塊，份量較想像中少，大胃王要留意份量。而湯底有很濃郁的豬骨香味，每一啖也很清甜及濃郁，絕對為心機之作拉麵的麵質也很彈牙，而蛋也是流心蛋另外，我們也加錢換了一份炸雞（$18），炸雞很香口惹味，上碟時很熱，溫度良好，不會有太多炸粉的口感整體而言餐廳的水準10分良好，CP值高，下次必定再食😀😀😀

在屯門市廣場的一家特色拉麵店，進門有吧枱也有卡位，格調溫馨，還有餐廳外位置可選。餐單上可根據個人喜好選擇麵軟硬度，配料等，非常方便即叫即做。👍🏻松葉蟹肉蟹膏軟殼蟹拉麵🌟一試特色拉麵，蟹肉拆開一梳梳和蟹膏伴匀，濃郁鮮味蟹膏，咸香味十足，一口湯一啖麵都不會有負擔😋軟殼蟹香脆可口，特色之選。把湯底都飲光後會有完食感謝字樣，有趣發現🤣羽根燒餃子來拉麵店必選餃子🤣燒得外皮脆卜卜，餡料豐富多汁，沾一口餃子汁更惹味。沙拉唐揚炸雞炸雞外皮香脆不過厚，雞肉嫩滑帶油脂，啖啖肉的味道，沙拉汁酸甜開胃。🤗有幾家分店的霸嗎拉麵，主食拉麵和小食同樣保持質素，環境座位舒適，難怪總是人來人往，繼續支持！😋

日式餐廳的炸物真係無得輸，而當中最鍾意一定係軟殼蟹系列！屯門霸嗎拉麵最近推出期間限定軟殼蟹拉麵及飯，仲有甲羅燒，當然要試試！松葉蟹肉蟹膏軟殼蟹拉麵 HKD 128 隔住口罩都聞到蟹肉香味拉麵有一大塊香脆紫菜，底部浸入充滿蟹味的湯底，又係另一種口感炸軟殼蟹幾大隻又香脆、厚肉，不過要快少少食，浸多陣湯會軟身拉麵上仲有蟹肉、蟹膏、香蔥、海帶每樣食材都有獨特香味當中松葉蟹肉及蟹膏幾鮮甜，蟹肉有嚼勁、蟹膏軟綿嫩滑食食下會發覺蟹肉、蟹膏都混入拉麵之中每啖拉麵都可以試埋蟹肉同蟹膏，口感creamy同時香味十足石燒松葉蟹膏軟殼蟹飯 HKD 98同樣香味撲鼻軟殼蟹都幾乎遮蓋整個石燒鍋，要先吃一部份蟹才看到底部的食材而且軟殼蟹外脆內軟、厚肉，香味濃郁好滿足軟殼蟹底部仲有滑蛋、香蒜、香蔥、蟹肉、蟹膏飯裡有醬汁，好開胃拌勻食材再進食，發現飯焦已經慢慢形成熱騰騰的飯又充滿蟹香的飯，正！甲羅燒 HKD 58蟹蓋內有松葉蟹肉、蟹膏和鵪鶉蛋，拌勻之後再塗滿多士，有助減低膩感比起只吃蟹膏，口感層次提升加左蛋令蟹膏更加creamy，蟹肉甜味同時提升

話說這間「霸嗎拉麵」屯門店已經開業了很久，筆者到今日才第一次過來用餐。想不到裝潢都幾靚，中間的開放式廚房更是有點似日本路邊攤的感覺。期間限定的軟殼蟹拉麵，可以見到非常足料，分別有蟹肉、蟹膏、軟殼蟹。本來的豬骨湯底，混合蟹膏後尤如變成海鮮湯，質感濃稠，令拉麵很掛湯。軟殼蟹脆卜卜，內裡還有少許蟹膏，不過因為它浸在湯中，所以很快會淋掉。至於另一款就是辛辣湯底，鹹香帶幾分嗆辣味。碗內最誘人的就要這一塊炙燒豚肉，大塊厚身，肥瘦相間分明，入口充滿著油脂香。拉麵幼身彈牙，據說是店舖自家製的，點餐時亦可因應個人口味選軟硬度。小食點了同樣是期間限定的甲羅燒，蟹蓋內藏蟹膏、松葉蟹肉，以及鵪鶉蛋黃。拌勻後，再把它舖上經香烤的多士片上。蟹膏味超香濃，食完一片已經想encore多一片。

午餐約了朋友去吃拉麵，順道去商場逛逛。這間拉麵常常推出限定拉麵，比一般拉麵更吸引。松葉蟹肉蟹膏軟殻蟹拉麵($128)是期間限定拉麵。完整的大軟殻蟹脆中帶點稔。配料豐富，有海帶和蔥等。麵條硬度適中，能完全掛上湯汁。友人說拉麵實物比想像中多，而且很容易便飽肚。石鍋燒豚肉海老飯($78)，炙熱的石鍋盛着香熱的飯，店員把石鍋端到桌上，也有提醒我們注意石鍋的熱度，上桌後待五分鐘才吃便不會燙口。飯底在石鍋的高温下變成飯焦。食材和飯粒幾乎是一比一的比例，吃每一口飯都能嚐到各種食材。看到餐牌上寫拉麵+$18就可買唐揚炸雞兩件，我們也點了這個嚐嚐。在幾款醬汁中選了沙拉醬，個人覺得這款醬比照燒醬和辛口醬更能帶出雞肉的鮮味。炸雞能保持一貫水準，依舊是外香脆內軟嫩多汁，實在難得。煎餃子和炸雞兩款主打小食中，我更喜歡炸雞，雞的肉汁是餃子無法比擬的。

屯門霸嗎拉麵🍜開咗都一段時間，我老公好鍾意食拉麵，成日經過都話要試。好，就今晚試啦！今日盂蘭節，喺屋企附近快啲食完，早啲返屋企都好。身為一個蟹粉🦀，當然要試吓佢哋嘅期間限定—松葉蟹肉蟹膏軟殼蟹拉麵啦，而我老公就揀咗辛辣炙燒豚肉拉麵。我哋另加$12要多三大塊紫菜同$20粒粒橙汁。1️⃣ 松葉蟹肉蟹膏軟殼蟹拉麵 $128蟹粉一定要試！湯底蟹味超濃郁，最初都有啲擔心同拉麵唔夾，點知出到嚟嘅效果唔錯，味道好好。拉麵軟硬適中，偏幼身，係我鍾意嘅口感同質感。蟹肉同蟹膏都好新鮮香甜，軟殼蟹炸得酥脆可口，正🤩！2️⃣ 辛辣炙燒豚肉拉麵 $93我哋叫咗小辣少油，我哋都好鍾意個湯底，味道十分香濃開胃，淡淡嘅香辣提昇咗成個味道，隔離枱仲將成碗湯入晒，真誇張🤤。豚肉厚身，肥美香口，肉質鮮嫩，好食😋！杯橙汁就頹咗少少，用咗美x達，細細杯但要$20，大杯少少會好啲，唔夠喉。

今晚去左屯門市中心行街，呢度出名多野食多野行。今晚黎食霸嗎拉麵，之前都係去尖沙咀食多，今次見到屯市有分店，而且一直都幾鍾意呢間既湯底，所以今晚再黎encore….閒日晚，食客都唔少，餐廳內都坐得滿滿，安排坐於吧檯位置，但都坐得好舒服，唔太迫。眼見餐廳仲有一部份位置係商場空間。好幸運見到有期間限定menu,仲要係我至愛的軟殼蟹，本身自己都好鍾意食軟殼蟹，所以既然見到有新野，當然要試試。是晚同朋友一人點了一碗拉麵，一份餃子，一枝soda…首先講一講美好既餃子。呢度既餃子都有多種口味。有原味、照燒口味、辛辣口味、沙律味，好多唔同選擇。朋友話想食返原汁原味，所以食返羽根燒餃子。賣相好靚，好大片脆卜卜，香脆又薄切，好好口感。餃子好多餡料，香而不膩，沾埋餃子汁，惹味。好好味既餃子。另外點了一份皇牌既雞白湯雞叉燒味玉拉麵。湯底濃濃，白色既雞湯，又香又甜，雞味又鮮又甜。湯底不但出色，拉麵都爽口彈牙，份量不少另外仲有兩件大大又厚厚的雞叉燒，雞肉又白又香，啖啖肉，咬起來好嫩身，而且又厚，所以口感都十分好，好有咬口。成碗拉麵都好滋味，令人大滿足。仲有一隻溏心蛋。到介紹期間限定的松葉蟹肉蟹膏軟殼蟹拉麵。賣相相

記得一開店個陣黎過1次，之後就無再黎過，突然想食拉麵，經過見到無人等位加上又覺攰，就去試下啦～點知豬骨豚肉紫菜玉子拉麵（$98）湯底味道一般，唔算太油，玉子有流心，幾好，但個麵就麻麻地其實太多拉麵店好食過佢……只係屯門選擇少啫，如果連星期六都唔駛等位，真係係一個好好既味道指標啦！兒童餐豚肉拉麵 （$58）個麵已經揀左軟麵，點知個麵仲硬過大人碗麵囉！杯橙汁……算吧啦…個小朋友問點解有藥水味……加配$18沙拉唐揚炸雞呢個炸得唔錯，配上沙律醬，好夾味

向來鍾意食日本餐嘅我, 今次就嚟咗屯門食拉麵，排隊時間都唔算好長，我哋只係等咗10分鐘就成功入咗。(假日係屯門等候嘅時間相當理想）霸嗎二人前（$248）炙燒豚肉味玉拉麵 🍜雞叉燒味玉雞白湯拉麵🍜湯底濃郁, 叉燒好有咬口唔會覺得好韌，拉麵都好煙韌不得不讚溏心蛋中間係流心的羽根燒餃子環境環境和服務：⭐️⭐️⭐️⭐️味道：😋😋😋😋打卡：📸📸📍霸嗎拉麵 (屯門市廣場) (屯門)屯門屯順街1號屯門市廣場1期3樓3233號舖

霸嗎拉麵是最近停車場入口的餐廳，我每次在這個商場泊車後都會被他的大燈籠吸引住，今次一落車就好肚餓，即刻入去食。新出了牡蠣的拉麵和飯，就試試佢。廣島牡蠣漬醬油拉麵拉麵的湯底與本身招牌豚骨湯拉麵不同，豚骨湯拉麵偏向油。而牡蠣漬醬油拉麵就偏淡，似用蠔本身的汁水和醬油煮湯，所以湯底較清，又有濃厚的蠔味，適合不好油膩的人。因為麵的配菜較少，我加了味玉，即是味琳醬汁浸的雞蛋。味玉十分好食，味琳和醬油的香味十分吸引，又做到流心效果。廣島牡蠣薑汁石鍋釜飯釜飯像韓國菜的石頭鍋飯，用薑汁和醬油汁煮成的飯十分好味，另外蠔是煎過的，但裏面有蠔汁，十分鮮味，再加上石鍋的飯焦十分推薦。照燒餃子加了照燒汁的煎餃子，肉餡不變。依舊做出網紋效果。如果午市來食，跟野飲會更加抵。

好耐冇食拉麵🍜🥲🥲，呢日即慶約咗個朋友快食霸嗎拉麵*廣島牡蠣漬醬油拉麵 $128*呢個期間限定拉麵，我個fd開頭係咁叫我唔好試，話好易中伏😆但係我都係要食！每碗拉麵有4隻廣島牡蠣🦪，望落全部都好大隻漲卜卜，即刻飲啖湯試下先，好香蠔鮮味，正！麵條一如既往口感適中，配搭肥美多汁嘅牡蠣，好滿足😆*炙燒豚肉味玉拉麵 $93*經典嘅特濃豚骨湯底，拉麵掛湯，厚厚嘅豚肉燒過後更香，肥瘦比較都啱啱好，粒蛋流心👍🏻*雞白湯清酒煮廣島牡蠣漬 $48*另一個期間限定嘅小食，兩隻牡蠣size比拉麵個款細，湯底雞白湯就比頭先清啖，但係帶少少酒味，仲有幾舊勁入味嘅蘿蔔

黎到呢度食拉麵，首先叫咗一個辛辣炙燒豚肉味玉拉麵，當中嘅豚肉，肉汁鮮嫩，而且亦都好入味，加上又微辣嘅湯底，令到成碗拉麵更加可口，拉麵軟硬都啱啱好，加上流心蛋，格外好味，啲荀亦都好爽！另外一半係廣島牡蠣漬醬油拉麵，啲蠔好爽甜，肥美，加上啲拉麵湯底亦都配合得啱啱好，配料好足料！仲有一個羽根燒餃子，外面脆卜卜，內裏好Juicy,肉汁鮮嫩！唐楊炸雞，外脆內軟，而且熱辣辣，裏面嘅雞肉亦都好嫩滑，加埋啲檸檬汁，更加美味可口！

上網見到霸嗎拉麵出咗個新口味，仲要係最愛嘅牡蠣拉麵，梗係要去試一試啦！基本上呢個拉麵平時係唔會食到，脹卜卜的廣島牡蠣，配上濃郁的海鮮湯，鮮味十足，配上日本京蔥，口感清新，每啖湯都有非常重的牡蠣味，愛牡蠣者必試！當然唔少得加返份厚切叉燒，炙燒過的肉,既有蕉香，食落唔會肥膩，入口即溶！辣汁唐揚炸雞，炸雞加上煮過既辣椒醬，辣得過癮，雞炸得外脆入面多汁，食得辣嘅朋友可以一試！人均消費百多元，能吃到廣島直送的特色拉麵，實在不錯！

收到新一輪消費券,今晚同友人食餐"蠔"霸嗎拉麵好多時都推出期間限定,今次就推出廣島牡蠣漬醬油拉麵和廣島牡蠣薑汁石鍋釜飯,既然係限定我哋就試下廣島牡蠣漬醬油拉麵一牡蠣又稱為蠔,足足有成四粒超飽滿而每隻也大大隻脹卜卜,一口咬下爆汁,味道鮮甜又唔腥,係好鮮的蠔香。拉麵麵質爽口,掛滿湯汁,湯底唔會好濃郁,但有種蠔嘅清甜味廣島牡蠣薑汁石鍋釜飯一呢嗰飯上枱時熱辣辣又香噴噴,飯面有四隻蠔,配以一隻生蛋和大量京蒽、蔥花、菇菌豐富配料撈埋食味道好夾,最喜歡石鍋底脆脆地嘅飯焦好有咬口羽根燒餃子一餃子底有層薄薄脆片,皮薄餡料滿滿,非常香脆可口唐揚炸雞一炸雞是即叫即炸,內裡鮮嫩,加埋d燒汁好好味