霸嗎拉麵 (屯門市廣場1期)

營業中

休息中

役情來襲，又來晚市禁堂食，唯有吃午歺，見屯市霸媽新推饗宴の明太子，最好明太子獨特味道，就來一試外賣還有優惠呢，85折或送炸雞😬😬明太子豚角特濃牛乳味噌拉麵 $108北海道4.3牛乳製成的味噌湯底, 掛在幼細的拉麵上.!味玉係流心蛋，蛋白位置帶有少少甜味，幾特別另外點了一人歺 ＄108 唐揚炸雞 炸得脆身，雞肉嫩滑😝😝配埋汽水雞叉燒雞白湯拉麵湯底質素是不錯的, 因為有食過一D拉麵店, 湯底好油, 味精好重, 霸嗎拉麵絕對唔係呢種, 雞肉嫩滑厚肉, 入口鬆化, 不錯。拉麵還有蔥粒同木耳絲，令拉麵口感更豐富!好大碗👍👍很有日本風味，下次夜晚來外賣，羅返個優惠🤣🤣

創立於2003年的「霸嗎拉麵 」是日本廣島起家的連鎖拉麵店，以「秘製醬油濃厚豚骨湯底」，自家製麵條及炙燒厚切豚肉馳名位於屯門市廣場的這家店，燈光篇昏黃，佈置裝橫也很有日本風格「辛辣炙燒豚肉味玉拉麵」秘製湯底用豬骨、雞骨和大量蔬菜熬煮10小時以上，辛辣味剛好沒蓋過湯底，自家製幼麵麵條掛湯，最打動我的是炙燒過的厚切三層肉，肉質軟嫩可口，油脂豐厚帶有炙燒香氣，溫馨提示：怕肥膩者勿試「雞叉燒味玉雞白湯拉麵」早期行過見到雞白湯成日賣曬，對此期望較高，可惜未符合預期，湯頭濃郁，雞味濃厚，但比較似清雞湯，雞叉燒相對炙燒豚肉亦較失色

天氣又轉冷，即刻同朋友黎屯門市廣場既霸嗎拉麵食返碗熱騰騰既拉麵，餐廳好有日式風味，餐廳用黑色同紅色為主。我地叫咗雞义燒白湯拉麵，雞叉燒嫩滑而肉好厚，個湯底清新鮮甜，同平時食開既豬骨湯有啲唔同，不過一樣咁好味😋仲有期間限定既廣島風擔擔拉麵，豬骨濃湯做湯底味道濃郁，加入麻醬，花生碎同辣肉醬，少少嘅香辣味。唐揚炸雞(2件)，酥脆嘅雞皮入面有勁多肉汁嘅熱辣辣雞肉，加D檸檬汁一齊食好好食。雖然每枱都有一壺冰水，但係我地都叫咗雀巢檸檬茶 

天氣寒冷，晚上跟家人到拉麵店吃碗拉麵。以紅黑為主的日式裝潢，門口放着餐牌，推介限定款式拉麵，限定款式每每帶來驚喜。有別於過往不同款式的拉麵，這次是擔擔麵。店內坐滿了人，餘下吧台座位，剛巧有人用餐完離座，我們便坐在卡位中。看到門外的餐牌有新產品，點了一碗廣島風味擔擔麵($95)嚐嚐。湯底味道比平時吃的其它拉麵濃郁中，鹹味較重。相較拉麵，我較喜歡這擔擔麵的麵條，更能掛上濃郁的湯底，加上本身有如麵線般柔滑，麵上放上豬肉碎粒，一口麵一口豬肉碎粒，呈現麵條與豬肉碎間不同的口感。碗邊還放了一隻流心蛋，流心度跟餐牌上的一樣。花生粒是擔擔麵必備的點綴，麵中的花生粒多，配上比花生粒軟稔卻帶着相似爽口的西蘭花，令整碗麵的口感做得很好。然後點了一個怕單一人前($108)，包括一碗拉麵、一碟小食和一罐汽水。拉麵六選一，選了炙燒豚肉拉麵。豚肉軟腍大塊，拉麵掛上相對柔滑而濃郁的湯底。與擔擔麵不同的是這碗加了軟稔中又帶點爽脆的味荀，口感更配合微爽的拉麵。小食選了沙拉炸餃子，炸餃子最重要還是熱燙香口，頂層的沙律醬令餃子更開胃，也能提升餃子的味道，中和炸餃子的油膩感。雀巢檸檬茶的甜抵消拉麵的熱燙，這個怕單一人前的一人餐

價錢貴，以為味道會有保證，但其實非常普通。個湯頭感覺同一般超級市場買返去自己煮無分別，一d都無豬骨香味同膠感，我去其他拉麵店習慣食完麵會飲幾啖湯，呢間我一啖都唔想飲。唯一可以俾like係隻蛋。份量少，男人的話肯定要加麵，我本身唔大食都唔飽要加麵。最值得一提係d員工個個掛住吹水，叫佢地做野好似阻住佢地傾計咁，尤其係收銀個後生女，一路埋單一路同隔離果個吹水吹到忘我境界，問多佢一句個樣唔耐煩到想鬧人咁。唔明憑乜要收人加一。呢間野絕對唔會有下次。

上堂前仲有啲時間又有啲肚餓，仲去左食下午茶拉麵～估唔到拉麵都有Tea Set，價錢非常實惠！包一個拉麵，小食同飲品！我自己就揀左 B 餐拉麵就麻麻地，個雞白湯雖然濃味但自己唔係咁喜歡！炸雞就唔錯！

｜辛辣炙燒豚肉味玉拉麵｜湯底微辣，味道質感好濃厚，足夠麵條掛滿湯汁，上面除左溫泉蛋，仲有炙燒豚肉五花腩，加上蔥花超吸引～｜辛口唐揚炸雞｜即叫即炸好香口，外脆但內裡滿有肉汁，肉質好嫩滑，帶少少辣粉同七味粉調味，好惹味～｜廣島風擔擔拉麵｜偏少湯，比較似沾麵，同樣湯底好濃郁稠杰，掛晒落拉麵好食，溫泉蛋味道同流心效果一流，加有肉碎、花生粒、蔥，中日混合呢個特色又唔錯喎～｜蜜瓜酒｜香濃蜜瓜味但偏甜，一邊食拉麵一邊飲味道都好配合～｜綠茶可樂｜好得意有可樂味得嚟又有綠茶味～

霸嗎拉麵今日放工好得閒，約埋家姐去食個拉麵先，因為呢間見到好多次，都想試好耐！廣島風擔擔拉麵因為我唔係食得辣，但見到呢隻係新出，當然要試試啦，亦叫職員轉小辣。當真真係唔算好辣，仲接受到。而隻蛋係流心蛋，唔錯。不怕單一人前醬燜雞叉燒辛辣雞湯拉麵叉燒幾厚，咬落去口感唔錯，幾淋，脂肪比例唔高，所以幾好味。湯底感覺上比擔擔麵微辣一些。但辣味唔會停留係口腔停留太耐。沙拉炸餃子兩隻正常大小嘅餃子，炸得幾脆口而又有肉汁。食落唔錯。

豚肉拉面就食得多，但檸檬口味嘅拉麵就真係未試過，呢排天氣仲係勁熱，一於試吓檸檬口味豚肉拉麵，睇吓口感係咪真係冇咁油膩，霸嗎拉麵位於屯門巿廣場嘅頂樓，每晚收工經過都會大排長龍，可想言之個質素一定有返咁上下，估唔到同幅相一樣，真係有檸檬喺上邊，食落去有微微地嘅酸，可以減去豚肉嘅油膩感，湯底同樣亦都冇咁濃，非常開胃，唔覺唔覺都可以食晒一碗，另外我哋仲叫咗餃子，外表煎到脆卜卜，但個餡都仲係非常Juicey, 唔知檸檬豚肉拉麵係咪限定，而家香港一連365日都咁熱，得閒食一碗都唔錯！

屯門市廣場都有唔少拉麵店，呢日黎到霸嗎拉麵，見到佢有期間限定的特別口味，就試一試先呢日時間都算早，未有太多人等候，店員好快就安排到入座拉麵未上之前，就想食下開胃小食呢份辣汁唐揚炸雞，每件都大大塊，鬆脆可口，咬開仲係熱辣辣，雞肉多汁，而且辣味好夠！愛食辣既人一定會滿足濃厚醬油豚角拉麵，豚角份量多，而且軟嫩，吸收晒醬油湯的味道，但整體唔會太鹹期間限定：辛辣檸檬豚肉拉麵，見到呢個配搭真係好得意微微既檸檬酸味混入了辣湯，形成酸辣既感覺。而豚肉細滑，唔肥膩，表面既微焦增加左風味麵條亦彈牙另外，呢到只需$20就可以叫一份替玉，男士們唔需要擔心份量唔夠

今日同先生出來下午茶，他說想吃拉麵，由於我本人對麵食一般般，就叫左一個拉麵下午茶再加炸雞。味道先不說，老公食完就話胃不舒服，又想去廁所，我以為他消化不好。點知，由吃完回家一路肚痛到凌晨，中間屙左幾次，屙到pat pat都痛埋！ 而本人亦有肚痛，肚屙，不過無先生甘嚴重。 (可能拉麵主要他食，我只夾左一箸) 一間食肆，味道唔好可以改進，但是由於出品質量令到食客肚屙肚痛，就真係好有問題！試問甘樣叫人以後仲感唔感幫襯！

而家香港食日本拉麵真係好方便,很多拉麵專門店開放式廚房睇到師傅煮麵 落單好簡單,可選麵條硬度或濃淡,交單後約10分鐘內上菜大致上跟返日本風格,湯底濃度,麵條都依日本分店製作方法設有吧台位置或4人座位濃厚豬骨豚肉玉子拉麵 辛辣炙燒豚肉拉麵加炸雞小食3碗麵都係特濃湯底,只係配唔同既食材湯底係豬骨濃湯,味道入口濃香滑順口感,濃而不油膩既重口味之選,的確好飲湯頭濃稠杰身,更易掛湯麵條上,麵身選用曲線有彈性之餘爽口 玉子蛋芯半熟狀態係流心既 叉燒片係經過炙燒,個肉面帶微焦更香口,煮得極淋身之餘唔會好肥膩炸雞皮薄包住無骨雞肉 香脆可口之餘有肉汁Shop 3233, 3/F, Phase 1,Tuen Mun Town Plaza, 1 Tuen Shun Street, Tuen Mun平均消費$100 評分8/10

最近無得去旅行 無得番出「鄉下」Shopping 之餘，更加慘係無得去食日本野引起就會想食下拉麵，即刻同女朋友走去食番個霸嗎拉麵，貪佢唔駛排隊又叫做唔錯咁樣一去到就有得坐低 但係俾人話我肥咗 所以最後無食到拉麵，而係散叫左一碗湯底，一碟炒野菜，兩隻溫泉玉子同埋一碟紅燒豚肉，自制左一碗「拉麵」俾自己雖然無食到麵底，但係都可以食到佢個個湯底好濃郁，好香豚骨味。而野菜以芽菜為主，好爽，用黎當「麵」豚肉真係好好食，一碟有四塊，太多食唔哂啦至於玉子正常野 無咩特別總結係一間唔錯既拉麵店用黎解解思「鄉」情

屯門市中心拉麵嘅選擇都有唔少，不過霸嗎每次都係我嘅首選！平日晚飯時段都要等一陣位，好在隔離就係大電視，可以睇住奧運等！（嘻）今晚有卡位坐，好寬敞～仲可以望到拉麵廚房好忙碌！一坐低就有冰凍檸檬水飲，讚！點左期間限定嘅檸檬豚肉拉麵，瀨戶內海檸檬原汁+新鮮厚切檸檬+濃郁湯頭！配搭好清新好醒胃！拉麵麵質好順滑～好啱我口味！豚肉係用低溫慢火浸煮，再用明火灸燒，脂香味好突出又唔會太肥膩！大大塊但好易咬得開～非常唔錯！另外點左石燒鰻魚飯，一上菜已經聞到鰻魚嘅焦香味！鰻魚肉好肥美～用石鍋上要小心熱喔！等咗一陣先食，有好香口嘅脆卜卜飯焦！超讚！拌開炒蛋同蔥花食到唔停口～推介！追加左+$18嘅沙律唐揚炸雞！雞肉炸得外脆內嫩，個人比較喜歡配沙律醬，會開胃惹味啲～值得一提嘅係幾個店員阿姨都超好禮貌同服務！要跑兩邊樓面都仲好好耐性同心機照顧食客！見到我哋兩個人食仲主動比多隻碗我地分食物～謝謝款待！

今日星期日同老公黎拍拖，行到市中心好多人，好熱鬧！ 我們想找間餐廳食下少少嘢，老公想食拉麵，最後見這間食評多人like, 所以試一試唔算好多客人，環境都幾舒服，木椅木枱，不過比較窄一點；燈光開明，安靜環境餐廳簡單易選，客人自行點畫所需要的更有不同調味料，又是自己配搭（雞叉燒辛辣雞白湯拉麵）老公點了少辣，味道剛剛好又惹味；雞叉燒好滑又入味，有一件是雞卷；更有木耳絲、青蔥粒；拉麵軟硬剛好（炙燒豚肉拉麵）味道比較濃郁，但唔會好咸；炙燒豚肉肥瘦一層一層，好軟腍的口感；筍片我唔太好，食了幾片，拉麵口感都唔錯（唐揚炸雞）點拉麵加+18可配唐揚炸雞，可3選1醬汁，老公話想試，所以點了燒烤醬汁；但可惜是不熱的，我覺得炸雞一定要熱先好食，老公話味道唔錯，加上唔乾，但唯一是唔熱，咁就減了分