霸嗎拉麵 (屯門市廣場1期)

營業中

休息中

昨晚去咗屯門市中心，突然間想食拉麵，見呢間唔使等位就去食啦。order咗兩款拉麵，一個辣一個唔辣。 湯好濃味，但又唔會話好鹹。 如果兩款拉麵比較，我鍾意唔辣個款多啲。 另外叫咗個沙律炸雞，炸雞好脆，肉質好嫩同埋好juicy，唔會乾爭爭。炙燒豚肉味玉拉麵炙燒辛味雞白湯拉麵沙拉唐揚炸雞

聽過呢間唔錯 想食呢間好耐架啦 所以今日同同事放左工特登黎呢到食首先真係要讚下呢間拉麵嘅肥豬肉 真係好出色 佢燒得好香 但食落又冇戈陣Gas味 雖然得一嚿肥豬肉 但佢好厚 而且仲要食落入口即溶仲有佢隻糖心蛋 入味得黎仲要係流心 好正！而佢個湯底好重味增味 飲落去又唔會太咸 另外想食啲菜嘅朋人 可以叫佢地嘅抄野菜 份量好大份，而且食得出係用左好靚嘅芽菜，佢落左小小嫌佢調味 就咁食又得，放埋落碗麵底浸湯食都得，一樣都係咁好食呢間真係好值得黎試！！！

同男朋友平時已經好鐘意食拉麵，疫情關係無得去旅行，唯有係香港食住先啦！今次試左呢間霸嗎拉麵，裝修非常有日本既風格，叫左個辛辣炙燒豚肉味玉拉麵，有得比你揀麵既軟硬同埋辣度，食得辣既我覺得中辣啱啱好，同埋豚肉相當入味，肥瘦剛好，湯底十分濃郁，93蚊就換到日本既味道，抵呀！

放假天最好就係行街食飯，但疫情仲未完結，只好乖乖地買外賣回家食，呢日去超市買餸，經開霸嗎拉麵，好掛住佢地d拉麵，見外賣仲有85折，好抵食呀，咁就點幾樣外賣返屋企食屯門店都幾大間，等疫情好番，要舒舒服服去餐勁既外賣盒擺放得好恰當，湯及麵都分開放，我點左餐廳主打既炙燒豚肉味玉拉麵，湯底超香濃，拉麵底又煙韌。另外大家見唔見到呢件好厚既豚肉呀? 雖然好厚切，唔單止唔o鞋之餘，亦都好嫩滑，用筷子輕輕一篤，已經可以分開，加埋隻糖心蛋，非常之滿足難怪係餐廳主打拉麵之一。照燒餃子:每份有5隻，雖然唔係一口size, 不過每隻都好夠份量，每隻都煎到金黃色已經好吸引，外皮夠薄脆，入面既餡仲帶點湯汁，配埋夠味既照燒醬，香脆唐揚炸雞:每份同樣有5件，外皮口感好脆口，裡面既雞肉亦都keep到好嫩滑，好juicy

話說昨日的工作比較棘手，差不多三點幾才去食午飯，結果晚餐時間到了但仍未覺得好肚餓(˶‾᷄ ⁻̫ ‾᷅˵) 所以晚餐我就去了霸嗎拉麵，叫了一些炸雞回家，一邊看電視，一邊食炸雞。喔，我還叫了一個細飯，以防萬一肚餓，哈哈。炸雞叫了三個款式，分別是辛口唐揚炸雞，沙拉唐揚炸雞，燒汁唐揚炸雞，每款38元。另外叫了一個沙律豚肉丼，35元。埋單251元，沒有加一服務費，只是有外賣盒一元收費。先講炸雞，其實每款都好食，尤其喜歡辛口和燒汁味，辣得好刺激，刺激到味蕾，餸酒一流。燒汁都好惹味，兩款都皮薄肉多，炸過的雞，不老，還很嫩口，雞皮都食得，食完不感肥膩。至於沙拉，就比較清淡，如果比起剛剛的辛口和燒汁，不過其實沙拉都幾開胃，微酸，肉多，有葱花，當小食，又或者餸飯其實都得。而沙律豚肉丼，本來以為好細碗，怎知原來份量都不小，有幾多白飯，上面又有一些滷肉，和沙拉，食完都飽。滷肉配沙拉的組合，第一次試，都幾新奇新鮮感，出奇地開胃，肉質又不老不硬，很好。

星期日中午不想煮飯，到附近商場買外賣。霸嗎拉麵外賣有兩個優惠可以2選1，全單85折後也頗抵食。本身想點雞白湯，但見有期間限定新款式檸檬豚肉拉麵，就試一下味道如何。一碗拉麵配兩份小食，兩個人吃剛剛好。湯和麵條分開上，令拉麵口感更佳，賣相也較為吸引。麵條軟硬適中，檸檬湯底有驚喜，微微檸檬酸味令湯底更清新。豚肉非常出色，肥瘦適中，油脂令肉質口感更細嫩。餃子煎得香口，韭菜餡料很飽滿，皮薄餡靚的日式餃子。唐揚炸雞雞肉嫩滑，肉汁炸粉夠薄身，香脆惹味。

除了工作以外，已有一段時間沒有外出，這日終於踏出家門，到商場逛街，走着走着，看到餐廳門外的新出品很吸引，便在這裏吃個拉麵作午餐。將近下午茶時段，看見門外仍有人等候入座，我便直接打包拉麵離開。讓我駐足的是期間限定的黑松露雞叉燒雞白湯拉麵($93)。期間限定的拉麵往往帶給人驚喜，早前吃過的大隻厚肉龍蝦拉麵令人印象深刻。這次期間限定拉麵的焦點是黑松露，帶着讓人垂涎欲滴的松露香。拉麵的另一個主角——厚切的雞叉燒，軟腍得入口即溶。雞叉燒配上柔滑香郁的雞白湯，而帶點煙靭的拉麵掛上雞湯。可先喝一口雞白湯，再嚐一口放在雞叉燒上的黑松露，雞白湯與松露的芳郁在口中，讓人齒頰留香。沙拉野菜炸餃子($38)，有時候我喜歡原味的羽根燒餃子的原汁原味，有時候喜歡這個加了野菜和沙律的清新口味。炸物加上沙律，為乾身的炸物加點清爽酸甜。底下是爽脆的野菜，新鮮的野菜減低炸餃子的油膩感。炸餃子外層香脆，內裏的蔬菜多汁，外脆內軟，配上綠茶可樂很合適。綠茶可樂($25)，幾乎每次來都點一支綠茶可樂。吃拉麵不少得可樂或綠茶，這支綠茶可樂，既嚐到可樂味，又嚐到解膩清新的綠茶味，比光喝可樂或綠茶更讓人舒暢。濃滑的雞白湯拉麵和脆口炸餃

有排冇得去日本 🇯🇵太掛住地道嘅日本美食啦 😌😌屯門市廣場搵嘢食，就嚟食個拉麵拉😝疫情下店員嘅防疫措施做到足 👍👍見到佢哋盡量將食客分開，有足夠距離😌😌而且見佢哋清潔消毒做得好好，放心曬😬😬開放式廚房 更加確保乾淨！點了炙燒豚肉味玉拉麵 即是日本嘅感覺返曬嚟拉麵彈牙有韌性，湯底好濃沃 😋😋但係濃而不膩嗰隻叉燒非常厚切 肥瘦適中 特別鍾意佢嘅流心蛋，口感唔錯 😛老婆想食飯 叫咗豚肉石鍋飯 ，很足料，豚肉鋪滿曬，熱辣辣 真心唔錯😋😋屯門來講呢間都算係我哋嘅首選拉麵店，繼續支持！

以前減肥，有段時間實施低碳飲食，唔可以食咁多澱粉質，外食成日食霸嗎拉麵，因為佢$58 就有得叫佢最出名嘅炙燒豚肉，塊塊2cm 咁厚，而且仲有成4塊咁多，就咁食豚肉都食到勁滿足勁飽。 .而家減肥成功，隔咗一段時間冇食了，今日心癢癢叫外賣食返，份量同水準依然keep 到，我仲叫咗個雞叉燒雞白湯拉麵同屋企人happy share😄👉 炙燒豚肉：必點！塊塊2cm 咁厚，肥瘦適中，入口即溶，食落又油膩、感覺超正！. 👉 雞叉燒雞白湯拉麵：第一次食，湯頭幾濃郁，拉麵有軟、中硬三款面選擇，我自己偏好軟硬適中嘅拉麵，食落口感掛汁效果感覺最佳。 而雞叉燒脂肪比較少，食落肚罪惡感冇咁高，如果想唔想肥肥，又可以食到好嘢，食呢款就比較適合

疫情下當然最好自己煮，不過日日食住家飯真係會厭🤭，所以今日決定吃外賣，久久都沒吃拉麵了，同老公專程走到屯門巿中心的霸嗎拉麵，想念了你的豬骨湯底同厚厚的豚肉唷🥺。由於外賣拉麵的拉麵及湯會分開二個外賣盛裝，所以拉麵質地依然可保持爽口，一條條，分明的，並無變淋。真的好喜歡霸嗎大大舊厚切豚肉，好有口感，好滿足，而且豬骨湯濃而不膩，真的好吃，我吃到就連一口湯都快沒有了😆！石鍋燒豚肉海老飯由於每次都是點拉麵，老公說沒新意🤭，不過不試不知，原來炒飯好惹味，竟然好有獲氣，而且用料多及新鮮，囡囡還搶住吃。看來又多一款美食可以選擇了😋。

今日搞掂晒手頭上啲工作，自己一個人又唔想喺出面食，係時候買個外賣返屋企孤獨食。一如以往孤獨食，肯定係食拉麵。好，睇吓有咩好食先，外賣自取仲有八五折，或者揀炸雞汽水，二揀一，正喎！雞叉燒雞白湯拉麵，有兩件大大件雞，雞肉夠滑，拉麵煮得啱啱好，返到屋企放咗落湯都唔會太腍。辣汁唐揚炸雞，炸得好好，外皮有少少脆，雞肉裏面唔會乾，加埋個辣汁舊惹味。信州蘋果梳打，天氣咁熱，飲過梳打嘆吓先，果汁含量仲有50%添架！

前幾天去了屯門霸嗎拉麵食野，在門口㩒了飛仔等位入座，等左好耐無人理，我就問左個好似阿叔的職員有位未，佢好串咁話：「你㩒左飛就等下啦！未有位都安排唔到比你架！」跟住我再等了一陣，見個阿叔職員帶了兩個無㩒飛的人出了出面商場的卡位，完全無視我，咁我就入了店找了另一位女職員幫我，嗰位姨姨女職員好有禮貌地招待我，她問我有否㩒飛，我說㩒了但無人理我，我見這位姨姨職員好好笑容又好有禮咁同我講唔好意思，並請我多等一會，我見佢好忙咁在收銀收緊錢，我同佢講我唔介意先坐下等你地轉頭先幫我執枱，個姨姨職員說可以，並幫我探了體温，再請我先入座。我坐下後，見個阿叔職員從門外行入，我聽見個姨姨職員請佢先幫我執枱，並且不止請了一次，但個阿叔當聽唔到，行來行去，最後係個女職員自己收完錢後急急腳來幫我執枱，並唔好意思前唔好意思後招待我及幫我落單，其實我唔明點解同一間店的職員，服務態度會差咁遠，雖然我好唔滿意個阿叔惡劣的服務態度，但最後我付錢時，剛好是剛才招待得好有禮貌的姨姨職員收錢，佢好有禮貌再講唔好意思，而且用雙手給我收據，講真，我好耐無見過咁敬業樂業的員工，因為這位姨姨職員的工作態度，我最終都給了少少貼士才離去...

抗役嘅日子，已經超過一個月啦😅😅日日都喺屋企煮 ，心思思今晚叫外賣😝😝喺市廣場入完貨，見到霸嗎拉麵 🍜好掛住日本拉麵🤩🤩頂住檔先啦 ，外賣仲有85折 或者送炸雞加汽水 ！我哋就揀咗85折，屋企食自己有汽水吖嘛！哈哈 😄我就揀咗炙燒豚叉燒味玉拉麵 老公揀咗 雞叉燒拉麵 好有心機 湯同食物分開，返到屋企先擺落去👍👍拉麵就唔會過林啦 ，叉燒厚切，肥瘦適中 😋😋好香口呀 🥰🥰配埋流心蛋就一流啦 🤪🤪最喜歡佢嘅湯底 非常濃郁 份量好夠呀 ！做晚餐啱啱好 老公就鍾意食雞叉燒佢話佢嘅湯底特別清甜喎 😏😏而且雞叉燒嫩滑得來一啲都唔肥膩 😛兩款都好正我哋連湯都清曬呀😍😍

這陣子多在家中煮，突然想吃拉麵，然後就選了霸嗎拉麵的外賣。它現時也有做外賣優惠，主餐牌有85折或正價拉麵送2件炸雞配汽水，十分抵食。外賣自取速度蠻快，店家用了保溫力較強的外賣盒，保持溫度。😍雞叉燒味玉雞白湯拉麵拉麵分湯上，麵身依舊韌勁，即食剛剛好，味道沒有受影響，湯底香濃。蔥花及木耳絲等配料十足，味玉更煮得洽到好處，流心非常。最出色的都是雞叉燒，厚切連皮，肉質嫩滑，有兩大塊。🤤原味唐揚炸雞和原味羽根燒餃子拉麵配小食，常選炸雞和餃子。雞塊外脆肉嫩，外賣會有一點影響，但味道搭夠，份量亦十足。餃子煎得通透，薑絲豬肉饀料肉汁豐富，油脂不會過多。😋😋😋始終堂食滋味不同，希望下次可以堂食試另一種口味。😊

照片的豚肉有碗那麼闊，實際只有一半！而且薄切！但沒收半價！湯底兩個字，勁咸，比出前一丁味精更咸。麵，這是绝配，選適中，明顯還沒煮好，還硬身。糖心蛋，應該是雪櫃刚拿出來，冰凍的！只有葱花可取！