霸嗎拉麵 (屯門市廣場1期)

營業中

休息中

依間拉麵譜經常性見到好多好多人排隊，終於拎起心肝試吓究竟好唔好食，喺平日嘅兩點幾終於唔使等位之下入到去食嘢值得一讚嘅係座位同座位之間嘅空間非常之夠，喺疫情期間最好就係依啲位置啦唔使同人迫同埋同啲陌生人咁接近😂拉麵嘅餐單，非常之簡單一係就豬骨湯一係就雞白湯有辣有唔辣有玉子冇玉子就係咁簡單我哋今次叫咗個雞白湯玉子唔辣嘅拉麵另外仲叫咗個餃子一上到嚟，個雞白湯個面偏油，因為之前喺其他餐廳食過嘅時候個雞白湯可能係比較白色，呢個就好似雞湯咁，飲落去淨係得個鹹味，個人應為個湯底完全冇特別不過個雞肉個面係有烤過，麵都係唔係非常之特別，我哋一個叫咗硬一個叫咗正常，食落去個質感差唔多成碗面我覺得值回票價同呢個價錢嘅係隻蛋本身隻蛋都有醃嘅味道非常之清甜加上流心，幾好食餃子味道一般般同樣地冇咩特別可惜嘅係食到差唔多最後呢舊嘅時候見到有疑似頭髮嘅物體非常之核突😅結論就係個人認為依間拉麵譜非常之普通，我就唔會再回頭啦

次次行過見好多人等 今日行過好出奇地見無咩人等於是入去食 真心，無d食評寫得「咁」好食 「咁誇張」可能每個人嘅口味唔同啦 不過不失啦唔值呢個價錢但d小食係好食嘅 ， 炸雞同埋餃子🥟係好好食拉麵同石窩飯就一般般了。個拉麵個湯底係幾好濃味 但係塊豚肉真係好肥好肥 同埋唔值咁貴 $93蚊得一塊豚肉 石鍋飯就更加一般般 因為完全冇汁醬 乾爭爭 啲豚肉非常之硬 但份量還可以 枝豆$20超級唔值 個雪糕就更加唔值 總括嚟講唔會食下一次 不過不失 一般般

食拉麵我最享受濃郁嘅湯底，但又怕佢太油膩。今次霸嗎嘅拉麵冇令我失望呢！同大部分拉麵舖一樣，舖頭落單採用寫紙仔形式，可自行選擇麵身嘅軟硬度，亦好貼心地可以少油，注重健康嘅朋友可以一試。炙燒豚肉海苔味玉拉麵呢個可以話係舖頭嘅主打，豚肉以慢火浸煮約10個鐘，再用明火炙燒，表面香脆，內裡鬆軟入味。味付糖心蛋嘅蛋白質地軟熟，亦醃得好香。蛋黃企身唔會太生，唔會篤穿咗就流哂落湯底到。雞叉燒味玉雞白湯拉麵雞白湯湯頭厚身，可以包實拉麵麵條。雞肉都好味但明顯比豚肉遜色，如果只可以揀一樣嘅朋友建議試咗豚肉先。照燒餃子照燒醬汁份量適中唔會太鹹。餃子煎得香口，而且皮唔厚，有好濃韮菜香味，韮菜控記得叫呀！整體嚟講味道唔錯，舖頭裝修有和風味道。推介俾想食好嘢又鍾意嘆環境嘅朋友呢！

見尖沙咀嗰間次次行過都排哂長龍，諗住同分店都應該有返咁上下，仲有openrice又多好評，男朋友又中意食拉麵，諗住情人節就去食餐好食嘅拉麵。結論係唔難食，唔好食，但唔會再去食！炙燒豚肉味玉拉麵一上枱，碗麵完全唔吸引，仲衰過超級市場入面嗰啲拉麵檔。湯底啖味，溏心蛋冇味，嚿肉柴到...啲麵算正常，唯一好食少少嘅係啲筍。雞叉燒味玉雞拉麵雞叉燒拉麵啲湯底，蛋麵都差不多，唔同嘅係塊雞肉嫩啲。另外我地叫咗煎餃子，唐楊雞，同炒野菜。炸雞又油又乾，野菜得芽菜同冇味，煎餃子算係正正常常。

今日同女朋友去左良景行菠蘿山，行完沿路行返落良景，之後坐輕鐵來到市中心搵野食醫肚。咁行到市川心3樓，見到呢間拉麵店，睇價錢同食品都ok，又唔洗排隊，就入去一試。我收友叫左個炙燒豚味玉拉麵，我就叫左個辛辣炙燒豚肉味肉拉麵，同沙拉炸餃子加多枝綠茶可樂，埋單2百幾蚊。先講我碗辛辣豚肉拉麵，我叫左中辣同軟麵，辣味ok，而且湯味冇比辣味蓋住，幾濃，我喜歡👍麵真係幾軟，可惜冇得選粗拉麵，我個人比較鍾意粗小小。味玉（蛋）係比原隻糖心蛋你，冇切開，咬落一流（小心蛋黃汁必左出黎）豚肉好淋，咬落口有小小入唔即溶既感覺，成碗我覺得中上。我女友嗰碗豚肉味肉拉麵就要普通硬度，佢覺得麵豚肉蛋等都好好，不過湯就嫌咸左啲，佢覺得以前apm嗰間神山既味道好一點。餃子唔錯，可惜係炸既，如果係煎餃子會更好。綠茶可樂係就咁一枝上，可能我之前眼大睇過龍，去日本旅遊時冇印象見過呢款飲品。飲落唔錯，有小小小小茶味同小小可樂味，感覺似多汽既百事可樂再加 梳打咁。整體唔錯，值得再去，如果下次我仲黎屯門又想食既話😜

近排呢個時勢都好少出街， 近近哋入完貨好耐冇食街嘢食碗拉麵先霸嗎呢間拉麵平時都要等位～依家梗係唔使啦…… 叫咗一碗 炙燒豚肉拉麵湯底濃郁嘅叉燒就肥咗啲雞叉燒拉麵湯底都幾清不過拉麵份量就 唔係好夠大男人食真係唔夠飽所以叫多個小食 唐揚炸雞又唔錯喎 入味又夠嫩

Home office 左幾日，真係忍不住要出去走走，順便入貨，逛完Aeon，一袋二袋，見霸嗎拉麵有位，快食🤣🤣一入店感覺很安心，全店店員都帶齊口罩，廚房是玻璃窗，可以清晰看見店員的每一個煮食步驟，全程戴上口罩，手套！特別感覺衛生，這個時候衛生正是最重要的👍👍👍店員好細心，安排不搭枱😊😊食物保持水準，點了我最愛的 濃厚豬骨豚肉拉麵🍜湯底濃而不稠，一口湯一口麵，冬天吃最適合不過🤭🤭厚豚肉超大塊，肥瘦適中，入味又juicy，加埋筍和香蔥中和一下，很不錯😋😋醬燜雞叉燒味玉拉麵🍜湯底清甜，一點都不油膩，反而多了一份雞的香味味玉一夾開，蛋液慢慢漏出來，正😝😝點多份小食，唐揚炸雞 $35 5大件，粉薄脆，肉鮮嫩，抵食😁😁飲埋日本空運的波子汽水就最好不過價錢合理，食物水準高，最緊要 看得到的衛生👍👍

近排天氣凍，最岩就係食返碗拉麵暖下胃，所以行開屯市就黎左霸嗎，因為霸嗎係連鎖式拉麵所以質素都好穩定辛辣炙燒豚肉味玉拉麵係女朋友叫的，湯底帶有一陣陣的辛辣味，佢話可以再辣D，而炙燒豚肉雖然只有一塊，但厚厚的一塊份量十足，我就簡左炙燒豚肉味玉拉麵拉麵，而且選擇了較硬身的拉麵（呢度的拉麵可以自由選擇硬度），除了多一粒溏心味玉之外，其他都與辛辣炙燒豚肉味玉拉麵大相逕庭溏心味玉一咬開就爆汁！唐揚炸雞炸得金黃鬆脆，脆漿很薄，內裏雞肉熱辣辣，食落油香而不肥膩

估唔到呢度嘅霸嗎會咁多人排隊，我地大約等咗30分鐘先有位坐炙燒豚肉拉麵嘅豚肉叉燒係厚切嘅，厚身多汁得黎而且油脂剛剛好，豚肉上面有少少辣醬。加埋完整一粒生熟程度岩岩好嘅溏心蛋，吃到蛋黃甜味之餘，咬開仲有少少蛋黃流出來，勁好食辛辣炙燒豚肉拉麵其實同炙燒豚肉拉麵一樣，只不過係換成為辛辣版唐揚炸雞炸雞口感軟嫩，雞肉好嫩滑同埋非常多汁霸嗎嘅拉麵落單紙好細心，可以揀麵嘅軟硬程度同埋需唔需要走配菜。而我就鐘意偏軟嘅麵，所以落單嘅時候都有圈埋

由於工作太忙所以好耐都冇打過食評最近終於有返啲時間可以好好補返晒之前嘅食評仲記得係10月嘅時候當日同朋友喺屯門搵嘢食午餐時段唔知食咩好剛好其中一個朋友話想食拉麵於是就試咗呢一間位於屯門市中心的拉麵店去到門口都幾多人排隊所以對佢嘅拉麵都幾有期待排咗大概20分鐘其實入邊嘅店員服務就一般可能因為太忙我哋都好體諒但係佢食物嘅質素亦都相當一般我哋叫咗三款唔同嘅拉麵湯底都算濃郁但係就唔香比起其他拉麵店都稍為遜色麵質尚算可以都幾掛湯但啲叉燒同半熟蛋有啲失望叉燒冇乜味隻蛋仲係凍嘅叫咗個小食炸雞表面就香脆但內裏就老左啲總括來講其實一個麵都接近100蚊價錢來講唔算特別平呢個價錢的拉麵來講可以有更加多更好嘅選擇事隔幾個月唔知有冇改善但個人來講就未必會再試

拉麵最早是由中國傳到日本，據說是明朝遺臣朱舜水流亡到日本後，用麵條招待藩主德川光圀。其後到昭和年間開始流行，繼而在日本發揚光大，成為名物。吃拉麵，個人比較喜歡幼身的，夾起時掛附着湯汁，份外滋味。特別喜歡在拉麵裡加入蔬菜，那種爽脆的口感，讓人每口都很豐富，停不下來。香脆的餃子當然要點，咬下去，肉汁橫飛，一吃就一整碟。開了胃口，有點餓，點了碗飯，原來飯也不錯。有豚角，加上蝦，蛋香洋溢。喝一口冰水，很滿足

好幾個月沒去過屯門，難得來到，就到個人覺得拉麵幾有水準的霸嗎拉麵用餐~平日下午2時左右，店內食客不算多，可以坐到舒適的卡座; 更吸引的是只要惠顧任何拉麵，即可加$12 享用羽根餃子/ 唐揚炸雞，相當超值!!羽根餃子 (平日午市優惠 $12) 下單不久即送來，餃子熱度尚可，可惜不是即煎，幸好餃子仍然香脆，沾上酸甜的餃子汁，很是可口~唐揚炸雞 (平日午市優惠 $12) 這可是即叫即炸的唐揚炸雞，外皮香脆熱辣，內裡雞肉嫩滑且有肉汁，絕對有水準，這價錢相當抵食!!炙燒豚肉拉麵 ($83) 家人選了炙燒豚肉拉麵，配料有味筍以及經火炙的豚肉，豚肉肥瘦適中，肉質甘香，配上香濃豚骨湯底以及有嚼勁的麵條，家人表示很滿足~雞叉燒雞白湯拉麵 ($83) 至於我則選了雞叉燒雞白湯拉麵，2片厚切的雞叉燒配以木耳及葱花，賣相都幾吸引. 雞叉燒相當嫩滑，湯底亦有濃濃雞湯味，配以彈牙麵條，吃罷這碗拉麵令我很滿足~每人只需 $95便享用到一碗正宗的日本拉麵及小食，平日午市來用餐很是超值! 屯門屯順街1號屯門市廣場1期3樓3233號舖31886681

有什麼在冬天吃一碗，熱辣辣拉麵更好。午餐時間，天寒地凍，豬骨濃湯有營養又夠熱量，立刻想到霸嗎拉麵。我們下午1點半到達，取號碼要等40張枱寶寶真的嚇壞了女人行街真的好恐怖，我拉了老公去對面無印良品，然後就……瘋狂購買了很多東西購物完回去霸嗎拉麵，過了2個號碼即刻通知服務員，服務員好友善給我們補回下一張我選了招牌炙燒豚肉味玉拉麵，麵要軟身。 各位朋友紙上可選麵軟硬度，同要不要蔥，木耳……非常方便又細心。炙燒豚肉很厚身，雖然得1片，但絕不少份量而且燒過的很金香，一層脂肪一層肉完全很美味，味玉就是糖心蛋，滑到不得了，非常出色蛋王顏色多漂亮甜甜豉油味道很想吃多個老公今日要吃雞义燒原來雞义燒係雞肉卷成，切片，他說又滑又香，湯清而不肥膩，另一番風味走時候才發現門口新出擔擔麵，下次又要試下先，不知道日式擔擔麵又會如何呢!

湯味濃😌 無得食，諗起都不停💭回味✅湯幾濃自己話事✅油多少自己話事✅蔥多少自己話事✅最重要係啲面軟硬度都有得話事👍咁貼心😍根本無得輸💸片腩🐖肉勁厚😍超😈😈😈😈😈罪惡唔可以成日😋食但食親就要飲晒啲湯🥘仲有隻🥚係流心蛋不過，今時今日唔係流心蛋就一定唔會，所以都屬於正常野😅去到埋單， Cashier 有籮玩具，但又唔見價錢，唔知係咪可以借黎玩🤔,抑或係賣？下次去問下先😂總之尼間係我會翻食嘅食店💯

生活就要吃飽飽的所以我去左食好掛住既霸嗎拉麵雞叉燒辛辣雞白湯拉麵 $88雞叉燒質素還是一樣好 真係第二度食唔到肉質厚又嫩滑👍🏻👍🏻👍🏻我喜歡偏軟的拉麵, 煮得剛剛好又唔會太淋完全覺得我選對了最適合自己的拉麵因為平常都不太喜歡豚肉雞叉燒是真的為我而設的😍😍一定係驚自己唔夠肥, 竟然叫左沙拉野菜炸餃子你睇下d沙律醬, 不過都係燒餃子最好味最黎食多兩杯雪糕先走煎茶雪糕又香又滑冬天食雪糕係我嗜好😚💛