霸嗎拉麵 (已結業)

呢間拉面店，行街見過幾次都好多人排隊，今次都嚟潮拜下先。入到去，都係充滿日式感覺嘅裝修，memu都算多選擇，喜歡佢可以自己決定面嘅軟硬，走配料等。嗌左濃厚豬骨豚肉玉子拉麵，辛辣灸燒豚肉味玉拉麵，同小食，羽根燒餃子。先講濃厚豬骨先，佢湯底真係好香濃嘅豬骨幾正，不過應該會好肥，哈哈，吾理得咁多，豚肉厚切，啖啖肉，份量岩岩好，食完都夠飽。朋友嘅辛辣拉麵，佢話吾算太辣，食落幾惹味，不過夏天食辣食到好熱，等我凍少少天氣先試先，睇落都吾錯。仲有羽根燒餃子，35蚊，有5隻，即嗌即整，餃子底脆卜卜好味道，料都係豬肉菲菜等，都好足料，吾錯。感覺都幾好，食完出嚟仲有一兩個等緊位，好食係要等下架啦，會再嚟食。

雖然價格無禁平民價，但值得一試，因為D面真係同日本差唔多，D面彈牙，加埋個湯底真係好好食，食開重口味可以揀豬骨湯，而鍾意清淡少少可以揀雞湯，個人推薦雞湯叉燒玉子拉麵，而佢ge叉燒唔係豬黎架，而係雞肉整ge叉燒，味道出奇地幾好味，雞肉裡帶點甜味，同埋佢依家多左de優惠，有學生優惠架，落單出示學生証就得架啦。有次我地全家一起去食，細佬叫左個兒童餐，之後有玩具送仲有得揀添，所以計番落都幾抵，值e個價同埋鋪頭有時de姐姐都好靚女架，不過唔係成日見到佢地，可能因為係part time ge關係。同埋de姐姐都好nice P.S 繁忙時段，因為店鋪座位較少同埋又多人等位，所以等候時間會耐de，不過我覺得值得等

自從呢間拉麵店開張之後無時無刻都見到門口好多人等位，一直都好好奇究竟呢到既拉麵係咪真係咁好食，今日就一於同朋友去試試佢啦！特盛炙燒豚肉拉麵身為食肉獸既我一見到呢個拉麵就諗都唔洗諗即刻叫啦。一黎到見到賣相果然係好吸引，上面足足有四塊大大既炙燒豚肉。炙燒豚肉非常厚身，脂肪分布比例好平均，咬落去肉質嫩滑鬆化，一啲都唔韌，炙燒過後入口充滿住油脂香。飲一啖豚骨湯底，味道濃郁杰身，飲得出係落足料去製而成，無半點味精味。拉麵幼身，質地柔軟適中，掛湯能力高；至於溏心蛋亦名乎其實半流心，整體算係唔錯。燒餃子一客燒餃子有五隻，皮薄煙韌，皮邊煎得好香脆。入面既餡有肉同菜，好夠肉汁好juicy。淋上照燒汁食，味道一流。佢既野飲選擇都好多，我想試呢枝綠茶可樂，今次終於有得試。果然飲落係有可樂味，不過就唔係好試到有綠茶味。另外佢有唔同既水果梳打可供選擇，味道好有水果既清甜，亦好夠氣泡，個人認為比綠茶可樂出色。

今晚同老豆去左新都城商場食霸嗎拉麵, 其實老豆想食呢間好耐架喇, 不過之前一係就太多人唔想等, 一係就時候唔岩. 今次諗住食完之後順邊去附近鋪頭逛逛, 所以就同老豆黎左食霸嗎拉面. 去到還是比較人多, 但等了一陣還是終於到我地.由於太肚餓的關係, 一坐下我們便立刻翻看 menu, 我們都很喜歡吃豚肉的, 所以這裡的招牌炙燒豚肉拉麵便是我們的不二之選. 爸爸點了炙燒豚肉味玉拉麵, 而我就 order 了辛辣炙燒豚肉味玉拉麵.落 order 的點菜單也很有心思, 例如麵身可以選軟硬, 油蔥旬這些配料也可以選擇多寡的. 很是體貼. 未幾侍應把兩碗麵都端上, 其實呢兩個拉面都好似樣, 我都分唔到邊個打邊個, 不過真係幾好味, d 面都幾彈牙, 又有少少咬口. 首先我認為自己的辛辣湯底真是很香, 雖然辣度不是很強, 但喜歡辣得朋友一定接受得到, 同埋真係好飲到我把整個湯底都飲乾. 至於塊豚肉, 燒完之後邊位有少少脆口, 然後肉感鬆軟, 又大塊, 好好味!! 隻溫泉蛋岩岩好, 唔算太生, 我唔食得生野既都食得落而冇反胃. 另外, 我留意到現場d 座位都不會太擠擁. 員工都幾有禮貌下, 講好多唔該和

去開寶琳行街，見到呢間最近開唔少分店既拉麵鋪終於唔係大排長龍，可以有位即入，果斷同女友入左去試下∼通常日式餐廳都有期間限定野，今次既係檸檬豚肉拉麵∼但係更想試辣豚肉拉麵，唯有睇下下次有冇機會野飲總係黎得最快既~ 見今次有叫到炸雞, 又正正係happy friday, 當然要啤啤佢呢個係1 pint既份量(其實我已經飲左啖先)~隔離既係女友既信州蘋果汁, 佢話幾好飲, 唔會得個甜字仲好濃蘋果香原來成50%蘋果汁係入面, 唔怪得之先到既係辣既日式餃子~ 佢既辣度比我想像中辣少少, 所以食完第一件我已經完撥一撥上面既辣椒醬女友就非常滿意辣度~餃子本身同其它日式餃子一樣, 有大大片既炸起左既薄脆底, 而餡同皮比例都唔錯, 唔會太厚皮冇乜餡咁跟住就黎到沙津醬炸雞~雞肉嫩滑, 炸粉唔厚得黎加埋呢種偏向似sour cream 少少既沙津醬好食得黎唔油膩加埋啤油就一絕之後到主菜了~我揀左小辣既豚肉拉麵~麵質呢度係有得選擇軟硬同適中既~我鍾意食硬麵, 食落口都覺得唔錯~湯底濃厚唔油膩, 辣味應該係黎自赤味噌, 因為我總覺得有一陣味噌香味係湯到夾埋麵條同蔥花就岩岩好~叉燒非常好, 有肉味, 入口鬆軟, 肥

今日同好友去咗寶琳嘅霸嗎拉麵寶琳終於有一間似樣嘅拉麵店啦睇佢裝修都覺得別具日本風味湯底主要分農厚豚骨或者雞白湯第一次來霸嗎拉麵食嘅我當然選擇雞白湯啦平時系出邊都比較少見到呢個選擇朋友就要左微辣嘅濃厚豚骨拉麵。同日本拉麵店一樣哩到都有得俾你選擇麵條嘅軟硬程度同埋湯嘅濃厚程度放工勁肚餓嘅關係我哋仲加點咗沙拉唐揚炸雞同埋辛口燒餃子小食好快就送到去我哋面前，仲係非常熱辣辣嘅呢燒餃子一盒有五件，餃子皮咬入口crisp crisp 聲，皮薄有肉汁不過辣粉有啲太多呢大推呢味沙律炸雞，佢啲沙律醬唔係平時撈吞拿魚嗰啲沙律而係有啲似sour cream味嘅沙律，襯埋熱辣辣皮脆肉嫩嘅炸雞，如果呢個時候有杯啤酒就Perfect 池而且沙律嘅量一啲都唔少，夠晒點晒一客五件嘅雞球結果朋友二話不說叫咗一杯啤酒，呢度竟然又有日本生啤叫喎，同罐裝或者支裝真係冇得比架我就叫咗日本直送嘅蘋果汽酒原來果汁含量有成50%唔怪得咁好味啦到主角雞白湯拉麵微黃嘅湯底一聞到就聞到香濃嘅雞味但唔會過鹹，麵條係屬於幼面條，最驚喜嘅係雞豚肉：由雞腿肉卷成雞肉卷再厚切啖啖肉之餘每一啖都係非常滑嫩雞白湯拉麵嘅主題即刻出晒黎流心蛋係好蛋，識流心架

繼係中環見到有分店之後，估唔到霸嗎拉麵開到黎將軍澳都有！太幸福喇！正好行完街就可以入去去食晚餐，唔洗諗今晚食咩喇！餐廳既格局同日本既拉麵店好相似，檯上都係整齊地放了醬料、水、筷子。第一隻醬油碟用了保鮮紙包著，並貼了字句提醒客人由下一隻開始使用，感覺同日本既拉麵店一樣，非常一絲不苟，整潔衛生。拉麵 炙燒豚肉海苔味玉拉麵非常豐富， 配料有一隻味玉、一塊長過iPhone的豚肉和三大塊紫菜唷！上次係尖沙咀吃過這間拉麵店的豚肉就深深愛上了！豚肉又長又厚，肥瘦相間，真係一試令人難忘！餐廳有貼紙張貼寫住豚肉係經秘製後以低溫慢火浸住超過10小時，最後再用明火炙燒。難怪入口帶有焦香及油脂的甘香。脂肪入口即溶，肉味濃而且多汁。湯底入口質地濃郁，豬骨味唔算好重，但醬油味幾突出。 至於麵質呢...粗幼度適中，咬落幾彈牙。最正既係索左湯底既味道，好惹味。味玉一咬就爆開，蛋黃汁一湧而出。蛋白外層帶有醬油香味。以一個小木桶盛上的紅豆抹茶雪糕賣相很精緻。雪糕抹茶味好重，並有d奶味 ，配上埋紅豆，增添了一份口感。蘋果梳打及蜜瓜梳打都係日本直送，果然質素有保證！蘋果梳打味道清甜，相反蜜瓜梳打味道很濃，好飲成緊一個蜜瓜落口

依間新開張既拉麵店真係不得了!!!未到晚餐高峰潮已經好多人係出面等位喇!!但真係值得既!!天呀~~好好味呀!! 食肉獸既我見到依碗特盛炙燒豚肉拉麵就blingbling 眼了！有4大塊既豚肉，全部都係肥瘦相間既五花腩肉，入口油脂溶化，肉質嫩滑。之前係網上都見到有介紹依度既豚骨湯有「最強濃厚豚骨 No. 1 湯底」之稱，湯底用左豬背骨及脛骨為基底，再加入了雞骨及多種蔬菜熬煮超過10小時，真係不得了！好好味呀！ 麵條方面，可選自選軟硬度。麵條質地軟滑，咬落又幾有彈性。 肥瘦相間的五花腩肉，入口香醇但唔會過油食拉麵點可以冇替玉，追加都係10蚊隻，抵食呀！一口落去蛋黃汁爆出，蛋香味滿溢辛口燒餃子，餃子網底煎得薄而香脆，加左秘整辣汁及蔥花，辣得來好刺激又惹味。湯磨揚炸雞份量都幾多，有成5-6件。炸雞外層香脆，炸漿很薄，炸肉滑嫩多汁。配埋酸微微既沙拉醬，不太油膩呀。

見次次都好多人排，今次就的起心肝排，點知㩒一㩒電話唔駛五分鐘就有位坐。同其他過江龍拉麵店差不多，都係填紙仔，落咗單，五分鐘內就到。叫咗碗炙燒豚肉味玉拉麵，硬麵，其實都已經係一上就食，點知塊豚肉有啲凍，要浸一浸湯先再食。另外食咗個辛味，中辣，反而哩味表現適中，都唔會太咸。

今日和同事外出為公司購物, 大量入物, 別以為shopping這份工作好筍呀!不是為自己買野, 又要左計右計, 不能超出預算, 這樣shopping其實一點也不興奮,而且很傷腦筋。足足買了兩個多小時,終於完成任務……唉! 這次shopping弄到我倆又累又餓,決意馬上去醫肚。左望右望, 被一間印上多句日語, 掛上日式布簾和兩盞日式紅燈籠, 以及鑲有閃亮電泡的紅彤彤拉麵店吸引了。「霸嗎拉麵」!? 門面的確幾有霸氣, 又非常搶眼, 一於就入去看看。近門口有一個設計成“小屋”般的“L”字形吧枱座, 坐在這個位置可清楚看到師傅們的製作過程, 是我最喜歡的。而望向“小屋”則設有一張兩人枱和一張四人枱, 再轉個小彎, 還有數張二至四人枱, 座位不算多。而最吸引我就是牆上的設計, 除了有多句日語外, 還有拉麵和小食的大圖畫, 色彩繽紛, 很搶眼啊! 揀了坐吧枱位, 當然要先觀察一下開放式的廚房, 佔地不多, 但整齊企理, 而最重要就是欣賞師傅們的功架, 他們都很投入, 忙過不停。輪到看看枱上的物品, 放齊餐具、紙巾、檸檬水、調味料、餐牌和點菜紙, 都算幾齊備。調味料分別有餃子汁、七味料和炸蒜, 但就

🍴霸嗎拉麵 - 灸燒豚肉味玉拉麵🍴$88見佢開到黎寶琳咁有誠意我係嗰啲食唔到一碗好拉麵 會囉囉攣既人👉🏻👈🏻其實之前食尖沙咀分店次次都要排好耐但係食完舊灸燒豚肉會覺得值得🤤成2cm咁厚 用慢煮方式煮10個鐘 臨上菜比你前 再明火燒烤 迫出油脂 無得彈！👍🏼👍🏼但略嫌豬油膏太多 其實好肥🤓

其實我平時都係去開價錢比較平嘅地方食野，但係今日行街行過呢間拉麵，其實一直都想試，咁岩呢排又做完一份功課，可以奬勵下自己。我叫左一個辣嘅豚肉拉麵中辣，因為我比較鍾意食一啲味道濃同辣嘅食物，呢一個拉麵啱晒我。我驚唔夠飽所以再叫多個沙拉炸雞，佢個炸雞好大份，以小食黎講可以夠4人食。 只於個豚肉方面，如果有食開扣肉既朋友會覺得好正，佢入口有淡淡燒過既香味，同埋好香既脂肪，一試難忘。麵方面我叫左中辣，但我覺得都幾辣等於譚仔小辣程度。可以自己再衡量下食唔食辣。 因為我見到隔離枱叫咗個雞湯嘅都好似好好食。呢間野直到下一次返嚟食。辛辣豚肉味玉拉麵+海苔個麵軟硬度適中，不過我個人鍾意比較硬流心蛋沙拉炸雞

聽講新都城開左間好出名嘅拉麵😆 （原來就係H & M 隔離）所以決定去試下 特登早d去食晚餐 大約5點半已經到 因為好驚晚餐好多人排隊🙈 所以好彩早d去唔洗排隊😌 成間店嘅裝修都好有心思 店員著哂日本嘅服飾 好有身處日本食拉麵嘅感覺😛個人推介： 檸檬豚肉拉麵（期間限定）其實係門口已經見到佢sell 緊呢個 見好抵食 又好特別 所以就決定試下😆試左啖湯先 係好清新嘅檸檬味 酸酸味味 原本好膩嘅豚肉湯底即時冇咁膩 食到我好開胃😋 而豚肉就有d 肥膏 雖然係好肥 但肥膏好滑好腍😆 對我黎講主要係湯底戰勝一切😌好正嘅湯底 回味無窮🤤而細佬就簡左灸燒豚肉味玉拉麵🙈 我試左一啖湯 比較上濃郁 適合重口味嘅佢😂我都係鍾意自己嘅檸檬味湯底 而豚肉大家都一樣 但妒忌佢多左流心蛋！好想食流心蛋 係好考時間控制同心機～最後我地仲叫左個甜品 抹茶雪糕😍呢個係好驚喜嘅甜品 好好好好食！ 我最鍾意抹茶 除左抹茶味好重 仲有d奶味 配合紅豆 係幸福嘅感覺😍❤️❤️ 可以中和翻食拉麵嘅濃郁👍👍係值得推介～～～

見長期人流湧湧，終於等佢開業過左幾個月去試下3個人晚上平日食，都等左差唔多半個鐘。9點後更快有位，不過我唔想等了。叫左勁多肉嗰隻，因為抵食d麵揀左硬，少油，要蔥食落個湯都濃，面頭有豬油融合，個人覺得OK但這個價錢湯底可以再好食d塊肉就幾正，有少少烤過，有d肉邊會脆口，睇你好唔好彩不過有d勁肥，8成肥2成肉，當然食落口好香豬油味麵就考師傅功力，硬度我覺得可以再硬多少少，因為我唔鐘意煮太軟，而且我已經揀左硬寳林區好少這種檔次嘅日式拉麵食，所以癮起食佢真係唔錯架

早前吃過中環店，今天在新都城逛街，看到這分店，門口和中環店一樣都有食客在等候，水準應該也是相當不錯吧！😻😋食店正門掛了紅色的横額和燈籠，十分搶眼，據專家所說，紅色可挑起大家的注視外，更會挑起內心慾望，有種莫名的興奮，此刻我也想快些有位，因為肚子在打鼓呢。外表平凡簡單的豚肉，原來是用低溫慢火浸煮起超過10小時😱😱😱🤤內部環境不錯，木材及壁畫的簡單配搭，有種置身日本拉麵店的感覺，很輕鬆自在。炙燒豚肉海苔味玉拉麵 ：滿滿食材的拉麵充滿了視覺享受，一片一片紫菜高聳在麵上，氣勢攝人，麵身彈牙有啃勁，豚肉腍身有肉汁，入口讓舌頭感受到用了長時間煮製湯底的濃厚美味，糖心蛋呈半流心，蛋香濃。不消一會已吃了成碗麵，滿足!沙拉唐揚炸雞 ：雞件外脆內裡肉汁豐富，很香口，配上沙拉汁令味道帶微酸，開胃惹味，不錯。從來，外表簡單的事情背後藏著不簡單的心血，譬如簡單的拉麵要做好確實不簡單呢，這新分店整體印象不錯，下次會再次光臨的呢!