霸嗎拉麵 (已結業)

今晚與男朋友相約吃晚餐，經過將軍澳新都城二期時，見到新開了的日式餐廳「霸嗎拉麵」😯，店舖正門掛上多個燈籠，仲有開放式的廚房、吧檯設計、牆上的裝潢設計等等，充滿濃厚的日式風味！原來連叫號廣播也是以廣東話加日文，好過癮，有種回到日本的感覺🤤🤤✨店外亦特意放設了「霸嗎」的餐牌，封面同封底都簡單介紹了湯底熬煮方法同日式料理的秘方，「霸嗎」主打湯底最強👅 見到餐牌上寫著「最強濃厚とんこつ醬油らめん」，萬分期待！🤠✨點餐紙上有眾多款式都分門別類詳細列明了，選擇十分豐富。包括濃厚豚骨湯拉麵，雞白湯拉麵，羽根餃子，唐揚炸雞，石燒飯，甜品，日本酒/啤酒等等，亦可以加選配料👍🏻👍🏻同樣可以仔細地選擇少油/少蔥/走蔥/走木耳的個性化的食用體驗，非常貼心！❤️最後，我地叫左辛辣炙燒豚肉味玉拉麵，醬燜雞叉燒味拉麵，同埋沙拉野菜炸較子5件💁🏻💁🏻值得一提的是，在桌上放最頂的醬油碟，用了保鮮紙包封著，並有字眼寫著 “ 提醒客人由下一隻開始使用 “，對於我這種對衛生有要求的人感到十分窩心💕辛辣炙燒豚肉味玉拉麵：湯底的紅色好搶眼，厚切炙燒豚肉勁大塊，胃口大開！😝醬燜雞叉燒味拉麵：湯底濃郁惹味，厚切叉燒，加上內裡流心的味玉

霸嗎拉麵的第一間店子選址在「日式拉麵街」的銅鑼灣登龍街，之後在尖沙咀開了分店, 到了近期就相當進取, 在短短幾個月內已開多了三間分店。先在中環蘭桂坊附近開店, 其後更轉攻新界市場, 分別進駐將軍澳和屯門, 這天人在將軍澳區便順道來試試。踏入拉麵店，店子地方不算太大, 裝潢如一般日式拉麵店，店子近門口一邊是開放式廚房，廚房外圍有一列吧枱，店內也有二人至四人檯。拿餐牌一看, 食物分幾欄的列在內，主要提供拉麵、飯類、小食、甜品和飲品, 選擇不算太多。飲品方面,來一杯冰凍啤酒就最好不過, 點了日式啤酒，夠凍而且麥味特濃，喝起來夠勁暢快。再來燒汁唐揚炸雞,單看炸得金黃色的外觀已相當吸引, 炸得熱辣的雞塊，炸皮做得薄薄而緊附在雞件外，炸皮做得到脆口的, 雞皮沒有太多脂肪而且乾身脆口，雞肉嫩滑之餘, 咬下去是肉汁充盈，雞件也算厚肉，食落啖啖肉和充滿肉汁, 是滿意的。在多款拉麵之中選了雞义燒味玉雞白湯拉麵試試, 當侍者將麵捧上來, 先喝一口湯，湯頭的口感不太濃稠，湯頭濃度適中而非常滋味，味道甜美也有香味，也不太油膩, 合乎預期的水準。而幼身麵是用自家製造的彈牙拉麵, 淥煮的火候不錯, 麵質口感是爽口,

之前朋友一路都話霸嗎拉麵喺銅鑼灣鋪好食又多人所以一路未試。今日遠付將軍澳探親, 我家拉麵怪即刻出動話要試。 星期日下晏二點半,等飛幾個字就入得, 算好快。我自己就好鍾意食辣, 所以試左個-辛辣炙燒豚肉味玉拉麵。第一啖即刻咬落舊豚肉度... 嘩,識溶咖, 勁香炭燒味,連個湯底都有炭燒香味, 係舊肉肥左D, "豬隊友"嗰舊豚肉就prefect。拉麵我選適中, 對我黎我真係剛剛好又彈牙。湯底的辣度有大中小可選, 我選了中辣但唔覺得辣, 湯底好濃好好味, 係想清曬佢但我怕肥咋同埋比隔離個"豬隊友"阻止!! 粒玉子就淡味左少少但非常流心, 質地好好。"豬隊友"碗豚肉由於無辣底, 個炭燒味浸入入個湯到仲正!辛辣燒餃子- 這個餃子滿佈生蔥 , 蔥下面搽左好似辣椒油的渣咁。 比起我碗拉麵, 呢個餃子比較辣好多。皮很簿。整體都好好, 有機會一定會再食。我覺得都係原始味道較好。

霸嗎拉麵開業短短一段時間，至今仍不乏候位的人潮這個星期六的晚上，也花上半小時以上的時間去候位光顧後，並沒有後悔花時間去等位啊～因為這是我首次完食一碗拉麵！！我選了期間限定的檸檬豚肉拉麵老公則選炙燒豚肉海苔味玉拉麵另點了一份照燒餃子照燒餃子，一上桌時是餃子底部一整塊的連著朝天，再澆上照燒汁和芝麻餃子底又薄又香脆餃子不算大隻，皮很薄，餡料充滿著整隻餃子雖然餡料味道不太突出，但照燒汁味道香濃而不鹹，同時帶芝麻的香氣和餃子的味道很配合！檸檬豚肉拉麵，配料有三片檸檬﹑西蘭花﹑木耳絲﹑櫻花蝦和豚肉另追加了溏沁蛋～～～湯底的味道令人好開胃，檸檬的清新酸香，搭配櫻花蝦的鹹鮮味很有夏天的感覺！！完全中和一般拉麵的油膩感！！拉麵是幼麵，麵質爽滑掛湯溏沁蛋好香好入味，蛋黃夠流心～～炙燒豚肉亦好香好稔滑！！整碗拉麵都很好吃！！首次完食！！炙燒豚肉海苔味玉拉麵，湯底是濃厚豚骨湯豚骨湯的味道香濃而不鹹，亦不覺油膩～～同樣是炙燒豚肉，但可能吸盡豚骨湯的味道這碗的豚肉相對較惹味！！所以這碗拉麵也是完食啊！！花一點時間候位也是值得的～～會再光顧啊！！

沉晚七點零鐘收工，約左朋友係將軍澳食飯，佢提議食拉麵🍜我地決定去試下將軍澳好出名既拉麵店雖然係平日同接近八點，門口仍然都有一部分人係度等位。好彩，同朋友傾左一陣，就有位！入到去之後，即刻睇餐牌，呢度係自己填食物我揀左個辛辣炙燒豚肉味玉拉麵 ($93)，因為唔食得好辣，所以揀左小辛，適中麵質友人揀左雞叉燒辛辣雞白湯拉麵($88)，小辛，硬麵另外，我地兩個加左枝靜岡蜜瓜梳打 ($28)！蜜瓜梳打好好飲，好有驚喜之後，等多一陣，拉麵就送上。我果碗湯底好正，唔算太辣又好入味。下次會再帶朋友黎

陪完個Friend去將軍澳買衫， 一行落樓， 即時見到廣島霸嗎拉麵嘅霸氣紅色廣告牆寫住「最強濃厚とんこつ醬油らめん」(最強濃厚豚骨醬油湯底) 。真好彩唔多人， 唔駛排好耐隊，即刻有得食號稱「極之美味」嘅拉麵 ( Bari 意思係"極之", 而Uma意思係"美味")可能係香港租金嘅關係，鋪面面積比較細，但裝修日本味十足，不失其過江龍霸氣。朋友點左期間限時嘅檸檬灸燒豚肉拉麵，我鐘意濃味所以揀咗雞叉燒雞白湯拉麵。等左幾分鐘，我碗雞叉燒雞白湯拉麵送到面前。 豚骨湯底夠濃厚，入口香醇但我覺得有點過油，佢地自家製麵質滑身，比一般拉麵較粗，我覺得麵質較軟， 嚼勁差了一啲，硬一點會更好， 下次應該選擇硬麵。雞叉燒咬落口感不佳。朋友果碗檸檬灸燒豚肉拉麵，佢好喜歡食酸野， 佢覺得唔夠酸， 仲向店員愛多3 片檸檬，果塊炙燒豚肉果然係名不空虛傳，香口，而且厚身大塊！肥瘦適中，咬落有滿足感，佢仲話檸檬酸湯底超正。價錢唔算平，但食物整體滿意，質素屬於水準之上。

通宵工作兩晚之後，終於可以放工…朋友早前已經提及新都城開了一間不錯的拉麵連鎖店，不過有時要排隊…我就趁機係非繁忙時間去食，安慰下自己心靈…之不過，係下午茶時間，整間鋪都入座七八成，我真心感到意外！雖然點餐單有好多唔同喜好俾客人選擇，但我全部揀正常，因為自已第一次去呢間鋪頭，好想試左師傳們到底點做，始終每個師傳都有自己既一套！炙燒豚肉味玉拉麵一上，見到有一層油係度，個心有怕會唔會中伏，但一食，又無想表面中咁油同咸，非常惹味!舊厚切豬肉真係不得了，入口即溶~唔怪得下平日下午茶時間都入座七八成!不過題外話，其實係地鐵站B出口入商場就已經見到，我初時跟指示係A出口入，結果就行左冤枉路！

霸嗎拉麵絕對係我一試難忘餐廳list既其中一間佢既濃湯底完全係忍吾住要清晒既程度不過我有時都既長情 食開個個餐就次次都不變哈哈今日又encore炙燒豚肉味玉拉麵 要追加埋紫菜玉子對愛蛋人士如黑洞我黎講係何其重要咬落去流質狀既蛋黃perfect特別一讚佢既麵量 十分配合到我呢d大食妹基本黎講吾會食幾啖就無晒可以一啖麵一啖湯咁食 超滿足呢到既炙燒豚肉用低温慢火超過10小時再用明火炙燒 豚肉既脂香出晒黎入口好冧身之餘 豚肉連豚脂 口感十足中意食辣既朋友仔可以試下辛辣味我個朋友話辣得好爽甜品方面今次試芝麻雪糕上次過呢到既抹茶雪糕覺得質素有保證今次果然都無令我失望芝麻雪糕入口奶味好重 之後慢慢有d芝麻香對於本身吾算太好芝麻既我都覺得好食喎配合面頭紅豆又另有一番風味$28 算幾抵食下次再黎一定叫拉麵加雪糕

小編係一個檸檬愛好者，見到有檸檬拉麵真係即刻忍唔住仆倒去食呀！雖然檸檬有助減低拉麵嘅油膩感，不過總覺得兩者唔多夾。檸檬比較出味，所以基本上完全係飲唔出湯底嘅豬骨味。另外豚肉都煮得幾淋下，係咪入口即溶小編就唔知啦，淨係知道一夾起已經爛咗😂而個拉麵底亦都唔係小編最鍾意嗰隻😕不過暫時應該都仲會有下一次，因為好想試吓佢哋正常湯底嘅味道😂應該會好好多掛…小編覺得檸檬都係唔太夾到熱食啫！（接受能力比較低唔好意思）

今日黎左呢間係寶琳既新分店👅不過可能因為lunch hour所以都等左食三四個字先有位🙈我地兩個人，每人都點左個拉麵，然後就叫多左份餃子share食🙈呢個餃子個皮脆脆地幾好食🤤拉麵未到既時候最好就係有啲小食可以頂下個胃先🤤🤤之後呢個期間限定既檸檬豚肉拉麵就比較得別👅個湯底有淡淡既檸檬香味，酸酸地咁幾清新幾開胃，配埋個拉麵食個味都幾夾，最後食完個拉麵之後，我地仲差唔多飲哂啲湯添heheee🙈另外一碗就相對普通啲，平時都會食到，但係值得一提既係個溏心蛋係有成隻架😍😍平時果啲好多都係得半隻，一啖就無左😢除左隻蛋之外，其實個湯底都幾濃郁，同檸檬個碗係完全唔同既感覺😝最後我地埋單兩個人加埋都係$201，已經夠我地食到飽哂☺️

新都市二期的霸嗎拉麵今年才開舖，午市和晚事都非常多人。裝修以傳統日式拉麵店為主題。主要材料為豚肉和叉燒，配上濃湯。點了濃厚豬骨豚肉拉麵，豚肉的確很厚身，配上豬骨湯，味道不像名字般那樣濃郁。拉麵就感覺一般，少了那種日式拉麵的彈牙口感。反而這個檸檬燒豚肉拉麵的湯底意外地吸引。香甜的湯底配上檸檬香味道，為豚肉及拉麵添加香味，比較開胃一點，這個時限款式倒不錯。價錢來說，$90左右一碗拉麵，以其味道及整體質素來說唔算便宜。以此價錢到銅鑼灣或尖沙咀的拉麵神店，吃一碗廚神拉麵，更為物有所值。

一直都想一試人氣高企的霸嗎拉麵，但平時經過尖沙咀的分店都大排長龍，所以未有食過。今日經過將軍澳見到就入去食一個下午茶。除左平時有的叉燒，還有雞可選。*特盛炙燒豚肉拉麵 ($118)實在太肚餓，所以點了一個特盛的拉麵。厚切的豚肉，稍為煎了，很香；叉燒是半肥瘦的，但有點肉的部份比較乾；拉麵點了硬的麵質，麵條質感都不錯；湯濃厚都不會太咸。*靜岡蜜瓜蘇打 ($28)蜜瓜味的蘇打不會太甜。*味玉 ($10)加了一隻糖心蛋味道浸得剛好不會太咸；中間的流心很濃厚。

咁啱係附近做完service想搵間鋪食下野 但商場入面好多都係連鎖食肆 而咁啱又見到呢間拉麵 門外裝修好日式 仲要門口有好多人 好似幾好 就排隊試下啦 當時已經6點半 但都要等下位先有得食不過好快就有位原來都有好多種拉麵揀架見門口宣傳緊期間限定既檸檬豚肉拉麵（$78）點都要試下啦豚肉湯底味濃 又唔會太油太膩 加上煙韌而且容易掛湯既麵條 好味面頭有三塊檸檬片 可以自己控制酸度 檸檬酸可以中和一下 為呢碗拉麵帶黎清新既感覺灸燒豚肉當然係重點 唔單止厚身大件 而且肥瘦適中 又燒得好入味 有小小焦香 朋友點左祭燒豚肉味玉拉麵 都好吸引湯底濃厚 點了少油 果然少了油膩感 麵條都好爽滑 豚肉同樣入口即溶 溫泉蛋為最驚喜 流心之餘 蛋味濃郁 蛋黃配合麵條一齊食為一絕奇另外都試左蘋果梳打 酸酸甜甜幾開胃 又大枝 兩個人share就啱曬啦抹茶雪糕更係必點 抹茶同牛奶match得勁好 又唔會太甜 加上同抹茶最夾既紅豆 又裝係好靚既碗上 成個甜品簡直係完美

有時選擇一間餐廳，真係靠feel 😂! 入霸嗎拉麵食，其實都只係因為佢地會用日文黎叫號而吸引咗，等埋一份😂！終於入到去，叫咗個特盛炙燒豚肉拉麵，仲加埋紫菜！🤣一黎到，哇！ 真係大大碗！塊去豚肉都唔係「薄切切」，塊塊都有一定嘅厚度！ 同埋燒到好香，又唔會好肥膩！ 拉麵個湯又真係好香濃，一啖湯，一撮麵、一塊紫菜、再加啲溫泉蛋、無得頂！ 除咗拉麵，仲叫咗個照燒餃子！餃子煎到脆卜卜，個燒汁又幾好食，又真係幾岩配餃子食!😂 呢間拉麵店除咗用日文叫號之外，佢幾飲品都好特別！ 個個樽都靚靚的，好有日本特色！ 仲有得飲綠茶可樂，味道又真係幾估佢唔到， 哈哈，你地都可以去試試！

喺新都城住泔耐，新都城見到唯一一間拉麵館開張很開心，因為本身都好鍾意食拉麵。 抱住羊群心理一大堆人喺度排隊諗住實冇死，， 排隊排咗45分鐘左右， 終於見到有位置入到嚟咗第一個病咗就係唔係太舒服， 好似食神嘅周星馳咁 啲位又窄又細 餐牌都幾吸引不過價錢亦都唔平， 本身跟拉麵嘅配料好少基本上你要嘅配料都要另外畀錢買， 點左一個招牌腩肉嘅拉麵+ 加多一塊腩肉， 見到之後就十分失望 拉麵賣上中規中矩， 湯底唔係好得有少少腥味， 還有啲淡味。 上菜之後嗰舊腩肉簡直係憤怒的腩肉；完全冇 入味 結果抵死加多舊腩肉變咗兩嚿肥肉放入口 講真老闆好冇誠意 ，兩嚿肥肉一加一 ，又入味又5淋都唔知想點。 希望佢以後做好啲啦 ，我都唔想新都城唯一一間拉麵館執笠 不過我就唔會再幫襯。