霸嗎拉麵 (已結業)

外面寫住「無需輪候」，於是乎就同服務員講一位，佢好似意識到我，用手示意我入去坐，但與此同時又不停同佢同事傾計，指示我坐嘅座位又唔清唔楚，問咗幾次先知我搭枱，搭一家三口嘅枱，其中一個係bb，坐我對面，面前有三杯水一個水壺同一塊污漕嘅抹枱布，去到呢個位，仍然無服務員理我，包括移開我面前嘅三杯水、水壺同抹枱布、俾水我飲、俾餐牌我點餐，但我就只見服務員繼續同同事們聊天、交換聖誕禮物、望咗我一眼但完全無打算理我。咁嘅服務態度唔單止趕客，而且極度影響貴集團嘅招牌，如果貴公司係日本總公司，我深信你哋日本總公司對你哋呢啲不知所謂嘅態度極度失望！慶幸嘅係，我蚊都未付出。

超級horrible嘅服務明明有位又要等啲waitress 自己係到玩,當見你唔到有lunch special 但係入到去冇menu寫lunch special.. 可能係想你叫regular menu,又要問waitress. Ordered ramen that’s lunch special with 12 dollars dumplings. Food is very regular. Again, 要水但係冇 ,又要自己叫! Waitress 又黑面 ,當見你唔到個manager見到冇人幫我 but,佢坐係到咩都唔做 Ramen soup is too thick, pork and egg was good, but noodle is not. Dumplings - regular also, better than the noodle! Probably won’t come here again.

將軍澳開左愈嚟愈多餐廳，而今次一於試下呢間拉麵店。每次經過都見到有好多人排隊，真係好誇張的。餐廳內大大隻寫住標語，雖然唔識得睇日文，但係都估到佢係講緊最強醬油！而餐廳亦有寫上招牌菜式叉燒的製作。慢工出美食希望客人能用心感受。今次試下最新推出檸檬叉燒拉麵。第一次見檸檬可以同拉麵配搭。先試一試湯底，覺得唔夠酸就將檸檬再整爛，令湯底更有酸味。而叉燒果然如餐廳所言，非常有口感。半肥瘦叉燒非常入味，除了湯底味道，叉燒肉味亦非常入味。小食方面，極力推介炸蛟子。蛟子味道鮮甜，而且炸味令皮很脆，所以值得一試。當然唔少得靜岡蜜瓜味飲品。味道很甜，絕對岩食完拉麵之後清一清

係寶琳新都城開左一排，終於搵個下晝等到人潮無咁多嘅時間黎試！2個人叫左炙燒豚肉海苔味玉拉麵，雞叉燒雞白湯拉麵和一份羽根燒餃子。先試湯底，雖然豚肉湯底醬油味比較重，但整體上並沒有太多油份，幾香口。面條個人點左硬麵，嚼感唔錯。豚肉厚度十足極大塊，帶點炙燒，入口即化，配上湯汁食味道更濃郁，半熟蛋亦很讚很推薦！下次會嘗試一下辛辣口味的！雞叉燒肉質幾嫩滑，不過雞湯底中規中矩除了主食還仲點左個餃子黎品嚐。羽根燒餃子原來即係落麵粉水煎到有塊金黃色脆皮係底，餃子比較薄身，賣相吸引。鋪頭嘅裝修幾靚，寶琳終於有拉麵店啦！

又喺自己食好嘢系列啦 今次專登去到將軍澳食好嘢作為憧憬日本嘅小弟我 今次終於去左食拉麵啦今次仲放縱地叫左好多嘢銀包君大受傷害 但偶爾一次唔緊要啦錢賺返尼就喺用尼洗架啦因為好少到將軍澳果頭 搵左陣間先搵到間鋪一見到間鋪就知喺食日本嘢嘅地方果日收工先去食 去到已經九點 店入面冇咩人 所以店員安排左我坐張四人枱一坐底就有杯凍水上左枱面枱上面 餐具 紙巾 餐牌 一應俱全仲有一大壺凍水比我地自己斟添溫馨提示 尼間店喺要自己填紙仔嘅唔好好似小弟咁直接叫店員落單小弟鍾意食辣 所以叫左個辣拉麵辣煎餃 睇圖好似唔喺好大碗 叫埋個替玉添嘢飲就喺日本每間餐廳必有嘅蜜瓜梳打嘢飲果然喺最快上 果然喺日本直送嘅完全同我印象中喺日本飲嘅味道一模一樣好嘢緊喺要等下架啦 等左大概十分鐘就到啦成碗都喺紅卜卜嘅 仲有個辣椒作為點綴睇到我流曬口水 いただきます 我唔客氣啦我食 我食 我食 大啖大啖食 之後再飲下湯拉麵硬度啱啱好 湯底好稠 辣度中辣 啱啱好完全唔會太濃或者太鹹配料方面 豚肉尼個主角得一舊 要好好珍惜(笑我試左一啖之後就擺埋喺一邊 等添麵果陣有餸配 豚肉雖然睇尼肥肉一大堆食落就一定唔健康架啦 我幾驚會好膩好彩佢冇

生長水遠嚟到將軍澳做野，有乜可能唔試下呢間出晒名嘅拉麵店呢？霸嗎拉麵係尖沙咀係排晒長龍嘅，嚟到將軍澳都一樣。最強醬油絕無虛假，佢地嘅湯底真係好正呀！而坐係度望住師父煮麵真係好療癒。先點了沙拉唐揚炸雞。炸雞外脆內嫩，一啖咬落去真係好有口感。而且配合埋沙律醬，酸酸地嘅味，就唔會好膩了。終於到主角啦！雞肉叉燒辛辣拉麵。湯底見到咁紅就知辣味十足啦！仲有大大氣辣椒喔，不過又唔會辣到出汗嘅。先試了雞肉，大大嚿之外仲好嫩滑，而且啖啖肉，皮嘅部份唔多所以唔會好油膩。而拉麵嘅軟度選了適中，所以都好岩食！飲品嘅選擇都唔少，今次試了三井飲品。三井飲品是最傳統而又出名嘅飲品，我點這個梳打亦很清新，岩晒食完拉麵飲呀！

放工約左阿媽行下新都城商場，見到有間新開既拉麵店，即刻試下內里裝修得好有日本既感覺，坐得都算闊落叫左一碗炙燒豚肉味玉拉面勁大塊豚肉，厚切，又肥又多肉，拉面份量都唔少，湯好濃郁，一口面一口湯，好正配埋一隻半熟玉子淨食一碗拉麵真係未夠喉，另外再叫左一份雞叉燒。雞叉燒相對肥肉較少，皮好薄，成嚿雞肉好滑，食落去啖啖肉，爽爆$48有四大嚿，抵食，如果兩面剪香啲仲正下次應該再叫埋日本啤酒，一邊飲啤酒一邊食拉麵，勁爽yy

今日早放工，黎左新都城閒逛買日用品，行到餓左見到有拉麵店，就入咗嚟一試喇住係呢頭咁耐，都係見新都城第一次有拉麵店，唔知有啲咩驚喜比到我呢？今次叫咗個叉燒🐔味玉雞白湯拉麵🍜，碗拉麵一上枱，就見到碗麵飄著好靚咁油花，湯底亦都好好味，應該係落重料熬湯😳份量都好適中，唔會食唔哂，又唔會過飽，麵條靭度適中，係我鍾意嘅口感😋，仲有亦都好鍾意舊雞叉燒，唔肥唔瘦，有畫龍點睛嘅效果👏另外仲叫咗個辛口燒餃子🥟，餃子脆卜卜，就算我放涼左一陣都冇變淋到，值得一讚👍，辣椒🌶醬並唔係太辣，可以接受得到，又幾惹味喎😂

今日FIF將左朋友去將軍澳行街,行行下發覺有小小肚餓就係新都城搵食啦! 一行到出口,就見到呢間拉面, 店面唔算突出,但都有小人龍,等左大約5-10鍾就有得入~ 我地一行3人, 我同一位友人叫左濃厚豬骨豚肉拉面, 另一位就叫左辛辣口味!豬骨湯方面,豬骨味好濃郁!而塊豬日燒得好香,咬落去好有口感!而最出色係粒糖心蛋!超級好味又糖心~正! 另一位友人叫左中辣既辛辣口味拉面,佢話唔算太辣,下次可以叫大辣~可能因為佢係食得辣既人! 另外仲叫左羽根餃子~煎得都好香脆, 餡方面都幾特別~比較多菜!仲叫左支札幌啤酒~甜甜地都幾得意啊!總結黎講,豬骨拉面好味!在於色香味俱全! 仲有開放廚房可以睇住師傅整面~有日本小店既感覺!

星期六和媽媽行完山逛逛超市又到12點，媽媽嚷著肚子餓，我說請她吃午餐吧，那就吃吃之前我們在銅鑼灣吃過的霸嗎拉麵!期間限定：檸檬豚肉拉麵，$78🍋咬落彈牙的拉麵上，有三塊檸檬散發著淡淡的檸檬香和酸，令平時油膩濃稠的濃底變得清新。豚肉的肥美，又被三顆大而索味的西蘭花和一堆蝦乾中和，感覺和諧。炙燒豚肉味玉拉麵，$88🍜這個跟檸檬豚肉拉麵比下去:咬落彈牙的拉麵上，只有幾條筍、一堆蔥、一粒流心蛋和一塊肥美的豚肉，漂浮在濃稠的濃底中。要是更清新點、豐富點就好了。羽根燒餃子，$35是香脆可口的，味道正常，沒什麼大驚喜。

聽聞呢間拉麵店... 銅鑼灣店經常大排長龍..同事話將軍澳有分店，只要收工即去，應該唔駛等...環境: 結果我地6:30pm到達，果然唔駛等，即刻可以入店。不過... 店內其實已經8成滿，咁當然店也不大，有bar枱，卡位，普通枱，約6-7張4人枱到... 到我地落完單，已經開始有人龍lu.... 真係幾多人... 門口同bar枱都掛著紅布，布上牆上都有手寫的日文，配上木枱和櫈，感覺似好地道既拉麵店。食物:同事叫咗炙燒豚肉味玉拉麵，選了少油硬麵。唔知係咪我地掛住食炸雞，又影一陣相先食個麵，個麵唔覺特別硬身，同我個正常的拉麵差不多。我好喜歡吃同事那碗豚肉，肥瘦均勻，厚度十足，啖啖有肉，最重要真係食到炙燒既味道，真係無欺場! 湯底有濃濃豬骨味，掛得上爽和粗身拉麵，又少油，幾正。我叫咗雞叉燒味玉雞湯拉麵。我同事對我個雞叉燒讚不絕口，話好甜好滑，我就覺得佢個碗豚肉好味啲... 個雞湯對比豬骨無咁出，如果我都有揀"少油"，就應該會勁飲個湯。我幾鍾意配菜既木耳絲，幾爽，夾埋一齊食就會覺得個湯無咁膩...如果可以，我想揀"多木耳"。流心蛋係正既，掂，無得輸。沙拉唐揚炸雞，我食到雞有少少檸檬味，好清香但

今日同屋企人出街食飯，帶咗佢地黎呢間覇嗎拉麵食，同屋企人岀街好少食日本野，不過我諗拉麵店應該合佢地口味我自己叫左個野菜味噌雞白湯拉麵，因為自己本人唔太鍾意食日式拉麵嘅叉燒，所以唯有食呢個啦野菜份量好多，夠哂健康，個拉麵我就order 少油，湯底夠濃郁得黎又唔肥膩，值得稱讚！另外仲叫左支密瓜梳打，同平時飲開嘅密瓜汽水唔同，冇咁多氣，同埋真係有密瓜成份架（雖然好少(o^^o)）呢個係家人叫嘅濃厚豬骨豚肉拉麵，仲加左個味玉tim,我冇試到唔知咩味不過家人話舊叉燒好靚好好食。另外我地都有叫小食，試左燒汁唐揚炸雞，一份有5件，但每件都好大舊上枱擺左一陣都夠熱同非常之香口，啲燒汁好好味，唔酸，份量都剛剛好，唔會整到啲雞林哂。

平時行開呢間野都有好多人等今次晏左食飯所以咁岩無咩人等所以就決定食見到個menu有好多野都好好食原本唔太餓既我決定叫一個拉麵加小菜黎到霸嗎一定要食灸燒豚肉叉燒所以我決定食辛辣灸燒豚肉味玉拉麵豚肉份量都好多而且亦有其他配料佢o既辣唔係麻辣亦食到佢唔係只加辣粉係用辣椒或其他材料製成好有層次食到陣陣豬油香而小菜我就揀左要羽根燒餃子一上台就見到一層薄薄地o既脆片完全會到當中o既肉及肉汁一開始唔知咩叫羽根問下先知原來係用麵粉漿整出黎o既「羽根」

第一次食依間分店時好地地，保持到出面舖頭嘅水準。但今次隔左三個月再嚟，就完全唔掂，好似吳克儉一樣唔得掂。事情是咁的。話說和女友二人晚餐，番工又受氣，想食番餐好者，諗住食霸嗎穩陣，點知，當食店長駐將軍澳，事情就不一樣了！當我入到去，店員好似好唔想理我哋咁，高談闊論，興致高昂咁傾偈。我叫左個檸檬豚肉拉麵，仲加左粒味玉。點知嚟嗰陣少左隻蛋，我同個員工講，個員工乜都冇講就行開咗，連「唔好意思，先生，等我幫你check吓先」都冇講。我心諗，你哋傾偈咁開心咁大聲，同客講嘢就講一個字都懶，有啲奇怪。之後啲麵嚟咗，嘩，啲拉麵真係我食過嘅拉麵之中最——————————淋的。濕到好似濕毛巾，質地好似上海菜啲煨麵咁，軟淋淋，真有一刻忘記咗自己食緊拉麵。係個個moment，員工嘅笑聲蓋過咗女友講嘢嘅聲音，真係第一次見到員工笑得仲大聲過啲顧客。佢哋興高采烈，我就一面好似樹熊食樹葉，好無奈。其實我真係好失望。係銅鑼灣間霸嗎我好鐘意食，嚟到將軍澳本來好開心，點知咁快就變質？莫非身住將軍澳，就唔配有好嘅待遇，食到好嘅食物？我唔知，我只知道，嗰刻我感受到深深嘅寂寞。

霸媽拉麵在尖沙咀的分店每次經過都大排長龍，由於評價不錯，故人龍從來沒有短過，每次經過看到的人龍都令人卻步。將軍澳這間的店相對較小，這區的人流也較少，我七點左右來到，店內幸好還有一兩張空桌，我們在吃到一半時，已經可以看到在門口等位的人了。一坐下便見到搶眼的限定menu，檸檬豚肉拉麵，二話不說馬上點了這碗並加了一隻糖心蛋。糖心蛋跟麵是分開上的，一塊厚厚的豚肉放在麵上，旁邊很有趣的放了三片檸檬，整個碗塞得滿滿的，十分豐富。拉麵一上桌當然先喝一口湯，是豚骨湯，味道很濃香但沒有過咸，而很特別的是有一股淡淡的檸檬清香，我把檸檬壓幾下讓檸檬汁更加融入湯底，這次的湯微酸，想不到與豚骨湯如此合拍，令人有一種一口接一口吃下去的衝動。另外麵條幼幼的特別掛汁和入味，煮得不過軟剛剛好。在吃糖心蛋前我已經忍不住要先咬一口叉燒，那肥瘦相間的厚叉肉味香濃，那幾層肥肉滲出油香，瘦肉部分又不過硬，整個口感非常柔軟順口，配上檸檬湯底解膩更是無敵。上面灑的櫻花蝦更為整碗麵增加了鮮味和口感。糖心蛋一向是拉麵店不可以錯過的項目，那流心程度咬開就是剛好，中間蛋黃要流不流的樣子十分吸引，蛋白還是嫩嫩的，每次來吃的糖心蛋都煮得如此剛好