霸嗎拉麵 (已結業)

陪完個Friend去將軍澳買衫， 一行落樓， 即時見到廣島霸嗎拉麵嘅霸氣紅色廣告牆寫住「最強濃厚とんこつ醬油らめん」(最強濃厚豚骨醬油湯底) 。真好彩唔多人， 唔駛排好耐隊，即刻有得食號稱「極之美味」嘅拉麵 ( Bari 意思係"極之", 而Uma意思係"美味")可能係香港租金嘅關係，鋪面面積比較細，但裝修日本味十足，不失其過江龍霸氣。朋友點左期間限時嘅檸檬灸燒豚肉拉麵，我鐘意濃味所以揀咗雞叉燒雞白湯拉麵。等左幾分鐘，我碗雞叉燒雞白湯拉麵送到面前。 豚骨湯底夠濃厚，入口香醇但我覺得有點過油，佢地自家製麵質滑身，比一般拉麵較粗，我覺得麵質較軟， 嚼勁差了一啲，硬一點會更好， 下次應該選擇硬麵。雞叉燒咬落口感不佳。朋友果碗檸檬灸燒豚肉拉麵，佢好喜歡食酸野， 佢覺得唔夠酸， 仲向店員愛多3 片檸檬，果塊炙燒豚肉果然係名不空虛傳，香口，而且厚身大塊！肥瘦適中，咬落有滿足感，佢仲話檸檬酸湯底超正。價錢唔算平，但食物整體滿意，質素屬於水準之上。