霸嗎拉麵 (德己立街)

營業中

休息中

廣島出名既霸嗎拉麵連所專門店，係香港有三間分店位於尖沙咀、屯門及中環。成日行中環既我，每次經過都見好多人排隊! 可能今日做冬，見人龍唔長，就即興試試~入到舖裏面就見到大大隻字寫住"最強濃厚豚骨湯底"，見到咁當然要試下啦!💥特盛炙燒豚肉拉麵選用了五花腩用製作，肥瘦適中既叉燒以高火溫度燒炙，將油脂逼出! 厚切豚肉經燒過後，入口帶點焦香味道，但不覺油膩! 特盛有4塊厚切豚肉，非常滿足! 配上秘製醬油濃厚豬骨湯，味道相當香淳鮮味，加上每日新鮮製做既麵條，掛汁力強，最後食到見度碗底期間限定：💥厚切吉列芝心豚肉配濃厚咖哩豬骨拉麵熱辣辣上枱，豚肉真係好厚，肯定有1吋，份量仲有一隻手掌咁大！吉列豚肉炸出黎色澤金黃，外層脆卜卜，咬下去卻鬆脆，肉質軟腍，而且juice! 每咬一啖，芝士係咁流出黎！提提大家，而家天氣凍左，芝士會好快凝固，所以最好盡快食， 好好享用流心既感覺!特別喜愛呢個咖哩湯底既拉麵，咖哩湯底香氣非常濃郁，一上桌就能聞到撲鼻的辛香料味，飲起來介於日式咖哩的溫順又帶點印度咖哩的辣味! 雖然香味濃厚，但因為搭配了豚骨湯，增添了濃郁感與圓潤度，再配上南瓜、紅椒、香菇、矮瓜各類蔬菜配料既清甜又有爽

呢間好似係近幾年黎一路都喺中環老蘭路口屹立不倒嘅拉麵店。menu都轉得好快，本來見到人些牙嘅野食今日去已經無咗，cry。有邪惡巨無霸，吉列芝心豚肉咖哩拉麵，塊炸豬排超厚，中間再夾住拉絲芝士，一切落去好脆！芝士拉絲拉到二樓！咖哩好重黑椒味，撈拉麵真係幾新鮮。平時自己都係撈飯多，仲係甜嘅頹㗎咋。個拉麵嘅面積似中華拉麵嗰種感覺，唔係平時配熱湯嗰種面。呢個set好抵，出面只食咗個拉麵嘅價錢，呢度比到你咁大份量醬炆雞叉燒味玉拉麵。白雞湯拉麵，平時成日都係食豚骨湯麵今次試吓新嘢。麵質點了軟麵，但其實麵質食起來又不是咁軟身，有咬口得黎，麵條掛起雞湯表面油脂，幾好。雞湯望落去好清，但超級龍雞味，聞起來仲隱隱散發磨菇香。流心蛋是用醬油醃，一咬落去，半熟蛋黃汁緩緩流出，蛋黃濃稠，令人食指大動，配以蔥花食，簡直絕配。

▫️呢幾日凍冰冰🥶 最岩食返碗熱辣辣既拉麵🍜 中環呢間拉麵店位置幾方便，唔洗諗收工直接去食先✊🏻🥘 厚切吉列芝心豚肉 濃厚咖喱豬骨拉麵 $138▫️呢款係期間限定‼️ 上枱時嚇親，吉列豚肉超大塊😲 仲切開左一半見到入面既三重芝士🧀 肉質非常結實肥厚🐷▫️第一次食咖哩湯拉麵🍛 揀左中辛🌶 不過日本啲咖哩都係唔辣既🤣 咖哩濃稠，拉麵幼身彈牙好掛汁，仲有好多配菜例如茄子🍆、冬菇🍄、南瓜🎃等，食完真係超飽🤰🏻🍜 雞叉燒味玉雞白湯拉麵 $95▫️雞白湯味幾香濃，雞叉燒嫰滑得黎又唔肥🐔 拉麵同樣用上我最愛既白色幼身拉麵🍜 仲有流心蛋🥚 好香醬油味，一切開蛋汁就流晒出黎🤤🥟 羽根燒餃子 $35▫️一大塊薄皮連住超吸引🤩 總共5隻餃子，煎得幾香口🥟🫘 枝豆 $22▫️清淡啲作為前菜唔錯🟢🍎 信州蘋果梳打 $28▫️餐廳有好多日本飲品🎌 揀左蘋果梳打，幾清甜解渴🫧

環境：裝修日式風格。座位空間有一人座同四人座，空間寛敞乾淨幾舒適。每桌均有一個醬料架，方便顧客自調口味特色：之前萬聖節推出期間限定有黑暗の料理🤭🖤//🖤極黑蒜醬油豚肉竹炭拉麵//成碗都黑色架🖤勁神秘，但湯底以黑蒜醬油等黑色食材調配而成。拉麵則加入竹炭粉打造黑色效果，而麵質適中吸湯力強，啖啖濃厚黑蒜醬油味，豚肉炙燒厚身，入口嫩滑唔乾柴，肥瘦適中。仲有青蔥、麻藥皮蛋、冬菇等配料，超豐富飽肚🥰//🎍竹荀//拉麵可另加$$ 追加配料，但原來呢到加配料唔係加少少，係有成大碗😆我勁鐘意食竹荀，見到超開心//🐤唐揚炸雞//Size 有半個掌頭咁大，油炸前加入調味料醃製鎖緊肉汁，再上麵粉油炸後，入口外脆//中野梅酒 梅の實//最底有2粒醃梅果實，可以一邊飲一邊食🙆‍♀️ 梅酒入口溫和唔刺喉，先甜後酸，幾清爽

午餐時成個蘭桂芳都係人，唯獨呢間拉麵無人排隊我地兩大1小就入左去，初時睇餐牌覺得都應該無伏，款式多仲有兒童餐（12歲下可叫），所以每人一碗喇，侍應哥哥有耐性解釋餐單，呢個點我係好欣賞，反正在場既crew都有禮貌，但係 麻煩 改善下 食物品質！！！兒童餐— 一碗細拉麵，甜品，玩具，一杯橙汁侍應哥哥話呢排橙汁黎唔到香港所以可以簡多份甜品/玩具。拉麵不過不失，大食啲既小朋友都夠飽。醬油豚角拉麵— 我先唔評論個麵底，豚角勁肥，肥膏多過肉，湯底亦死咸🥱赤豚叉燒麵，流心蛋可以，但麵底好難食（同行友人講既）臨走時發現煮麵果個唔係日本師傅，係香港姨姨，就即刻知問題係邊，太有港味😮‍💨如果想食正宗拉麵，行遠少少🤧

開心星期五，放工打算跟同事去蘭桂坊飲兩杯，路經這間拉麵店覺得很特別，便先醫飽肚子。餐廳裝潢都滲透著日本風情味，還有一幅很有霸氣的畫，寫著最強拉麵👍🏻馬上便想試試看。極黑蒜醬油豚肉竹炭拉麵 $108期間限定，漆黑的一碗，無論由湯到麵都是黑色的，飄出陣陣香氣，特別富有神秘感，先啜一口湯，獨有且濃厚的豬骨湯底由口腔中散發出鮮甜及芳醇，大量蒜及蔥令味道更濃稠，一喝便知用了不少豬骨取其精華，直接衝擊著味蕾，還有燒過的豚肉，肥瘦剛好，陣陣肉香，最特別的是竟然用了皮蛋，味道且出奇的夾，黑色的麵身硬度亦剛好，彈牙有嚼勁，每啖都十分滋味。不怕單一人前$108這個套餐十分抵吃，一麵一飲品一小食，小食我們選了唐揚炸雞，剛炸起，熱騰騰，雞肉十分香嫰，外脆內軟，彈牙又多汁，濃厚豬骨豚肉拉麵相比起黑色的那一碗，這碗相對比較清淡，不會太膩，最喜歡的溏心蛋，半流心蛋黃沾湯汁是絕配，拉麵韻味關鍵在於油脂，有助使拉麵不易變冷，還有豚肉、甘筍、蔥等為拉麵增添更豐富口感與味道層次。我十分喜歡重口味的拉麵，下次會再來☺️

太掛住日本，個個朋友都出發。為有搵個friend去食拉麵🍜😍😍朋友介紹試試入到店已經就拎order紙點餐，今期推介極黑+蒜醬油豚肉拉麵😍😍好香濃味道到我面前，成碗全黑幾得意，湯底是黑醬油，今期限定，先試湯，香濃皮蛋幾特別，上面灑上辣椒🌶️及香蒜，幾特別，仲有冬姑、木耳，另外都加了味蛋，最後當然係主角豚肉，厚厚大大件，淋身香口，竹炭麵彈口，麵可選擇硬度。我就愛軟身，至愛🥰🥰味玉，蛋黃現啫喱狀流，蛋黃味十足，正朋友點了濃厚豚肉拉麵，豬骨湯底極甜，水準同日本咁好食，麵點選中度，口感更加豐富，加了少少7味粉更昇華。👍🏻👍🏻👍🏻再點了唐楊炸雞，雞肉好滑，加了檸檬🍋汁。已經非常好，最後飲可樂。簡直完美一餐

喺中環做完野，又好耐冇嚟食拉麵，2點半呢度有下午茶餐，啱晒雞叉燒雞白湯拉麵配唐揚炸雞3件及汽水 ($78)雖然係下午茶，不過份量唔少㗎喎！雞叉燒厚身，有啲燒烤味；炸雞估唔到有咁大件，仲好juicy，炸得熱辣辣極黑蒜醬油豚肉竹炭拉麵 ($108)配合Halloween而推出嘅黑色拉麵，湯底非常濃稠，蒜味香濃。威廉食到有一隻皮蛋，我仲話夠膽輸賭一餐飯肯定唔會係皮蛋啦，點知真係皮蛋！有冇試過拉麵嘅蛋係皮蛋？叉燒非常厚身

同朋友一齊喺中環覓食，佢話想食日本🇯🇵拉麵🍜，又話想去一間大家都未去過嘅，咁我哋即刻上網Google一下，搵到呢間大家都未去過嘅，距離我哋嘅位置又好近，咁就嗱嗱聲行過去開餐😆- $108 嘅 期間限定「極黑蒜🧄醬油豚肉🐷竹炭🎋拉麵🍜」：落單之後幾分鐘 拉麵🍜就嚟咗，湯底真係極度黑鼆鼆仲黑到反晒光😆，幾特別😆，即刻飲番啖湯先，味道都幾濃郁，真係有淡淡嘅黑蒜🧄香味😋；竹炭🎋拉麵🍜都係黑萌萌🤩，麵質幾軟熟😋，仲有半隻都係黑蚊蚊嘅皮蛋😆- $95 嘅「濃厚豚骨湯拉麵 — 炙燒🔥豚肉味玉拉麵🍜」：豚骨🐷湯底都係好濃郁，仲加咗少少辣醬所以湯底帶微辣，食落幾開胃😋兩碗麵 嗰件叉燒都係肥瘦適中，又甘香😋

今日經過蘭桂坊，見到有上次試過嘅霸嗎拉麵，所以就入去食個麵。今期有個季節限定嘅松葉蟹肉蟹膏軟殼蟹拉麵，全蟹宴點可以唔試下☺️拉麵係幼身嘅，我揀咗軟硬度適中。拉麵索左濃濃嘅湯汁，唔會令到啲麵淡而無味。軟殼蟹炸得外脆內軟，而且好酥脆，重點係夠大隻而且啖啖肉，好滿足。松葉蟹肉鮮甜，蟹膏甘香，混合喺濃濃嘅湯頭裏面，個蟹膏令到個湯底提升鮮味。另外叫咗個沙拉唐揚炸雞，即叫即炸熱辣辣，又香脆，雞肉有醃過所以好入味，炸完都好Juicy，配埋沙律醬同香蔥，增加口感同埋減低油膩感！

之前於一綜合電子會籍平台成為會員，兌換了一些現金券，剛好今天到中環辦事，晚餐就於這過江龍連鎖拉麵店解決小店位於蘭桂坊上，可於暢飲前先填飽肚子店內裝修環境跟其他分店的格調相同，佈置充滿着日本的感覺，在吧台的位置能夠直接看到師傅製作拉麵餐廳經常推出特別的限定菜單，繼之前的「啤酒拉麵」、牡蠣主題餐單，今次推出三款軟殼蟹期間限定新品孩子才作選擇，作為蟹迷的我，決定全要松葉蟹肉蟹膏軟殼蟹拉麵以原隻天婦羅軟殼蟹作主角，賣相吸睛湯頭以日本直送的招牌豚骨湯為基調，加入濃郁蟹味噌，配以鮮甜松葉蟹肉，香味十足石燒松葉蟹膏軟殼蟹飯的軟殼蟹外脆內軟又厚肉，幾乎遮蓋整個石燒鍋底部有滑蛋、香蒜、香蔥、蟹肉、蟹膏及醬汁，拌勻食材後飯焦已經形成，熱騰騰的飯充滿蟹香甲羅燒內有松葉蟹肉、蟹膏和鵪鶉蛋，加蛋令甜味提升拌勻之後再塗滿多士，有助減低膩感碳酸飲料三矢蘇打刺激、爽快

約咗朋友今晚係中環睇午夜場, 點知朋友臨時OT, 叫我自己係附近搵餐廳食住野等佢。一個人的晚餐, 除了快餐, 即時諗起蘭貴坊間霸嗎拉麵, 行到去剛好係上班族放工高峰時間, 餐廳門外已經出現人龍, 還好有時間排隊等入座。餐廳地方企理, 一人堂食都唔會顯得尷尬。見到MENU上新推出三款期間限定軟殼蟹系列, 自行CLICK ORDER紙落單, 【松葉蟹肉蟹膏軟殼蟹拉麵】HK$128食材相當豐富, 完全覆蓋整個拉麵, 擺盤整齊, 盡顯份量。有大大片紫菜、海苔、蔥花、蟹味噌、松葉蟹肉、蟹膏, 仲有原隻軟殼蟹。將所有配料撈起, 大量蟹膏同埋蟹肉令湯底杰咗少少, 蟹鮮香味濃郁; 炸得金黃香脆嘅軟殼蟹, 放上拉麵湯底上, 稍為索咗湯汁, 令軟殼蟹更為鮮香惹味, 就連麵條都充滿蟹味增湯汁, 完全滿足到我呢個蟹控。另外仲 +$10 追加粟米粒混入湯麵中, 多一點層次, 多一份清甜。【唐揚炸雞】HK$35炸雞表面乾身, 不過只有微溫, 炸皮微脆, 但肉質幾滑。原味冇配調味料, 但檯上有七味粉, 沾少少食, 少少辣, 唔錯。最後再點埋甜品【日本米雪糕】HK$28雪糕米香味十足, 間中夾集煙韌米飯粒。

蘭桂芳真係隱藏好多好野食呢間拉麵店好有日本風味。見到Menu <限定款式> 梗係要試一試✨松葉蟹肉蟹膏軟殼蟹拉麵大大隻軟殼蟹，即叫即製外層香脆，都幾厚肉配搭日本松葉蟹肉 蟹膏細膩香味湧出，味道唔會太鹹同湯底好夾拉麵口感彈牙，就算食得慢．浸得耐都唔會腍成碗麵好有份量，賣相好靚呢個配搭確實唔係一般拉麵店食得到✨中野梅酒難得呢度咁多酒類選擇，呢款梅酒甜甜地好易入口，配拉麵一齊飲都好正✨日本柚子雪葩呢款雪葩好幼滑，柚子味香清得嚟唔會太甜，冰凍透心涼，可以中和一下

💎總評分：6.5/10-好耐之前已經介紹過尖沙咀分店，喺正The One對面成日都經過，係來自日本廣島嘅過江龍🇯🇵，主打自制麵條同濃厚豬骨湯，上次食左慢煮叉燒拉麵🐷，呢日行過中環見到佢地有新野，以軟殼蟹做主題，推出期間限定拉麵同鍋飯🎏，仲有甲羅燒添😃。1️⃣ 松葉蟹肉蟹膏軟殼蟹拉麵 $128亮點係大大隻軟殼蟹👀，即炸多肉，不過建議嚟到即刻食，因為吸左啲湯會變淋。中間嘅蟹膏份量好慷慨，加埋松葉蟹肉🦀，撈均後令豬骨湯底頓時充滿蟹香😋。麵條可以㨂硬度，小編㨂左「適中」，食落有彈性。對上一次食己經有加味玉🥚（＋$12），親手拮爆佢嗰下好有滿足感🤩，今次再翻叫依然無令人失望，一滴滴橙色嘅蛋黃香濃好食🤤，正👏🏻！2️⃣ 甲羅燒 $58估唔到拉麵店都有得食😗！蟹膏、蟹肉，加鵪鶉蛋連同蔥花一同攪拌🥢。雖然無磯燒餐廳咁有專人喺你面前燒♨️，但價錢唔貴，值得一試，若然多士脆身點會更好食呢！3️⃣ 羽根燒餃子 $35拉麵配餃子是常識吧🥟！餐廳算係比較多單點小食嘅拉麵店，淨係餃子都有4款，質素正常👌🏻，同價錢成正比。4️⃣ 沙拉唐揚炸雞 $38上次以加配價錢叫左小份，結果發現驚喜地嫩滑🤩，大大嚿啖啖肉，無出現炸粉過厚情況🐓，今

一向好鐘意食霸嗎拉麵而且中環分店位置極方便作為蟹迷嘅我覺得今次 期間限定 好吸引#松葉蟹肉蟹膏軟殼蟹拉麵蟹肉蟹膏非常足料有一大隻軟殼蟹炸得剛好 香脆唔油膩湯底好濃郁食得出製作好用心拉麵軟硬度剛剛好 彈牙有咬口而且非常掛湯夾埋海帶 紫菜同食 非常美味#石燒松葉蟹軟殼蟹飯建議上檯先等一陣可以享用到飯焦非常香脆惹味雖然都係蟹膏蟹肉但拌飯同拌麵係完全唔同感覺我個人比較鐘意配飯同食比較更清楚品嚐到蟹嘅鮮甜味每顆飯粒都沾左蟹膏蟹肉好濃郁整體黎講食物用料新鮮 烹調用心性價比好高