霸嗎拉麵 (德己立街)

營業中

休息中

霸嗎拉麵係好耐之前都同友人食過好幾次，之後見到都要排隊都無乜機會再食今日收工比較早，見到有位又出左新拉麵就一於試下💕食物方面，主打豚骨或雞湯系列 叉燒厚切😆炸雞同餃子係拉麵店係少不了，反而今次見到野菜比較特別，仲要係芽菜，唔係椰菜絲👍🏼由於夏日炎炎，會比較想食清爽既食物，霸嗎都出左檸檬雞湯拉麵，配合返香港熱辣辣既環境檸檬炙燒雞叉燒拉麵🍜一上枱見到三大塊檸檬，以為要篤下先食。原來湯底都有一定程度酸度視乎自己想食幾酸拉麵掛汁方面做得幾好，雞湯濃郁帶有酸汁中和，相當開胃雞叉燒都燒得香，味道微甜👍🏼炙燒豚肉味玉拉麵👍🏼豚肉保持到水準，有充分油香，好好食糖心蛋都好出色，滷得入味，糖心效果都好好抄野菜🥬都好值得叫，性價比高，抄得夠香，加少少七味粉更加正

今日同同事去中環做完嘢，同事介紹去霸嗎拉麵食下午茶，我見之前其他分店都有人龍排隊，證明食物質素一定有保證。充滿日本風格嘅裝修，枱和椅子都係木製，店員親切有禮，我哋揀咗可以望外面風景嘅bar 枱位。既然係期間限定，緊係要把握機會試吓酸辣檸檬雞叉燒拉麵，另外仲叫咗個tea set-雞叉燒雞白湯拉麵配唐揚炸雞。🌟🌟份量充足，用料上乘，其他日式拉麵店比較少有雞叉燒，而用料有兩大舊嫩滑嘅厚切雞叉燒、略帶鹹香味樱花蝦、爽口木耳、西蘭花，再加埋檸檬同辣椒嘅配搭，十分之創新，而且味道真的不錯，有三款辣度可以選擇，今次揀中辣，下次可以挑戰大辣🌶️🌟🌟湯底濃郁可口而不油膩，雖然係下午茶，份量亦很充足。🌟🌟唐揚炸雞冇得輸，外脆內軟，熱辣辣。🌟🌟日本🇯🇵直送綠茶雪糕、紅茶雪糕😋😋

今日下晝去咗中環依邊shopping，咁啱同朋友行到非常肚餓，諗住搵啲輕食，見到呢一間拉麵都好似幾好食，之前咪好多唔同嘅地區都見到佢有唔同嘅分店，應該都係信心之選，所以就決定入去試吓究竟係唔係好食下午茶時間好彩都唔係太多人，等候時間亦都唔需要我哋叫咗一個期間限定嘅檸檬叉燒拉麵 另外叫咗一個雞白湯拉麵再加五件炸雞 首先想推介下佢嘅期間限定拉麵，拉麵本身係幼身，食落去都非常煙靭，而且個湯非常香濃，拉麵每一條都做到掛身嘅效果，同個湯嘅味道非常配搭 呢一個期間限定嘅拉麵主要係配合夏天，加埋幾片檸檬同埋檸檬汁嘅味道，可以令到拉麵唔會咁滯，而且口味來講都覺得非常獨特，因為之前都未試過檸檬同埋拉麵嘅配搭 配料仲有櫻花蝦，非常香，配埋拉麵食都非常match 另外我哋叫咗炸雞，其實都幾抵食呢一個價錢竟然有五件，炸雞係即叫即炸，唔係預先做好的，入口非常熱辣辣，而且食落有Juicy嘅口感 忍唔住食完一件又一件 總括嚟講用餐經驗都非常愉快，店員亦都非常有禮貌，大家不妨一試

日本廣島規模最大、以「地表最強濃厚豚骨湯頭No.1」馳名日本及亞洲的霸嗎拉麵，又有期間限定。檸檬雞叉燒拉麵$93如果想食辣，可以揀酸辣$98仲可以揀大中小辣材料有櫻花蝦，木耳絲，西蘭花同雞叉燒雞叉燒係採用雞脾肉，所以肉質滑嫩鮮甜湯底係雞白湯，湯頭呈現奶白色，較為清淡爽口再加上瀨戶內海的檸檬汁調味同埋三片新鮮的檸檬帶黎更加清爽的口感灸燒厚切豚肉 $58每一片近1cm的寬度厚切，以炙燒帶出豬肉油脂香氣再配上少許豆瓣醬令香味提升炸雞 $35好大粒，似乒乓波皮脆肉嫰多汁波子汽水 $20日本最受歡迎的碳酸飲料以玻璃珠封口的包裝方式而得名好有童年回憶食材由日本直送

！！服務差！！衛生差！！一，本身係openrice睇中咗佢其中一款飯（$38咋！），去到門口都有睇多次佢個餐牌係咪有呢個飯，見到有所以入去啦。點知寫好單，個staff先話無晒飯，連想叫碗白飯都無😔其實無就應該係門口個餐牌貼張紙，或者客人入去就提一提啦，即係逼人叫碗麵/小食姐😅同埋唔except有人叫飯囉？😅二，入到去張枱，有條2cm嘅麵仔係張枱邊，醬油碟都好污糟，隻隻都仲有跡。三，staff有一男一女，我叫左個羽根餃子同炸雞，個餃子有好大塊脆脆架嘛，佢又死都要推入啲碟餃子，想貼住貼炸雞，但你再推塊脆脆就會爛架啦！最後佢好堅持要推，就爛咗成個邊跌咗落枱啦。。。然後sorry都無😔四，無論係邊個staff，都好心急收晒所有食完野嘅碟，再推貼你剩餘嘅碟/單五，關於餃子，不用椰菜反用白菜，唔係日式餡。好嘅地方：豚角好味👍🏻👍🏻

-平日約在中環的蘭桂坊食lunch大部分的餐廳都要排隊等位，今日咁岩經過呢間拉麵店冇人排，一於就入去試下佢手勢啦。-食物：午餐有set，跟炸雞或餃子同可樂。今次我order左個辛辣炙燒豚肉味玉拉麵。首先，佢湯底好濃，辛辣味重(接近三小辣)，食到汗如雨下。面底正常，唔會過淋。重點係塊燒豚肉，好厚，好淋。雖然唔知佢正唔正宗，但呢碗麵我覺得係好食既。-環境：裝修同平時的拉麵店一樣，一個字」迫」。座位唔太舒服，特別係近窗個bar table。但lunch time 都唔會坐得太耐，所以可以接受。-總結：香港食拉麵一向都唔平，埋單都一百，呢間都唔例外。但個豚肉真係好厚，岩哂食肉獸。

味道正正常常，點了個套餐，拉麵食完20分鐘餃子還未上，追了廚房都話冇單，服務員死話炸了冇拿出來。不老實。其他就冇乜好評論，拉麵濃度比預期要淡，叉燒得一塊，灼燒沒有什麼特別。當快餐吧（雖然因為漏單所以好耐）

服務真係差，我見隔離大陸既旅客一入黎，就同佢講無晒餃子，得返炸雞；落左單之後又話有餃子無炸雞，真係玩野！不過呢個都唔係問題，係後來個侍應姐姐攞左罐凍既野比佢哋，佢地想要常溫既，個侍應姐姐串佢哋下次早講，係唔係玩嘢？你熟讀吓你哋菜單先啦！上面幾時有得tick凍唔凍呀！之後我去埋單果時，個侍應哥哥竟然同我講因為人多唔收卡，有幾多人呀？就我同另一個人埋單！咁都話忙O左嘴！咁係香港間間店都好忙啦！間間都唔使收卡啦！無下次啦！食物質素都差左好多，湯無咩味，肉又柴左！有好多拉麵店，真係有好多更好選擇！

身為日本廣島規模最大的拉麵品牌，霸嗎拉麵的質素一直也是很穩定！甚麼都想吃一點，就果斷點了新推出的2人套餐。先來2罐一肥一瘦的可樂～太愛吃糖心蛋了，連小食也點了糖心蛋！100分糖心蛋!炙燒豚肉味玉拉麵霸嗎的豬骨湯底絕對配得上「最強濃厚拉麵」的稱號!湯底濃郁香淳，入口黏稠，掛麵力一流！「溜醬油」為湯底添上鮮香，吃久了也不膩！炙燒厚切叉燒是霸嗎的一個大賣點，用上肥瘦相間的五花腩肉，以滷汁慢煮入味，上桌時炙燒以表，入口鬆化，焦香不膩，重口味人士必選！雞叉燒味玉雞白湯拉麵相比起來，雞白湯則比較清淡，入口清爽，雞叉燒雖連皮但亦偏瘦，怕肥膩人士應該會喜歡。羽根燒餃子吃拉麵少不了點餃子，如果再脆一點就好了！吃完拉麵吃枝豆，一下子好像去了居酒屋，哈哈！

星期三晚上和朋去吃拉麵，選了這家霸嗎拉麵，因為是日本正宗拉麵，而且在廣島是最大的拉麵品牌。我們點了兩個不怕單一人前，再加日本柚子雪葩。雞叉燒雞白湯拉麵這碗是我的，雞叉燒即是雞卷，雞卷很嫩滑，拉麵是細的，叫了硬麵、少油、走葱，吃完不會很口渴，不錯。炙燒豚肉拉麵這碗是朋友的，我嚐了豚肉，比較肥的部位，非常軟腍，入口即化的感覺，朋友很喜歡。沙拉炸餃子炸得很脆，裡面包的是菜和肉，沙拉醬挺多的。唐揚炸雞兩件都挺大塊的，炸皮不會很厚，所以肉的部分挺多的，還保有肉汁。日本柚子雪葩柚子味突出，不會很假，雪葩透心涼。套餐還包了汽水呢。

約朋友在蘭桂坊飲酒，還未食飯，途經霸嗎拉麵，所以就簡簡單單食拉麵。拉麵麵質有彈性，叉燒夠淋，湯夠濃郁。炸餃子配沙律汁沒有特別，不過所有食物夠熱，職員上菜快，有禮貌，值得再試。拉麵最主要係湯底，麵質，溫度。希望餐廳能夠保持。現時惠顧好多食肆品質經常不穩定，主要是唔夠人手，唔夠人點可以做好品質及服務。可能未來要轉哂做機械人餐廳。

一行四人兩大兩細，知道有兒童餐，咁就食啦。叫咗炙燒豚肉味玉拉麵，賣相okay ，味道都唔差，不過份量較少，仲有就係無生蒜同芝麻。兒童餐我無食，小朋友話好食，咁我就唔過問😂。另外叫咗份唐揚炸雞，勝在夠熱，但味道一般。整體來講，呢個價錢食嘅嘢，叫做合格有餘。中間有同事幫手收食完嘅碗，對答都好有禮貌。今日唔好彩，坐正喺廚房吧枱前面，一般食日本嘢吧枱前係好位，但今餐全程聽住廚房阿姐投訴人工唔高，埋怨足全程，都幾煩🤦🏻‍♂️下次都唔敢坐呢啲位😂

「霸嗎拉麵」為日本廣島規模最大嘅拉麵品牌，於 2003 年喺廣島創立，憑住「最強濃厚豚骨 No.1 湯底」由日本拓展至亞洲其他地區，而依家喺香港亦有3間分店。今日有活動要嚟中環，見好耐冇食過拉麵，辦完正經事，就專登過嚟德己立街分店吃頓午餐。餐廳嘅佈置風格同其他分店一樣，以日本設計嘅獨有畫作同字樣作點綴，配上一室木系裝潢，洋溢著濃厚的和風氣息。點咗炙燒豚肉海苔味玉拉麵 ($98) 同 石鍋燒豚肉海老飯，另外再加咗客羽根燒餃子。先嚐一口拉麵湯底，味道超濃郁，質感稠身得嚟又富膠質，每一啖都充斥住豚骨嘅香味，很討人歡心。豚肉相當厚身，肉質肥瘦相間，經火炙後逼出油份，入口甘香油潤，配埋面頭嘅自家製辣醬吃，更添肉香。溏心蛋烹調時間剛好，蛋黃咬開呈流心狀，滑溜得嚟更蛋香泗溢。麵條亦係店舖自家製作，麵質幼滑且掛湯，配上油脂均勻嘅厚切叉燒，幸福感滿瀉。另外呢客石鍋燒豚肉海老飯 ($78)  賣相亦非常吸引，用料超豐富，飯面除了鋪滿豚肉丁和海老外，還有碎蛋、粟米粒和蔥花等。立即動手將飯和配料拌勻，趁熱吃一口，豚肉粒軟嫩鬆化，啖啖肉又 Juicy，混合埋大大隻海老同香脆嘅飯焦一齊食，簡直係完美配搭！羽根燒餃

✨期間限定厚切芝心豚肉 濃厚咖喱豬骨拉麵 $138個名真係冇呃人，豚肉真係好厚好大件，黎到嚇親🤣 外面層炸衣好脆身，厚切豚肉入邊包住芝士，啱啱上枱趁熱真係可以拉到絲～ 佢係三重芝士流心所以芝士味好濃郁😙 不過比較驚喜嘅係咖喱豬骨拉麵🍜 平時食咖喱烏冬食得多，點知咖喱拉麵都幾有驚喜喎！咖喱湯本身都夠香濃，拉麵亦好掛湯，咖喱味更加突出，食落比較甜帶點微辣～仲有啲野菜做配料，有四季豆、香菇、南瓜同埋茄子🍆🍄✨雞叉燒味玉雞白湯拉麵 $95有三件都幾厚身嘅連皮雞肉卷，肉質唔乾又唔鞋，而且炙燒得幾香🤓 雞白湯味道清清地，但都食到雞湯嘅精華！✨照燒餃子🥟 $38餃子一排五件，見到個底煎到岩岩好唔會太燶又夠香脆，餃子皮夠薄身，所以咬落啖啖肉😆平時食日式餃子，豬肉味會比較突出，今次菜嘅香味冇蓋住，兩者平衡得幾好！面頭有啲照燒汁同埋芝麻，味道會冇咁單調～✨沙拉唐揚炸雞 $38呢個真心有驚喜，件件都好大件，岩岩炸起好熱辣辣🔥外皮炸得微脆，香味撲鼻而來，而且雞肉好嫩滑仲有幾多肉汁，高質炸雞🥰

絕對不會有下次。叫咗碗拉麵🍜但吃起來就十分失望。成碗麵簡直冇靈魂，完全沒有拉麵應該有的精髓。D湯唔夠熱，隻蛋凍冰冰，塊肉普通及份量少，麵身唔彈牙而且麵資普通。餃子🥟就簡直失望。在屋企自己煎都好食過佢。餃子唔係生煎，係先蒸後煎。冇下次！☹️Rather disappointing experience compared to other ramen places I have been to. Definitely not coming back. The Goyza was another big disappointment.