雲家小鍋米線 (安寧大廈)

營業中

休息中

元朗新開米線鋪，排哂長龍，即管試下先！豬頸肉小鍋紅薯粉配料充足，韭菜酸菜樣樣齊，豬頸肉口感一流，唔會太硬，有咬口感，配上店家先調配湯底一流！墨魚頭小鍋紅薯粉墨魚頭份量好多，湯底酸辣平均，唔會過分酸、唔會過分辣，搶哂味咁，正呀！紅薯粉幼嫩順滑，唔會太彈牙咬唔到。魚肉春卷紅薯粉魚肉春卷厚實，味道鮮甜，配上店家自調配湯底，微辣味道，更突出魚肉春卷既鮮味。紅薯粉配上酸辣湯底，容易掛上濃湯，味道一流，CP值很高！涼拌雲耳 雲耳配上店家酸酸甜甜醬汁，既開胃又好味，份量挺多！手拍青瓜青瓜新鮮又爽口，硬落去索索聲，味道鮮甜，好食到食不停。

聽聞荃灣名物最近走到元朗開分店，對，就是這家雲南小鍋米線，故趁着星期日假期，便走去試試！可惜去到門口已見到長長的人龍，故便叫外賣回家吃。我點了魚肉春卷紅薯粉，魚肉春卷爽口鮮味，配上大量的芽菜、酸菜、蔥、芫荽，及秘製湯料，非常惹味。紅薯粉易煮得非常淋，亦索了湯的酸味，口感及味道非常好。朋友點了豬頸肉米線，非常足料！見到有量多的豬頸肉，朋友非常開心地說～真的很好吃。我們再點了兩個小食，手帕青瓜及涼拌雲耳。大量的蒜蓉及麻油配上小小辣，非常正宗。

元朗｜雲家小鍋米線早排上網見人話荃灣個間 雲家小鍋米線竟然黎左元朗開分店襯住今日放假 去朝聖一下😋😋去到門口2 點左右 鋪頭都坐滿哂人門口都排哂長龍 不過唔係等左好耐就有位啦😍我地排隊個陣已經諗好哂要食咩 所以一坐低就即刻叫哂5分鐘左右就上齊哂我地點既野 都幾快手- 牛腩小鍋米線 再配雞絲 小辣一上台滿滿既雞絲 好滿足牛腩食落有小小似豬軟骨咁淋 不過係牛腩黎 好有肉味😍-魚肉春卷米線 配豬大腸 小辣依個都係無得彈 魚肉春卷超正豬大腸洗得好乾淨😍- 涼拌墨魚頭估唔到咁好食😍 食落爽口彈牙 配埋個汁一流- 炸雞中翼佢應該用咖喱粉 醃過 好入味炸得剛剛好仲叫左2 杯野飲下次放假會再去食

俾我搵到元朗一間好味又大份嘅米線🍜🤤涼拌墨魚頭 🐙姐姐極力推介，啲墨魚好爽口，蒜蓉醃過好惹味！麻辣豬耳🐷我嘅最愛，自己一個食咗成碗，啲豬耳好爽，同埋有少少麻辣嘅味道，真係食到唔停口！肥牛小窩米線🍜我加咗蘿蔔同埋豬軟骨，啲蘿蔔超甜勁好食，吸晒湯嘅汁，碗麵同埋啲餸仲要份量好多，食極都食唔晒！豬頸肉小窩米線🍜配炸醬，一樣咁好味，建議食得辣嘅朋友可以試吓中辣，今次試咗小辣覺得真係唔夠爽，等下次都食辣啲先🤤🤤

今日買咗啲外賣返屋企一齊食❤️雲家米線（唔辣）$61❤️加腩肉（每日限量）$10❤️凍檸茶$8呢個米線嘅份量好多，分咗兩個碗裝。配料包括有腐竹、冬菇、雞絲、雞翼、魚春卷、螺旋草、腸仔、芽菜、酸菜、韭菜、蔥、芫荽。湯底好好味😋另外加咗個腩肉好好味，份量好多。👍🏽👍🏽😋❤️牛腩小鍋米線❤️加紫菜$7❤️加菜心$7❤️熱檸水$7菜嘅份量好多，牛腩大大嚿，好抵食👍🏽❤️豬扒小鍋米線❤️凍檸茶$8份量好多好足，一家人都食到好飽。😋😋

今次真係開心大發現,尋日去元朗玩嘅時候畀我發現咗雲家小鍋米線 @noodlepotcome 進駐咗元朗, 鍾意食米線嘅朋友都應該唔會陌生,曾經畀雜誌譽為香港十大米線,之前要特登去荃灣先食到,而家可以多個地方選擇.今日喺元朗收工即刻去幫襯,新舖面積不及荃灣店大,而且排隊人龍頗長，同老公商討後我哋決定買外賣回家嘆.豬扒小鍋米線 老公必點,豬扒啖啖肉,米線軟硬適中,湯底當然係個精華.涼拌墨魚頭 呢款小食成日都賣曬,墨魚頭有咬口麻辣豬耳 非常爽口醬拌皮蛋 醬料夠獨特配上皮蛋鹹香好滋味.炸雞中翼 香口多汁我哋仲點咗麻辣金錢肚,手拍青瓜,涼拌雲耳,即使外賣品質依舊.人均消費💰 ： ＄ 80總結✍ ： 保持水準NatNat評分💎💎💎💎(5💎為最高)

元朗真係超級多野食，最近連米線關注組都介紹過既雲家小鍋米線最近係元朗開左分店，咁近我一於要試下先~🌟肥牛小鍋米線 ($46)朋友唔食得辣就揀左清湯，米線份量都幾多，一定夠飽，肥牛片牛味香濃帶有嚼勁😌🌟小鍋紅薯粉 - 酸辣湯底 ($33)呢款小鍋紅薯粉可以揀麻辣或者酸辣湯底，配料我就揀左炸醬同腩肉，紅薯粉口感煙韌又彈牙，吸收哂酸辣湯底既精華🌟手拍青瓜 ($22)青瓜食落好爽脆，夠哂開胃🌟醬拌皮蛋 ($24)佢地用既係黃金皮蛋，配埋秘製醬料超好食😋🌟炸雞中翼 ($29/4隻)🌟炸春卷 ($24/5件)香口野就叫左炸雞翼同炸春卷，炸到金黃酥脆，必試推介💯

一知道米線關注組推薦既米線，最近係元朗開左分店，唔洗出荃灣都可以食到，當然即刻捉左個米線精陪我去食🤣，元朗小店人氣高企，無論堂食定外賣都好多人，想食真係要早D過來。小鍋米線（BB辣｜腩肉｜金菇）$49湯底酸中帶微辣，味道平衡，開胃惹味🤤米線口感軟硬適中，時間控制得岩岩好👍🏻米線量都算多，加埋酸菜芽菜，口感豐富。腩肉肥瘦適中幾入味，金菇吸收晒湯汁😋食落juicy爽口。小鍋米線（小酸辣｜蘿蔔）$38湯底同上，只係比友人果碗辣D，亦係我想要既辣度。蘿蔔清甜無渣，如果入味D會更加好食，難得湯底唔錯，可加以利用食材令美味昇華。🦑涼拌墨魚頭 👍🏻$45墨魚頭爽脆彈牙，而且無腥味，有大量蒜粒，蒜香味突出，唔算好辣。怕辣既友人都食到，點埋酸甜既醋一齊食更開胃😋🥚醬拌皮蛋 $24醬汁同上，透明流心皮蛋同醬汁味道幾夾🥒手拍青瓜 👍🏻$22醬汁同上，青瓜爽甜多汁，加埋個醬好好味😋不經不覺同友人食晒成碟😂個醬好似配乜都好食咁，神奇!凍菊花蜜 $12凍檸茶 $12食完有種滿足感，我同友人都覺得小店味道唔錯😋唔洗跨區都有口福。

好多朋友介紹這間米線， 米線好多小食亦有好多like . 所以帶埋皇上一齊去食。 （5⭐️最高） 小鍋米線+金錢肚+燕皮肉餃 +菜（整體5⭐️）米線爽口彈牙， 份量多， 當中有芽菜、酸菜、韮菜、蔥、芫茜、 配料十足。 金錢肚非常入味， 燕皮肉餃足料、爽口、 彈牙💕。 小鍋米線+豬軟骨+燕皮肉餃+魚腐+雲吞（整體5⭐️）豬軟骨香滑、好冧而且好入味， 雲吞是菜肉雲吞😋， 肉質鮮甜美味⭐️。 魚腐咬落爽口彈牙。 因為叫了小辣， 所以有肉碎。 就係加了小小辣， 提升整體味道❤️。 涼拌墨魚頭 （5⭐️）$45超爽口既墨魚頭， 加入了蒜蓉、姜蓉， 去了海水味、 用冷水濕過再加入調味。 好爽口。 而且份量十足， 加多支啤酒仲正😜。

叫左兩碗米線再叫兩個小食～醬拌皮蛋, 涼拌墨魚頭醬拌皮蛋係用流心皮蛋❤️食落好正，用料靚又抵食份量多涼拌墨魚頭❤️店員推薦我地食，果然無介紹錯，爽口彈牙～配上秘製蒜蓉醬帶點微辣，酸酸辣辣幾開胃有各款不同配料組成的小鍋米線、紅薯粉、雲家米線、配料多多，更有少見的螺旋草，辣度方面則分勁多十三款，同酸辣味 肥牛小鍋米線🍜加餸豬頸肉小鍋米線🍜加餸 不論餸定米線都一樣份量好多，唔止足料～～係爆多料，一碗其實兩個人食都得😂，除非你好大食。不過地方比較細要坐得親密啲

近來天氣凍凍地, 最啱食下熱辣辣嘅食物禦寒。元朗這間雲家米線向來米線大大碗, 有辣有唔辣, 選擇都唔少。豬頸肉米線配貢丸台灣香腸米線爽口彈牙, 台灣香腸甜中帶鹹香味, 貢丸肉味濃厚, 加埋酸菜更加醒胃。麻辣紅薯粉配豬大腸雲吞小辣嘅辣度已經足夠, 紅薯粉晶瑩爽口又滑溜, 豬大腸肥厚有趙口, 菜肉雲吞大件有足料。小食都相當吸引, 炸雞中翼外皮酥脆肉質嫩滑, 趁熱食更好味。墨魚頭爽脆配以蒜蓉就更加惹味。炸春卷鬆化香口, 麻辣豬耳肉厚又爽脆。

呢幾日天氣轉涼，收工約好友食碗熱辣辣米線，正！聽到有人推介呢間小店，果然無介紹錯。去到都過咗7:30，依然迫爆餐廳，撘枱或者買外賣嘅客人都好多。我同朋友試咗：👍🏼 豬頸肉小窩酸辣米線一碗有成七，八塊長身豬頸肉，一啲都唔孤寒！而且塊塊都有返咁上下厚度，識落有趙口。酸辣湯底亦都調校得味道剛好，最怕過酸！呢間小店係用幼身嘅米線，食落比較爽口，啱晒我。👍🏼 雞絲螺旋草酸辣米線見到個名咁特別就即管試吓。螺旋草睇落同食落都似海草，爽口彈牙，微微海草甜味，可以解膩。而雞絲嘅份量都好夠，索晒湯汁，正！👍🏼 炸雞翼（4隻）好入味！外皮脆，但又唔會成口油淋淋，性價比高，係唔錯嘅選擇！👍🏼 涼拌雲耳超多選擇！而且份量好足。本身擔心會唔會太酸或者太咸，但食落覺得味道調校得剛剛好，正好解膩開胃！雖然店舖面積唔係好大，但上菜速度快，人流去得快，味道好又性價比高，會再番尼食！

元朗新開分店人氣米線鋪夜晚7:00嚟到好多人堂食同外賣都好多人排隊小鍋米線酸辣中辣 $31（芽菜、酸菜、韮菜、蔥、芫茜、豬肉碎）冬菇$8 蘿蔔$7酸辣湯底入晒味道，呢個湯底精華加埋煮到冧晒嘅蘿蔔真心一流，加埋大大粒冬菇，中辣都算尚可未會太搶走湯底味道！小鍋米線麻辣小辣 $31豬腩肉$10墨魚丸$9炸醬$10麻辣小鍋湯底就較多肉碎，口感層次入口都好正，對於肉碎底再加埋炸醬完全係可以一口湯勁多肉勁惹味，豬腩肉口感鮮嫩入味！涼拌墨魚頭 $45蒜香墨魚涼伴，香氣十足又大大份，足料抵食！涼拌雲耳 $22雲耳又新鮮爽口，前菜一流！特飲加$11鹹檸七檸檬可樂雲家小鍋米線 (元朗)元朗馬田路20-30B號安寧大廈地下2號舖

呢間米線店本身喺荃灣都略有名氣 長期喺米線關注組出沒(’ω’)早排仲將版圖擴展到元朗 一樣大排長龍啊必須講真係超大碗 明明已經叫咗少米線🍜但照舊堆到滿一滿 即刻變得好抵食(*´▽`*)小鍋湯底幾清 唔會油淋淋 但又唔會淡而無味～雖然唔係話食一啖就驚為天人 但勝在各方面都幾平均 會默默地食晒成碗米線口感亦不錯 軟硬適中 整體係性價比幾高嘅小店☺️✨配餸點評✨♡ 腩肉｜入味 肉質唔嚡 簡單講就係好味～下次會想再叫.♡ 豬軟骨｜同樣入味 炆得就比較淋身 係連軟骨都軟淋淋嗰種 .♡ 魚肉春卷｜多配料版腐皮卷 食落幾彈牙 而且份量都比得幾慷慨.♡ 蘿蔔｜清甜 咬落幾結實 浸喺湯底入面更入味.♡ 冬菇｜雖然唔係用蠔油醃 但依然多汁 佢嘅豬頸肉同蒜泥白肉都出名 可惜當日去已沽清(ᗒᗣᗕ)՞希望下次食到！

星期日一打開眼已經11點突然好想食米線就打電話俾朋友問佢試唔試呢間新開嘅米線店，佢都唔算太多人但係都要等15分鐘因為店舖地方真係比較細，我哋兩個人都要搭枱。我同朋友各點了豬頸肉酸辣小窩米線+豆漿（點知賣晒），同埋肥牛肉麻辣小鍋米線+凍檸茶，再加咗個酸辣皮蛋小食。首先皮蛋上場，煙煙韌韌咁但我哋都係鍾意食廣東黑色嘅皮蛋多啲，之後嘅酸辣小窩米線賣相都唔錯但係冇腐竹，米線都幾煙韌，但係個酸辣味就唔係太啱我，反而個豬頸肉幾好食。朋友嘅肥牛麻辣就正正常常，唔麻唔辣咁，又唔係唔好食但係冇乜特別囉。