雲家小鍋米線 (安寧大廈)

營業中

休息中

今日同朋友入咗元朗買嘢，見到附近有間雲南米線，小編本身都好鍾意食雲南米線，咁就入去試啦！酸辣雲家米線$65+$9豬紅+$16金錢肚（配腐竹，冬菇，雞絲，雞翼，魚春卷，海豚草，腸仔，芽菜，酸菜，韭菜，蔥，芫荽）：哇！好大碗！一開始試咗個湯先，酸辣程度剛剛好！會太過重，好啱大眾口味！豬紅10分入味，仲好爽添！比外邊餐廳整嘅好味！冬菇好甜好爽，加埋個酸辣湯底，朔晒啲汁，一樣咁好味！魚春卷好有咬口，好香魚味，鮮榨，好香！金錢肚又爽又煙韌，好有咬感預先醃製鍋，再點湯底一齊食，又開胃又好食！呢個米線食完之後超級飽😆麻辣豬頸肉小窩米線$50+$16墨魚頭（配芽菜、酸菜，韭菜，蔥，芫荽）：好多牌豬頸肉，仲要有厚又大塊，上菜前燒過放在面上，好香，墨魚頭10分爽口，仲要啖啖肉好大嚿，份量仲好多添！估唔一個先食到飽晒，比其他雲南米線嘅份量多，好飽呀！😝醬拌皮蛋$25:  呢個係透明嘅皮蛋，上面好多蒜蓉，加埋辣椒油，開胃到不得了！☺️+$7 咖啡：正常茶餐廳咖啡😃+$8 豆漿：好香豆味！唔算好甜，唔錯😌📍雲家小鍋米線 (安寧大廈) (元朗)元朗馬田路20-30B號安寧大廈地下2號舖

【元朗人氣米線鋪🍜雲家小鍋米線👍🏻】-前排同朋友傾開米線🍜佢地竟然唔知元朗有雲家米線😮於是就趁今日收工得閑 即刻去食再影比佢地睇😛-😋雞絲螺旋草米線🐓 $50每次食都會嗌咗佢嘅招牌雞絲螺旋草米線🍜螺旋草同以往一樣都超級足料食極都有😂配上雞絲口感好豐富小編今次嗌咗酸辣湯😛酸酸地幾開胃😗但係份量有啲太多 最後食唔曬😂好味指數：🌕🌕🌕🌕🌘-😋豬頸肉小鍋米線🐷 $50男朋友就揀咗麻辣小辣🤪呢個湯底多咗麻香比酸辣湯再好飲啲😂好順口仲好惹味😜豬頸肉都好大條😎肉質幾嫩滑好味指數：🌕🌕🌕🌕🌗-😋麻辣豬耳🦑 $42豬耳煮得好爽口 醬汁都好香濃惹味 可以撈埋落面當加左一餸😝點醋食就有別一番風味 更加清新開胃😚好味指數：🌕🌕🌕🌕🌘-😋醬拌皮蛋 $25皮蛋呈透明金黃色😗中間仲係溏心😍食起黎清凉爽口😚配埋醬汁酸辣惹味好味指數：🌕🌕🌕🌕🌑-😋油菜🥬 $17/碟可以揀生菜或者芥蘭😗生菜份量都好多蠔油會另上😝好味指數：🌕🌕🌕🌑🌑-😋熱檸檬菜蜜$11-📍雲家小鍋米線 (元朗)元朗馬田路20-30B號安寧大廈地下2號舖荃灣沙咀道328號328廣場地下G01舖💸人均消費：$100

6:30未夠，見到已經座無虛席，但少少嘅困難係遠遠阻止不了我要食美食嘅決心，決定一於買回家食🤣🤣。✨肥牛豬大腸小鍋米線✨$59在我心目中，他們家的米線係巨人尺寸，份量好多。本身小鍋米線已經包了韭菜、酸菜及芽菜，額外選了肥牛，大塊又不會太油太肥，啱晒我口味。豬大腸份量非常多，沾滿酸辣的湯底一齊食，超好食，真係大件夾抵食😍‼️✨豬頸肉豬軟骨米線 ✨$61豬頸肉是他們的招牌，必須一試，果真沒有令我失望😍。又長又厚切，爽口彈牙 至少五、六塊，性價比好高。豬軟骨大嚿，煮得非常軟稔，入味好食，好正👍🏻✨ 炸春卷 ✨$32 一盒有5件網狀春卷，一啖入口，咔咔聲，非常鬆脆，完全想開ASMR🤣內𥚃餡料豐富，的確外脆內軟，難怪是招牌之一。✨炸雞中翼✨$32 雞翼炸到金黃色，賣相十分吸引。一盒有四隻，搭配泰式辣醬，熱辣辣，超級惹味。✨ 凍咖啡✨ $12✨ 凍檸茶 ✨$12食辣嘢，飲凍嘢是必須的，一個字，正‼️店舖面積不大，想堂食的朋友，盡量早點到達。想睇更多介紹，馬上Follow我啦😁。#元朗 #小鍋米線 #元朗米線 #米線關注組 #人氣美食 #元朗美食#big_big_foodie #big_big_food

元朗必食✅雲家小鍋米線 收工唔知食咩好！一定會來雲家買外賣🥡店內一到飯點長期爆滿🥢好味！價錢實惠又足料米線份量真係好足！今次叫左碗肥牛米線+豆卜跟埋大量配料芽菜、韭菜、蔥🌿好正自選辣度叫左麻辣小辣🌶️即叫即煮！湯底勁濃郁再叫左招牌墨魚嘴、麻辣豬耳、麻辣金錢肚蒜香十足、微辣香口！撈埋米線食好正仲叫左凍奶茶💰埋單$200左右夠好抵食

價格親民米線📍地點：元朗🍽️菜式：中菜💰人均消費：午餐 / 晚餐 HK$50~70🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：卡位 / 圓枱📝落單方式：侍應生落單免費🅿️：❎【小鍋米線 - 豬扒、肥牛、生菜、豆卜】💰HK$80豬扒厚身有肉味，肥牛份量多，生菜清脆可口，豆卜吸飽湯汁，風味獨特。【小鍋米線 - 腩肉、雞絲、豬頸肉、腐竹】💰HK$80腩肉扎實，雞絲吸湯，豬頸肉香口，腐竹吸收了湯汁的精華，味道鮮美。【手拍青瓜】💰HK$23手拍青瓜清新爽口，搭配特製醬汁，小編胃口大開。#foodcourt #foodxcourtx #foodxcourtxYL#元朗搵食地圖 #元朗美食 #元朗 #中菜@雲家小鍋米線🏷️元朗馬田路20-30B號安寧大廈地下2號舖

元朗人氣之選！雲家小鍋米線食評鐘意食米線嘅朋友注意喇！最近去咗元朗呢間人氣爆棚嘅雲家小鍋米線，真係冇令我失望！我哋點咗招牌嘅腩肉雞翼尖薯粉同埋羅白豬紅小鍋米線，另外仲加咗麻辣魚皮同豬頸肉呢兩款小食。腩肉雞翼薯粉一大開🤣已經俾個分量嚇親，真係好足料！腩肉炆得好淋，入口即化，咬落去啖啖肉香；雞翼尖都煮得好入味，一吮就骨肉分離。薯粉爽滑彈牙，吸滿曬腩肉同雞翼尖嘅精華，每一口都好滿足，呢個$56真係好抵食！羅白豬紅小鍋米線又係另一番風味。米線軟硬度剛剛好，羅白清甜爽口，豬紅好滑嫩，完全冇腥味。湯底鮮香濃郁，飲落好舒服，成個配搭好和味，$48嘅價錢真係好有誠意。麻辣魚皮真係必試！口感爽脆，麻辣味調得恰到好處，唔會太辣，但又好夠味，一食就停唔到口，份量都唔少豬頸肉都唔輸蝕，煎得金黃酥脆，外脆內嫩，咬落去有啲微甜，再配上特製嘅蘸料，真係正到冇朋友，$48嘅價錢性價比好高。📍雲家小鍋米線元朗馬田路20 - 30B號安寧大廈地下2號舖

#元朗#雲家話說小弟鍾意食米線，全因16年前認識了現在的太太。佢當年係石蔭返工，我每週有兩三日搵佢食lunch，附近有一間米線老店，自此愛上呢種酸辣嘅味道。四年前，機緣巧合開咗香港米線關注組，先發現原來好多香港人鍾意食米線，發展至今已經有26萬位谷友。香港嘅米線舖頭，除咗某上市大集團和大x樂集團的米線x外，最多分店嘅應該係雲桂香（以前叫雲南桂林過橋米線，黃色招牌藍色字，現用此名只剩旺角和尖沙咀兩間）。與雲桂香一脈相承、味道相若的舖頭，有荃灣+元朗雲家、石蔭雲南小窩米線、尖沙咀雲香園、紅磡貴緣（已結業，現大角咀和北角貴緣不知是否同一老闆，有待各位網友考究），仲有屯門華都商場雲南小鍋米線。傳說中上述舖頭的祖師爺，是出自於荃灣路德圍老店，再由徒子徒孫發揚光大，推陳出新。入返正題，新界西元天屯地區，小弟最常幫襯嘅係元朗雲家。太太想食米線，首選呢間。招牌腩肉大腸份量多，冬菇都好食。湯底濃，酸辣夠層次。記得叫爽米，否則米線會太淋。兩人必點涼拌墨魚頭，墨魚頭爽脆，熟蒜香而不辣，拌以醋汁，另有風味。兩人飽腹而回，大大滿足，只係二百蚊有找。無論山珍海味、平民美食，最重要係合拍的另一半

又去食雲家米線，今次點咗魚肉春卷米線 ，魚肉春卷都幾彈牙，小鍋米線可以自選辣度，點咗微辣入面嘅豬肉碎同埋酸菜，整體食落酸酸辣辣咁，魚肉春卷同米線盡哂湯汁好惹味！另外加點咗蘿蔔，超級大件，份量好大碗好足料雞𢇁螺旋草豬頸肉米線，朋友唔食得辣叫咗唔辣，但湯底唔會好淡，配菜超豐富，超足料，豬頸肉彈牙有嚼勁，成碗好多芽菜同韮菜，仲食到有酸菜，勁滿足超級飽另外好鍾意佢哋涼拌墨魚頭，一份絕對夠二人食，加咗香蒜超惹味。

入咗元朗國半日玩～自問係大胃王嘅我，嗌咗碗雞絲螺旋藻米線(酸辣湯底)😋真心都覺得大碗兼勁多料~米線, 螺旋草&雞絲…我唔食得辣，所以嗌咗BB辣*竟然只係丁少辣，啱我心水👍值得推介俾所有鍾意食雲南米線嘅一群

Lunch去咗米線鋪食米線，之前有同事話呢間幾抵食，大碗，夠飽肚，估唔到現場食真係好大碗。初時仲擔心食唔哂一碗。我叫咗一碗3餸小鍋米線，揀咗魚肉春卷、牛腩、墨魚頭，走咗辣，但湯底仍然好夠味。佢啲米線幾煙韌，另外有芽菜、韮菜等配菜，啲配菜同米線加埋一齊睇落去好大碗。3樣餸嚟講最好食係墨魚頭，幾彈牙！每個餸既份量都好多，難怪同事話抵食！另一碗就2個餸既小鍋米線，揀咗腩肉同豬大腸，中辣酸辣。見佢餐牌個腩肉比咗手指公！啲腩肉大大塊，都唔錯，腸大腸切成一條條，幾入味。我哋仲叫咗2個小食，炸春卷同麻辣金錢肚，春卷系網狀春卷，幾好食，$25有5條個價錢都幾ok。麻辣金錢肚辣得惹味，會一啖接住一啖咁食！

雲家小鍋米線 @noodlepotcome 可以自選辣度有酸辣同麻辣選擇！由廚師即點即製！保證每碗米線新鮮熱辣本身單叫米粉或者紅薯粉已經有多款配料包括：芽菜、酸菜、韭菜、蔥、芫荽今次又來買外賣👍🏻超足料！淨係配料已經滿瀉🥢肥牛小窩米線加腩肉🥢小窩紅薯粉加燕皮肉餃食物質素一如既往咁好！仲要極足料呢個價錢無得輸✅小食就叫咗麻辣豬耳、麻辣金錢肚辣度十足🌶️豬耳爽彈！金錢肚有嚼勁埋單二百零蚊食到飽！好抵食！#米線關注組 #米紙 #元朗米線 #荃灣米線 #米線控 #米線 #米線關注組 #香港 #香港美食 #美食地圖 #美食推薦 #美食日記 #hkkol #hkfoodie #spicy #麻辣 #酸辣 #墨魚 #金錢肚 #凍檸茶 #豆漿 #美味 #抵食 #平民美食 #肉碎 #好味 #hkfood #foodporn #foodphotography #yummyfood #like #follow

星期一午市，不用等位，店舖不大，有兩張卡位，兩張圓枱和一排面壁的單人座位。點了一碗 菜心 滷水雞翼 雲吞，酸辣米線，BB辣（辣度有：BB辣 小辣 中辣 大辣 可選），走芽菜。如果想食唔辣，米線會無咗肉碎。BB辣，對我來說，剛剛好（本人只食到譚仔三哥10小辣），湯底香濃，唔會鹹，肉碎有好炒過的黃麵鼓香味，很惹味香口，肉碎份量都多～ 配菜有韮菜 酸菜。米線係幼身，口感彈牙～ 米線配上湯底，好食～ 食完唔會口渴。雞翼（2隻）係滷水雞翼，雞翼滷水味入味，煮得淋身，肉唔會淋到散開。雲吞似水餃🥟形狀，餡係白菜豬肉🥬🐖，餡料結實新鮮，味淡啲，食得舒服～ 有2粒。菜心淋咗少少，味道正常，有3條。

[✨元朗雲家小鍋米線 ]#元朗 #雲家小鍋米線 #米線🥢牛腩小鍋米線 $48牛腩都好多塊，煮得好軟爛，好正；米線軟硬程度岩岩好，口感豐富，水準唔錯！🥢小鍋米線+腩肉+豬耳 $ 52豬耳滷得好入味，彈牙又可口；腩肉切到細細件咁厚薄適中，必試！🥢炸雞中翼 (4隻) $32雞翼啖啖肉，配上泰式辣醬，惹味又開胃。🥢醬拌皮蛋 $25好靚仔嘅皮蛋，粒粒蛋黃都係流心狀，食落夠Q彈，鐘意食皮蛋嘅唔會失望！🥢炸春卷(5隻) $25色澤金金黃黃好吸引，脆爽嘅外殼同柔軟有咬勁嘅餡料互相配合，口感非常好食！————————♡♡♡♡♡♡————————✨總結CP值爆燈嘅米線餐廳，份量同味道都係一流！小食水準亦唔馬虎，簡簡單單嘅食材都發揮得好出色🥰💗📍雲家小鍋米線🏠元朗馬田路20-30B號安寧大廈地下2號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女

呢排考試無點出街，就咁係元朗呢頭搵食，行過見到呢間米線鋪幾多人就試下，叫左兩碗米線、一個小食、同兩杯飲品。雲家米線 (唔辣) $65配料：腐竹、冬菇、雞絲、雞翼、魚春卷、螺旋草、腸仔、芽菜、酸菜、韮菜、葱、芫茜呢個最啱選擇困難既寶寶，咩都有唔使諗~海量雞絲、螺旋草，食極都有雞翼有3隻好開心，非常滿足。豬頸肉小鍋米線 (酸辣) $50配料：芽菜、酸菜、芫茜加響鈴 & 墨魚丸湯底濃郁，豬頸肉都幾大塊，米線幼身好大碗。除左打邊爐叫響鈴外，其實米線都好夾吸晒d湯，正墨魚丸大大粒，爽口。涼拌墨魚頭$47有海量既蒜蓉係面，墨魚頭份量十足，仲有最鍾意既墨魚鬚，爽口惹味，大推。飲品：熱奶茶 ~ 奶茶茶香奶滑熱菊花蜜 ~ 好濃郁清熱滋潤

雲家小鍋米線 🍜元朗必食足料米線！記得要叫埋自家小食😋好好味👏🏻今日又來買外賣👀叫左麻辣豬耳🌶️口感爽脆涼拌墨魚頭🦑加入大量蒜蓉！香口又惹味麻辣金錢肚🥩口感有嚼勁愈食愈滋味！小鍋米線🍜落單即製由廚師即時調味再烹調！我叫左麻辣小辣本身叫有芽菜、酸菜、韭菜、芫荽同埋辣豬肉碎⚡️好豐富⚡️我再加左腩肉、豬軟骨、豆卜足料製作的自家米線小店！湯底微辣醒胃！雲家小鍋米線 🍜元朗、荃灣都有分店📍元朗馬田路20-30B號安寧大廈地下2號舖📍荃灣沙咀道328號328廣場地下G01舖#香港生活#香港美食打卡#香港元朗 #香港旅游#香港探店＃香港美食 #香港必喝 #香港吃喝玩乐 #香港荃灣 #元朗美食 #雲家米線 #米線關注組#米線 #車仔麵 #港式美食 #雲家米線 #腩肉