雲家小鍋米線 (安寧大廈)

營業中

休息中

近來天氣凍凍地, 最啱食下熱辣辣嘅食物禦寒。元朗這間雲家米線向來米線大大碗, 有辣有唔辣, 選擇都唔少。豬頸肉米線配貢丸台灣香腸米線爽口彈牙, 台灣香腸甜中帶鹹香味, 貢丸肉味濃厚, 加埋酸菜更加醒胃。麻辣紅薯粉配豬大腸雲吞小辣嘅辣度已經足夠, 紅薯粉晶瑩爽口又滑溜, 豬大腸肥厚有趙口, 菜肉雲吞大件有足料。小食都相當吸引, 炸雞中翼外皮酥脆肉質嫩滑, 趁熱食更好味。墨魚頭爽脆配以蒜蓉就更加惹味。炸春卷鬆化香口, 麻辣豬耳肉厚又爽脆。