雲南風味過橋小鍋米綫

營業中

休息中

呢間舖環境好懷舊，講真唔係好吸引人入去，今次係為左個黃鱔米線而嚟，入面格局似舊式酒樓，每枱有壺熱茶，座位較逼。碗米線一到都有啲嚇親，以為有咁多黃鱔但原來係有好多豬皮，個碗唔大但入面滿滿都係米線同餸，黃鱔大約5-6舊，黃鱔同豬皮都好入味，佢本身已經係辣所以唔使加辣都ok，味道就偏咸偏濃但又會覺得好好味，米線軟硬適中我覺得好食過譚仔，仲有好多韮菜，其實呢碗已經等於其他餐廳嘅三餸會翻兜！下次會試埋其他餸！

本來係看報導介紹去試，但真係一試「難忘」！氣難下店員態度十分差，環境非常狹窄！不斷摧落單，問好幾次食唔食氣鍋雞！諗下食咩都有罪咁，貼錢買難受！黃膳米線嘅黃膳勁少，大部分都係豬皮，名不符實。酸辣要加錢，店內完無提及，酸辣每碗加$4，未免有點誇張吧？沒有空調一樣，食到滿身汗。總括而言，湯底平平無奇，環境狹窄，空氣唔流通，食物亦名過於實，最重要係店員服務態度惡劣！要環境無環境 要質素無質素 要服務無服務 沒有下一次！

食左咁多年,水準保持,依然如一,價錢實惠 料多,黃蟮米線唔係度度都食到,加埋炸豬排,店員樣貌依舊,坐位依然係好迫,阿姐依然係大叫, 材料新鮮,選擇多,老細拜觀音唔食牛的,難得沒有任何牛製品店,可以帶唔食牛既朋友去

汽鍋雞 ($98)落單無耐就已經熱辣辣上枱🍲，掀開蓋見到雞件多到滿😍。食落口比想中濃味，胡椒味比較重，每件雞都連晒雞皮，夠滑，值得加分👍🏻！除左雞之外，下層亦都鋪滿雲耳，吸收晒啲雞油同雞既精華，極入味。建議多人去食既點一鍋開心share，必點🙌🏻！-黃鱔小鍋米線（$34）司令係為左佢先特登走過黎試既😋，果然唔錯，個米線超大碗，唔知係咪因為叫左雞既關係最後食唔曬啊喂😳。黃鱔相當入味，不過大部分其實係豬皮，如果有得加錢叫淨黃鱔就好啦🤓。

深水埗都屬於老區，好多舊樓舊街，出名賣平野嘅地方都好多，鴨寮街、黃金商場，甚至北河街街市、長沙灣批發。當然唔少得好多有名食店，康瑞、文記、漢發、合益泰、公和、勝香園都有，多左唔少人去到深水埗搵食。位於營盤街，以前樂聲戲院對面嘅雲南汽鍋雞，晚飯時間都人頭湧湧，好多食客都係街坊，食左好多年。某日同朋友講起，原來佢地都係捧場客，所以二話不說起行。由於我地去到時間都比較夜，唔洗等已經有位坐。餐牌供應汽鍋雞同米線，配料選擇唔算多，主要係幾味互搭：豬潤、魚蛋、腩肉、雞肉、黃鱔，配炸醬、酸辣、甜湯底，一味$30，兩味$34，三味$38。黃鱔則定價$34，價錢唔貴，份量多。本來為左汽鍋雞而去，十分回味，個汁係油啲，但撈落米線真係幾正。仲要見到隔離枱食緊，唔點唔得啦。點知…好失望啊…店員話賣哂，隔離枱係最後一份…都冇辦法啦，唯有點都一樣好食嘅米線啦。炸醬豬潤米線 $34呢度嘅炸醬炒過，同比較乾身啲，辣度唔高，但夠香，而且份量好多。豬潤稱唔上滑，但都唔鞋唔腥。湯底未至於係好濃好重口味，至少飲過亦思毫不覺口渴，味精感唔重炸醬魚蛋米線 $34用上白魚蛋，食落爽口彈牙，雖然未至於有鮮甜魚味，至少唔會一口粉，雖然

朋友今日話想試下呢間!位置比較偏,但是係我目前食到最合我味的米線😋😋!總評分：A！湯底濃而不流,魚蛋彈牙,雞肉很入味,猪潤煮到好唸!一句講哂:可以再戰😋😋😋!

家姐極力介紹，先知道呢間米線的存在，真係幾難搵，入到去估唔到係一間米線店，裝修像一間懷舊茶樓。坐低之後，真係有茶飲仲要係茶壺沖出來的，好有特色。至於米線方面，是濃味既米線，面層鋪滿肉碎，好大碗，都幾抵食的！我叫左腩肉，腩肉好薄，份量好多，佢呢款腩肉好薄，薄到好似肥牛。另外，d姐姐好有禮貌，個個都好親切，所以即使位置唔係好好坐，見到佢地對d食客咁好，都食得好開心。總結：米線有特色，有d餸其他米線店都冇而佢地有賣，保留懷舊。

今日放假，專登出來買粢飯。。。經過此店醒起之前有收藏過。哦，原來喺呢度~~既然出開嚟，試埋佢啦~~雲南米線周街都係，不過呢度有黃鱔喎，梗係食佢個黃鱔小鍋米線啦~~除咗黃鱔，眼見餐牌上都唔係太多餸嘅選擇來來去去都係腐皮，魚旦，豬潤，雞肉，腩肉，等等。。。只係配搭唔同覺得個menu好似好多嘢咁🙄辣度冇得選，黃鱔的本身有小辣，但對我來說一點都唔辣。。。不過湯底超咸🤢碗米線比出面的大碗，黃鱔米線還配了豬皮。。。總括來講唔錯，夠特別，但食完好口渴😥順帶一提，我碗米線加咗料，看似洗碗的鋼絲擦的鋼絲一條。。。(好在冇食到)我都冇出聲，因為喺呢d舖頭。。。what do u expect???

我好鍾意食米線，所以成日都會搵唔同嘅鋪頭尋寶。今次嚟到深水埗呢間是佢嘅過橋米線，同我平時食開譚仔嘅過橋米線好唔同，呢間嘅味道好有屋企嘅感覺，湯底濃郁又少味精，飲完都唔會口渴。而且大大碗，男仔都可以食得飽。不過，配料就麻麻哋，有腩肉、生菜、火腿之類。似乎冇咩特色。

老公介紹黃鱔米線，本來抱著唔睇好的心情入去試。叫左野轉頭一望人地果兜勁大兜，老公安慰我話人地食全套，點知來到我面前的系滿架囉，碗有成盒細檸檬茶甘高，仲有入面系足料唔系湯多。以前一碗三哥米線都只食到一半，呢間居然食得曬，食完不渴。黃鱔米線，有豬皮，不過豬皮鹹，食了幾啖就食唔落，黃鱔有幾條細骨，食要留意，不過我自己直接嚼落肚肉燥五花肉，老公怕辣都飲了半碗湯，全程無飲過一滴水，也不口渴通菜可能唔岩季節，有根，老，將就食，腐乳醬都ok

「回來，我要食一千碗米線🤓」黃鱔小窩米線🤔有無吃貨食過？好似黃鱔 豬潤都好多人食好味？🙊 雲南風味 隨意配搭 有選擇困難症 看到餐牌 二味 三味 更困難😂 偽文青都考慮左一陣 見到好多食客叫黃鱔米線 就跟風試下😄加炸醬二味$38 微辣既黃鱔 配上大量豬皮 爽口 入味 加上秘製炸醬 惹味 但略油膩🙊 店內有熱茶提供 消解油膩。 =====================================================雲南風味過橋小鍋米綫 (深水埗)深水埗營盤街134號元安大廈地下

黃鱔米線好辣，好鬼辣。只有辣味，還是辣味，食不到其他味。。。可能夏天去食的關係，又熱又辣，一邊食一邊流汗，真是自討苦吃。所以冬天去比較合適。總括來說，呢味黃鱔米線味道一般，不像報導寫的那麼好!!! 專程坐車去食，被騙了

如果冬天嘅時候，氣鍋雞係必叫， 認真行氣活血， 普通唔太肚餓嘅時候求其嗌個咪線加幾樣餸， 嗰度嘅送相比起其他米線鋪頭仲多， 食廿幾樣真係睇到眼花繚亂， 我會推薦炸醬同黃鱔

This small local Resturant was Highly recommended by my friend. Signature eel with minced spicy meat rice noodle was very flavourful. The overall potion is pretty big. A lot of customer and quality are fresh. A quick grab n go neighbour Resturant, it is pretty clean too. Worth the explore.

先先後後，應該都起碼去過這一間米線店十次八次，通常都隔一段日子才會再來。這一天，因為有點時間，於是來吃晚餐，再回去工作。由於三餸米線，通常都是酸辣、魚蛋、又或是豬脷?等等，所以我通常都會叫兩個餸，炸醬腩肉米線，然後加個本人必點的 ——炸雞翼。炸雞翼的外皮，往往不太薄，但是你也不會覺得油膩，就好像越南式的牛油雞翼，你也不會嫌它的外皮太厚吧。這一款炸雞翼，無論試幾多次，都不太知道，究竟這種香味的來源是什麼材料。但是在厚厚的炸漿內，雞翼還是非常之鮮味，肉質豐富，雞翼的肉肉非常之滑溜，美味非常，奇味突出。炸醬，味道也不錯，有點兒濃味，有點兒像麵豉的味道，但是又很中式的，類似豆豉的味道。而腩肉就更加出色，上次好像過了八時才來到，腩肉顯得有意受又乾。今次，未夠七點便來到了，腩肉半肥瘦，邊皮又滑，而且完全沒有豬毛，非常出色。我想，其中一個我認為這家米線店最為出色的地方，就是米線份量非常之多，網網千斤，容易飽的女士，如果不叫扣抵或是少米線的話，很多都吃不完整碗碗米線。另外，桌面還有一壺茶，食客可以同時有吃米線與喝茶的體驗，儘管那些茶不是特別的醇香。雖然看見近期的食評，好像很多老顧客，都表示，這間餐廳，