雲南風味過橋小鍋米綫

營業中

休息中

食得多譚仔嘅勿演懶肉都會悶悶地，發掘下雲南米線小店係幾唔錯🤩！長沙灣呢間米線店，雖然無譚仔阿姐嘅獨特發音，但就有獨家嘅黃鱔米線，真係第一次聽呀👍🏻，唔係唔試嘛！黃鱔小鍋米線 $36本身好驚會有魚腥味，但幾乎枱枱都有叫，好似唔食唔得咁😍，羊群🐑心理之下，食落好驚喜！黃鱔爽口彈牙，而且辟咗腥味，又起咗骨可以啖啖肉😋，小鍋米線又唔會淨係得味精味，果然係招牌呀，推薦🤟🏻！炸醬小鍋米線 $32炸醬唔需要另上，又唔洗驚跌咗落湯唔見咗🤣，粒粒肉碎都好扎實，加埋肉本身有啲小辣，將個湯味道提升咗唔少，同樣好食👅！好味指數（5粒最高）：

又係喺長沙灣附近做完義工，九點鐘好肚餓要搵嘢食，平時都唔係好鍾意食米線但係有好多friend推介呢間雲南小鍋米線覺得好正宗喎，就遷就一次佢哋去試吓呢間米線啦。呢度最多人叫就係佢哋嘅汽鍋雞，一打開個蓋就已經有一陣超濃嘅雞味撲埋黎，食落去啲雞好滑一啲都唔嚡，雞件份量算中等，最好兩至三個人分。後面仲有一堆雲耳墊住，吸晒啲雞汁精華，超讚啦當然一個汽鍋雞唔夠我哋食啦，幾多叫多咗個炸醬雞肉米線，炸醬令到個湯啲鮮味更加出，適合我哋呢啲重口味嘅人，當然米線入面嘅雞肉會比汽鍋雞嚡少少，但唔會𡁻唔開咁過份。

黃鱔豬潤米線$40星期五晚8點 座無虛席黃膳：豬皮既份量係3:7個汁好惹味！米線粗幼岩岩好，熟既程度都係！黃鱔唔夠爽口 豬皮索曬啲汁湯底未溝埋啲汁前試左啖 有味的個碗太細 撈唔到啲黃鱔入去黃鱔係淋落去所以只係暖暖地要食咁啲米線先放到啲黃膳同豬皮落去豬潤太熟唔好味 下次要試個氣鍋雞！

好耐之前問過一位司機有關長沙灣既食店，當時佢推介左呢間米線店，之後睇埋網上既評價，都讚佢米線好食，尤其係佢既氣鍋雞。雖然想食，但深知一個人唔會食得哂米線加雞。終於等到有朋友要去黃金睇電腦產品，所以就捉左佢陪我試😆。氣鍋雞 $98職員一拎上枱就掀開個蓋，一陣陣雞味，非常香!🤤! 呢度係用芝麻雞，肉唔多，兩個人Share岩岩好；肉質唔滑亦唔算太鞋，可以接受；雞無腥臭味，因為用左好多胡椒粉同酒去煮，所以隻雞幾濃味。雞下面舖左好多木耳，木耳吸哂d精華，雖然好油，但我覺得比雞更好味😋全套過橋米線 $50原來呢度既過橋米線咁傳統，湯、麵、料分開上，但當我撈哂之後，職員先話我知次序應該係先落料後落麵😮。呢度既米線係我食過咁多間裡面，最彈牙既一間；配料當中，我比較中意腩肉，厚實又唔鞋，一改我對腩肉既印象晚上七點左右已經爆場，估唔到附近咁多美食，但呢度都不減人流😯。

屋企個Broadband 來緊會轉上1000mb 但發現個router 只support 到100mb ，所以星期六就拉埋個fd 陪我去深水埗揀返個靚router。身為米線控，聽講話深水埗有間好出名嘅米線餐廳，今次就決定試一試佢。一入到去發現都幾多人同幾逼下。入面全部都係大圓台，沒卡位，裝修好舊式。我地兩個睇完個Meun, 揀左2碗炸醬雞肉小鍋米線。米線都幾大碗，好滿，個姐姐 托住幾碗咁大碗咁滿嘅米線，我真係好驚佢會整跌😂呢間鋪頭特別嘅地方係，佢好似茶樓咁有茶飲，仲要係免費嘅，唔使茶位費🙌食完都幾滿足，下次來呢頭一定會再幫趁！

今晚朋友帶我去食好嘢，佢話驚我食完返唔到轉頭😂去到嗰陣全場已經坐無虛席，要等一等，但係好快已經有位。首先魚蛋好大粒，有魚嘅鮮味，爽口彈牙。豬潤好粉，又可以補血，女人食最啱😁米線好幼滑，口感一流呀，份量仲好多，難怪餐牌都標榜住“夠大碗“😂湯底嘅酸辣味啱啱好，唔會太酸或者太辣，仲有啲肉碎添。

今晚好友帶我到長沙灣到深水埗交界嘅一間其貌不揚的雲南過橋米線食晚餐。講真其實我行經過呢間米線一萬幾千次，絕對唔會俾佢更門面吸引入去食，因為佢嘅門面真係好樸素好不吸晴，但估唔到真係禾桿冚珍珠，食完之後真係有驚喜！首先我哋食嘅時候已經晚上九點幾，入面竟然都爆場，我哋見到枱枱除咗叫米線之外，仲會叫到一兜氣鍋雞，直覺話比我知，一定係啲街坊和識食之人幫襯。佢嘅米線不算貴$36有好多款簡，加一款餸只加$4，我點左佢比較特別嘅黃鱔米線，再加多一份豬潤（$40）我們每人點左個米線之後，再點多一份氣鍋雞（$98）。 氣鍋雞已經整好九秒九上枱，開蓋果下見到已經好想食，係黃油鮮雞肉好靚好吸引，而且勁香，食落更加不得了，啲雞真係超級滑！😋😋👍用上新鮮雞，真係食得岀果種新鮮，沒有雪味，肉質滑得來又有咬口，而且調味啱啱好，有少少酒香，肉汁超香濃被鍋底的雲耳吸收曬，真係十個正！！！👍👍👍👏我覺得我一個人可以食三份！另外佢嘅黃鱔米線都唔錯，感覺上係正宗嘅雲南米線，黃鱔同埋豬皮一齊用啲辣醬先炆煮，食落好惹味，不過我略嫌黃鱔較少了點，但豬皮好多😢米線夠滑身順口，而且份量都足夠，我們配上氣鍋雞一齊食簡直一流！呢間雲南米線不

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！講起米線，自從譚仔同三哥入侵香港之後，先知原來米線受歡迎程度係比得上白飯，而店名標榜「雲南」二字嘅，同係彌敦道大叫家欣一樣，隨時一百幾十人應你…喂，大哥，你知唔知雲南米線咩味道架？Sorry我未去過雲南所以都唔好問我…當佢係一碗普通米線食就算。因為聽聞呢間舖都要排隊嘅，所以我就揀左平日四五點去幫襯入到去就見到餐牌大大個，唔怕你老花，最怕你發雞盲舖面細細，大約坐到廿零個客，由於四五點無乜客，環境闊落舒服。做左功課，我係衝住黃膳同腩肉而來的，叫完野食諗住+$7跟餐整杯COT，Sorry原來呢度唔興譚仔個套，檯面有茶自己斟。我頓時覺得呢間野有性格。眾所9知，最賺錢梗係酒水架啦，你間野仲要係食米線嘅，你明唔明啲米線熱到辣得熟喉嚨之際her一加侖COT嘅快感？你竟

此店是以前男朋友帶去光顧的，第一次食味道有偏咸，要不停飲茶老闆配潽洱食米線實在太明智。因為男友喜愛重口味，所以再去光顧，第二次去，口味比之前改變了，沒有太過咸，反而變得惹味了.和登龍街的米線及三哥有得揮，料也很多。另外氣鍋鷄也值得一讚，雖貌似和木耳蒸鷄差多，但鷄很滑，調味恰到好處。米線食完記得多喝水

雲南過橋米線故事係講一個女人希望送米線時保持溫暖，於是在米線上加厚厚的油讓湯能夠保持溫度。雲南過橋米線是最多用了的一款米線。另有多款選擇，例如: 炸醬、雞肉、魚蛋、酸辣、火腿、腩肉等，甚至乎他們也有黃鱔米線，黃鱔是一個比較辣的餸菜。我最喜歡的配搭是，炸醬酸辣魚蛋40蚊，魚蛋有四粒。另一個特色就是他們的氣鍋雞，有田七氣鍋雞及蒸氣鍋雞，這個氣鍋雞是用特別的氣鍋煮製，雞肉特別入味，流出嚟的湯汁更充滿雞味。堂食可以有免費茶飲。

友人之前係深水埗工作，大力推薦呢間雲南米線。剛好有日約友人到深水埗午飯，咁就不如去試下啦友人以愛吃腩肉見稱，今次亦不例外，叫咗腩肉炸醬米線,腩肉肥瘦適中，咬落去仲有d咸香，正我就叫咗甜湯豬潤雞絲米線，甜湯嘅甜真係驚為天人，飲呢個甜湯真係一口接一口，豬潤又唔會煮到好老，粉粉哋幾好食，雞肉切得唔似譚仔咁碎，食落有咬口，份量又夠多，十分滿足另外仲叫咗兩隻雞翼，外皮炸得好香脆，又醃得夠味，非常正枱面有中式茶壺茶杯，無限添飲

雖然看見食評，很多人都說這間米線店已經比以前差了許多，但我並無經歷過以往的時光，不懂比較。一貫的點了腩肉炸醬米線，另加豬扒。通常都點雞翼，剛好這天胃口好就試豬扒。米線湯底亦香濃，也不會喝到口渴。米線份量多，也不見碎身。腩肉肥瘦均勻，不覺有太肥或太瘦部分，沒看見之前食評整片白雪色肥膏炸醬不另上，那就只好自行放開先，需要時拌米線吃更佳豬扒則少許過油，吃到中間覺得太油，不知是否翻炸過🤔份量夠多，三大件豬扒拌米線吃

明顯走傳統路線米線,今次叫咗炸醬腩肉米線。無芽菜,我鍾意👍🏻味精就點都有d,但可接受,可叫埋可樂飲。試咗個炸雞翼、豬扒,重口味,喜歡重口味的人啱晒！總結:大件、抵食

每次行過都見到入邊坐滿晒人，但係由於裝修殘舊，所以次次都唔入去，今日見到人少少就入去試吓啦！諗住街坊地區街坊價錢，有咁多人去食應該不錯吧！他們雖然一大個餐牌有好多餸選擇好多湯底選擇，其實都係買同一樣野米線而且係沒有其他飲品選擇的我叫了清湯豬腩肉豬潤米線，湯底不夠味道，又唔夠香，米線又唔能夠掛上湯汁冇乜味豬膶質感煮得不錯，不過豬腩肉就老了一點見到牆上推介他們招牌秘製雞翼就試一試，超多粉，裏面味道又唔見得好有特色整體來說坐得10分迫10分不舒服,出邊咁多米線選擇，一定唔會再返轉頭

雲南風味米線自從係澳門返左黎之後就好似未同老婆豬去食好野。老婆豬一直以黎都好鐘意食酸酸辣辣既野，同埋勁鐘意食米線，唔係米線就米粉=.=…於是今日就帶左老婆豬去左食香港十大米線之一既雲南風味。第一次黎到都覺得勁多人，要等一陣位先有得食。店舖環境麻麻地，同普通茶記差唔多，不過話哂係區內廿幾年黎米線店，或者呢Ｄ就叫做風味？第一次黎到，唔識叫，亂叫一通，就叫左以下呢碗米線，老老實實，我食落就覺得唔錯，唔算係Ｄ咩驚為天人既人間美食。不過老婆豬就話好好味，魚蛋好彈牙。咁好味既係魚蛋定係米線=.=??其實唔係我高要求，不過Ｄ米線真係普通，因為米線本身自己就冇乜味，重點要睇個湯同埋配料。佢Ｄ配料都正正經經，唔係話特別難食或者特別好味…不過不失……