雲南風味過橋小鍋米綫

營業中

休息中

2019年3月24日（星期日）千載難逢，趁啱啱開門有位，即刻入去食個周日brunch。黃鱔雞肉小窩米線$43黃鱔實在係妹仔大過主人婆，黃鱔得果兩三保但係豬皮就有好多。冇所謂，反正明叫黃鱔實食豬皮！因為豬皮先至係最吸味、最好味嘅主角！但係今次豬皮竟然有沙，勁嬲唔掂！雞肉鮮甜嫩滑，依然美味，落埋辣椒油一流👍油菜揀咗菜芯少油（$17）都新鮮ok喎！腩肉魚蛋小窩米線($38)魚蛋夠彈牙、腩肉肥瘦均勻、酥脆美味兩碗米線一碟油菜，盛惠$100有找！

偶然午餐的時候都會去食一食呢間招牌黃鱔小窩米線🍜雖然店舖內面積不大，一到中午好多客人，好熱鬧，一定要同別人搭枱食😅我唔太介意，係覺得有少少迫，黃鱔小窩米線價格唔平，再加一罐可樂，真係好大碗，好飽肚,又有特色！😜味道雖然有少少辣，但係加罐可樂真係一流，原本想要咖啡奶茶解辣，可惜沒有水吧奶茶咖啡提供，只有可樂罐裝飲品😅呢一點有不足......都唔敢叫太辣😝額外叫多炸雞翼三隻，一樣好有水準！如果覺得太油膩，原來餐廳內有飲茶茶壺茶杯提供，俾每個客自由斟，好貼心又方便😆👍🏻

之前聽同事推介，講呢度嘅氣鍋雞好出名。本身琴日想去另一間食牛，可惜撞正人地annual dinner，去到已經閂左門 有無咁黑仔。。。咁就去試下咩叫氣鍋雞啦，個位置都幾靜，入到去無咩人，可能未到晚市時間啦。氣鍋雞比想像中貴，$98， 無得再細份d,一場黎到就照試下上菜好快手，大約三分鐘就上菜。個鍋都幾特別，大約有半隻雞嘅份量。聞落幾香，鍋入面有木耳墊底。食落雞幾滑，可惜每一口都係胡椒味，食得出係冰鮮雞，所以用咁重調味 成鍋都好油，最底嘅木耳太油，我放棄左

行過長沙灣， 見到大排長龍就試試距啦。 好典型的大排檔格局，座位好逼。 不過呢個價錢明知係食完就走既格局。 我叫左黃鱔小鍋米線🍜，朋友就叫左炸醬🐔雞肉。黃鱔得4小段，地下全部都係剪到一條條的辣豬皮。一整碗都係好辣。米線偏淋，我個人覺得同其他米線🍜冇咩大分別。唔係話好好食。 而朋友果碗，🐔雞肉就真係欠奉....炸醬唔辣，但太重味噌。 我地叫左碟芥蘭，好難食！ 第一次食難食的滾水菜。 因為菜的本身太老，又苦苦地。 而且17蚊黎講， 得4條，會唔會太少？

我一早都聽朋友極力推介呢間米線，之前有兩次一係佢無開，一係我去錯鋪頭（間間都差唔多名🤷🏻‍♀️），終於今日放早，決定去試吓，點知換黎嘅令人失望，可能係因為我唔識叫，叫錯晒。。。。入到去都感覺到佢屬於老店嘅裝修，入面嘅姐姐都係有禮貌，菜牌都好清晰。佢冇茶餐廳野飲嗌，但係有茶供應同罐裝飲品炸醬雞肉酸辣米線，雞肉偏「鞋」，炸醬夠濃味，酸辣好酸但係唔辣，韮菜夠食。我先飲一啖湯，都還ok，但一直食落去就發現越食越酸，越食越咸，我真係唔知道係咪我嗌嘅嘢撞得太重味😪到最後，我冇食晒，但飲咗好多茶，扣左底都只係食三分一都冇就走左值得一讚嘅係佢啲員工服務幾好，老闆（我估係）收錢都非常有禮貌，找錢仲雙手找俾我

呢間米線舖由我小學開始食到而家出黎做野都仲食緊，佢真係似正宗雲南米線🍜我以前就食酸辣米線，佢個酸辣真係我食過咁多間入面最好食😋😋😋近年就鐘意食酸辣黃鱔，味道濃啲，辣味都多啲，但都係咁好食👍👍😋😋佢啲炸雞翼，炸豬扒都一樣掂👍不過舖頭細啲，有時候就會迫啲，但都冇所謂啦😉

幾年前經朋友介紹下食完一次呢間米線舖後就愛上啦，周不時都會去長沙灣食。我一直都係嗌豬膶魚蛋酸辣米線，有時會加雞翼同油菜🤗🤗佢個酸辣湯底其實唔係幾辣，連我呢個唔食得辣嘅人去食都覺得ok，酸辣湯底好味過完味好多🥰🥰佢啲雞翼嘅炸法同其他舖頭唔同嫁，好好味👍👍👍

H先生指定幫襯舖頭🤓定時定候就會拉埋P小姐去甚至一支公既時候H先生都係會突登搭車去食🤤點解既呢？😂.先講講店舖大部份時間都好多人環境都幾濟迫侍應阿姐安排坐位既聲線好有霸氣😂搭枱係可以搭上搭🤦🏻‍♂️所以未食之前要先承受一下壓力😂.但當碗米線熱辣辣放喺你面前既時候你一定會明白點解咁値得山長水遠大熱天時流曬汗都要黎🤤🤤.叫左「碗酸辣炸醬腩肉魚蛋米線（4餸）」首先要講下佢唔可以唔食既絕佳配搭💁🏼‍♂「酸辣＋炸醬」✨平時可能喺X仔食開既炸醬已經好滿足到大家但呢度既炸醬調較出黎既味道係贏曬肉碎好有o趙頭油既份量係多D 不過香口程度完勝🤤 令本身湯底入口既感覺更刺激😍.酸辣辣度都適中 唔係好勁嗰種酸法令個人更開胃唔係一味得個酸字酸菜份量亦非常充足😍.腩肉✨我地會特别同侍應講要瘦啲🙈因爲有時俾既都會幾肥P小姐見到都怕😂每次就係同H先生換d瘦既返黎不過H先生又覺得呢度d腩肉既肥位都好正🤤咬落幾煙韌之餘 都幾有豬「徐」😂.魚蛋✨好爽口彈牙🤤 大大粒有4粒食落都有鮮魚味道👍🏻.44蚊4餸仲要係大大碗快D去試下👍🏻👍🏻

原本今晚想食譚仔，但朋友推介黃膳米線，話食到湯都飲完，聽落十分吸引，決定直奔深水埗。在門口已見店面幾乎全滿，米線香味令飢餓感大增。入座後，衛生環境一般，對這種米線店本身都唔會要求乾淨企理。今次點咗黃膳加豬潤米線，黃膳本身會併豬皮，相比下似豬皮米線，黃膳數量大概只有4小件，但咬落味道十足，4件唔夠喉豬皮彈口，吸曬味豬潤普通。湯底香濃，飲落去第一啖比望落更濃味帶鮮，但之後感覺有味精？食左幾啖發現有毛髮，雖然黎呢種麵店食飯對呢種情況不會驚訝，但都會影響食慾下次若經過深水埗會再食，但唔會專程黎食了。

成日都會好掛住呢間米線，因為佢有黃鱔食，佢地既黃鱔做得好爽口，味道帶辣，仲有豬皮一齊煮，整得好爽，同埋豬皮係會多過黃鱔，但好正常因為黃鱔貴嘛，不過平時食都會有10舊8舊既，收36蚊碗黃鱔米線，米線大大份，算係咁啦！我通常會加埋雞肉，佢d雞肉比起x仔果d大舊，有口感👍🏻我覺得佢個雞係整得好食，不過湯既味精感覺係堅有既，可以輕手d😅，不過其實真係幾好食，所以次次去同咩鐘數都好多人😅又係食食下先記得影🤣🤣🤣

黃鱔係香港都唔係好多地方整得好味，呢間係深水埗好出名嘅米線就有得食，呢間個店面其實好平平無其，原來先係最估你唔到，黃鱔小鍋米線黃鱔用濃濃嘅醬汁煮到好入味，少少微辣好過癮，除咗黃鱔，仲有完全吸收哂精華既豬皮你係一定會食上癮，而且突然諗起會好想食

朋友突然叫吃飯，那我就問想吃什麼，嗯......他說好久沒去深水埗吃米線了。OK !! 那就是雲南風味過橋米線不二選。到了門外已有客在等，心想這次又要等多久呢？說時遲那時快，有一桌客人埋單離開，太好了~~~肚子餓有東西吃了 ^^我們座在角落位，是很懷舊的裝修，紅膠椅子，牆上掛著大大的餐牌，桌上用鐵桶插著筷子，店員送上茶一壺.....真是我們香港傳統的麵店。炸醬腩肉米線：朋友不吃九菜的，但每吃這個米線他會將所有九菜都吃完，腩肉有瘦肉帶肥肉又霖又滑非常美味，米線跟炸醬混在一起吃，少少辣的醬汁又香、米線彈牙，食到停不下來。豬潤魚蛋米線：先來一口清湯~~~讚啊 ! 魚蛋當然是夠彈牙，豬潤切得不厚煮得剛剛好。氣鍋雞：雞肉滑得真不像話，雞皮的油滲入了下層，與雲耳混在一起吃真是又爽又香。(雲耳的份量有夠多了)

這間店屹立多年，沒有特別的裝潢，沒有闊落的位置，座位亦不是很舒適的，相信留得住客人的就是那風味及人情味。客人快來快去，在外面等一會兒，就會有座位了。不過店內人多擠迫，必定會搭枱，每枱都有壺茶，米線店喝茶，挺有特色。這裡主打米線，出名的當然是黃鱔及炸醬，材菜比外面的米線店特別。冬天時分較多人點氣鍋雞，夠暖胃。黃鱔酸辣米線：黃鱔入味，挺爽口，不過份量不多，當中混合很多豬皮，豬皮切成條狀，跟黃鱔的形狀差不多，有點渾水摸魚的感覺。米線份量大碗，不過有點腍，我較喜歡吃硬一點的米線。酸辣的湯底不算太酸或辣，味道卻偏鹹及濃味，肉碎夾雜肥豬肉，令湯底變得挺油膩。 

雲南風味的呢間嘢都爆哂棚，迫到痴線，坐位好迫 食飯時間可以要背對背坐，人人都縮埋個膊「就」住「就」住食，有袋嘅就仲慘，夾住個袋食仲辛苦。所以我醒叫外賣回家慢慢食🤤🤤🤤🤤黃鱔就食得多，還是第一次食黃鱔米線！除咗有黃鱔呢類特別配料之外，呢度亦提供獨有嘅酸湯湯底畀唔食得辣嘅客人。酸菜係店家自製嘅，所以味道同平時食嘅唔同，唔會太酸或者太鹽，恰到好處。而炸醬都係自製，真係超有誠意黃鱔小鍋米線 唔洗再叫餸 本身有豬皮同黃鱔 辣辣地好開胃 暖身 大部分人都會叫依個豬皮吸晒啲湯汁 ，睇落去唔靚仔🤣🤣🤣不過係老店，味道不錯

我熊貓除咗鍾意食粥之外，米線亦都係我另一個favourite!見到有網站推介全港十大好食米線，呢一間係長沙灣嘅老店都上榜，所以我就去睇吓佢究竟係咪咁好食。舖頭入邊位置唔係好多，一到午飯時間，坐到人頭湧湧，今日食lunch同三個同事嚟到，好彩有一張圓枱。呢間米線店最特別嘅地方係佢好似舊式茶樓，每張枱都有一壺茶，係飲普洱嘅。講返米線，我叫左一碗魚蛋雞肉米線，個湯底係比較鹹，同埋唔辣嘅，可能因為個湯底嘅關係，食完要係咁飲茶，好口渴。但係總括嚟講，食得多譚仔都想試吓其他風味嘅，都值得一試囉。