雲南風味過橋小鍋米綫

營業中

休息中

米線迷朋友帶我嚟試呢間炸醬米線，兩點左右到都好full🙈店內舊式裝修，餐牌簡單。炸醬豬潤魚蛋米線炸醬好香好好食😋好濃味噌味炸醬加埋米線真係一流😃魚蛋好彈唔錯炸蛋翼外面果層好脆好薄

十幾年前已經見過尼間舖！但從來無幫襯過咁啱路過見到有黃鱔小窩米線！咁特別！見咁多年尼間舖都屹立不倒咪入去試吓枱上上有一壺茶及抷！大家可隨意飲！不過疫情下要舆人搭枱並共用尼壺茶！好似唔係太好！一入座無耐阿姐就不斷問食乜嘢！都唔比時間我吔諗但態度尚算可接受！黃鱔小窩米線🍜⋯⋯有點失望！正式應該話係黃鱔豬皮小窩米線，份量算足夠，並附帶韭菜同蔥花！不過豬皮比黃鱔多，有點辣！但太咸炸醬腩肉火腿米線🍜⋯朋友叫！我無食！賣相箅OK!

去完深水埗行街，見到出名個幾間粉麵店好多人唔想等咁再睇下有咩好食，點知俾我發現到至愛既米線，一於去試下😆同平時一樣有好多款餸揀，我揀左鱔同豬潤鱔肉數量比較小但係質素好好，啖啖肉無淡水魚既味道，可能佢醃得好好，再加上豬皮吸收晒啲汁，令到個湯底都好味，而豬潤好滑，唔會煮得太老好鞋👍🏼👍🏼另一碗係炸醬豬肉魚蛋豬肉片店員話每日用新鮮既肉，唔會用雪藏肉，又真係喎，又有豬味又有肉味，又唔韌炸醬就酸酸甜甜好開胃下次要試下個汽鍋雞先😗😗

朋友介紹來這裏吃米線，見朋友叫黃鱔小煱米線, 於是我都試下。堂食及外賣都是38元。個湯好好味，好濃郁，而且帶點辣，喜歡辣和喜歡吃濃味的朋友一定很喜歡。除了有黃鱔之外，也有很多切到幼身的豬皮，豬皮索晒湯汁，非常惹味！加埋韭菜，呢碗米線真係非常好味！試過之後，今次都要外賣買返去食！

好耐無食過集團式米線. 今日突登過黎深水埗食米線.一坐低就有一壺茶, 我揀咗食雞肉+豬潤 (2味$38), 價錢相宜.豬潤不會腥，清湯底夠味, 雞肉入曬湯味，大碗配料份量十足.食完飲返杯荼, 非常好!!下次搵埋d朋友一齊試下個氣鍋雞, 見隔離食到好滋味!!

呢間雲南米綫平時座無虛席，入面一張小圓枱要坐5-6個人，不過因應疫情好多人改為買外賣，所以店內人流唔算多。今日我自己單拖一個嚟，就選擇咗堂食，坐低快快趣食碗風味米綫。見佢餐牌選擇以為相當之豐富，但其實就係有唔夠10樣餸俾你揀，包括咗炸醬、雞肉、腩肉、豬膶、魚蛋、火腿，然後有酸辣同甜湯，仲有就係呢度比較出名嘅黃鱔，同埋汽鍋雞。因為得我自己一個，所以都係簡單點個炸醬魚蛋米綫。餸嘅份量頗多，魚蛋有4粒，炸醬起碼有2大湯匙。味道方面，米綫係爽口嘅，魚蛋嘅質感好特別，唔係彈牙但又唔係淋，唔識形容，粒魚蛋好輕身好似食緊空氣咁至於佢嘅炸醬，我就覺得偏鹹，最後我都冇食哂啲炸醬，因為實在太鹹。今次呢碗米線我就覺得一般般啦，但佢受歡迎一定有原因，下次要試吓佢嘅黃鱔米綫先！

晚上6點幾的時候，店內已經坐滿人，等左一陣姐姐好熱情咁叫我地去，我一開頭有d 嚇親，姐姐的熱情招待令我覺得不自在😅見到枱枱都食氣鍋雞，咁我地都唔執輸叫埋一份，再加炸豬扒氣鍋雞，雞同埋雲耳都超級多，2個人都食唔晒，佢將d雞放入鍋入面，隔水蒸，所以d雞汁係晒個鍋入面，雞表面佢放左好多胡椒粉，可能係避開d 雪味，味道唔錯，只係唔夠滑（我覺得）另外叫左個雲南米線，包一碗米線，生菜，腩肉，豬潤，火腿，湯有小小辣味，不過不失叫了一份豬排，佢一份分左3小份，即叫即炸，好脆口，肉有彈性唔霉肉，我自己覺得多左小小酒味，但都好食

呢日經過深水埗，想食啲濃味野，決定咗去食雲南米線。.我揀咗食雞肉同埋炸醬，啲雞肉配上清甜嘅湯底，出乎意料地好味。.而炸醬就好香濃，而且份量都幾多，夠我食晒成大碗米線。.可惜韭菜、芽菜都唔叫好多，如果多啲嘅話會更加健康。

我十幾年前住附近，都會經常食，都ok ，自從搬咗屋後就無再食，相隔十幾年，最近剛經過買兩碗外賣返屋企食，因路途遙遠，米缐同湯分開，自己係屋企煮番熱D米線。一碗豬潤酸辣小窩米線，完全無酸又無辣，D酸菜又係無味，成碗米線係完全無味👎🏻👎🏻👎🏻。另一碗炸醬黃蟮米線，大部分係豬皮（本人唔鍾意食豬皮）有大約4至5舊黃蟮，呢碗同樣無味👎🏻👎🏻👎🏻。簡直係垃圾。我從未食過咁難食嘅雲南米線。

今日同男朋友經過 見到甘多人排隊梗係唔輸蝕，排隊入去試下見佢價錢都唔係貴 又傳統老字號feel坐低甘似飲茶feel叫左個炸豬扒，都ok好味然後呢個三味麵...食完完全唔明點解甘多人排隊。。。不過平平地，米試下，埋單都係$100

不嬲都好中意食米線，亦都好中意周圍試未食過既米線，好食就梗係會回頭再食啦！------------------------------------------------------------今次黎到深水埗呢間米線……因為上網SEARCH到有人話好正所以黎試下，結果係勁失望------------------------------------------------------------其實D送同米線都冇問題，佢仲有茶任飲，唔怕熬既話連飲品都可以唔駛叫……….但好可惜既係出事係佢個湯底，我叫左酸辣（同埋估唔到酸辣都當係一個送），一黎就梗係試下個湯先。。。點知一飲已經覺得好咸。。。成碗野都唔想食。。。。唔知係咁岩我去個日係咁定佢平時都係咁既味，如果平時都係咁我真係唔會再食下次。。。。。不過呢次食完之後我都唔會再下次。。。。

今晚到這間雲南米線吃晚餐。米線店我們至愛這間，一向水準唔錯，來吃晚餐嘅時候，已經係晚上九時半， 仍然有好多街坊幫襯， 差不多坐滿晒人 。座位有d逼， 但算企理，有特色。點咗~ 豬潤雞肉米線二味 $38咁多年來味道依舊， 清湯底夠味，米線爽滑，豬潤軟腍爽口，配料份量十足， 夠曬大碗。~ 雞肉米線 $33雞肉肉質好滑， 配料有腐皮、 韭菜、芽菜， 是一碗好好食的米線。灼芥蘭$17店內有提供普洱茶， 飲杯熱熱哋有香氣嘅普洱茶，非常好。價錢大眾化

講起米線好多香港人心中都有一個排行榜。雖然每個人嘅口味、要求都有唔同，但我今日介紹依間米線係令到我個排行榜要重新檢討下。依間嘅餸菜選擇都有好大，又有好多人都會去食嘅汔鍋雞。所以如果平時午餐都有好多人去食。而我今次就係晚上食，都可以唔洗等位。今次就叫咗小窩米線同黃鱔腩肉米線。佢哋嘅小窩米線係會分開另上，非常特別，可能係怕啲湯好快就浸淋米線。佢地嘅湯好好飲，米線又好彈牙。成件事都好配合。如果鐘意食鱔同米線嘅，我諗依間都應該無介紹錯啦！

自己對這家米線情有獨鍾，基本上每次來到都會吃它的黃鱔米線，雖然這幾年已經加價不少，但還是挺喜歡吃的。 這天與另外2個大學同學聚會，來到這裏吃米線。我叫了黃鱔米線，另外兩位同學也跟著我叫了。我還叫了一份炸雞翼。不消一會雞翼就上來了。我先吃雞翼，這家的炸法很特別，外皮脆而且跟裏面的肉是分開的，裏面當然也很嫩，而且非常夠味。黃鱔米線也來了，雖然貴了，質素仍然很好，香，夠味，整個湯微辣剛剛好。 不過黃鱔略顯少了點，豬皮反而占挺多的。

今日經過深水埗，試一試這間米線。這間米線真的很耐歴史了。黃鱔米線又真係吾係度度吃到。 雞肉好滑，配辣椒醬感覺很清新。滿滿豬皮，好入味。吃完，很飽， 很抵食呢。 茶水不收費， 是街坊良心店。 有機會會再來試吾同既組合。