雲南風味過橋小鍋米綫 (已結業)

復活節下晝12點到已經坐咗一半人聽聞呢間係深水埗隱世米線店魚蛋腩肉炸醬酸辣米線 $52呢度酸辣係計一個餸 $5魚蛋好彈牙，怪得知好多台都有叫腩肉冇醃製過，白肉但冇豬臊味炸醬香口入味，份量多酸辣同出面唔同呢間酸 > 辣酸菜非常多而且有適量肉碎個人認為比起出面大部份偏辣偏油嘅米線呢間比較特別🌸🌸🌸🌸🌸一入嚟姐姐會放上一壺茶係普洱嚟嘅冇收茶錢㗎😂見到有啲人食佢嘅汽鍋雞呢間都似係街坊嘅食堂不斷有客人下次經過都會再返嚟食💕…查看更多

見到深水埗都多人介紹呢間，平時行過都見到場內唔少人幫襯，諗住實無伏，點知係大大伏！小店本身就唔好expect 太多，所以座位/場內環境正正常常囉～每台都起碼有一罐茶既～係酒樓個啲一罐罐茶自己斟， 不過啲茶就凍既，嗯茶杯有點油，姐姐係無催你落單既， 不過會成日走過嚟同你介紹氣鍋雞同豬扒，介紹左三次😵叫左雞肉豬潤清湯米線🍜$42（基本上兩餸$42，三餸$47，酸辣（無麻辣選擇）再加$5）雞肉好鞋，豬膶好硬，唯一米線係好食既，湯都幾清。老闆就有啲暴躁， 問少少野就叫人自己影餐牌自己睇結論係自己鋪唔優做，已blacklist 謝謝…查看更多

同老公睇完跌打，搵野食近近地食到米線就去試下，入到去先發現十幾年前同事車我來食過一次今次食出夠既氣窩雞，同過橋米線，仲加多塊豬扒氣窩雞雞肉係好滑食唔到口，雞湯原汁原味，我仲用來撈米線食，但略覺得木耳多得制過橋米線剛見到碗野令我有黑人問號，一碗有部分餸既湯、一碟餸一碗米線🍜問完工作人員之後，原來係要自己倒入碗湯到，因為有些餸唔可以太熱！我老公話過橋米線來源係湯同米線分開，因為老婆煮完拎去工地比老公食，怕太耐時間唔好食所以食前先落（唔知係咪真！）豬扒普通一塊豬扒，未係我想像中既味…查看更多

喺我嘅米線地圖入面，就發現長沙灣就有唔少在地人推介嘅米線小店。今日就嚟到長沙灣嘅雲南風味過橋小鍋米綫，其實呢間餐廳一啲都唔起眼，甚至附近亦有唔少人氣嘅米線餐廳，不過，雲南風味過橋小鍋米綫亦有佢嘅賣點！正宗嘅雲南過橋米線係由食客自行將生嘅配料同米線放入滾湯，不過，呢度嘅雲南過橋米線雖然同樣地將配料、米線同湯分開上，但配料就已經一早整熟咗，叫做有種儀式感啦。呢碗過橋米線嘅味道唔錯，湯底鮮甜，而湯底先甜，米線分量十足，配料有齊火腿、生菜、雞肉、腩肉、豬潤、腐竹等等，絕對夠晒飽！呢度嘅酸辣湯底就酸多辣少，啱晒鍾意酸味重嘅朋友。不過，好似我呢啲鍾意食辣嘅人，枱面好彩有麻辣椒油，加少少落去，味道都唔錯。除咗酸菜之外，腩肉一層肥一層瘦，口感軟腍，份量唔少架。…查看更多

價錢相宜，坐位就不要太高要求，都舒適的。服務一流，不催你下單，收錢的員工有禮，見有空會拉門比走的客人。食物選擇多，不過豬膶和雞肉比較鞋，湯底夠味，不是太辣，適合我這些不辣的人。…查看更多