雲南風味過橋小鍋米綫

營業中

休息中

復活節下晝12點到已經坐咗一半人聽聞呢間係深水埗隱世米線店魚蛋腩肉炸醬酸辣米線 $52呢度酸辣係計一個餸 $5魚蛋好彈牙，怪得知好多台都有叫腩肉冇醃製過，白肉但冇豬臊味炸醬香口入味，份量多酸辣同出面唔同呢間酸 > 辣酸菜非常多而且有適量肉碎個人認為比起出面大部份偏辣偏油嘅米線呢間比較特別🌸🌸🌸🌸🌸一入嚟姐姐會放上一壺茶係普洱嚟嘅冇收茶錢㗎😂見到有啲人食佢嘅汽鍋雞呢間都似係街坊嘅食堂不斷有客人下次經過都會再返嚟食💕

見到深水埗都多人介紹呢間，平時行過都見到場內唔少人幫襯，諗住實無伏，點知係大大伏！小店本身就唔好expect 太多，所以座位/場內環境正正常常囉～每台都起碼有一罐茶既～係酒樓個啲一罐罐茶自己斟， 不過啲茶就凍既，嗯茶杯有點油，姐姐係無催你落單既， 不過會成日走過嚟同你介紹氣鍋雞同豬扒，介紹左三次😵叫左雞肉豬潤清湯米線🍜$42（基本上兩餸$42，三餸$47，酸辣（無麻辣選擇）再加$5）雞肉好鞋，豬膶好硬，唯一米線係好食既，湯都幾清。老闆就有啲暴躁， 問少少野就叫人自己影餐牌自己睇結論係自己鋪唔優做，已blacklist 謝謝

同老公睇完跌打，搵野食近近地食到米線就去試下，入到去先發現十幾年前同事車我來食過一次今次食出夠既氣窩雞，同過橋米線，仲加多塊豬扒氣窩雞雞肉係好滑食唔到口，雞湯原汁原味，我仲用來撈米線食，但略覺得木耳多得制過橋米線剛見到碗野令我有黑人問號，一碗有部分餸既湯、一碟餸一碗米線🍜問完工作人員之後，原來係要自己倒入碗湯到，因為有些餸唔可以太熱！我老公話過橋米線來源係湯同米線分開，因為老婆煮完拎去工地比老公食，怕太耐時間唔好食所以食前先落（唔知係咪真！）豬扒普通一塊豬扒，未係我想像中既味

喺我嘅米線地圖入面，就發現長沙灣就有唔少在地人推介嘅米線小店。今日就嚟到長沙灣嘅雲南風味過橋小鍋米綫，其實呢間餐廳一啲都唔起眼，甚至附近亦有唔少人氣嘅米線餐廳，不過，雲南風味過橋小鍋米綫亦有佢嘅賣點！正宗嘅雲南過橋米線係由食客自行將生嘅配料同米線放入滾湯，不過，呢度嘅雲南過橋米線雖然同樣地將配料、米線同湯分開上，但配料就已經一早整熟咗，叫做有種儀式感啦。呢碗過橋米線嘅味道唔錯，湯底鮮甜，而湯底先甜，米線分量十足，配料有齊火腿、生菜、雞肉、腩肉、豬潤、腐竹等等，絕對夠晒飽！呢度嘅酸辣湯底就酸多辣少，啱晒鍾意酸味重嘅朋友。不過，好似我呢啲鍾意食辣嘅人，枱面好彩有麻辣椒油，加少少落去，味道都唔錯。除咗酸菜之外，腩肉一層肥一層瘦，口感軟腍，份量唔少架。

價錢相宜，坐位就不要太高要求，都舒適的。服務一流，不催你下單，收錢的員工有禮，見有空會拉門比走的客人。食物選擇多，不過豬膶和雞肉比較鞋，湯底夠味，不是太辣，適合我這些不辣的人。

「疫情」過後，加速了「電子支付」、「手機銀包」的普及化，現在包包裡就只得一部手機 😝 什麼錢包、卡包 … … 通通都不用帶上，真是方便極了 👍🏻 今天特意要「攜款」是因為這間 30 年老舖只收 Cash 🌳 「雲南風味米線」這家店舖並不是位於人流密集的街道，能夠經歷「疫情」洗禮而仍然生存至今 30 年 🌻 實力真是非同小可 👍🏻 小店只此一間並無分店，最出名的「黃鱔米線」非常抵吃 😍 因爲我不吃「豬皮」所以沒有點選 😝👆🏻 「酸辣雞肉腐皮」米線$47 🍜👆🏻 懷舊式炸豬扒，幾乎每台都有客人點選 👇🏻 湯底味道很特別，並非其他店家的味道，酸中帶鮮味，吃完沒有「口渴」感 😋古法炸豬扒/雞翼 每台必點 $16 份炸細雞肉米線 $42 ，因為走「青」所以賣相比較「單調」但不影響美味 😅

雲南風味過橋小鍋米綫，位於深水埗營盤街134號元安大廈地舖。 餐廳主打過橋米線， 店內晚飯時間全場滿座，我點了酸辣魚蛋腩肉米線$47、 炸醬豬潤米線$42。 ▫️酸辣魚蛋腩肉米線 ～ 湯底惹味，魚蛋彈牙， 腩肉夠肥美。▫️炸醬豬潤米線 ～ 豬潤口感偏硬， 炸醬和米線是絕配。 整體價錢貼地， 可以一試。🏷️溫馨提示～ 整個用餐體驗均屬個人分享意見， 只作參考😊。     雲南風味過橋小鍋米綫地址: 深水埗營盤街134號元安大廈地舖

隱藏在深水埗街巷中的這家雲南小鍋米線店,提供著相當實惠的午餐選擇。首先,這裡的一大特色就是免費供應茶水。你可以在享用美味的米線之前,先品嘗一杯清香的茶葉,讓味蕾先被徹底開啟。這不僅省去了點餐飲料的費用,更提供了更加道地的雲南式用餐體驗。店內的招牌菜式包括炸醬黃鱔雞小鍋米線,以及炸醬酸辣米線。前者採用了新鮮的黃鱔搭配雞肉,再加上濃郁的炸醬,醇厚而不膩口;後者則是將酸辣醬料與米線完美融合,為你帶來一次味蕾上的饗宴。不論你選擇哪一款,都絕對是物美價廉的好選擇。一碗大約在45-52元之間,份量相當充足,絕對能填飽你的肚子。雖然店鋪的環境不算特別整潔乾淨,但食材的新鮮程度和烹飪手藝都保持著不俗的水準,讓你吃得開心又放心。對於喜歡嘗試不同地方小吃的食客來說,這家雲南小鍋米線店絕對值得一去。在品嚐地道風味的同時,你還可以享受超值的用餐體驗,既省錢又能飽餐一頓,實在是物超所值。

剛好今日要去黃金商場，search下有咩好西，揀左呢間令我永遠不會忘記的米線😵‍💫😳叫咗碗黃蟮腩肉米線全走，黎到嚇親😱😑得四條蟮肉😨其他全部豬皮，腩肉好刀功，如果真係好食都算，最慘係味道超差，湯底除咗喊味完全無其他味，最最最慘唔知係豬皮定乜野有粒沙石物體，咬到牙斷咗陰功😭😭頂唔順食咗一半就比錢離開😫。要即刻去book睇牙～😣呢碗必定係我有生之年食過最難食而且最貴嘅所謂雲南米線😤

細細個已經係呢間老字號雲南米線舖食開，大個左食其他米線，尤其果啲咩仔咩哥米線，啲炸醬得個甜字，完全唔係果回事，所以每隔一排，我都會想返黎呢度搵返真正既雲南風味。叫左個酸辣炸醬魚蛋米線+氣鍋雞～🍜米線湯底酸酸辣辣好開胃，魚蛋爽滑彈牙，炸醬係炒香果種，好正，呢啲先係炸醬！🍵如果食到覺得辣，每枱都有壺茶可以斟黎飲～🥘氣鍋雞好鮮味，底下超多雲耳，浸左係啲蒸雞蒸出黎既雞湯度，好鮮味，食到底記得飲返幾啖個湯，簡直係精華所在！

由細食到大，出左黎做野之後有時間都會去幫襯下。近期發現服務態度差左好多，尤其係女負責人。當時係平日下午2點鐘我同另一位朋友一齊去食，明明有張細圓枱無人坐，都夾硬要我地坐一張有2個人坐緊嘅細圓枱。食米線全程係咁撞到隔離嘅筷子，食緊嘅時間好多食客食完離座，吉枱數目都愈黎愈多，所以我唔明點解要塞我地去坐一張本身有人坐嘅枱。另外我嗌左黃鱔米線盛惠42蚊，成碗只有4舊黃鱔其他都係豬皮黎，好似揾笨咁😅總結係我唔會再番去幫襯！

哇好耐好耐冇去深水埗一黎就過黎回味下， 門口都幾多人 ，次次黎都爆場，一入去環境真都係冇變 有小小污糟 地下仲係好濕 但我黎係食味道 品係食裝修 唔好理了 最緊要好食 排除一切。姐姐既態度都正常 唔會好惡劣，即刻叫左個雲南米線 酸辣炸醬米線 ，都仲係之前呢味道！！100分 果種味同第間唔同 我都唔識解釋 。可能真係雲南既風味掛 我冇去過雲南就唔知了，但個湯底真係好岩香港人食。建議食裝修既都買外賣返屋企食算了，記得要分湯呀！！！！

一去到就叫左個汽鍋雞$100，姐姐勁快就拎出黎👍🏼一打開個蓋就已經聞到好香😋啲雞好香胡椒味，食得耐會覺得有啲濃味同少少辣🤏🏻但係好好味😋雞食落好滑，juicy，咬落去會見到啲肉汁流出黎☺️個底就好好多雲耳，索哂啲精華，好味道👍🏼炸醬魚蛋腩肉米線/火腿豬潤腩肉米線$47，炸醬好惹味，米線質地岩岩好，唔會太淋太硬👍🏼仲要好多餸，食到最後都仲有腩肉食😂😂就算普通湯底都唔會冇味😋

炸醬雞肉米線 $42啲雞肉煮得好滑，啲炸醬好惹味，米線軟硬到適中，撈埋落啲湯連米線一齊食，好夾好味道😋香脆炸豬扒 $16@1件豬扒炸到好脆卜卜，而且仲會幫你將豬扒剪到一舊舊，等你易d食，咬落去個吓仲好熱辣辣同唔會好油膩，好食😋香脆炸雞翼 $16@2隻一上枱巳經雞翼巳經好香噴噴，食落去都唔會好粉同好脆卜卜，咬落去個吓d肉鮮嫩多汁，好味😋𝗢𝘃𝗲𝗿𝗮𝗹𝗹𝘛𝘢𝘴𝘵𝘦:⭐️⭐️⭐️⭐️𝘌𝘯𝘷𝘪𝘳𝘰𝘯𝘮𝘦𝘯𝘵:⭐️⭐️⭐️𝘗𝘳𝘪𝘤𝘦:⭐️⭐️⭐️⭐️𝘌𝘯𝘤𝘰𝘳𝘦:⭐️⭐️⭐️⭐️

星期六中午行過同朋友入去叫左兩碗米線，依間鋪頭幫襯左超過20年，諗住食下回憶點知發現價錢，食物質素，服務大不如前，一碗叫左黃鱔炸醬腩肉，發現用大量豬皮去取代黃鱔，但一個黃鱔價錢已經貴過其他好多，本身想再叫小食例如炸雞翼炸豬扒，但發現價錢貴過之前一倍有多，座位超級逼，冷氣嚴重不足空氣唔流通，伙記長時間望住你碗麵一直望住你食完最後一淡5秒內立即收起，落單時候一直推銷氣鍋雞，價錢貴又唔好食，只要唔肯加購氣鍋雞立即黑面，用餐過程極不愉快老闆態度非常惡劣，大聲夾惡。聽同台其他食客講間舖係由阿爸年代買落，交左比太太，個仔同新抱打理，搵錢搵到新冠時候仲可以上郵輪玩，已經冇任何租金壓力情況下，將鋪頭變得商業化，不斷只有加價但不會維持任何食物質素，大量推銷過程和壓力下對待食客，令到僅餘回頭客只剩低回味過去，不再因為味道而幫襯，可一不可再