雲南風味過橋小鍋米綫 (已結業)

原本今晚想食譚仔，但朋友推介黃膳米線，話食到湯都飲完，聽落十分吸引，決定直奔深水埗。在門口已見店面幾乎全滿，米線香味令飢餓感大增。入座後，衛生環境一般，對這種米線店本身都唔會要求乾淨企理。今次點咗黃膳加豬潤米線，黃膳本身會併豬皮，相比下似豬皮米線，黃膳數量大概只有4小件，但咬落味道十足，4件唔夠喉豬皮彈口，吸曬味豬潤普通。湯底香濃，飲落去第一啖比望落更濃味帶鮮，但之後感覺有味精？食左幾啖發現有毛髮，雖然黎呢種麵店食飯對呢種情況不會驚訝，但都會影響食慾下次若經過深水埗會再食，但唔會專程黎食了。