雲南風味過橋小鍋米綫 (已結業)

2019年3月24日（星期日）千載難逢，趁啱啱開門有位，即刻入去食個周日brunch。黃鱔雞肉小窩米線$43黃鱔實在係妹仔大過主人婆，黃鱔得果兩三保但係豬皮就有好多。冇所謂，反正明叫黃鱔實食豬皮！因為豬皮先至係最吸味、最好味嘅主角！但係今次豬皮竟然有沙，勁嬲唔掂！雞肉鮮甜嫩滑，依然美味，落埋辣椒油一流👍油菜揀咗菜芯少油（$17）都新鮮ok喎！腩肉魚蛋小窩米線($38)魚蛋夠彈牙、腩肉肥瘦均勻、酥脆美味兩碗米線一碟油菜，盛惠$100有找！