雲南風味過橋小鍋米綫 (已結業)

屋企個Broadband 來緊會轉上1000mb 但發現個router 只support 到100mb ，所以星期六就拉埋個fd 陪我去深水埗揀返個靚router。身為米線控，聽講話深水埗有間好出名嘅米線餐廳，今次就決定試一試佢。一入到去發現都幾多人同幾逼下。入面全部都係大圓台，沒卡位，裝修好舊式。我地兩個睇完個Meun, 揀左2碗炸醬雞肉小鍋米線。米線都幾大碗，好滿，個姐姐 托住幾碗咁大碗咁滿嘅米線，我真係好驚佢會整跌😂呢間鋪頭特別嘅地方係，佢好似茶樓咁有茶飲，仲要係免費嘅，唔使茶位費🙌食完都幾滿足，下次來呢頭一定會再幫趁！