雲南風味過橋小鍋米綫

營業中

休息中

屋企人冇煮飯所以自己買外賣開餐諗左好耐食5食雲南米線好，因為佢地之前有段時間野食好差，餸少麵又多，最後決定比次機會佢地叫左個黃鱔雞肉，有埋豬皮同少量炸醬。黃鱔非常爽口，不過冇咩魚既鮮味豬皮索曬個湯好濃好正又夠爽口，5會太淋。呢到既雞肉同譚仔好似，都系雞絲類，個人幾中意食雞絲，5會成層肥膏，雞肉味都比較出。呢餐$35都幾抵食阿，難得材料有改善，可以一試

雲南米線就在多過便利店的時候，總想食食一些有特色的。今次找了一間本土小店，一嘗黃鱔小鍋米線，補一補。下午過了大半食午飯時間來到，都fully occupied...好彩剛有完膳，不需等便坐著叫食物。叫了酸辣黃鱔小鍋米線之後還叫了三味酸辣豬膶魚蛋米線。沒想過黃鱔爽口，可惜份量少啲，襯托的豬皮入味，整體碗麵略鹹，不過有普洱茶解返。之於魚蛋估不到那麼爽口彈牙有魚味，豬膶軟滑。最大亮點反而這個椒鹽炸豬扒，皮薄鬆軟，下次會再來

不下十家的米線食店以雲南二字為首，名字普及得像陳家欣、黃俊傑、張穎怡，在街上大呼這些大眾化的名字，總有人會回頭應你。這家雲南風味過橋小鍋米綫，和「雲南桂林過橋米線」、「雲貴川風味」等名稱相似的米線店無關，廿多年來，只此一家。對比都是賣雲南米線的譚姓連鎖店，這裡的湯底多了一份真摯、細膩，卻不失惹味。不是味精開出來的湯底，味道未必濃烈得令人上癮，但吃罷絕對不會口渴。令我多次造訪的黃鱔小鍋米線，市面難尋，跟譚姓那家的公式化米線，用料的真章，根本沒法比。 小店在美居中心附近，在這兒起碼待上了廿個年頭。小時候跟媽媽來保安道街市買菜，常常來這裡吃個米線作午餐。沒有跟雲南姑娘的店主稔熟，但由跟媽媽分享一碗過橋米線，到現在可以獨吞一碗小鍋，這店可算是見證我成長（和食力的增長）。長大後很少到附近逛，但如果到深水步走一趟，而又想吃米線（就不會選上維記/ 劉森記），會花5分鐘步行到這裡來。無論是什麼時候來，這裡一樣其門如市，幾人站在門口張望等候，實屬常事。 推門而進，方知其墟冚盛況。這裡的伙記會留意有人進店，會嘗試給你分配座位，但大部分時間都要靠自己。座位間不太容得下站著等的人，但總有人會站在中間等候。這

米線其實好多人都唔知個名就叫雲南過橋米線，因為個名實在太普通喇。不過一講起有黃鱔嗰間米線就好多人都會話呢間好味嗰喎。呢間野其實係深水埗屹立左好多年，我細細個已經去黃金買Game一定食。咁多年裝修左一次，依然係咁樣樣😂，仲係果幾個熟口熟面既呀姐做侍應。講環境其實鋪仔細細冇聽過佢哋講話有分店。嘢食呢就係好簡單，都係牆上面寫住果啲。啲姐姐次次都問：食唔食汽鍋雞呀菜呀炸雞脾呀炸豬扒。好攪笑，去親當然係食嘅招牌菜黃鱔米線。我呢就會叫埋豬膶，係咪好重好味呢😂咁呢黃鱔本身個汁係有啲辣嘅，有D豬皮吸晒啲味👍🏻同炸蒜頭好香口😋。黃鱔好脆唔會散晒好好味😍切到大小剛剛好好，唔會太幼食唔到佢既味道，又唔會太大條煮熟到肉太實。好足料碗好似座山咁多。啲豬膶令到個湯底更加濃郁。豬膶切得好薄好爽口😁雖然坐到人迫人，啲座位又無得挨，又多人又要等位但都有人等就知好味又抵食啦。呢度仲有甜湯同魚蛋都好味😁今次無叫既氣鍋雞其實98好抵食仲成鍋塞滿雞全部都係雞😂

以往都有帶ex黎食，話說前日自己經過 腦海中回憶同ex一點一滴往事，入到去伙記問我幾位，我答佢一位 之後佢唔耐煩咁搵位俾我 一坐低望左餐牌5秒已經有個肥肥地既老細行埋黎問我食咩（惡劣態度）我都知單身狗既我阻住人地做生意，就呻左份炸雞翼豬扒米線 等左半個鐘都未到 我就追單，5分鐘之後食物到我 咬啖豬扒就心知不妙 肉質好鞋！之後我話唔食啦 埋單走人 我就係驚佢地加料先無食到 一肚氣

路經這間米線舖，我和女朋友步入店內找位子坐，看見有張枱子有位食客就食完，我就叫女朋友先坐下空的椅子，我再等這位食客食完先坐，點知姐姐突然出現大大聲話呢到坐唔到兩個人，真的十分奇怪，這張枱子明明就是有兩個坐位，那食客已吃完已在抹嘴，為什麼不讓我們等多等呢，好吧，我以為是姐姐太熱心不想我們久等，我就叫女朋友起身，再找找另一個位子吧，原來這時已經是態度惡劣的開始，我們找到了另一位置坐下，還未看到牆上的大餐牌，姐姐已經行過來問我們吃什麼，我說等一陣吧，隔多20秒左右，另一位姐姐行過來又問我們吃什麼，這個時候我就問問米線可以揀幾多個餸，辣唔辣，姐姐竟然用凌厲既眼神加上惡劣的態度回答我地問題，可能嚴我地點得慢啦，之後女朋友點完，姐姐再大大聲話：「咁你呢！」我都廢事唸，就求其講左幾個餸。很快兩碗米線就來了，炸醬份量夠多，為湯底增添不少，而女朋友點的雞肉很酸，她只吃了一塊雞肉，就不敢再吃，魚蛋爽口，但沒有魚味，米線比較林總括，食物十分普通，態度如此惡劣，眼神趕客，不想受氣就不要入去了，我們餓死也不會再踏入這個門口，完。

雲南風味都可說是深水埗地標，當未流行三哥譚哥之時，雲南風味已經好多人食，真係細細個就識得佢。魚蛋豬潤腩肉雞肉炸醬。。就這幾款"膽" ，任顧客"拖"酸辣或甜湯。炸醬魚蛋雞肉炸醬少少咸少少辣，惹味喎！而且肉醬瘦瘦的，唔多肥肉。魚蛋彈牙，清甜，爽喎！4粒大大粒。雞肉軟淋，滑身，唔肥白肉首選。豬腩肉酸辣腩肉肥肉呢家野，喜歡的就會喜歡，不過這腩肉肥瘦分明，少少咸，絕對無臭豬味。酸辣底酸菜酸maymay, 少少咸。襯埋腩肉係好惹味。二味$32，三味$35 價錢很大眾化。下次想十級餓時挑戰全套$45

米線 其實我本人就唔係話極好份子 (認識有朋友係極鐘意食)可以食又可以唔食 最COMMON食一定係譚字頭 總有一間係左近 質素穩定 但少驚喜不過如果我食米線我會揀過度過 橫掂都係食 如果係屋企附近我實會行過去營盤街個到有間開左好多年既老字號 長時間都多人食 價錢同配搭都係簡簡單單 寫晒出黎要大有過橋要細有其他 但一定食到你飽最特別係你可以唔洗叫野飲 因為佢係會免費提供中茶比你貼心細心唔會因為為要賺你而斷你食水......要左一碗黃膳米線 就係咁簡單不過食黃膳我未試過其他食過喇 簡單得黎係特別既條條都有返咁上下架 唔係比幾條你HEA你個啲黎爽口入味 加埋佢啲汁 啲米線又比較幼身同軟身但都好彈牙架 我就鐘意食呢家既米線喇 咬落好實在價錢?! 公道囉 我飲左佢成壼茶架喇!!!

湯底：有d偏咸 (食完非常口渴，雖然店提供一壺普洱茶），但夠酸，有d韭菜，肉碎，辣就自己加辣椒油豬潤：正正常常，入味，唔會好鞋！豬排：鬆肉粉味比較重雞翼：唔得（炸槳好奇怪，見圖片😂😂😂😂😂😂)，叫其他餸好似魚蛋，炸醬好似好d（個賣相） 見到人地叫黃鱔好似幾正！！正正常常但係無想象中咁好食，亦都無回頭再食ge衝動～試一次就夠~Rating:6.5/10

對上一次來此店已是廿年前亦是我人生第一次嘗到米線既地方廿年後再來此店, 實在太多野想食可惜肚得2個, 所以只是點了簡單的清湯米線1. 雞肉魚旦肉醬米線: 湯底鮮甜, 雞肉滑嫰,魚旦有魚味而不腥, 分量十足2. 腩肉肉醬腐竹米線 : 腩肉爽甜, 腐竹有豆味, 肉醬美味香濃下次一定會同埋一家大細再來過食個氣鍋雞

茶樓味道的小鍋米線店，香港有很多米線店跟着時代轉變都是茶餐廳或快餐店方式，這間小鍋米線有着不同的味道。我們坐下他們會提供一壼茶，有茶柸和餐具在桌上，自己拿和洗，到了茶樓一樣。他們沒有酸辣或麻辣選擇，只有清湯，食物的種類也不是好多，而小食更也不同說，雖然他們不因為人的口味而增加款式，但他們的米線真的十分有水準。我叫了一份豬潤、雞肉米線，米線和湯都好有味道，雞肉好年嫩滑，豬潤好咬口。後來才看到有黃鱔米線，價錢不貴，但要下次才試到。朋友叫了2件炸豬扒，他們的一件炸豬扒和一件炸雞翼都是一樣價錢$10。唔他那一件雞翼會有多大隻要$10件。他們叫時才炸，所以要等20分鐘，出來時，豬扒還有剛炸好的樣子在豬扒面。香口，好熱和好食。

好耐無食過呢間，突然好想食佢既酸辣米線，次次黎到乜都想食，炸豬扒，黃鱔，豬潤，氣鍋雞，呢啲都係必食。首先食碟菜然後食汽鍋雞，超正！好重胡椒味，雞又嫩，啲雲耳索哂啲雞汁，好入味。終於食到酸辣米線！正！豬潤，雞肉一如既往都係甘好味朋友食炸醬腩肉，個湯一樣好好味！兩個人食到好飽，食唔哂啲雞，要打包，不過真係好好食。建議如果兩個人食汽鍋雞，嗌多碗米線已經好夠。

今晚和老公在深水埗吃米線。這裡最出名是汽鍋雞。汽鍋雞分普通和田七兩種。我們叫了一個普通汽鍋雞。汽鍋雞熱辣辣的，雞肉非常入味，肉身十分嫩滑，而鍋底也有很多雲耳，非常好吃！另外叫了一個過橋米線。米線和生菜、芽菜、蔥、芫荽及火腿都是分開上的。另加一碗淨米線只需＄8。米線的湯底不是很特別，但是如果兩個人食也是不錯的選擇。另外叫了一個炸豬扒，價值＄10。豬扒炸得很脆，肉身炸得剛剛好，不會過老，正！

超人氣氣鍋雞？必食之選？噢⋯sorry,真係唔識欣賞！只能用普通之味嚟形容！$88嘅價錢，雞件數量何其少？只有鋪面層幾舊雞，底下全塞滿雲耳⋯ 價錢，偏貴！件數，偏少！味道，普通⋯好重胡椒味！雞肉味淡，而且雞肉唔夠滑！味道層次偏低！唯一有特色嘅就係佢個氣鍋而已⋯除左個鍋，就只不過係一堆普通不過嘅蒸雞～而且店內環境超狹窄，整潔程度一般，需要改善！除左氣鍋雞，仲要左一個兩餸米線，味道？一般⋯⋯米線熟過頭，一啲嚼感都冇！人氣何在呀請問？最奇怪係，落單姐姐會推薦每一位客人食氣鍋雞⋯真係有必要特登食嗎？

路經此地，友人推介此間米線，話好受街坊歡迎。呢碗係魚蛋豬潤雞小鍋米線。魚蛋係好彈牙，真心推介，又有鮮味。雞塊無咩特別，唔鞋口但係本身無咩味道。豬潤就僅僅熟，入口都算滑，幾正。米線就唔夠滑，有點淋，不過份量夠。本身配料係幾新鮮，出事就係湯底度，由於叫了豬潤，湯底本身自然有豬潤味道，但可惜豬潤味完全俾味精蓋過，湯底係好鹹，食完係超口喝，感覺係好重口味，成為成碗米線既敗筆。