雲南風味過橋小鍋米綫

營業中

休息中

身在米線之城深水埗(米線之鄉係荃灣),點可以唔食番碗米線.今日係呢邊工作,成3點半先有飯食,行左幾條街,見到呢間米線店,就二話不說入去坐.有個好奇怪既現象係好多食客會開壺茶黎飲,好有趣,未見過米線店有咁既配搭.但係怕熱既我緊係唔隨波逐流.MENU放係牆,生客有難度.問阿姐有咩推介,佢話肉醬雞肉米線$30,咁就是但啦反正都係試下湯底似係豬雞混合,清而不淡,肉香十足,咸度亦不淺,配上口感帶少少彈牙既米線,食個不停.重點係佢地個肉醬,勁重口味,咸加上辣椒味,有種食緊CAN FOOD肉碎既重口味版感覺,一定要撈下個湯,就咁食太咸了.連平時重口味既我都覺得對手太強.而雞肉就比較鞋,不建議點.老實說整體味道不差,重口味之士可試下呢度

雲南(出名)汽鍋雞，好有鍋味，雞件亦算多，墊底既雲耳仲多，索哂啲雞油汁好好味，雞味好香好獨特，雞肉唔算好嫩滑但唔老。另外都有叫到米線食，不過就普普通通沒有影相，主角還是個汽鍋雞。

去開深水埗買手作仔的材料，入黑了就跟友人周圍搵食，這幾天又轉涼了少少，襯未熱一於去雲南風味食多次汽鍋雞！慢慢行過去未夠算多人，入去是要阿姐安排檯，如果兩三個人請心中有數大多數都要搭檯的！每張檯都有開好的茶，茶杯，餐具等，請自便！MENU 清楚寫明米線的配搭及價錢，明碼實價，沒有加一！跟友人叫了汽鍋雞及米線SHARE，坊間的米線店舖之中，暫時只見這間有原盅的汽鍋雞，要不然就要到大型些的店才可以品嘗到呢～汽鍋雞全名是雲南(出名)汽鍋雞 HK$83，份量大約半隻雞左右，已經切好一件件雞件，開蓋聞到好香去胡椒味，因為雞是用胡椒醃的～雞件不會很老，都仲幾滑～底部的就是健康的雲耳，差不多全個底都鋪滿雲耳，吸了雞的味道，很爽很不錯～除了汽鍋雞，點了一碗酸辣炸醬腩肉米線 HK$33，上檯時還有酸菜蔥等配料吊味。這裡的米線都比較獨特，味道有別於坊間譚X, 裕X品的味道，雖說有酸辣炸醬，但未算很辣，剛剛好～腩肉是三層腩肉偏肥，但好好味！米線軟硬度適中，食完湯都飲了半碗呢～最後，罐裝汽水好抵，仍然停留5蚊罐的水平～

我由它開張時已經開始幫親，由小陪我成長，見證著它的水平每況愈下。自從由老闆的兒子接手，情況更差。出名員工態度差當然不在話下，食品加價，我都明白，份量減少都明白，但是它的米線連一個平時只食很少的女生都食不飽。它的份量真是少得可怕。少到用筷子加匙就可以全部夾起。同一碗米線又會有勁軟又會有好多未熟。所有餸當然都變差。餸份量不停減少，叫一個酢醬米線，它的份量只有一湯匙份量左右，而且是很好多焦黑色一點點。雞肉只是幾碎塊。魚蛋勁鯹。豬肝超薄同碎。腩肉得幾塊但塊塊有勁多毛。黃鱔就99%豬皮加1%黃鱔。田七雞煲些雞塊塊比生粉包大左一個碼，食粉多過雞。一句：永遠吾好去！深水埗大把野食，想食米線有很多選擇，千萬不要與自己過不去呀

Shum Shui Po is probably one of the best places to visit if you want to endure the atmosphere of local Hong Kong culture. It doesn't just have restaurants that's been around for over 50-years, but the architecture, the people, and their traditions make this area one of my favourite places to hunt for great food.  I have 2 friends who recommended this restaurant to me because they know I like Yunnan noodles, so being the food craze I am, I had to try it. This small classic restaurant was filled w

haha今日同朋友對調係深水埗附近返工〜知道深水埗有間吾錯既雲南米線和個個朋友都讚距好食〜 於是今日米來試下lor入到去都幾full下既〜侍應都幾巡快地提供服務xdd 我喊左豬潤楠肉米線,來到之後呢都幾大碗〜OL絕對足料夠食牙😠 d米線入口好淋彈牙 爽口同一般米線不一樣 其次呢d豬潤好多快 快快都ok大下我好like 味道也不過不失 唯一不滿意的是楠肉太肥-_-# 瘦肉都多塊😫😫😫。d湯汁呢幾鮮甜可口。...。總括來講絕對低食牙 淋走前喊左個炸豬排！炸到金黃色 好好味道 一d都吾油膩😂 下次一定再來架'！！

經常聽友人誇獎這裏的米線及雞翼，今日就來試試。是日點了一客酸辣黄鱔魚蛋米線、一份雞翼及一份豬扒首先講講這裏的湯底，十分咸不知道是否有黄鱔的關係，還加送了豬皮但就覺得味道很一般，只吃到咸的味道。而因為在友人極力的推篤下，點了魚蛋，但不夠彈性，更沒有魚味，真的很一般般而雞翼亦因為炸漿過厚，造成怪怪的賣相，味道亦十分普通，加上放置雞翼用的碟，看到用來炸食物用的油，是呈現深黄色的，感覺不太好至於豬扒亦是一般般

同事介紹，普通麵店格局，唔算好坐，因為唔太肚餓，所以叫了雙拼「酸辣魚蛋」米線（$28），食物好快上枱，唔記得走韮菜，魚蛋有四粒，不過咬落好削，唔彈牙，無魚味，酸菜好多，辣度無得揀，只有一種辣度，但我食落一啲都唔辣，係好咸，米缐軟硬適中，可惜太咸，乜其他味都食唔出！不過我唸應該係啲咸酸菜問題，因為我哋六個人，三個有叫酸辣，另外三個叫其他湯底，三個酸辣嘅都話好咸，另外三個話好味，所以問題係啲酸菜！值得讚係熱茶任飲，唔係嗰啲唔知沖好幾耐嗰啲，用隻膠杯凍冰冰上枱，完全無茶味，只會用來洗筷子，，而係用酒樓茶壺沖好上枱，自己用瓷器瓦杯飲，餐具亦乾淨，侍應好勤快，落單上菜沖茶，十分有效率！

成日都會幫襯的米線舖，剛剛放工又買左碗返屋企做晚餐。。。今日病病地，無食平時的炸醬+魚ball ，轉食腩肉米線。一打開，食一啖，米線的質感差了，沒有以前的彈牙...變左好似譯x的米線糊失望極了....幸好味道無變，一如以往

4-1-2013(五)是日放工後，吃過「金華冰廳」的美味菠蘿油，便步行至深水埗會合媽媽，一起到「雲南風味過橋小鍋米線」吃米線。「雲南風味過橋小鍋米線」位於營盤街，即「松記糖水」總站附近。之前常聽人說這間米線有多好吃，所以一直都好期待去試試，這天終於來到了！份量十足，真材實料！這裡的米線，都很貼近雲南原有風味，爽口，配上芽菜、韭菜等配料，在湯內泡久了也不會糊在一起。腩肉有少少肥肉，好軟腍美味；湯底加了的點點肉碎才是最精彩，一口有肉碎、芽菜和韭菜的湯加上米線，是美味的晚餐！

個日成班fd一齊去食飯...諗住開開心心幫個fd補番個生日,點知就入左呢間野去食...未入到就要我地點餐..位都未有就係度等..逼住人地走..得番一張大枱又唔夠我地坐...逼住逼住..之後成班fd食哂...我就未食哂就係度抽水食咁慢..之後講多幾句d人就係度望住個呀姐..個呀姐重面不改容係度做野..之後食都唔食走人..一句講哂:服務態度差!

不知所謂！態度惡劣，食物難食！叫左$39過橋米線套餐兩個人醫肚。湯、米線、餸分開上。米線好似未煮熟咁，完全唔林。湯底完全冇味（要不斷加鹽）餸仲要俾漏野。食足成碗都唔見有炸醬，最後忍唔住埋單時問個老細「套餐有冇炸醬嫁？」「有」「但點解我食晒成碗都冇既？」「（理直氣壯地）俾漏左你啫！下次俾返你囉。」下次？我呸！一定唔會再有下一次幫襯！

在網上搜過資料, 選了這間. 除了是前人的推介外, 還因它就近之後要去的地方. 為免等位, 二時剛過才到達, 不用搭枱, 二人佔一桌. 原來以前也曾到過附近數次, 只是不知此其貌不揚的店舖的來頭, 沒有吃過. 免茶錢, 亦沒有問我們要甚麼茶便放下了這壺, 甚至沒留意到是何時放下的, 大概是我轉身看牆上的餐牌那時吧. 一看便發現加了價, $26>27, $27>30. 我們要了碗魚蛋, 豬潤, 雞絲米線 $30, 黃膳小鍋米線 $27. 同意前人所說黃膳不夠豬皮多, 最少應改名黃膳豬皮小鍋米線吧! 兩者皆帶少許辣汁, 若要試出湯的原味, 便要在拌勻這兩味前先喝點湯了. 鱔切得太短, 有碎的感覺. 豬皮幾爽, 可惜我不知原來有韮菜, 而且它雖樣子新鮮, 但有點靭, 結果大都給了同枱吃. 我們交換了大家的餸試一下味, 發覺她那些全都不錯, 只是因沒了我的辣汁, 未夠激發胃口. 對豬潤的看法我們持不同意見, 我認為薄較好, 因不用煮太久已熟, 較安全. 她卻喜歡厚的, 不夠心少許不夠熟. 事實此店的是前者, 所以她未夠滿意. 雞絲是她最滿意的, 認為味道及咬口適中, 只是油多

今日睇完牙有D肚餓,突然諗起朋友講過附近有間米線好好食!!既然諗起就緊係要坐言起行啦!!入到去都唔係好多人食,七成滿啦,可能仲早!見到呢度有黃鱔米線食!出面D米線嘅食店好少有呢個揀, 咁就緊係要試下啦終於有得食啦!! 湯底有少少辣,唔錯! 感覺好似冇咩味精 但...我明明係叫黃鱔米線,點解変左豬皮絲米線???正當想問下D阿姐之際比我發現有十條八條黃鱔絲夾雜在豬皮中!!! 可能真係物價高漲,唯有加D豬皮充當份量啦!! 除左份量少之外,味道還是唔錯,黃鱔爽脆,但米線略硬,飲左幾啖湯都冇咩味精感見到其他枱叫左氣鍋雞好似好好味咁,下次真係要約埋朋友黎試下順便試下其他嘢食!

今次Order 左一碗黄鱔米線,一碗雞肉炸醬米線及汽鍋雞兩碗米線保持水準,無太大突破,份量充足、可以一試。但今次的汽鍋雞, 份量都是一樣、充實的填滿整個氣鍋、但內裡的雞多是雞肋 / 雞翼尖 / 雞頸 / 雞皮等,只得雲耳份量充足!無錯味道真是很不錯!但真正食到入味的雞肉真少!是否百物騰貴,將貨就價?唔系話唔好食,只系差左?要再過一段時間再試下!希望有改善!