雲南風味過橋小鍋米綫

營業中

休息中

經過朋友極力推薦呢間老店既米線後, 鐘意食米線既我琴晚終於有時間去試一試朋友話最正係湯底, 次次食完都會飲哂個湯底, 所以我對個湯底都好有期望本身朋友話佢試既係清湯, 但見佢標榜係雲南米線我當然試一試佢個酸辣叫左個酸辣雞肉豬潤米線, 盛惠$28, 一點都不貴, 至少平過譚仔雞肉新鮮豬潤唔腥米線亦都好滑不過個湯就實在太咸, 朋友話次次都飲哂碗湯先走, 我亦都好努力咁飲左幾啖但都決定放棄佢, 因為真係好咸, 叫左罐汽水一飲而盡個湯底係夠濃味其實唔錯, 但可以的話我希望可以唔好咁咸, 要知道濃唔等於咸佢個湯底同譚仔相比其實係好好, 譚仔而家個湯底真係好淡, 無論係麻辣定酸辣都好淡我會再幫襯多次, 下次試下學朋友咁叫清湯, 睇下會唔會無咁咸

去譚仔呀之類既地方食米線, 為既都係快食食肥個肚就算唯獨呢間米線老鋪係會令到我有專程黎食既意慾, 每次去完黃金亦都剩係會諗起行過去食番碗一睇門面就知間鋪有番咁多下歷史, 記得好耐之前飲食男女介紹過呢間野歷史, 好似係有兩姊妹同埋佢地老公一齊開既, 兩公婆管鋪面, 另外兩公婆就負責廚房之類其實食左呢間野十幾年, 我每次都係食雞肉腩肉米線, 其他招牌氣鍋雞等未食過不能品評雞肉同埋腩肉其實OK啦, 唔係好特別精華係個湯底, 實在超級香濃, 每次食都會飲哂D湯, 有相為証 (怕咸既人可以會唔鐘意)D腐竹索埋D湯食落去亦一流聽講酸辣同炸醬都好味的, 可惜我唔鐘意食 (不過我反而覺得會影響左個湯底既原味)寫完又好想去食喇

黃鱔米線 : 黃鱔夾雜著很多豬皮，黃鱔份量有些少，豬皮很多，個人並不喜愛豬皮，評價OK雞肉腩肉米線 : 腩肉較肥，雞肉沒什麼味酸辣湯底: 十分出色，是用酸菜菜菜製成，不像市面大多數店舖，只加醋甜湯: 好像是雞湯，味精下得不重，如有芽菜更好米線: 不淋，滾得剛剛好如不叫飲品，可自行飲用枱上的普洱阿姐的服務麻麻，要比別枱的人大聲凶先立刻低聲下氣

此店數年前經常幫襯..但近年只光顧T仔為多...天氣非常凍..來個米線吧...最近雜誌又介紹此店..更成米芝蓮推介食店之一...是個好機會再試這老店......LUNCH TIME ... 一進內..D客坐到密麻麻....叫左外賣... 黄鱔腩肉 !! 阿姐甘忙都好有禮貌....一打開蓋已香氣撲鼻..黄鱔同豬皮一齊煮..豬皮入晒味..但又唔會太淋..黄鱔爽脆..口感香味俱佳...正!! 腩南就只是普通...太多肥肉...米線又是爽滑...配埋個酸辣湯....真係食到雪雪聲...值得一提..附送之辣椒油非常香..又不過辣 .....食完後成身暖晒..除左飽既感覺..還有滿足!!! 好似重遇一位老朋友甘.....老友..以後我會多D找你架啦 .......

第一次到訪此店是1996年，當時坊間仍然未有很多專賣米線的食肆，因而對它驚為天人。多年不見，再到深水區；很自然的希望去重溫一下記憶中的美味。(1) 火腿雞肉米線 $25：湯底很清，奈何入口卻是鹹得要命，初時估計是味精下得太重手的緣故。(2) 黃鱔米線 $25：是我為它專誠而來的，可惜比之前一碗更鹹!! 實在嚥不下!!!(3) 油菜 $11：份量頗大。(4) 香脆炸豬扒 $9/件：做法好像比以前不同，脆漿比以前薄了，但實在太油膩，一咬下去便有油(而非肉汁)噴出來!到訪時間為下午三時，店內只有三數台客，理應有足夠時間把食物好好處理，而老闆亦在同時間在午膳，究竟發生了甚麼事會把好好的一家店這樣蹧躂了？抑或是回憶，藏在腦裡就好？

好食到你5信!!本身讀SKM都要去長沙灣食佢!仲差D遲到~~D雞肉5係出面果D, 冇乜雪味不過冇咁滑酸同辣岩岩好!個酸味好得, 可以話係香港最好, 因為食得出佢5係用醋整酸味, 佢係用佢醃過既咸酸菜, 好正!!

話說十一時多，便到這間店光顧。這店我到過幾次，但我從不覺得它特別好吃，只因它位置便利，近我的家，才會光顧。當時，我打開門進店，申明兩位，負責接待的阿姐便示意我坐近門口的位置，我見裏面有很多位，便告訴她我不想坐門口位，怎料她馬上連珠炮發的罵：「坐門口啦，嗰度D 人要食飯架！而家咁夜LA！」坦白說，若她善意的告訴我們，我們會坐在她指派的門口位，但她大發脾氣，罵起人來，心裏實在鬱結難抒，是故當時我們連飯也不吃，奪門便走。我想帶出一個重點，顧客雖然不是一定對，但顧客只是來吃飯，不是來受氣。

星期日lunch 時間，叫左兩碗麵同兩碟"名大過實" 既招牌雞翼豬扒。炸醬雞肉米線：湯底味道確實唔錯，雞肉唔會有雪藏味，但炸醬 就個人口味一般喜歡，因為佢加左豆豉去整，味道偏咸。另外一碗：自己冇食到，所以唔評論。炸雞中翼2隻$8 <-- 用"脆漿"炸，起初覺得比其他店舖 的炸雞翼好唔同，一咬落去得個皮"脆"，但味道極之唔好味，完全係雪藏雞的味道。招牌炸豬扒1件$9 <--- 所謂"招牌" ，真係好唔掂，豬扒外型雖然唔錯，但咬落去超"干" +超"咸" + 超 "味精" ，完全需要一碗米線浸住黎食。 但呢間店鋪"最最最"令人食得唔開心就係：明明我地仲有一大碟豬扒未食，連續3個伙記就過黎搔擾我地，不停咁問" 仲要唔要?" ，又過黎收我地碗麵同收筷子，頂!!!!! 食塊豬扒姐!跟住佢叫其他5、6個新客坐埋黎，但係個張枱其實暫時得3個位。 用其他客人黎睇住我地食野，逼我地走。 服務態度惡劣。店舖：稍為好食小小，但服務咁差。 真係好難再幫襯。

上網查到這米線小館都幾多人讚好, 特登查地圖去找尋它的位置, 結果俾我找到, 成功!對酸辣湯的興趣唔大, 因為我比較少呷醋, 醋做的酸湯, 對我來說, 係完全唔可以接受, 所以都係食清湯火腿雞肉米線這裡的清湯好夠味, 豬骨湯底, 加上大量韮菜, 豬肉碎, 絕對唔"清", 雖然味道豐富, 不過沒有過咸的感覺, 米線好滑好滑, 如果有些少芽菜加入, 增加爽的感覺, 會更出色餐牌標榜"秘製"的炸雞翼, 叫了一隻食, 只覺粉太厚, 入口油林林, 故沒有必要推介給大家啦

去了深水埗買新玩具。離開之後P仔說要帶我去食極品米線呢 : ) 其實米線我本身是好喜歡的，只是不知道為什麼總是「咬極都咬唔爛」了 ._.一坐下就連忙找餐牌看嚕，看到坐對面的食相，食慾就狂飆了 : D這裡的餐具是中式而且自助的，店舖用的是白光管有點暗，跟連鎖經營的那家很不同。向來都是眼闊肚窄的我今次點個兩餸米線好了。心血來潮加上被餓意沖昏了就要了個炸醬雞肉米線。大胃P仔就點了魚蛋雞肉火腿米線然後一貫地「走韮菜」，還加了炸豬排。最先來是P仔的米線，忍不住喝了一口湯果然很不同﹗一試就愛上了。雖然不懂分辨味精的味道，不過喝過沒感口渴呢。而且湯味偏鹹，不是清甜的那種。我好喜歡 : ) P仔又分了一粒魚蛋給我。我本身不愛魚蛋，白的炸過的都不愛。味道帶點肥但絕對不膩，也是蠻好的。炸豬排中式炸豬排給我的感覺一向是又乾又硬，可是這裡的有肉汁之餘還有可能泡過麵包糠，所以趁熱食是脆的。還有我的雙餸米線想不到肉醬有點像西式意粉的那種，如果只說湯底味道是更濃更有味的，只是跟米線格格不入了。還有雞肉普普通通，也是配菜一般的樣子跟味道吧。下次會試這裡的招牌黃鱔米線。: )

食過幾次,,都係男朋友食開咁多年,,所以帶我黎~我地2個都係好鐘意食米線~呢間好好味,,尤其係黃善,,都未見過有間米線係有黃善做送呢間係第一間!!仲有豬皮,,超入味,,入晒d汁,,真係好夾~之前係度食過d雞翼,,好油=.=..都5係想像中咁好食,,佢個酸辣好酸,,岩我~呢度d炸醬好好味..仲有d雞肉,,好似譚仔個隻好味d~

基本上是為了雞翼而再次造訪忘了這店可否'炸醬另上', 亦忘了查問所以炸醬加了到湯, 感覺有點融入家中..不見了 同時亦令湯變得帶點辣辣的小豬兒就當然不怕, 她只怕有點咸她也說豬潤好吃人少的時候, 禮貌不錯, 還問我要點甚麼嗎?人多的時候, 小豬兒本來放了袋子在旁邊的椅, 店員阿姐粗鄙的一句, 態度囂張跋扈. 粗鄙無禮腩肉亦與譚仔裕一品的差距甚大, 又鞋又只得瘦的部分, no gd惟雞翼是最美味的, 炸得皮厚厚的, 但未感肥膩, 還帶點不知如何辨識的香氣, 內裏肉質滑溜, 一流

上次來吃沒有嗌黃鱔小鍋米線 ,只係食左腩肉酸辣小鍋米線.覺得冇乜特別, 係一般大大碗比較惹味既米線.這裡的名物是黃鱔小鍋米線嘛, 當然要試試有什麼特別啦!一坐底,就會有個茶杯俾你自己斟茶飲. 蠻有茶樓的風味.這樣茶水不收任何茶錢喔! 所以食得幾辣都好都有杯熱茶解辣,很貼心喔!不久,黃鱔小鍋米線來到了!!!一看!黃鱔只有帶約7,8條幼幼的.但翻開黃鱔下 是很多很多的豬皮.彷彿我這碗米線是 豬皮小鍋米線所以,可惜 我不太喜歡吃豬皮.所以對這碗米線的評價也不高.說回味道, 黃鱔爽口彈牙的! 不同一般腍BAD BAD的鱔.它的辣很惹味! 不只是辣椒油單調的辣呀!!然後豬皮本身其實冇乜味, 佢應該同埋黃鱔一齊煮! 吸哂個汁同埋黃鱔的香味! 相信鐘意食豬皮既人應該會好鐘意!!跟著個米線冇乜特別.係幾滑嘟嘟既..但係偏腍所以.我都係鐘意譚仔比較彈牙既米線!廿多元 大大碗一碗惹味米線,我已經很滿足了 住深水埔真好,附近長沙灣深水埔大角嘴石夾尾的野食又平又好味

此間米線我可以說由細細個幫襯到而家。現在自己搬遠了, 都要特別找時間去那邊食米線。無疑, 這間是我喜受的米線店。尤其是那個黃鱔酸辣米線。裡面有黃鱔, 豬皮, 九菜, 酸菜.....黃鱔加豬皮尼個配搭真係無得頂, 2種材料都帶點辣, 但此辣不會算太過份。而且2款配菜都不算少加上那個酸菜, 及湯底。都只係賣30多元。成為我覺得最好吃的米線。

好失望的一間米線, 以後我唔會再去 !!!今天我特意到這間店食米線, 米線太淋但湯底還可以, 我可以接受 !要外賣,食之前問肥店員會唔會湯同米線分開 ? 她講會. 但給我時就無分開,我好失望, 員工唔負責, 唔肯換, 只叫我同老闆講, 老闆態度唔好, 但我都求他,因我要坐車一個鐘, 再唔該他, 但老闆又話落單無講, 出來的食品無得換, 又話現在分開D米線會爛, 另一員工又話廚房現在無order 煮米線, 所以分唔到, 藉口多多. 因為我一早付了所有錢, 所以他們唔理我, 只把碗米線放在收銀枱上唔理我, 他們這種服務態度 , 有誰能接受嗎 ?