雲南風味過橋小鍋米綫

營業中

休息中

不顯眼的門口配上沒有甚麼特別裝潢的店面。跟其他不認識的食客同枱共餐，背快要貼著後面的食客背部，吃麵時筷子差不多打到旁邊食客的手。沒甚麼服務可言。滿座了，遲來的客人進店內望一下，便被趕出門外，等位也沒有給寫號碼的等待紙，只有大媽侍應的記憶力，只有食客們的自律。當有坐位，大媽侍應大叫一聲，自律的食客便依次序進店...雖然是這樣子的環境，但仍然留住很多食客的心，吸引其他地方的人來光顧，我想唯一可能就是因為這裡味道與價錢。餐枱上沒有餐牌，只有筷子與一胡普洱茶。餐牌都掛在店內的牆上，餐牌上配菜寫得密密麻麻，因為第一次光顧的關係，被三催四請之下才點好菜。食客雖多，但大媽侍應能從老遠的廚房迅速地送上麵來，可真利害。先來一碗黃鱔酸辣米線，原來黃鱔是包含豬皮，還以為豬皮是需要另外加上去。酸辣香味重，食慾隨之大增。辣度比那連鎖式的米線辣，比較過癮。米線的質感不太軟太硬。黃鱔不算少，肉質結實，鱔味被湯頭蓋過。豬皮爽脆，吸收了湯汁非常好吃。另一碗豬皮雞肉米線，湯頭比酸辣的清一點，雞肉算滑身。吃飽之後，買單便要體驗跟大媽侍應一樣從食客與食客之間穿插進出收銀處，小心一點不要撞到他人。

昨晚放學後，有 d 想食米線。想起多年已經無幫襯佢啦。某些年，曾經食過酸茶鱔米線，鱔好脆，酸菜不太咸不太甜，味道啱啱好！昨晚再到雲南風味食，叫了一碗酸菜炸醬魚蛋米線，湯既味道跟某些年差不多，但係米線的質感，已經不像某些年咁有彈性！酸菜還可以，魚蛋質感不彈牙！價錢方面，宜家都算抵食！33蚊大大碗。環境咁多年都無變化！都係好逼,食飽就要走啦！

一個人吃飯總是有著數，尤其晚飯時間，不用等位直接入內進餐。「黃鱔豬皮酸辣米線」－黃鱔辣辣的很開胃豬皮爽脆之餘又不帶半點腥味配料非常入味，很可口米線卻出奇的彈牙＿＿唯一的缺點「醬汁-味精-較為重手」-Miss Finally

今次再食呢間米線店，但係唔再點氣鍋雞，因為上次氣鍋雞比我既印象麻麻。兩個人叫左兩碗米線，酸菜腩肉豬潤米線同埋黃蟮米線。酸菜腩肉豬潤，酸菜味濃，夏天食的確開胃，豬潤亦都好爽口。黃蟮米線，辣味剛剛好，黃蟮份量亦都好足，仲有爽口豬皮做配料，唔錯。

聽朋友講呢間米線幾好味，而今日順路經過，就入去試了！每張枱也有一壺茶供食客飲用，我叫了「二味炸醬豬潤米線」，無論豬潤、炸醬、米線都算多，以$30一碗來講，價錢都算合理。味道方面就好一般，味精多，因為食完之後好口渴，而又不是讓人感覺好味，食完這次，亦沒有衝動想食第二次。

呢間食店已經幫襯咗超過十年，由於舊居就起附近，所以可以講係由細食到大，以前每次去到都係食黃線小鍋米線，今次去到就轉下口味，改食酸辣魚蛋米線，米線一上枱，酸香撲鼻，先喝一啖湯，清洗味蕾，酸酸嘅味道令人好開胃，除咗酸菜，仲有好多豬肉碎做配料，而且米線軟硬度適中，每一啖米線都可以夾雜埋酸菜同肉碎起入面，口感好豐富，但敗筆係魚旦冇味，完全感覺唔到食緊魚旦。

猛烈陽光下的一個星期六下午一踏進店內就有門口位可搭枱坐下來冷氣源源不絕係咁吹，十分涼快。我地兩人叫左三餸過橋米線share食腩肉都幾大塊幾多脂肪 魚蛋都幾彈口食落唔錯米線味道同其他地方唔同 幾特別黎到呢度仲有樣出名嘅氣鍋雞一定要食雞肉都好入味好多汁多滑鍋底入面有好多黑木耳 平時嘅我都唔會點食 但佢呢個味道我接受到 而且仲覺得好好食再嘆枱上沖定一壺又唔計茶芥嘅普洱茶 真係perfect match最後我們戰鬥到鍋底 勁多油浸住d黑木耳都唔敢再食 好油膩好飽不過都值得我地返黎再食嘅

路經這間米線舖，見人都不少，心想應該唔會差。一坐低就比個阿姐大聲點左一個角落搭枱，中間卻不斷比姐姐撞，不過來是為了填飽肚子就算。之後就點左雞肉酸辣米線，整體上米線都好彈牙，雞肉都算滑（不過仍有雪藏味），但最可惜是湯底加了太多味精，令後來所有的味覺完全癱瘓，難怪間舖有免費普洱茶提供，最後三十元埋單。回到家後口渴感仍在，要飲左好多水才止渴，整體這是一間香港地道的雲南味精米線。

炸醬雞肉米線，湯底很清甜，雞肉很嫩滑，份量頗多，米線很滑，還帶有米香味炸醬雞肉米線，這裏的炸醬不是一般吃到橙色像充滿染色素的肉醬，有點似台灣肉燥，但又沒台灣肉燥的那種油膩，和米線很夾味

今日原本同朋友去食雞煲，不過突然有人射波，三條友又食唔到咁多就近近地去佐呢間店食野，朋友說這間的氣鍋雞不錯當然要來一試啦 我九點半去到個時也是滿場的，剛好去到就有位，當然立刻點了個氣鍋雞試試佢啦 我地點完冇耐就立即上，初時以為是已弄好不會太好食，問下朋友先知整氣鍋雞要花很多時間，所以是SKM定的，二話不說就食落口，雞同雲耳好入味，真係未試過食氣鍋雞，食多幾件都仲得，可惜係有小小冷了，要不然超好食 另外這店的特色是黃鱔米線，本人不吃黃鱔但見到有種好特別的汁醬混在其中，於是試了旁邊的菜，感覺也不差，喜歡食黃鱔的朋友們要來試下~點了個通菜，也很大碟，不過就是一般，看照片就會明白....最後，這店是飲茶的，普湒不錯，再聽朋友說原本最早時段是很忙很多人的，幸運的是我們晚去可以慢慢食

光顧這家食店已經好多年了, 無論堂食抑或外賣, 都吃過好多次了, 今次都係第一次寫食評這晚, 我們一如以往來吃晚餐, 喜歡這裡有茶飲, 每張枱都有壺茶(普洱茶), 有茶杯, 可以自斟自飲, 又唔收茶錢我們點了一碗魚旦火腿清湯米線, 另一碗魚旦火腿酸辣米線, 同埋一碟菜芯, 食物都係好快就送到2碗米線都算大碗, 都足料, 除了魚旦, 火腿外, 配菜仲有腐皮, 韮菜, 蔥花; 魚旦雖然唔係出名, 但都有dd彈牙, 味道都ok; 腐皮好吃過譚仔, 軟滑有豆香; 火腿, 韮菜就正正常常; 清湯底, 清得來有肉味, 似真材實料淆的; 酸辣湯底, 有肉碎, 酸菜, 酸辣味道適中, 唔會太辣, 又有肉香, 但2款湯底都好鹹, 好夠味; 米線煮得岩岩好, 軟硬適中; 菜芯, 就普普通通; 講真這裡好吃過譚仔, 起碼係自家製, 無分店, 水準keep得住, 價錢又相宜只是, 有個阿姐態度就認真麻麻, 其他阿姐都ok

店名：雲南風味過橋小鍋米綫地址：深水埗營盤街134號元安大廈地下好味指數：7.4／10價錢：$33炸醬酸辣腩肉米線米線份量大大碗，炸醬份量夠多，味道不錯，酸辣味道恰宜，腩肉亦嫩滑，整體不錯。雖然食物質素挺好，但店內阿姐態度非常惡劣，禮貌地叫他們加水，換來的是鄙視眼光和“塞“一聲，真是對這店大打折扣。

每多個餸加三蚊，酸辣當一味餸。超大碗。我走蔥走肉碎，少米，米淋。肉醬食得出係用豆瓣醬炒，好香，濃，唔辣，就咁食會好咸，但夾埋米線，雞肉/魚蛋食就好好味！雞肉無譚仔咁嫩，但都無譚仔咁碎。有咬口，入味，各有各好啦！我好中意。超大塊超好咬，撞手神嗰日煮得又嫩又淋仲正！湯底本身有肉碎，但我嫌鞋口，所以走埋肉碎。除左肉碎，仲有好多酸菜，少少紅椒，但吳辣。湯好飲，我會飲好多，但都幾咸。米線係浸過先煮，扣分。但湯底好飲，米線都入味，所以整體算很好。我討厭譚仔嘅酸辣，又假又淡口。所以平時食小辣。同譚仔比，呢度米線吳辣，湯底好rich好厚，所以我可以不停食，食好快，爽yy。宜家食呢間都仲密過食譚仔的說。

雖然呢度既湯頭真係幾重口味,但起馬叫做飲到肉香,比較好多以香料味為主既更可口.所以再黎食多次.特別係那堆肉醬,真係好咸好惹味...天氣凍左食,夠哂暖!另外今次叫左塊豬扒,佢講到好似好正,實質食落水準一般,雖然都叫幾鬆化,但係調味單調而且比較淡,再者都幾油膩,實在可以不試不過呢度既衛生程度比較低,因為見到有少少小動物在牆行

平時食午飯 時間一定要等位,今日經過無人等, 可能系過左人多時候(1:45pm). 下次呢段時間來就唔使等位. 坐位比較迫, 每張桌子都放了一壺普洱茶, 而且普洱茶d茶質都唔錯. 而且唔收茶錢. 上次食過汽鍋雞及炸豬扒. 味道好好. 今次再食番炸豬扒, 味道都保持到水準, 肉質夠淋及夠厚,外脆內淋. ,又有肉味,名符其實的扺食夾大件, 雖然最近樣樣都貴, 但佢都俾足料你 黃鱔小鍋米線, 上次(一年前食過)有好多黃鱔, 唔知系米d野貴大左, 好少黃鱔, 好多豬皮, 不過黃鱔好入味, 而且有好香的牛腩湯底 酸辣豬潤腩肉米線, 潤腩太薄,腩肉太肥, 但都好多酸菜和肉碎.叫左佢唔好太辣就得酸味. 下次記得唔好叫小辣