雞駅花膠雞米線專門店

營業中

休息中

今日放工同同事去咗觀塘駱駝漆搵食，呢間雞駅花膠雞米線專門店一直都好想試，星期五晚都幾多人，大概等咗15分鐘就入得去。我哋嗌咗姬松茸竹笙花膠雞米線、椰子雞米線同金磚豆腐。花膠雞湯個湯底好濃郁，雖然難免有少少雞油，但係都冇減低我想飲埋d湯嘅慾望！姬松茸、蟲草花同竹笙吸收晒雞湯嘅精華，花膠煮到好腍好易咬，雞肉亦都十分嫩滑。另外椰子雞湯飲得出係用咗椰奶，而唔係用清甜嘅椰青或者椰皇，所以飲落去口感好順滑，同雞肉都好夾，招牌雞湯米線仲可以加$10轉雞髀。我哋嗌咗一碟金磚豆腐做小食，炸豆腐外脆內滑，外層鋪滿椒鹽粉，炸得甘香酥脆，入面嘅豆腐仲保持到好嫩滑，推介大家嚟呢度要試呢一款小食！📍觀塘開源道60號駱駝漆大廈第三座1樓I室位置就腳：🍊🍊🍊🍊 餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

觀塘嘅駱駝漆工廈成日都會有啲隱世美食，今日嚟咗呢間出名花膠雞嘅餐廳，應該係非繁忙時段，不過都幾好生意，相信口碑唔錯，花膠雞煲翅配飯 - $98真心非常足料，份量比想像中多，花膠好厚身好有咬口，翅亦好豪氣，俾咗好大梳，雞大件少骨，啖啖肉，而且肉質嫰滑，花膠雞煲翅湯底味道濃郁，有膠質，不會過鹹，果然是招牌產品。椒鹽粟米 - $38很香口，粟米好甜好多汁，而且咁樣一件件食好方便，麻藥蛋 - $28滑溜的溏心蛋，蛋黃香味濃郁，口感軟滑，悍匪雞翼 - $42外脆內嫰，有肉汁，惹味不會太鹹，出色！跟餐加杯熱檸檬水只需$4，抵，食得出餐廳師傅用心烹調，性價比高，可以做飯堂。

🍗招牌花膠雞米線💰$68🥥椰子雞米線💰$60🥚麻藥蛋💰$28.⚡️駱駝漆出名多平靚正餐廳，偶然路經此地就試下雞駅，試下佢哋嘅養生花膠雞米線，見menu有lunch set，以為會附送飲品/小食，點知乜都冇，咁點解話係set，小女子表示：？？？.⚡️🍗招牌花膠雞米線加錢要咗雞髀，肉質滑嫩，但略嫌米線唔夠滑身，花膠薄而細，湯底清甜冇味精味；🥥椰子雞米線不過不失，兩者勝在份量大，但試過就算，未必會encore.⚡️🥚麻藥蛋聽落個名幾得意，其實就係溏心蛋，再灑上芝麻+醬料，就是這樣

呢間米線店好細，座位都唔多，但滿哂人客，我同媽媽叫左個招牌花膠雞米線加幾款小食share一齊食碗米線好足料～3大舊花膠，6-7件雞，仲有啲木耳，個湯好白，好清甜好濃味，好好飲🤤唯獨係啲米線比一般米線店少，可能天氣凍大食左🤫金磚豆腐應該就即叫即炸，黎到既時候都熱辣辣個皮好薄，外脆內軟，超中意超好食😍芝士年糕落左啲練奶係面又幾夾喎平時出面食都無食過配練奶🫣蟹肉忌廉薯餅就正常野，同出面食既差唔多

這次二人來食Early Dinner，大概17:45到，餐廳喺一樓，所以電梯好多人等都唔緊要，可以行樓梯上。因為早來到，所以空位較多，朋友話中午來食的話就會大排長龍。麻藥蛋麻油味好香，蛋黃部份比較熟，但都做到溏心效果。麻藥雞拌飯本來係想要麻藥雞拌麵但已沽清，配飯嘅效果就比較乾少少，醬油汁唔多，朋友係懶人，雞件有骨，佢話食得冇咁痛快。但係啲雞都係啖啖肉，而且肉質嫩滑。金磚豆腐上枱時熱辣辣，炸皮好薄，好食。

黎過觀塘駱駝漆大廈都知呢到有好多餐廳，見到有間食米線，配料和湯底相當養生，又可以吃米線又可以健康又滋潤，聽落好似幾好。雞駅花膠雞米線專門店只開星期一至六11:30-21:00，星期日及公眾假期是不營業。招牌花膠雞米線 $68配料有雪耳和蟲草花。湯底飲落清甜，約有3塊花膠，花膠煮得夠腍，煙韌有膠質。另加＄10轉雞髀，雞髀好滑嫩可口。米線不會煮得很淋，軟硬度適中。椰子雞米線 $60配料有雪耳、蟲草花和椰子，湯底是濃濃的椰子味，非常清甜。雞件的份量算多，即使沒有轉雞髀肉質也不會很韌。燒豚肉配生菜（韓國辣椒醬） $58豚肉燒得香口，將豚肉沾上韓國辣椒醬，再用生菜包住一起吃，很惹味。餐牌如下。

其實大至上都ok,但個湯唔夠熱，凍o茶好難飲，個飯太小，呢啲都係小事，最大嘅問題係個四眼妹十分無禮貌，唔憂做咁，唔好再問啲人點解上哂大陸食嘢，起碼唔洗乞食咁，幾好食都無用，湯唔夠熱已經係好大問題，希望個四眼妹自己睇到，改善下自己嘅態度

🔸花膠雞煲翅 $98🔸麻藥蛋 $28-見呢幾日天氣開始凍凍地，就想食返啲湯麵暖吓胃啦！收工嚟咗呢間喺駱駝漆嘅雞駅，係出名專食花膠雞米線嘅。最新出咗花膠雞煲翅，就梗係要試吓😆 上枱熱辣辣，賣相吸引，仲飄出好香嘅雞湯味。摷吓碗米線嘅材料都好豐富唔馬虎，而且雞件嫩滑，雞湯底非常鮮甜，我仲飲晒成碗湯添，成個人都暖晒。再叫咗一份麻藥蛋小食，係韓式嘅整法，超香嘅麻油味，加埋烚到半熟嘅流心雞蛋，超好味，蛋控必食。

＊呢一站觀塘＊😋招牌花膠雞米線 $68＊雞湯夠濃郁，飲得出無味精＊花膠質量中上，份量算多，有三四大塊＊雞件嘅份量亦都多，大概五件左右，而口感上肉質嫰滑，味道有雞味😋椰子雞米粉 $68＊超香椰子味，湯底濃郁，仲要有幾件椰子條＊米粉好入味，一啖湯連米粉，好快食哂同飲哂啲湯😋燒豚肉配生菜 (韓國辣椒醬)$58＊初時上枱時見到豚肉燒以為會好乾，但食落唔會，肥瘦均勻，一啖有齊哂脂肪嘅油脂和香口嘅瘦肉，配上生菜及醬汁，非常好食📌用QR code落單非常方便📌雖然係工廠區，但人量絕對唔少，由我入去食開始，成哂店都係full house

餐廳主打雞米線，有多款配搭提供，仲有唔少特色小食添～▪️招牌花膠雞米線🐔🍜除咗花膠同雞，仲有雪耳、蟲草花，湯底飲落清甜。花膠煮得夠腍，好易咬開，但又唔會爛晒。雞件大大件，肉質嫩滑▪️胡椒豬肚雞米線🐷🐔🍜湯底胡椒味突出，夠晒暖胃。有唔少豬肚，食落唔韌，同埋幾入味▪️金磚豆腐即叫即炸，上枱時熱辣辣。用上嫩豆腐，而且炸皮夠薄，炸得外香脆內嫩滑▪️燒豚肉🐷配生菜🥬 (韓國辣椒醬)豚肉燒得好香口，沾啲韓國辣椒醬，再用生菜包住，幾惹味▪️凍檸檬薏米水🍋有唔少薏米，增加口感。飲落酸酸哋，幾refreshing雞駅花膠雞米線專門店📍觀塘開源道60號駱駝漆大廈第三座1樓I室

🐔駱駝漆健康之選🍃-要喺觀塘搵嘢食 都係返嚟駱駝漆啦😉 上次見有friend食過唔錯 嚟開呢邊買嘢就試下佢🤤 味道都唔錯喎 性價比OK🫡-🍜招牌花膠雞米線 $68招牌米線有好多唔同選擇 而招牌中招牌嘅就係花膠雞😍 份量都唔錯 有三片花膠 雞肉大概一隻雞髀咁多👍🏻 雞肉滑身 湯底味道幾好 飲完都唔會口渴😉-🍚麻藥雞拌飯 $68期間限定嘅麻藥雞系列🙌🏻 唔知大家有冇食過麻藥蛋呢 簡直係令人上癮嘅白飯小偷🤫 醬汁惹味拌飯一流 飯桶要試呀😌-🥢金磚豆腐 $42豆腐幾有驚喜 有茶樓嘅水準😲 用嘅係滑豆腐而且炸到非常香脆 推薦大家試下😗-🍤明太子釀雞翼 (1隻) $20明太子餡嘅鹹香味同雞翼好夾 同樣都係炸到脆卜卜😳-📍雞駅花膠雞米線專門店觀塘開源道60號駱駝漆大廈第三座1樓I室-

*:.｡. .｡.:* 雞駅花膠雞米線專門店-觀塘*:.｡. .｡.:* 雞～全部都係雞～🐓🍗✨花膠雞煲翅配飯✨濃濃的雞湯底 雞味濃郁，花膠同翅嘅份量非常十足，花膠起碼有3-4片，翅都有兩大塊兩樣都好爽口彈牙，最估唔到係佢會比雞腿肉，肉質嫩滑，性價比非常高✨姫松茸竹笙花膠雞配上海面✨米之翹將米線轉左做上海面，估唔到呢款上海面能夠吸收晒湯底味，超好食👍🏻👍🏻加入姬松茸、蟲草花、雲耳、花膠做配料，口感爽口有質感，雞肉嫩滑，啖啖都有肉。明顯值得推介！

想試好耐，差唔多夜晚八點黎到，都爆晒場 叫左招牌花膠雞米粉～ 米線分量唔多，女仔食得晒，但我懷疑男士未必夠🤔 湯底飲落無驚喜，但食完都唔口渴既，過關；雞件就少黑，睇落都唔嫩，食落少鞋🙈 花膠還好啦，但唔會用大大塊去形容～ 總體而言，不過不失，但唔值得專登黎潮聖。 可能個炸豆腐好啲既，見好多枱都有叫。如果有下次，可能會試下～

再訪好食雞米，除咗份量可以大份啲之外，味道湯底都出色的！・・・・・・・・・・・・・・・・・・・・🍗 沙薑雞濃湯米線 HK$52・味道：沙薑醬好濃，唔會過鹹，調味適中。以為個米線湯底好普通，點知係濃郁雞湯，好食！・口感：雞件依舊滑嫩出色，猶如妹豬嘅彈潤肌，本波好喜XD🥥 椰子雞米線 HK$60 ・味道：推介咗波妹食，波妹大喜！就係食開嘅濃郁椰子雞湯加米線！・口感：同上，懶得打，嘻 ξ( ✿＞◡❛)▫️ 金磚豆腐 HK$42・味道：普通炸皮嫩豆腐，邊間食都係咁嘅味，普通啦😂・口感：外脆內嫩desu🐤 泰泰雞翼 (甜辣) HK$42・味道：本波同波妹FF係咩泰式雞翼，點知係加甜辣醬only有點少失望。不過雞翼炸得好炸好香口～類似脆香雞翼咁嘅味。・口感：外皮超脆內裡係會滴雞汁的嫩～🍑 白桃烏龍冷泡茶 HK$18・味道：本波同波妹繼續FF too much以為HK$18加桶裝size會特別啲，點知係茶包，but味道都OK嘅，有白桃香嘅茶。・口感：順口唔澀。・・・・・・・・・・・・・・・・・・・・🤰性價比：高～🤰9衝度：9衝～🤰結論：觀塘第二雞米，第一係二撇雞XD・・・・・・・・・・・・・・・・・・

🇭🇰雞駅花膠雞 觀塘駱駝漆米線舖頭招牌雞湯熬製既補身湯底除左米線仲可以轉米粉或其他麵另外仲有辣味濃味或者撈米線既選擇酸菜魚 口水雞都好吸引🐓姬松茸竹笙花膠雞米線(💰$78+$10轉雞脾🍗)姬松茸 竹笙 雲耳 花膠做配料 非常養生花膠一片片上 軟腍易咬湯底味道好飲 偏清唔油膩 雞脾肥美嫩滑大大件 米線質地煮得偏腍身 都唔錯🥥椰子雞米線(💰$60+$10轉雞脾🍗)奶白色既湯底 今次已經係第二次再黎食椰子雞雞味同椰子味岩岩好🥥🐓雞脾連骨上🍗肥美嫩滑大大件椰子雞湯底味道偏重甜一點 兩款都幾好飲