雞駅花膠雞米線專門店

營業中

休息中

朋友已經試過呢間，想encore～ 咁啱我又未食過，就一於嚟試下！我叫咗佢哋嘅招牌花膠雞米線～ 仲有一份泰泰雞翼同朋友一齊share！花膠雞米線果然係招牌菜，足料、湯底濃郁，食完成個身暖晒～ 而泰泰雞翼係甜辣嘅，好香口開胃！讚👍🏻

放假同朋友去觀塘工廈做手工，玩完就去駱駝漆搵食😋，我地本身都鍾意食米線，又見到呢間雞米線鋪頭滿曬人，於是決定試試佢！.餐廳唔算大，但乾淨企理，食物都大份夾抵食，CP值高，鍾意食米線嘅朋友可以一試～.💎$42 香草牛油雞翼雞翼炸到金黃香脆，入面保持到香嫩有汁，食落好香口，配埋香草牛油醬，非常惹味！.💎$42 金磚豆腐每枱幾乎都有叫，推薦！份量好足，食落熱辣辣，炸粉好薄，口感外脆內滑，鹹度啱啱好，食到停唔到～.💎$68 藥膳黃酒花膠雞米線湯底藥材味好足，飲落好香濃鮮甜，好養生～料好足，有大大件花膠同雞塊，雞肉新鮮嫩滑，花膠爽彈入味👍🏻.💎$60 胡椒豬肚雞米線上枱已經聞到好濃胡椒味，感覺個湯非常滋補，一次過食到豬肚同雞～豬肚好爽嫩，雞件軟嫩，配埋濃郁又鮮甜嘅湯底，好味！

小妹喺觀塘附近返工，成日見駱駝漆呢間米線好多人排隊，今日專登去試一試。我點咗佢嘅招牌花膠雞米線：雞湯底有一定的濃郁度，都算係好飲，唔係嗰種味精味道，飲完都唔覺得口渴。雞件方面，雞肉肉質稍嫌不夠滑嫩。米線方面，佢唔似譚x米線嘅爽口，但又唔係好腍身，口感方面就真係見仁見智了。整體黎講，呢碗米線都算不錯，如果對花膠和雞湯的味道感興趣，都不妨一試！不過，個人認為又未係好食到值得排半個鐘隊幫襯，但都有興趣去試下其他湯底米線嘅如果唔想排隊，建議中午12點就好出現啦~

我同女友每逢星期六就會去駱駝漆大廈按摩，按摩之後我哋都會發掘下駱駝漆大廈嘅美食，今次試左同一樓層嘅雞駅花膠雞米線專門店。餐廳裝修無咩特別，座位唔算太多。不過食物質素最緊要，米線同小食款式都幾多。- 招牌雞米線米線唔會煮到好稔，口感有少少煙靭。湯底味道甜甜地，加咗花膠之後湯底質感變得稠身，花膠本身都幾好味。雞件真係冇得彈，全部肉質嫩滑，而且啖啖肉👍🏻- 期間限定餐廳定期會推出期間限定菜式，今次係胡麻醬雞件撈米線。雞件一樣好多件同埋肉質嫩滑，另外仲有非常性感嘅糖心蛋。每一啖麵都俾胡麻醬包住，味道非常濃郁。- 金磚豆腐豆腐外脆內嫩，每一粒都炸到金黃色而且四四方方，而且加咗芝麻令味道更香。- 椒鹽粟米粟米一分為四，上面灑上蒜粒，同甜脆既粟米味道好夾，不過略嫌味道太鹹。個人認為淨係食雞已經值回票價，其他小食都唔錯，性價比非常高，下星期按摩完再食過！

好鐘意食米線，觀塘工廈原來好多嘢食，仲有好補好滋潤嘅花膠雞/ 椰子雞米線椰子雞米線$60花膠雞/ 椰子雞米線同樣好食，不過想要椰子雞多陣椰子湯味，更清甜，米線夠腍我鐘意，雞肉都好滑口水雞擔擔麵$52先生好鐘意食擔擔麵，湯底有花生醬味幾濃郁，口水雞一樣好滑，就係多咗辣味，都好啱食悍匪雞翼$42即胡椒孜然味，炸到勁香口，好邪惡，味道都好濃金磚豆腐$42除咗雞米線係必食，呢個都係必食！估唔到小店炸豆腐同樣出色，炸粉夠薄，炸得香脆 ，入面豆腐超滑，出面加咗調味粉，好好食👍🏻

今日放工同同事去咗觀塘駱駝漆搵食，呢間雞駅花膠雞米線專門店一直都好想試，星期五晚都幾多人，大概等咗15分鐘就入得去。我哋嗌咗姬松茸竹笙花膠雞米線、椰子雞米線同金磚豆腐。花膠雞湯個湯底好濃郁，雖然難免有少少雞油，但係都冇減低我想飲埋d湯嘅慾望！姬松茸、蟲草花同竹笙吸收晒雞湯嘅精華，花膠煮到好腍好易咬，雞肉亦都十分嫩滑。另外椰子雞湯飲得出係用咗椰奶，而唔係用清甜嘅椰青或者椰皇，所以飲落去口感好順滑，同雞肉都好夾，招牌雞湯米線仲可以加$10轉雞髀。我哋嗌咗一碟金磚豆腐做小食，炸豆腐外脆內滑，外層鋪滿椒鹽粉，炸得甘香酥脆，入面嘅豆腐仲保持到好嫩滑，推介大家嚟呢度要試呢一款小食！📍觀塘開源道60號駱駝漆大廈第三座1樓I室位置就腳：🍊🍊🍊🍊 餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

觀塘嘅駱駝漆工廈成日都會有啲隱世美食，今日嚟咗呢間出名花膠雞嘅餐廳，應該係非繁忙時段，不過都幾好生意，相信口碑唔錯，花膠雞煲翅配飯 - $98真心非常足料，份量比想像中多，花膠好厚身好有咬口，翅亦好豪氣，俾咗好大梳，雞大件少骨，啖啖肉，而且肉質嫰滑，花膠雞煲翅湯底味道濃郁，有膠質，不會過鹹，果然是招牌產品。椒鹽粟米 - $38很香口，粟米好甜好多汁，而且咁樣一件件食好方便，麻藥蛋 - $28滑溜的溏心蛋，蛋黃香味濃郁，口感軟滑，悍匪雞翼 - $42外脆內嫰，有肉汁，惹味不會太鹹，出色！跟餐加杯熱檸檬水只需$4，抵，食得出餐廳師傅用心烹調，性價比高，可以做飯堂。

🍗招牌花膠雞米線💰$68🥥椰子雞米線💰$60🥚麻藥蛋💰$28.⚡️駱駝漆出名多平靚正餐廳，偶然路經此地就試下雞駅，試下佢哋嘅養生花膠雞米線，見menu有lunch set，以為會附送飲品/小食，點知乜都冇，咁點解話係set，小女子表示：？？？.⚡️🍗招牌花膠雞米線加錢要咗雞髀，肉質滑嫩，但略嫌米線唔夠滑身，花膠薄而細，湯底清甜冇味精味；🥥椰子雞米線不過不失，兩者勝在份量大，但試過就算，未必會encore.⚡️🥚麻藥蛋聽落個名幾得意，其實就係溏心蛋，再灑上芝麻+醬料，就是這樣

呢間米線店好細，座位都唔多，但滿哂人客，我同媽媽叫左個招牌花膠雞米線加幾款小食share一齊食碗米線好足料～3大舊花膠，6-7件雞，仲有啲木耳，個湯好白，好清甜好濃味，好好飲🤤唯獨係啲米線比一般米線店少，可能天氣凍大食左🤫金磚豆腐應該就即叫即炸，黎到既時候都熱辣辣個皮好薄，外脆內軟，超中意超好食😍芝士年糕落左啲練奶係面又幾夾喎平時出面食都無食過配練奶🫣蟹肉忌廉薯餅就正常野，同出面食既差唔多

這次二人來食Early Dinner，大概17:45到，餐廳喺一樓，所以電梯好多人等都唔緊要，可以行樓梯上。因為早來到，所以空位較多，朋友話中午來食的話就會大排長龍。麻藥蛋麻油味好香，蛋黃部份比較熟，但都做到溏心效果。麻藥雞拌飯本來係想要麻藥雞拌麵但已沽清，配飯嘅效果就比較乾少少，醬油汁唔多，朋友係懶人，雞件有骨，佢話食得冇咁痛快。但係啲雞都係啖啖肉，而且肉質嫩滑。金磚豆腐上枱時熱辣辣，炸皮好薄，好食。

黎過觀塘駱駝漆大廈都知呢到有好多餐廳，見到有間食米線，配料和湯底相當養生，又可以吃米線又可以健康又滋潤，聽落好似幾好。雞駅花膠雞米線專門店只開星期一至六11:30-21:00，星期日及公眾假期是不營業。招牌花膠雞米線 $68配料有雪耳和蟲草花。湯底飲落清甜，約有3塊花膠，花膠煮得夠腍，煙韌有膠質。另加＄10轉雞髀，雞髀好滑嫩可口。米線不會煮得很淋，軟硬度適中。椰子雞米線 $60配料有雪耳、蟲草花和椰子，湯底是濃濃的椰子味，非常清甜。雞件的份量算多，即使沒有轉雞髀肉質也不會很韌。燒豚肉配生菜（韓國辣椒醬） $58豚肉燒得香口，將豚肉沾上韓國辣椒醬，再用生菜包住一起吃，很惹味。餐牌如下。

其實大至上都ok,但個湯唔夠熱，凍o茶好難飲，個飯太小，呢啲都係小事，最大嘅問題係個四眼妹十分無禮貌，唔憂做咁，唔好再問啲人點解上哂大陸食嘢，起碼唔洗乞食咁，幾好食都無用，湯唔夠熱已經係好大問題，希望個四眼妹自己睇到，改善下自己嘅態度

🔸花膠雞煲翅 $98🔸麻藥蛋 $28-見呢幾日天氣開始凍凍地，就想食返啲湯麵暖吓胃啦！收工嚟咗呢間喺駱駝漆嘅雞駅，係出名專食花膠雞米線嘅。最新出咗花膠雞煲翅，就梗係要試吓😆 上枱熱辣辣，賣相吸引，仲飄出好香嘅雞湯味。摷吓碗米線嘅材料都好豐富唔馬虎，而且雞件嫩滑，雞湯底非常鮮甜，我仲飲晒成碗湯添，成個人都暖晒。再叫咗一份麻藥蛋小食，係韓式嘅整法，超香嘅麻油味，加埋烚到半熟嘅流心雞蛋，超好味，蛋控必食。

＊呢一站觀塘＊😋招牌花膠雞米線 $68＊雞湯夠濃郁，飲得出無味精＊花膠質量中上，份量算多，有三四大塊＊雞件嘅份量亦都多，大概五件左右，而口感上肉質嫰滑，味道有雞味😋椰子雞米粉 $68＊超香椰子味，湯底濃郁，仲要有幾件椰子條＊米粉好入味，一啖湯連米粉，好快食哂同飲哂啲湯😋燒豚肉配生菜 (韓國辣椒醬)$58＊初時上枱時見到豚肉燒以為會好乾，但食落唔會，肥瘦均勻，一啖有齊哂脂肪嘅油脂和香口嘅瘦肉，配上生菜及醬汁，非常好食📌用QR code落單非常方便📌雖然係工廠區，但人量絕對唔少，由我入去食開始，成哂店都係full house

餐廳主打雞米線，有多款配搭提供，仲有唔少特色小食添～▪️招牌花膠雞米線🐔🍜除咗花膠同雞，仲有雪耳、蟲草花，湯底飲落清甜。花膠煮得夠腍，好易咬開，但又唔會爛晒。雞件大大件，肉質嫩滑▪️胡椒豬肚雞米線🐷🐔🍜湯底胡椒味突出，夠晒暖胃。有唔少豬肚，食落唔韌，同埋幾入味▪️金磚豆腐即叫即炸，上枱時熱辣辣。用上嫩豆腐，而且炸皮夠薄，炸得外香脆內嫩滑▪️燒豚肉🐷配生菜🥬 (韓國辣椒醬)豚肉燒得好香口，沾啲韓國辣椒醬，再用生菜包住，幾惹味▪️凍檸檬薏米水🍋有唔少薏米，增加口感。飲落酸酸哋，幾refreshing雞駅花膠雞米線專門店📍觀塘開源道60號駱駝漆大廈第三座1樓I室