雞駅花膠雞米線專門店

✨觀塘駱駝漆一向美食多「雞駅」是其中一間，兩點幾嚟到都要排長入座，這裏的花膠滑雞米線非常出名。***** ***** ***** ***** *****招牌花膠湯米線🍜必試招牌米線，湯底超甜濃香，雞肉豐富啖啖肉，花膠大大嚿。姬松茸竹笙花膠湯米線🍜湯底一樣濃香，姬松茸竹笙新鮮好味，雞嘅份量都係較多。蜜糖雞翼🐔蜜糖雞翼外脆內軟，好味到一隻接一隻。總括來說，店內坐滿人流，大家都似乎很滿意，餐牌還有雞飯提供選擇。…查看更多

花膠雞燙翅配飯$116嚟講份量都算十分合理！個湯底超級濃郁，花膠都煮得夠淋，翅都好足料，撈飯食幾正🥰雞又夠哂滑🥰天氣轉涼係滋潤之選😍跟住係香草雞翼，$42有4隻，外皮煎得香脆，咬落去有淡淡香草同牛油味，幾入味，唔會太油膩，係幾好嘅小食選擇。❤️❤️金磚豆腐🫶🏻外脆內軟，炸粉唔會太厚，點埋甜辣醬幾好食，份量都算多！杯白桃烏龍冷泡茶味道清新，桃味幾出，解膩一流，夏天飲真係唔錯。仲要幾大杯下，兩個人飲都得😆整體嚟講，呢間舖頭食物質素中上，環境都乾淨企理，服務有禮👌。價錢平，2個人食二百蚊左右。如果想同朋友靜靜哋食個飯傾吓計，呢度都係個唔錯嘅選擇，我會再返轉頭試吓其他菜式！哈哈！👏🏻👏🏻…查看更多

一間專攻濃郁雞湯米線嘅小店，位於駱駝漆大廈，環境簡單舒適，適合快餐或午飯。招牌花膠雞米線$68起，湯底用三黃雞、豬筒骨同鯊魚軟骨慢熬，奶白濃滑，入口鮮甜帶雞油香，花膠軟糯彈牙，配嫩滑雞肉同米線，啖啖滋補，超抵食！花膠雞煲翅拌飯$78左右，煲仔飯熱辣辣上枱，雞湯濃郁滲入飯粒，配花膠同雞翅，肉質鬆軟，拌勻食落去暖胃又滿足，適合想食飯嘅朋友。蜜糖雞翼$38/份，作為小食或加點，雞翼外脆內嫩，蜜糖汁甜鹹適中，香氣撲鼻，簡單但過癮，完美配湯麵解饞。…查看更多

見網上咁多人讚，去試下，小店感覺都ok 但食物品質好一般，我加左錢要雞髀，我朋友無加，全雞胸仲要勁大舊。一啲都唔滑，優點係食完都唔口渴。不過最過分係職員，我朋友仲未食完，隻手仲拎住個匙羹準備飲湯，個職員竟然行埋嚟話係咪食完啦！！！！我地真係呆左！！！認真，其實你哋係可以限時！但咁既態度！…查看更多

呢間米線喺觀塘好出名，位於駱駝漆大廈，食過幾次，都真係覺得好好味，一定要加$10雞髀，包你食過返尋味💯今次試吓新嘢，叫咗麻辣豬頸肉米線，估唔到都真係咁好味，豬頸肉燒得卜卜脆，麻辣湯雖然冇得揀辣度，但係一般人都接受到，好味到成個湯都飲晒！另外仲試咗新嘢花甲粉，超級足料好多花甲，每粒花甲都好大粒！胡椒湯好暖胃，粉絲索曬湯勁正！以下是圖中菜式及參考價錢💵・　椰子雞米線（米線，轉雞髀） ($70)・　燒豬頸肉米線（米線，轉麻辣湯） ($56)・　麻藥蛋 ($28)・　胡椒花甲粉（粉絲） ($58)…查看更多

【🐔雞駅花膠雞米線專門店 (駱駝漆大廈)｜🍜淮山雞麵食極都唔厭】.呢間雞米線店係我近期熱愛，佢哋係觀塘有幾間分店，今次去到駱駝漆分店，因為係一樓，行一層樓梯就到達，免卻咗等電梯嘅時間。.🌟肥牛胡椒湯米線有木耳豆腐皮等配菜，胡椒味香又不會太刺鼻，肥牛牛味香，驚喜位係牛脂部分唔算多，食得輕鬆！.🌟沙薑雞濃湯淮山麵沙薑雞用碟另上，有粒粒青瓜伴碟，方便與朋友開心「些牙」，雞仍然滑溜，沙薑汁令雞更惹味。淮山麵是我最愛，麵質爽口彈牙又有益！.🌟金磚豆腐想食炸物又想健康，炸豆腐就合晒我心意，皮炸得金黄，完全無改錯名，豆腐係極之軟滑，不經不覺食晒成碟。.🐔雞駅花膠雞米線專門店 (駱駝漆大廈)📍觀塘開源道60號駱駝漆大廈第三座1樓I室（建議避開等𨋢人潮，行樓梯上）🚇觀塘站B出口.…查看更多

一來到就見到長長嘅人龍，果然名不虛傳🧑‍🤝‍🧑👀胡椒花甲粉湯底食落香濃 🌶️🦪 花甲新鮮啖啖肉彈牙，粉絲吸晒湯底嘅精華，味道豐富又爽口 🍲🍜 湯底胡椒香味微微刺激，幾惹味 🔥👌藥膳黃酒花膠雞湯淮山麵香氣濃郁 🍶🐓 麵條滑溜吸滿濃郁湯汁，每啖都暖笠笠又滋補養生 💪🥢胡椒孜然雞翼炸至金黃香脆 🍗✨ 外皮酥脆孜然同胡椒香氣均勻，配大量白芝麻口感層次豐富 🤤🌰手拍青瓜清爽又夠開胃 🥒❄️ 食落解膩，夾炸物或咸味夠balance 😋💥#觀塘#觀塘美食#雞駅#花膠雞湯米線#hkig#hkfoodie…查看更多

🍜 椰子雞米線：椰香好濃 🥥，雞湯清爽唔油膩，飲落舒服 😌，雞肉又滑又嫩 🐔，啱晒唔想食得太重口味嘅日子。配杯少甜凍檸茶 🍋🧊，清新解膩！🌶️ 口水雞擔擔麵：用咗上海麵，煙韌掛汁 🍝，花生醬香濃又惹味 🥜，辣得啱啱好，配凍檸檬梳打 🍋🥤又解渴又夠氣！🧈 金磚豆腐：炸得香脆卜卜，仲有少少椒鹽味 🧂，食落好有層次。🪑 店舖雖然唔大，但灰黑色重工業風格簡潔有型 🖤，坐低食個快餐都幾舒服，係返工放lunch或者放工想食啲簡單嘢嘅好選擇 👍。…查看更多

呢間米線店既米線質感出色🤣 彈牙有嚼勁，同普通米線唔同，唔怪之咁多人排隊✅ 招牌花膠雞米線：湯底濃郁鮮甜，真材實料。個雞都好嫩滑，油脂分布均勻，花膠份量多；建議加$10轉雞髀肉✅ 蜜糖雞翼芝士竹崙米線：鹹甜交織，雞翼表面炸過脆卜卜，芝士竹崙都好大舊✅ 麻藥蛋：香麻油味十足，溏心效果十足，必點小食！飲品方面，檸檬薏米水都推！口感清新解膩，酸甜平衡，與濃味米線簡直是絕配。記得早啲嚟拎位，但出餐好快，所以唔使等好耐都得…查看更多

#fatchubelly觀塘📍雞駅花膠雞米線專門店 (觀塘)💥椰汁雞湯米線湯底好香椰汁味飲落好清甜 必叫呢個湯底雞肉份量都唔少雞肉好滑溜 一啲都唔鞋雞皮亦好爽彈米線質感好正 軟硬度岩岩好😍💥酸菜魚米線湯底唔會好油酸酸辣辣 好惹味每片魚片都好厚 仲有好多唔同嘅配料 整體非常豐富 可以試下～💥芝士年糕岩岩炸起 熱辣辣❤️一咬芝士就爆晒出黎🤣💥麻藥蛋係浸左喺醬汁入邊嘅半熟蛋味道鹹鹹甜甜配搭米線一絕雞駅花膠雞米線專門店 (觀塘)觀塘駿業里10號業運工業大廈1樓A室…查看更多

久唔久就醒起要食碗花膠雞米線，今次放工近近地去咗觀塘工業區「雞駅」搵食，果然無令人失望！幸好早到一步，晚市一到真係會瞬間爆滿。今次重點試咗佢哋嘅滋補系列，首推藥膳黃酒花膠雞米線，一上桌已經聞到好香嘅黃酒同藥材香氣。湯底金黃醇厚，飲落好順喉，帶有淡淡回甘，絕對真材實料。花膠大大件，煮得腍滑又彈牙，充滿骨膠原嘅口感；雞肉亦非常嫩滑，吸盡湯汁精華，每一啖都係享受。成碗食完成個人暖笠笠，好滿足！另一碗招牌花膠雞米線同樣出色，相比藥膳湯底更清甜，更能突出雞湯同花膠嘅原汁原味，唔鍾意藥材味嘅朋友可以揀呢款。小食方面，黑松露醬薯條絕對係驚喜之作！薯條即叫即炸，熱辣辣兼極之香脆，粗身有口感。重點係個黑松露醬，真係落足料，松露香氣極之濃郁，每一條薯條蘸滿醬汁，滋味無窮，邪惡但停唔到口。整體而言，雞駅食物質素高，用料十足，難怪成為區內人氣長龍店，絕對會encore！…查看更多

雞駅位於觀塘駱駝漆工廈，是一間性價比極高的餐廳，主打雞湯配搭的創意湯粉麵，環境簡潔舒適，出品有驚喜🫶🏻小食方面：蟹肉忌廉薯餅，外層煎得金黃酥脆，內裡薯蓉綿密，蟹肉鮮甜，配上忌廉醬汁香滑濃郁，口感層次豐富🤟🏻主食：❤️胡椒豬肚湯雞米線，湯底香濃帶微辣，胡椒味突出但不嗆喉，豬肚爽口無腥，雞肉嫩滑，米線吸收湯汁後更添風味，整體暖胃又夠味✨❤️招牌花膠雞粉絲，則以濃厚雞湯為基底，花膠滑嫩富膠質，粉麵順口，湯頭鮮甜，滋補又不油膩✨❤️飲品方面，凍檸檬薏米水，清爽解膩，薏米香氣自然，檸檬酸度適中，非常適合搭配濃味湯麵✨雞駅食材新鮮，湯底出色，性價比高，是觀塘工廈區不可錯過的隱藏美食。…查看更多

觀塘駱駝漆小店我經過幾次，都好多人排隊，今次終於嚟食🤪主打花膠雞米線，仲有唔同小食🔸招牌花膠雞湯米線🔸藥膳黃酒花膠雞米線都幾足料，花膠有幾嚿，雞肉都幾嫩😛招牌嗰款嘅湯底比較清甜，黃酒嗰碗嘅酒味都幾出，可以睇吓自己鍾意食咩口味～米線軟硬程度適中，配埋啲湯底好夾～🔸 燒豬頸肉小食都有幾多款，呢款豬頸肉燒得幾Juicy，而且口感都彈牙🍴雞駅花膠雞米線專門店📍觀塘開源道60號駱駝漆大廈第三座1樓I室…查看更多

觀塘駱駝漆呢間雞米線小店，認真有料到🤤最正係個湯🔥真·雞湯鮮甜，飲得出無落味精，飲晒碗都唔口渴，夠晒健康🤤姫松茸竹笙花膠雞米線 $75胡椒豬肚雞米線 $60兩碗都轉咗雞髀同淮山麵，雞髀大件肉滑，咬落肉汁豐富👍🏻淮山麵夠彈牙，口感有啲似米粉，吸晒湯底好味😋胡椒豬肚雞個湯，胡椒夠香，豬肚好淋好入味🤩姬松茸竹笙花膠雞就清潤，菌香同膠質都夠💖配埋個麻藥蛋，糖心蛋切開，流心蛋黃混住麻油同芝麻香，簡直絕配😍收工或者lunch嚟呢度，食完滿足又飽肚，舒服！🤭…查看更多

朋友介紹去，第一次去，真的不認識在觀塘工廠大廈中有這隱世小店。搭電梯排長龍，有人帶路行樓梯快好多。去到朋友話非常幸運不用排隊等候，剛好只剩一張枱，急急坐下。小店坐位比較迫，對面吉位都要坐滿（小店特式），不停有人埋單走人也不停有人入座，又有手機落單👍 （後來查番小店確不少，在同區共有三間店舖）。一定要叫的招牌花膠雞米線，另外叫沙薑雞飯+罐裝可樂（+$8）。招牌花膠雞米線，渴一口湯，熱辣辣有膠質感，花膠算唔少，都不算细嚿，雞肉都算多及肉質唔錯，可以一試。沙薑雞飯，雞肉亦不算少，但肉質韌咗d，平平，有唔錯的半隻半生熟溫泉蛋添，另個人覺得個沙薑汁就調得唔錯，凍飲可樂價錢有別於一般+$3或$5略貴少少。整體來說，可以一試。工廠大廈地方整潔，店內也地方清潔。…查看更多