陳通記

營業中

休息中

年尾要清假, 所以放了一個閒日, 一人獨遊長洲, 平日的長洲很舒服, 很少的旅客令到行路不會擦肩而過, 而且很多出名的食肆也不用排隊之餘, 也不怕過多的旅客令到商家應接不暇, 從而令到食物的質素下降. 陳通記吃早午餐就是舒服, 馳名的沙嗲牛肉米通在充足的準備下, 水準真的比週末日高, 沙嗲湯底濃厚, 香帶微辣, 最重要是粒粒花生碎保持著口感, 與煙靭的米通和滑牛配合起來, 三十多元正常早餐價有如此質素, 在不用等候的情況下相當滿足. 另外的咖央多士外脆內軟熟, 不會吃到一口粉, 咖央醬不會太甜, 也不會太重椰奶味, 與半溶的牛油結合起來, 吃起來也算飽足.I took a day off at the end of the year and went on a solo trip to Cheung Chau. Weekdays on the island are peaceful with few tourists, making it easy to walk around without bumping into people. The famous restaurant, Ch

之前都介紹過一次長洲嘅陳通記，事隔一年再次嚟到，睇吓有冇保持到水準先！大概中午12:30嚟到都依然可以食到午餐，唔使山長水遠嚟食早餐！🍴沙嗲牛肉米通 $36（9/10）份量多又好飽肚！沙嗲湯好香唔鹹，個汁有花生碎，牛肉新鮮嫩滑有口感，米通好滑煙銀，好好食！🍴西多士 $26（8/10）即叫即炸，好香脆唔油膩，叫咗咖央唔會好甜，配埋煉奶一啲都唔會太甜，好食好邪惡。🍴鮮牛蛋治 $26 （9/10）烘過底好香脆，雞蛋唔係嫩滑，牛肉有牛味又有口感，好食。凍奶茶 $18 （7/10）奶茶茶味正常，入口好滑，熱奶茶會好飲啲！推薦指數: 8/10而家連再次食都係覺得好好食，下次去長洲都會繼續選擇食呢間😆沙嗲牛肉西多士蛋牛治真係必食！

喺長洲嘅陳通記，梗係嗌佢嘅著名沙嗲牛通粉，沙嗲湯十分之濃郁，仲有少少花生碎添，沙嗲牛肉質鬆軟，沙嗲湯完全浸晒落去沙嗲牛入邊，會咬一啖沙嗲牛，都好似飲左一啖湯。加埋通粉可以給湯，令到沙嗲控可以好好滿足佢哋嘅食慾。

長洲另一款賣到全香港都認識的食物就是陳通記的沙嗲牛肉。曾有網台專程到長洲報導，老闆都老實不客氣，直話直說，自已的沙嗲牛肉沒甚麼特別。沙嗲汁都是取貨，牛肉就用較新鮮，加用正常方法調味醃制。這個長洲2日1之夜在第2天一早就起來試試。這裡沒有套餐，全部都是散叫。陳通記另一個特別的地方是可以點出面很罕有的米通粉。米通粉即是米粉的通粉版。比平常食的通粉較煙韌，內熱較高。不易腍。沙嗲牛肉米通-$36這個沙嗲汁真的如坊間所說，沙嗲汁濃郁，花生夥粒感重。最有驚喜是牛肉很多之餘，牛肉本身質素亦都高。絕對是值得這個價。蕃茄蛋治-$18蕃茄蛋治就與其他食店的分別不大。單是這個沙嗲牛肉已經值得來這裡光顧，不會失望。

難得入到長洲! 當然要到出名的大牌檔食返個早餐試試每次臨走搭船都會食既野食之一叫左沙嗲牛肉麵除左等左差唔多20min 先有野食上同埋天氣熱呢個問題個麵真係好好食!下次有機會想試埋沙嗲牛肉米通!!

陳通記位置有點難找要行入熟食中心深處。西多有驚喜此行的重中之重是人生第一次聽說的“米通”當然也是第一次嘗試沙爹牛肉湯底是我吃過最濃郁的米通極有韌勁相信米通一定不會是最後一次只是不會專程山長水遠再來 陳通記只能說 跟海濱的大排檔比 這絕對是一家更值得dropping by的餐廳

陳通記入長洲其中一間要食既就一定係陳通記。佢最正既一定係沙嗲牛肉米通唔多地方有米通食沙嗲牛肉米通/沙嗲叉燒米通 $362樣既湯都十分濃有花生粒 咁濃嘅沙嗲湯粉真好好食🤤 米通適中 粒粒米通都有沙嗲汁 真係不得了~~~但天氣熱黎食 真係辛苦 天氣太熱黎呢度食真係出住汗食 影響享受再叫了個西多士 $26但就沒特別 普通左少少如果有好多行程既話 沙嗲牛肉米通會係長洲其中一個必食既食物呢

琴日同朋友放假去咗長洲玩，就揀咗呢一間之前喺雜誌同埋網上媒體都非常出名嘅茶餐廳！朋友同我就叫咗西多士同埋一個通粉兩個share! 西多嘅味道我哋都覺得同普通茶餐廳差唔多就冇乜好大特別，加埋煉奶食，其實就正正常常我哋又唔會話覺得係非常特別出色，反而通粉係真係幾特別，我哋叫咗火腿同埋雞翼做配料，雞翼係炸過嘅雞翼，食得出係即叫即炸因為咬落去亦都非常有肉汁同埋熱辣辣，呢個位非常值得讚，通粉亦都係同出邊普通茶餐廳嘅有少少唔同，口感食落去都非常特別，價錢亦都唔係太貴，大家可以一試！

話說早排入長洲遲左出門，結果走左班慢船，搭下班快船，落左船班朋友就話黎呢間嘢度等。一落船收左msg, 突然就諗，我朋友入面有人係隱藏版foodie黎，岩呀，係佢。 通記沙牛米通。長洲名物之一但出奇地唔駛點排隊。米通煮得比爽口，介乎通粉同埋米線之間，沙嗲湯都有濃郁花生香，牛肉反而有點似係陪襯。重點係，落單一定要講清楚係米通。

其實每年都一定會去一兩次長洲行下食下野但都係同事介紹 近呢兩年先知道呢間野😓知得太遲 知道咗之後覺得入長洲 沙嗲牛肉米通真係必食🤩因為真係唔多地方有米通食🤭天氣太熱黎呢度食 簡直係一路食一路減肥嘅感覺 會爆汗 因為佢係係啲大排檔嘅中間其中一間餐廳 室內位等唔到嘅話 真係建議涼返少少先黎食🥵😓💁🏻‍♀️沙嗲牛肉米通/沙嗲叉燒米通 $36湯濃郁👍🏻食到花生粒 最鍾意個種起沙咁濃嘅沙嗲湯粉🤤 米通軟硬適中 滑捋捋 粒粒米通都有沙嗲汁係中間 心急食都辣親口 好正🤩 牛肉同叉燒就正正常常 唔係好小氣嘅肉 都ok大塊 食幾啖再加佢地個啲辣油食 真係又辣又熱 食到出晒汗 但好爽🤭 💁🏻‍♀️西多士 $26正常發揮 同同事share 少少爭食份外好味😜因為食物都即叫即整 所以熱辣辣一定唔會太差 不過純粹過下口癮 唔算非常出色😆💁🏻‍♀️凍橙檸 $18第一次飲 幾有新鮮感 好Fresh好夾而且唔係假果汁味 我覺得幾有驚喜 襯熱野辣野非常解渴 但有同事堅持飲熱野 佢就叫咗個熱橙檸 er.......本人覺得似感冒煲黎飲個種太健康嘅感覺😜 都係凍好飲好多 🤭🤭

個個都遊客都係叫沙嗲牛米通但本地人話你知 沙嗲湯地食通粉先吸湯米通唔夠吸湯另外我怕牛肉會硬 所以叫左雪菜肉絲同茶餐廳早餐雪菜肉絲米完全唔一樣豬肉肥瘦均勻 每一啖同有整豬肉 紅蘿蔔 雪菜37蚊好大碗

肺炎疫情擾攘多年，最近幾年都沒有到訪長洲，這天趁著放假，特地到訪，順便到這個長洲有名的大牌檔吃個早餐。前次到來，吃的是「沙嗲牛肉麵」，教人念念不忘。今次再訪，吃的則是更為特別的「沙嗲牛肉米通」（$36）。所謂米通，其實是以米做成的通粉，香濃的沙嗲湯，裡面夾雜著花生碎，份外香口，配以軟滑的米通和牛肉片，的確甚有水準。如果數「沙嗲牛肉麵」，它未必是最頂兒尖兒的存在，但很可能是只此一家的「沙嗲牛肉米通」，它就一定穩奪冠軍。一場來到，飲品也想喝點特別些的，就點來前次到來也有點選的「橙檸」（$22）做飲品。橙汁混和了檸檬，清涼的果汁味，在酷熱的天氣下讓人特別感到受用，可惜這天的天氣實在太炎熱了，讓本想在長洲逗留到下午的我在午飯前便已離開，這小島的其他食店，就唯有留待下次天氣沒有那麼熱後我再次到訪才能一試了。

山長水遠入到長洲，梗係要食吓長洲名物啦😂▪️沙嗲牛肉米通沙嗲湯底好濃郁，有好多粗粒花生喺入面，帶少少辣。鮮牛肉唔韌，份量都多。米通唔係周圍食到，好滑身，食落有咬口，又好香米味，中間就索晒啲湯。整體幾抵食▪️鹹牛肉蛋治麵包鬆軟，烘到面頭脆脆哋，蛋唔會老，包住滿滿嘅鹹牛肉陳通記📍長洲海傍街熟食中心13號舖

上年去長洲諗住朝聖下，點知原來佢下晝4點就關門，摸門釘🥲今次終於食到了！唔知係咪因為天氣太熱，當日去長洲既賓客人數唔多🤣，我地唔洗排隊就直入了！推薦指數：🐷🐷🐷（5分滿分）（原因：上菜速度較慢，如果要排長龍就唔太值得了）🐮沙嗲牛加雞翼米通 𝐇𝐊𝐃 46沙嗲好濃郁，仲食到花生碎好香🤩，帶點辛辣，牛肉入味唔會韌，好味👍🏻！而且佢有出面茶餐廳少見既米通，不過🐷話米通質地只係不過不失，唔夠彈牙🥲，我小食就覺得都唔錯，滑溜溜的，雞翼都好香唔會乾身🐮沙嗲牛加豬扒米通 𝐇𝐊𝐃 46一樣既沙嗲牛，但豬扒唔記得叫另上，浸哂落d湯到淋哂😩重點係豬扒好乾😂😂😂腌料好味但口感好扣分🙈🥤凍奶茶 𝐇𝐊𝐃 18冇得跟餐配，18蚊一杯只能說非常一般🙈而且奶茶好快就上左，等到碗米通到杯奶茶已經溶晒冰😩建議大家出到去買其他野飲仲好😟環境：有室內户外area，好彩我地坐到入面，夏天坐出面仲要等咁耐真係會燥😂😂（沙嗲牛我地等左半個鐘🫠）

星期日入長洲行吓，中午親戚提議不如去附近大排檔買外賣，食茶餐廳粉麵，天氣咁熱梗係舉腳贊成啦睇完餐牌，隨便叫咗個沙嗲牛肉公仔麵，$37，一打開…哇個湯頭咁濃郁嘅食落超正有別於其他店淥咗個公仔麵之後喺上面+沙嗲牛肉醬汁…呢度係成個都係沙嗲湯底食落有啲花生粒同埋啲牛肉好多件好足料食味好濃郁食完之後親戚問好唔好食，我梗係讚不絕口跟住佢話原來好多遊客特登入嚟食，話好出名食完先知，自己誤打誤撞食咗個咁出名嘅沙嗲牛肉麵跟住上網睇食評，原來沙嗲牛肉米通都好出名，下次要試吓