陳通記

營業中

休息中

陳通記是一家位於長洲的大排檔式茶餐廳，環境就一般，但沙嗲真的很好吃！跟朋友都分別點了 🍜沙嗲牛肉米通 和 🥤凍檸茶～🍜沙嗲牛肉米通：▫️湯底十分濃郁！能吃到花生碎，又帶一點點辣，甜辣甜辣的，非常惹味！▫️米通粉比通心粉更煙韌又能掛湯，每一口都能吃到濃濃的沙嗲味～▫️牛肉也很嫩，不是那種硬加很多生粉而鬆軟的，仍有嚼勁！幸好每人點了一碗，一口接一口的，一定吃不夠啊！🥤凍檸茶：▫️有茶味又不會過濃，甜味和檸檬味都很平均，是我喜歡的！

位於長洲市政大廈地下熟食中心的陳通記，以招牌美食沙嗲牛肉米通，吸引街坊和遊客慕名而來。沙嗲牛肉米通的湯底帶有濃郁花生香氣，米通較坊間的通粉長身，口感煙韌，充分吸收湯汁的精華，難怪成為長洲早餐的人氣選擇。The signature dish of Tung Kee Noodle Restaurant is their satay beef rice macaroni, with the chewy rice macaroni perfectly soaks the rich broth with peanut aroma, no wonder almost every table orders it.

傳聞一碗米通落完單要等好耐先有得食，但我地星期六晏晝去到，其實都只係等左10分鐘左右就有得食，都唔算話好多人。🍜沙嗲牛肉米通$38🍜沙嗲雞翼米通$38全碗米通入邊食到一兩啖米通仲未煮到全熟，同埋沙嗲牛肉同雞翼味道都係普通，唔會話好有驚喜，但勝在一碗沙嗲牛肉米通入面有十幾嚿牛肉，份量十足。而且個湯底既沙嗲味好濃郁，啖啖都食到花生碎。如果驚湯底太濃或帶小朋友去食嘅朋友就可以揀沙嗲另上，咁就可以自己着量加沙嗲啦！

帶狗狗嚟長洲放電，長洲太多美食，落船呢餐諗住簡簡單單食個粉面，長洲街市附近有好多粉麵茶餐廳，就揀咗陳通記，叫左沙嗲牛肉米通，湯底極濃微辣，還食到蒜蓉同花生碎，沙嗲牛肉唔係一定要配公仔麵，配米通都極之夾。最唔好就係等餐時間真係好耐。

💁🏻‍♀️沙嗲牛肉米通 $36碗碗即叫即做 食好野 係要俾啲耐性等下 當日都等咗好似20分鐘以上 起沙嘅湯🤤 濃郁嘅沙嗲味🤤 再夾雜花生碎粒🤤仲有嫩滑嘅牛肉 真心為咗想回味一下呢碗沙嗲牛 山長水遠入嚟🤭💁🏻‍♀️淨鮮魷魚(細) $40份量一啲都唔少 以為味道冇咩特別 就咁湯魷魚 原來已經超鮮甜🤩 平時怕難消化胃痛嘅我 鮮魷係少食 但今次都忍唔住係咁密密食😍💁🏻‍♀️西多士 $26傳統整法 唔需要太多花巧野 餡料夠足 每啖食落去都充滿牛油香🤤 真係想過份到自己清咗成個佢😝

長洲呢間陳通記成日大排長龍，呢日嚟到長洲竟然唔使排隊，咁就一於係掃街之前試下先😆😆❣️沙爹牛肉米通 $36有多款麵底可以揀，一場嚟到，一定要試下佢出名嘅米通，一碗份量都幾多，沙爹湯底好濃郁，仲食到粒粒花生碎，米通彈牙，口感就係通粉咁，牛肉就普普通通，如果一場嚟到可以試下，排隊就不了🤓❣️花生醬西多士 $26西多士個餡可以揀花生醬或者咖央，咁就揀左一定唔會中伏嘅花生醬啦🤪，西多士即叫即整，所以可以令到塊牛油完全溶化，係一塊正常發揮嘅西多士🤣🏦是次消費總額 $62（人均消費 $31）👅好味度：7.5（10分滿分）如果一場嚟到長洲，又唔使排隊嘅話不妨可以試下，特登嚟就唔使啦🤷🏻

🌸沙嗲牛公仔麵🌸＄38即叫即整，等左大約10 分鐘就上枱。料好足而且好夠熱，食到最後麵出熱。沙嗲味好濃低又唔會太鹹，就咁飲啲湯都唔會覺好渴。傳統沙嗲牛一定要食到花生同花生醬味，陳通記就好足味啦然麵就香左公仔麵，都煮得岩岩好。牛肉都幾爽口。不過本身期望個湯會稠少少，所以有啲失望🥲朋友就叫左米通，個人認為米通先係必食！出面唔會食到，十分煙靱又食到啲米漿味。另外店內嘅黑貓刀疤都十分盞鬼，絕對係場內嘅生招牌🤣🤣

一場黎到長洲終於可以試下陳通記，佢哋招牌係沙爹牛肉米通，湯底真係好濃沙爹香味👍🏻偏重花生味🥜食食到粒粒花生碎，個人就覺得啲碎太多，食食下差啲濁親🥲🙈另外叫左個炸雞翼米通，雞翼都炸得香口，不過另上會好啲，如果唔係食食下好快又浸淋左🤣不過價錢真係好貼地，仲有30幾蚊碗！雞翼通係蠢左，其實應該要加錢轉沙嗲湯底，不過唔緊要啦，喺朋友嗰度拎咗啲超濃郁嘅過嚟😂📍#陳通記 (#長洲美食)#長洲 大興堤路2號長洲市政大廈地下熟食中心13號舖

入到長洲，通街都係美食。今次由住過長洲嘅朋友帶我哋周圍食啲道地美食，第一站就去到碼頭附近嘅大排檔堆（地下熟食中心） — #陳通記。🐮🍜呢度出名食#沙嗲牛，所以我哋大部份人都叫咗，而我就揀咗 #沙嗲牛肉米通，因為出面嘅茶記都好少有。朋友話比起幾年前，湯底變得冇咁濃郁。我目測個湯底都算稀，但搞勻同食到底就有好多花生粒，所以我係覺得唔錯，不過如果湯底可以再濃啲就更好😋🥞有朋友叫咗#花生醬西多士，啲牛油煉奶都好重手，相當邪惡🤤 整體嚟講，我覺得嚟到長洲，係可以一試呢度嘅沙嗲牛系列。另外，呢度係有冷氣位，如果天氣唔好或太熱，都可以有個舒服少少嘅位🙂

去長洲輕鬆吓，上網揾原來陳通記嘅沙嗲牛肉米通咁出名就試吓佢😋🔸花生醬西多士🥞下午茶時間見到隔離枱食緊西多士好吸引🤩 一上枱熱辣辣望住嚿牛油慢慢溶響西多士面，個人喜歡用刀響多士面拮幾下等牛油滲入去🤤🔸花生醬西多士🥞入面嘅花生醬搽得好均勻，啖啖都有濃濃花生醬🥜 實在太邪惡喇！🤩🔸沙嗲牛肉米通🐮牛肉份量好多，煮得剛好唔韌，米通口感特別，滑得嚟煙韌好好食😋 湯底好香濃重花生味，仲有花生碎，成個沙嗲牛肉米通好夾。呢個沙嗲湯底基本上配任何配料同粉都好夾，通粉配埋沙嗲湯都好好食。下午茶時間嚟唔洗排隊，不過都座無虛席不斷有客人坐低食嘢，如果想坐冷氣房就靠彩數😆（貓奴當日好彩坐到冷氣枱🤭）室外坐位都無影響食物質素，仲多咗份大排檔風味。😋

呢間嘢，我一定唔會再去，啲嘢好唔好食我唔知，因為無得食，只係食左一肚氣，待應仲覺得理所當然，一句等得耐就唔好食。當日我地一行11人到呢間嘢想試下沙嗲牛肉係咪真係好似傳聞咁好食，我哋叫沙嗲牛肉出前一丁，等左好耐都未有，搵待應幫手追，待應跟都唔跟就話要等，我地再等左好耐，隔離枱坐左一對男女，又係叫左沙嗲牛肉出前一丁，隔幾分鐘到左，而我地叫嘅沙嗲牛肉出前一丁仲未到，人地食完我哋都未有，再搵待應問，問佢幾時到，今次待應態度極差，佢話『唔係我煮嘅, 你追我都無用，唔等得就咪等』，搵另一個待應問, 態度一樣,我去過一個食肆有咁差嘅態度待應，以後永遠永遠唔會幫襯。

等得耐，我哋叫先，隔離枱後來先到，已經食完我哋仲未有，問佢幾時到，態度極差，成肚氣，我未食過一個態度咁差嘅，以後永遠永遠唔會幫襯，食物質素中下，環境質素一般，最主要係侍應質素極差，永遠永遠無下次，食到好激氣，令我最好脾氣嘅家姐同妹妹，都發脾氣話唔食，完全冇禮貌，食物中下，價錢一個，絕對冇下次，絕對冇下次，貼錢買爛壽，態度極差極差，永不幫襯，很不開心的體驗，永遠永遠不會再幫襯，侍應態度極差不差，不會在去

❤️長洲名物 沙嗲牛肉通粉❤️首先湯底濃郁，偏鹹，啱晒重口味嘅我🥴通粉仲索曬啲湯汁，正呀🥰🥰不過份量就比較大碗，我一個女仔都食到好飽搞到之後掃街戰鬥力減半😂

好開心，11月尾book到公司嘅職員度假別墅，一行12人一齊入去玩，上網睇吓長洲有啲乜嘢signature值得試食，一睇就見到呢一間陳通記，話佢嗰啲沙嗲牛米通好好食好食嘅唔係唔係沙嗲牛，而係佢嘅米通，所以夠出長洲之前大家去每人食一碗，果然分量超夠，米通好好食，不過個人唔係咁鍾意有花生粒嘅沙嗲汁，攝晒喺啲牙度🥶🥶🥶，另外試一試左佢嘅西多士，超級好食，叫完一個之後不得了，再叫多一個，一啲油膩感都冇，好香，麵包好厚，食完之後就嗱嗱臨趕船返市區lu, 大推西多士🤭🤭

長洲出名沙嗲牛通🐮🐮，但我咁多年都未去過，今次終於可以一試，襯平日有假放，🛳入左去搵好野食，係熟食市場氹氹圈都唔係好搵到，原來間舖係中間位，坐底左發現長洲街坊同遊客各佔一半，我叫左個網上推介👍👍～沙嗲牛肉米通粉😋😋，個沙嗲牛肉唔韌，湯勁濃沙嗲味，米通粉本身我以為係似通粉質地淋淋地，但原來唔係，米通粉係有少少煙韌，成個配合真係好好食，唔掛得咁多人推介😍😍😍因為我今日要食好多野，所以唔敢叫多份西多食，但見到隔離枱食，真係有d 心動叫埋🤣🤣