陳通記

營業中

休息中

忍不住真係要寫食評等了差不多1小時都冇野食，一個沙嗲牛肉麵真係唔值得等甘耐，吹左三一次 每次d侍應態度只叫你等唔幫你跟下先火🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥麵淡而無味，來到淋晒，以後不再來

話說honey係長洲人，所以weekend一得閒都會番去度下假，同auntie uncle食下飯。入親長洲除左食炸魚蛋之外，我都中意食通記既炸魚皮。佢同一般炸魚皮唔一樣，唔會好多粉，全部都一圈圈好乾身，睇得出係人手切完落黎再炸，每碗都會附送一碗湯，點黎食勁好味，今日啲魚皮食落有少少腥，不過我ok! 反而覺得好好食，相比出面其他餐廳既魚皮只係得個咸字，令我愈來愈喜歡通記魚皮。

去過長洲咁多次好少話正正式式坐低食個正餐，除左海鮮餐之外! 今日晏晝入到黎餓餓地就求其係大排檔搵間麵食下! 唔食又至可，一食不得了!!呢個沙嗲麵簡直係世界級，成個湯底勁濃比一般湯底傑身同埋有好多花生碎都幾特別。我就無嗌肥牛嗌左牛肚，但一樣咁好味，牛肚好爽口唔會痴牙，份量都算ok~至於個麵就食唔出係咪出前一丁啦，不過都幾好食唔會淋哂咁。最重要係佢加左啲蔥花，成個湯既味道即時提升左!

這是一間有歷史的大排檔...所以環境都比較殘舊...選擇就是上圖...價錢便宜...沙爹肥牛米線: 肥牛份量多...沙爹湯底很濃郁...充滿花生香氣...米線比較碎...檸檬橙: 橙汁加了很多水和糖...

如果係長洲既下午，諗唔到想食咩，我通常都會去通記。今日食左沙爹肉片雞翼米，通記既沙爹同出面有D唔同，香濃好多，仲會食到少少花生碎。肉片就非常爽滑，雞翼炸得香脆，咬落去仲有少少油必出黎，滿足感十足。

通記雜通係我諗唔到食乜時嘅最愛，有火腿、蛋、咸牛肉、午餐肉。可能好耐無食雜通，又覺得唔錯喎。湯底夠甜，而且又大大碗，d通粉索晒d湯，食落夠晒鮮。而且勁大碗，我食極都食唔晒呀！

要說去長洲最大的目的，其實只為了一碗麵。正確點來說，是一碗沙嗲肥牛鴛鴦米。唓! 一碗沙嗲肥牛鴛鴦米有幾巴閉啊! 我知你個心一定係咁諗 (一定係，除非唔係!哈哈)呢碗沙嗲肥牛米並唔係一般茶餐廳的沙嗲肥牛而令我終日念念不忘的沙嗲肥牛係咁樣的:佢呢個湯底就好似我地平時打邊爐的沙嗲湯底濃縮版本，佢望落去好似好杰咁，但唔駛擔心，食落去一D 都唔油膩。每一啖米粉都索哂呢個又香又滑的湯汁，沙嗲味濃又不蓋花生的香，愈食愈停不了口。呢個湯底再配埋肥牛簡直係絕配，揀麵底的時候如果識揀的梗係揀「鴛鴦米」－即係粉絲+米粉。唔好話我知你唔知道沙嗲+肥牛+粉絲一齊係咩感覺喔!好多人來這舖是為了「鮮魷」，這舖會在雪櫃上有一格格字寫今天有沒有鮮魷，不過真係要好好運氣先會有機會一試。

通記@長洲沙嗲肥牛通睇完人地blog，人地推薦呢間通記既沙嗲牛通。佢有別於一般茶餐廳既沙嗲牛，沙嗲好濃加上花生，勁香沙嗲味😍😍😍😍。牛肉又淋又滑，最緊係份量好大。做長洲既第一餐係最perfect。 $26

每次黎長洲一定會黎通記食番碗沙嗲牛肉通粉，因為出邊既茶記都食唔到哩隻正宗既沙嗲湯底你睇下佢湯底顏色同出邊唔一樣，唔係清湯底真係沙嗲湯底，仲有花生粒令湯底非常香濃架 加埋通粉索曬d湯汁真係停唔到口，牛肉又幾嫩滑，份量又大份夾抵食!就算知道黎緊又要食芒果糯米滋，大大粒魚旦同埋師妹甜品，我都要成碗食曬

去長洲不一定要吃海鮮，早前小妹帶朋友去長洲玩，就帶左朋友去食通記天氣炎熱，即時來一杯橙檸冰，酸酸甜甜，有橙肉同新鮮檸檬，最重要係夠冰凍，正再黎一碗沙嗲豬扒麵同鮮牛河，沙嗲系列一直都係通記招牌菜，無食一排，美味依舊而鮮牛河清淡得黎又唔蘇，牛肉又淋又滑再叫多份炸魚皮浸湯食真係無論幾時黎食都係咁好味。

平時來長洲，只吃大粒魚蛋、芒果糯米糍，這天就吃別的喇聽說通記的沙嗲牛通不錯，就到此覓食吧XD一般大排擋的格局，設有大風扇，可暫時歇息一下，解解熱～這天人不多，一到便坐下粉麵$18至$32不等，不設套餐，飲品需散叫，另有各款三文治供應。大大碗，雖不包飲品，但$24也超值！通粉份量很多，兩人共享也嫌多，沙嗲湯底很香濃，又不太辣，裡面應有花生粒，使香味四溢！不過口味相對較重，但肥牛煮得剛好，不會過老，嫩滑好吃，真的非一般的沙嗲牛通。除了沙嗲牛，聽聞這裡鮮魷也不錯，不是經常能遇到，希望下次有機會試吧

幾年前少女無知，去咗間遊人專門店（X記）食魚旦粉，食完還跟朋友認叻，朋友是長洲原居民，他淡淡然說「吓，我地長洲人唔會去食ga wo」不是嘛？長洲人唔食魚旦？「唔係，食魚旦粉緊係去通記啦！」所以都算老客啦！但以前年少無知，只知道魚旦粉，今次男朋友話人人都話沙嗲牛肉好wo! 香港人好簡單，最叻聽人講，所以一個沙嗲鮮魷通，一個沙嗲肥牛米通，等待期間都聽到有熟客話難得有鮮魷，緊係叫沙嗲鮮魷啦！熱辣辣五分鐘到，味道還好，但我個人問題，不喜歡太濃味太油膩，食完好似有層油係喉嚨，通粉偏硬，米通偏淋，鮮魷好食，肥牛都不會太肥，沙嗲味蠻香。不過份量太多，加上湯底比較膩，所以一般女仔一定會剩！我的大食男朋友平時一定會包我底，但今日佢都食唔晒wo....... 如果你同我一樣喜歡清淡，魚旦粉都是不錯的選擇！ 

這次長洲遊的資料搜集工作全都是惡人一個做的，上網爬文畫下地圖，最後記下十多間餐廳地址。起初還擔心三日時間吃不了這麼多，事實卻是很多間餐廳都沒開 剛下船的那個中午原本打算到「陳通記」吃午餐，但餐廳休息，只好改吃「張記魚蛋粉」。幸好第二天再去時它已開門，否則連吃兩天閉門羹便太慘了。很多食評均推介這裡的【沙嗲肥牛通粉】，標榜以自家製沙嗲醬作湯底，幾乎每枱食客都會點。我們也跟著點了一碗，沙嗲味確實很香，但湯底卻沒想像中濃郁，通粉份量很多，兩人share一碗也夠吃。【牛肚豬手米線】朋友說味道okay【雞翼東菇通】東菇挺入味，可惜雞翼被湯浸腍了，應該學隔離枱食客叫：『雞翼另上！』【柑桔蜜】普普通通店內沙爹鮮魷亦很有名，但不是每天都有供應，為免客人經常提問，店內當眼處貼有紙牌，顯示當天鮮魷供應情況。很明顯我們這天沒口福啊環境氣氛： ★★★☆☆店子位於熟食中心內，大排檔在炎炎夏日下更覺悶熱，幸好間了一間冷氣房，可邊涼冷氣邊吃熱辣辣的沙爹通，但座位有限，滿座後只能坐大排檔。食物質素： ★★★☆☆老實說，沙爹湯底沒想像中特別，但份量真的很多，點了三碗沒一碗吃得完。服務態度： ★★★☆☆由於其中一位朋友未到

很少寫評的我，因為還在念記今朝食既早午餐~ 所以就要分享下：）見大家都讚，所以就試下啦~ 我嗌左沙嗲肥牛通~男朋友聽店員講今日有新鮮鮮魷，所以嗌左沙嗲湯既~個湯底真係同平時食既沙嗲牛唔同~ 成個都係沙嗲，好好味~ 通粉中間仲有d沙嗲湯~ 而且一碗好多啊！我地都食唔哂~ 抵食啊~ 不過係杯奶茶就mama地~

大家都讚這一間，所以到長洲的第一站就去通記OpenRice~叫了大家比較推薦的"沙嗲肥牛"，雖然不至於有太大驚喜，但這價錢在份量和質量上是很不錯了。比較驚喜反而是服務方面，態度超級的好，還推薦我們今天的"魷魚"好食。所以朋友又叫了個"沙嗲魷魚米粉"。他說這個比肥牛好食。