陳通記

營業中

休息中

長洲美食果然多，今日一嚐地道風味的大排檔，眼見大排檔入面人頭湧湧，我們亦去其中一間品嚐。 我們去了陳通記並叫了沙嗲鮮牛肉米粉，雞翼米粉以及油占多，飲品方便叫了橙檸及茶走。 沙嗲鮮牛肉米粉中的沙嗲味道是似四川擔擔面的湯底，入面有花生粒，湯底十分濃郁。而鮮牛肉份量亦十分充足，食落大約有7~8 件。 雞翼米粉的湯底比較清，但雞翼非常入味，食落去有煎香的味道。油占多的果jam 多到跌出尼，而面包烘底十分乾身，香脆可口。 茶走的茶底都十分推薦。 但係可能店家的爐不太多，面食方便是耐心等等。

一到週日，難得留喺小島上，就好想落通記嘆番杯茶走！真係唔知點解，自從飲過佢嘅奶茶之後就番唔到轉頭，接受唔到另一間茶檔了！飲落好濃厚好滑，一D都唔嚡，夠茶香味！再加上煉奶的甜，十分之配合，一飲就上隱。呢度特別之處係佢可以order「大茶走」～加兩蚊就有一杯比普通杯double size嘅份量!溫馨提示：逢星期一休息

餐廳位置不算易找，環境也不算舒服，但勝在街坊味夠，而且店員有禮，看見吃到成身汗，即刻拿把大風扇出來。豬潤鮮魷河，平凡中顯出不平凡。鮮魷爽，甜，一個字，鮮！配上醬汁，正！豬潤就更加無得頂，新鮮，爽，香，彈牙，一個字，無得輸。魚皮很鮮炸，很熱，很脆，很好味！

今日到長洲一日遊 上網見佢賣相幾吸引 決定試試 揀左沙爹肥牛配紅燒豬手公仔面 個湯底好濃郁 紅燒豬手好入味 好淋身 面好彈牙 員工態度好有善 面帶笑容 魚皮略嫌稍硬 就算浸湯後口感都偏硬 不過無太大既油溢味 整體 好高質既大排擋 提提大家天氣熱記得揀個對住風扇既盒坐 免得食到大汗搭細汗

呢度既沙嗲牛通粉真係每次入黎長洲必食❗️除左長洲大魚蛋外相信呢碗通粉都係長洲標記😋沙嗲味香濃食到碎花生🥜牛肉數量都算多，唔會煮到太熟韌度適中👍🏼佢用呢款通粉唔係平時火腿通個款‼️呢款好軟滑索哂D沙嗲汁😋推介‼️一碗份量都幾多如果想食多D長洲小食建議兩個人share一碗👍🏼

平時入長洲都係掃街掃飽今次太熱 想好好地食個正餐聽朋友介紹 話入面有間沙嗲牛好好食心諗：沙嗲牛可以有幾特色呀 入長洲都要食坐低嗌左個沙嗲肥牛粉絲米粉嘩嘩嘩勁重花生味 真係好痴線 好濃郁啲牛同粉絲係吸哂啲精華囉 傻左呀你係見到好大粒花生我就嗌沙嗲牛米通 湯底一樣咁鬼死濃郁啲米通一樣吸哂個湯底既精華架平時食沙嗲牛麵都唔會咁好味人地真係真材質料架喂朋友真係無介紹錯 真係好好食下次入到黎都要再食過呀！

本局長日前與一眾手足來到長洲工作，完畢後請各手足飽餐一頓。信步來到此大排檔，其時天氣甚熱，眾手足已汗流浹背，故本局長立時與手足移步入冷氣房細看餐牌。本局長著侍應來一沙嗲肥牛麵及凍咖啡，咖啡一般，驚喜之處為此沙嗲非一般茶記沙嗲，可謂濃香撲鼻，又唔會太杰，頗為可口。麵就係伊麵，亦頗好吃。肥牛不過不失。總括而言，此大排檔有數把大風扇，如嫌熱亦可到冷氣房消暑。侍應服務態度良好，沙嗲肥牛麵為本局長可再食之選。

本來想食沙嗲牛肉鮮魷雙併 但今日剛巧無鮮魷 點左沙嗲牛肉米粉加蛋 店面都幾大而且有冷氣坐位 大熱天時食都唔怕用匙更飲左啖湯 不得了 勁濃花生味好正呀 😋 佢唔係平時食果種咸味杰撻撻的沙嗲醬 而係清清地但好味的花生味 仲食到有粒粒花生響個湯入面 米粉都吸湯 牛肉就算爽滑不過不失 但湯頭係亮點 花生🥜友必試

🚩長洲🍲通記-每次去長洲食嚟食去都係個幾檔小食店今次有熟人帶路 搵到啲隱世小食🤩係超好食嘅沙嗲牛米通 係我食過最濃味嘅沙嗲牛湯底!!!!!-🍜沙嗲鮮牛肉米通 $33佢嘅湯底唔係湯, 似係醬汁, 十分濃稠佢既沙嗲唔係辣嗰種沙嗲, 而係花生味好重嘅沙嗲而且仲有粒粒花生, 絕對係真•沙嗲熬製, 沙嗲香極濃郁份量亦都好多 食完一大碗好飽🤤仲要有得叫米通!!! 姐係長型通心粉細細個成日食!! 甚少小店有得食! 食完整碗真係好滿足❤️熱啡走都好好飲, 係港式茶餐廳既味道🤤-真係十分推介, 下次再去長洲唔使淨係食大魚蛋芒果糯米糍啦😚😚-🚩舔舔脷：9/10🚩價錢💰：10/10🚩回頭度：10/10

全港最出名沙嗲牛肉麵之一，今次都係第一次入長洲既大排檔， 好多人，大部份人食呢間都係食沙嗲牛肉麵。沙嗲牛肉麵 分左鮮牛肉同肥牛， 肥牛出面比較少見。 個湯唔會好杰， 好重花生味，幾好味。 個麵仲用左依家都少見左好多既福麵。

週末同一大班朋友入長洲渡假，之前喺IG見到之後，二話不說決定要食陳通記嘅沙嗲牛肉麵！朋友揀咗公仔麵，我就試下米通 湯底真係好濃郁，沙嗲超香，不過對於我來講就有啲辣👍🏼一場黎到，就食埋佢嘅西多士，又脆又熱～

今次黎長洲之前做足功課，搵下究竟長洲仲有咩嘢食呢？係佢啦，係陳通記呀！佢個沙嗲牛米通真係不得了！個沙嗲湯底一飲落去有濃濃嘅花生醬味，果然係真材實料十分濃郁！牛煮我得岩岩好，米通十分彈牙，平時我不嬲唔食通粉就係唔中意佢淋啤啤，冇咬口，但呢個米通係彈牙係彈牙係彈牙，好重要所以要講三次！佢個豬潤麵啲豬潤煮得岩岩好，唔會煮到老哂，都好味😋最啲去試下啦！長洲大興堤路熟食市場星期二至日：05:00-17:00星期一休息

難得放假到長洲兩日一夜，當然要食食食食食啦。自上次友人介紹通記（陳通記？）沙嗲鮮牛肉麵，便一直念念不忘。坊間沙嗲湯，一般都是一兩匙醬汁的份量，而通記卻是濃濃整碗，化不開的湯汁，自然一試難忘。上次是夏天到訪，雖然好吃，但實在熱得很，這次趁著有點秋涼，終於可以慢慢品嚐了。通記在食店中間，若第一次去，是有點難找的，穿過一些海鮮鋪，就可以看到了。上次叫了通粉，這次選了粉絲，同樣是讚不絕口，那濃厚的沙嗲湯，好得沒有話說，如果市區也有類近的沙嗲湯就好了。

入到長洲，原本一心掃街，點知，落到好大雨，所以朋友介紹下就去左通記食。入到去既環境就係舊式既大排擋，環境絶對夠晒HK Style~ 之後叫左個沙嗲肥牛雞翼麵，沙嗲味濃，絶對值得一試，可能因為落雨，周圍都無咁多人，所以啲野都黎得好快，食野點可以無野飲嫁！有啲特別少少既就係拃橙，大家可以一試，我就無叫，因為太熱，所以就叫左支大可樂，提提大家，無餐嫁！所有野都要散叫，貴左少少，不過都入到黎，一試亦不為過，位置係出左碼頭轉右直去，好易搵

先說味道，沙爹湯底有花生味，味道一般，牛肉頗少，吃完有心理準備要喝大量水，加上不夠熱。奶茶相比一般茶餐廳屬 正常水平，沒有特別，地方很熱，衛生環境惡劣，一杯熱飲，一個沙牛麵 $54 ！