陳通記

營業中

休息中

幾年前少女無知，去咗間遊人專門店（X記）食魚旦粉，食完還跟朋友認叻，朋友是長洲原居民，他淡淡然說「吓，我地長洲人唔會去食ga wo」不是嘛？長洲人唔食魚旦？「唔係，食魚旦粉緊係去通記啦！」所以都算老客啦！但以前年少無知，只知道魚旦粉，今次男朋友話人人都話沙嗲牛肉好wo! 香港人好簡單，最叻聽人講，所以一個沙嗲鮮魷通，一個沙嗲肥牛米通，等待期間都聽到有熟客話難得有鮮魷，緊係叫沙嗲鮮魷啦！熱辣辣五分鐘到，味道還好，但我個人問題，不喜歡太濃味太油膩，食完好似有層油係喉嚨，通粉偏硬，米通偏淋，鮮魷好食，肥牛都不會太肥，沙嗲味蠻香。不過份量太多，加上湯底比較膩，所以一般女仔一定會剩！我的大食男朋友平時一定會包我底，但今日佢都食唔晒wo....... 如果你同我一樣喜歡清淡，魚旦粉都是不錯的選擇！