陳儀興玫瑰餐廳

營業中

休息中

自從屯馬線開通左後，我由家中坐地鐡來鑽石山勁快，車程5分鐘就到了，所以我都多左來鑽石山呢邊揾下好野食。咁啱鑽石山附近新浦崗我都成日會過去的，因我平常睇開果中醫都係係新浦崗，好自然我都會在新浦崗揾下有冇好野食下。咁啱今日約左果朋友係呢頭行街，架要揾下好野食啦，咁啱眼前見到有間中餐廳叫做「陳儀興玫瑰餐廳」有小菜又有火鍋，咁可以同朋友坐耐啲傾下計呀。酥炸生蠔生蠔外皮好酥脆，生蠔好JUICY同新鮮，搞到我都食極唔停口。水煮魚極多配料，加上魚肉做得好滑，看似好辣，但唔太食得辣的朋友都食到。西椒炒牛柳粒勁好餸飯啲菜式，牛柳炒得剛剛熟，食落好香牛肉味呀。

係屋企已經每次打邊爐都係叫佢個四人餐，牛肉鵝腸都好出色。同朋友嚟試下小菜，大碟又抵食唔記得咩雞，水煮牛，蝦餅，椒鹽豆腐全部都幾好食。水煮牛大大煲不過肉就少咗啲。

 新蒲崗美食攻略 陳儀興玫瑰餐廳 屯馬線開左,將西鐵同馬鐵線連結,鑽石山呢一區,受惠中轉站位置,有新樓,有新餐廳到底除了CAFE,有冇其他美食介紹呢?當然係有啦,仲有好多小店添,邊個話一定要食蛋糕飲咖啡先叫型?先叫打卡?我地過黎食小菜！呢度除了小菜出色仲有火鍋，辣烤魚！大廚有豐富經驗星級水準美食，平民價錢！先上一客胡麻鮮淮山片香濃芝麻醬加淮山片,健脾胃食材,味甘性平健康養生,清爽脆口晚市小菜,有魚有豬有雞有菜諗左好耐,叫左個京都牛柳,貪佢無骨好食牛柳片肉嫩香口,掛滿醬汁,微酸開胃牛柳肉嫩厚身,啖啖肉夠滋味連配角既洋蔥都好食,加碗白飯已係最夾下一道食海鮮,椒鹽鮮魷$108用上新鮮椒鹽魷魚,薄薄既粉漿炸到超香脆魷魚脆爽,鮮味十足,加埋炒香既避風塘辣蒜香口惹味,一個字,爽粉薄魷魚切片夠鮮味飲品大大杯超抵飲,平均價錢食高水準菜式#火鍋 #小廚 #鑽石山美食  #玫瑰餐廳陳儀興#陳儀興

下班回家要先找個地方醫肚，今天換個環境，新 蒲 崗 ！！ 這既平民又帶點麻甩的餐館，哇塞，除了火鍋，小菜類的招牌菜又是那些極邪惡的煎炸菜式，ok，先來一個娘娘很怕吃的鯪魚，“芫荽炸魚餅” ... 鯪魚很新鮮沒魚腥味，彈牙，更難得的是，完全咬不到魚骨碎，連娘娘也讚不絕口，加上芫茜及幾粒蝦米，嗦嗦聲，又香口，超水準！“椒鹽百花大腸”，味道是不錯的，但豬腸與蝦滑的texture“九唔搭八”，煙韌度差天共地，豬腸還是橡筋被拉長時，蝦滑已掉了出來，吃起來有點狼狽。 “蠔仔肉碎浸西洋菜”，蠔仔飽滿一上菜就想一口咬下去，西洋菜也好新鮮，好甜，好脆，沒苦味，蠔仔肉碎中也加了點炸蒜粒和草菇，很惹味，連湯也喝光了！

【🌹玫瑰火鍋小廚】唔知大家鍾唔鍾意食啲鑊氣小炒嘅呢😚 個人都幾鍾意呢啲大排檔feel既小菜 呢間啲小炒都唔錯🙈水煮滑雙牛 💰$78呢個價錢黎講都真係幾抵食！見到佢係勁多料 👹👹而食起上嚟都幾辣，但啲牛肉同其他料唔算話好入味，比辣味蓋過咗其他食物嘅味道 🥺香脆咕嚕肉 💰$88啲咕嚕肉炸得幾脆口，而且啲肉唔肥👍🏻 我最驚就食到成口肥膏嘅咕嚕肉🥴 呢一個肥瘦啱啱好，而且又有好多菠蘿同青椒做配菜，balance反個口感，酸酸甜甜又有咬口，唔會食到好膩嘅感覺，唔錯唔錯😬椒鹽百花大腸 💰118呢個炸大腸都好好食😋 我勁鍾意食椒鹽嘅撚手小菜😂🤣 完全刺激到我嘅味蕾，不過可惜係佢真係有啲韌，都幾費牙骹力去咬😂蝦乾濃湯浸娃娃菜 💰$72湯底幾濃郁，而且都好足料，佢仲有好多菇仔係個湯度，都入曬味好好食😚通常食得多熱氣嘢都想要個菜幫手打下底，呢個都嗌得過！整體黎講都幾抵食，而且質素唔差，食完成餐飯好滿足😚唯一缺點就係地點偏僻咗啲😂🤣

這間位於新蒲崗的餐廳，主打火鍋及小菜，晚市全場爆滿，而且不需加一，小菜款式很多。蠔仔肉碎浸西洋菜蠔仔細細隻，味道略欠點鮮味，西洋菜味濃郁，加上肉碎的肉鮮味去浸西洋菜，比較健康。豉汁蒸鯇魚鯇魚是切件，用了魚腩部份，部量很多，豉汁味濃香，下面墊了豆卜吸收了豉汁及魚肉鮮味，鯇魚是脆肉鯇，肉質結實彈牙，非常新鮮。椒鹽百花大腸炸大腸釀入了墨魚肉，大腸微脆有咬口，墨魚膠加了些墨魚粒，入口咬有口感。霸王雞半隻半隻份量都頗多，雞皮爽口且皮下脂肪少，雞肉嫩滑有雞味，不會有雪味。

相信唔少人都知新蒲崗有好多好嘢食，而「陳儀興」呢個名相信住喺新蒲崗嘅人一定唔會陌生，因為新蒲崗雖然唔大，但係有「陳儀興」呢三個字嘅餐廳就足足有三間咁多，而前幾日就同屋企人去咗試其中一間嘅中式小菜，真係相當唔錯下😋避風塘炒乜炒物相信唔少人都食過，但係冇諗過避風塘都可以同魚雲夾到，魚雲平時真係好少嗌嚟食，因為屋企人先會食到🤣 魚雲嘅份量比平時出面嘅餐廳多，外面炸到十分脆，但入面嘅魚肉依然非常嫩滑，火喉控制得好好！而佢都幾辣下，但係就非常之惹味，會越食越想食😝呢道菜對於我嚟講都幾新鮮，平時可能都係食開豉椒炒蜆，第一次試金不換炒蜆，金不換加咗落去估唔到又幾夾🧐 雖然冇豉椒咁重口味，但係金不換呢種香料都係好能夠帶到蜆嘅鮮味出嚟！佢啲蜆雖然細細粒，但佢嘅份量絕對唔少，食極都仲有😆平時黑椒薯仔牛柳粒就聽得多，第一次試薯仔炒雞柳，值得一讚嘅係佢嘅薯仔真係好夠鑊氣，炒得好香好入味👍🏻 而雞柳就可以再嫩小小，不過成道菜嘅主角係黑椒蜜糖薯仔🤩 終於明白啲人點解食黑椒薯仔牛柳粒都係食薯仔為主🤣最後嗌多一個菜做結尾，揀咗濃湯浸娃娃菜，佢用咗唔少蝦乾同雜菌去煮個湯，個湯趁熱飲，好鮮味好濃郁😌 而每條娃娃菜都索晒啲

之前一路都聽人講新蒲崗既陳儀興好出名 但一路都覺得好遠 所以都唔會特登去 最近有個朋友搬左係個邊 所以得閒都會去佢個邊食下飯聚下舊🥰水煮牛魔王 $128裏面有牛骨髓、黑牛柏葉、肥牛、薯粉、芽菜。一上枱已經好香花椒既味道 食落啲配料都吸曬味 所以我地都覺得呢個好好食 而且價錢合理 份量正常！啫啫豬潤雞煲 $88一上黎已經好香😌 啲雞件都好嫩滑 又無乜骨🤩岩曬我😂 豬潤老左小小～ 但整體我地都好鍾意！蒜蓉粉絲蒸蝦 $148呢個有啲普通 唸住食落好香 蝦係新鮮 好香蝦既鮮味😋 不過豉油可以再好味啲😙

今日又再次泥依間餐廳食，好食當然要覆桌，大排檔風味非常適合朋友吹水。今日同朋友嚟請乜至今嗌咗啤酒飲兩杯談天雪地。薑蔥霸王雞（半隻）$118最簡單的菜最考真材實料，本身啲雞都好滑好香，再加埋薑蔥味，又不會喧賓奪主金銀蛋浸時菜（$68）食咗咁多肉當然要叫啲菜，依味係大排檔傳統必有的菜，依間整得好有風味，既有金銀蛋的香，叫咗菜心啲菜亦都非常鮮甜，相映成趣。金不換炒蜆（$98）嚟得大排檔當然要食啲香口嘢，叫個炒蜆就少不免喇，金不換香草固然香，配合埋新鮮炒蜆簡直無敵👍🏻薑蔥魚腩煲($78)最後唔係好夠喉，所以叫咗個薑蔥魚腩煲，啲魚腩整得好好一啲都唔腥，拎出嚟咋渣聲，超級香流晒口水🤤當然作為飯桶的我倆，兩碗白飯是少不免的。啲餸撈飯一流🤤 值得一題係我個friend叫咗杯凍檸茶—真係超級大杯有點誇張haha

黎得「陳儀興玫瑰餐廳」講真，無論小菜定雞煲邊爐，真係樣樣出色🙈係小菜同雞煲之間掙扎左好耐最後終於揀定 - 先雞煲後邊爐🤣.【重慶辣雞煲 $138】雞煲內嘅材料同雞件都好足料！芹菜，洋蔥，蒜粒，辣椒，花椒等熬出黎嘅醬汁，自然濃郁，香辣而惹味醬汁依附係雞件上，雞肉吸收精華肉質鮮嫩，雞香味突出，吾會有雪藏味架😍仲有就係煮到軟綿綿嘅蒜粒，超正😋食到咁上下，店員倒落高湯就可以開始打邊爐Lu~.【韭菜餃。麻辣西芹餃 $50】餃類有六款，每款都係$45小編建議加多$5成雙拼，抵食好多🤣餃子都係人手包製，而且大大粒可見餃餡份量足！韭菜餃，餃薄超薄，綠油油嘅韭菜，好新鮮西芥餃，軟腍帶辛辣嘅豬肉餡仲有西芥粒增添口感.【鮮滑牛。脆皮午餐肉 $50】厚切鮮滑牛，嫩滑帶咬勁！午餐肉以條狀炸後，入口酥脆香口😎.【蟹柳。芝士腸 $40】蟹柳係鍋中煮數秒即可～薄脆芝士腸，一咬爆漿芝士在口中😈.【炸魚皮。鮮淮山 $40】炸魚皮係令小編最surprise嘅一款大多火鍋店嘅魚皮都係買現成既最多只有脆口嘅感覺但呢到竟然係即叫即炸上枱時仲聽到「滋滋」聲架🥰吾止有脆口口感，仲係熱辣辣👍鮮淮山，想食爽口口感感，就吾好煮太耐煮得耐，

《鑊氣十足中式小炒》✨位於新蒲崗嘅玫瑰餐廳，有得食雞煲亦都可以食小菜，因為早一日先食完雞煲，所以我哋今日就選擇食小菜🤍椒鹽九肚魚（$88）炸得好香，而且炸粉唔算厚，椒鹽嘅味道唔算好重，但係亦都感受到微微香口嘅辣味。九肚魚就相當滑，有入口即溶嘅感覺🤍蜜椒牛柳粒（$78）一叫呢個小菜嘅時候，店員就即刻問我哋係咪之前都已經嚟過，原來係因為呢個菜式好出名，好多人嚟到都會叫。呢個亦都係我喺呢幾款小菜入邊最鍾意嘅一款，佢嘅蜜汁味道好甜好香，同薯仔同牛柳粒嘅味道都好夾，而且仲有啲黑椒碎好平均咁分布係薯仔牛柳粒嘅上面，睇得出唔係上咗碟先至放上去，令到每啖都有蜜汁同埋黑椒好豐富嘅味道🤍酥炸黑松露丸（$128）平時食小菜都比較少見呢個菜式，所以今次見到呢個咁有特色嘅小炒就即刻叫咗黎試。 佢係一個類似墨魚肉再溝黑松露製成嘅肉丸，每啖都有好香濃嘅黑松露味，再配合酥炸就更加香口～🤍金銀蛋浸娃娃菜（$68）面頭有好多肉碎，溝埋金銀蛋仲有蒜頭，令到個湯底好香，娃娃菜浸喺個湯底度一段時間吸左啲味，令到我哋食落嘅時候亦都唔會好似平時食菜咁寡💰人均消費：約$200

新蒲崗真係一個好地方，多好嘢食又泊到車重點係唔太抄牌🤣今次黎到新蒲崗出名小炒勝地「陳儀興玫瑰餐廳」，主打食小菜同火鍋既小店。.假期同成班frd食飯吹水，黎小炒店真係好爽，價錢平又唔限時食野，仲要樣樣新鮮熱辣😋.🍴豆腐雙腩煲$78豆腐爽滑入味，魚腩同腩新鮮炸起再入煲，上碟熱辣辣，外脆內軟。.🍴大漠風沙骨$78呢個係屋企基本上唔會煮既餸，因為極考功夫同心機，要加上炸蒜、油蔥酥、胡椒粉輕輕炸金沙骨，口感微辣香嫩，雖然係熱氣，但真係好鬼正😂.🍴蠔仔肉碎浸時菜$68炸野食得多，整返個清清地既菜食都正，呢個蠔仔肉碎浸時菜真係唔係周圍食得到，蠔仔肉碎清甜又鮮味，食落無沙又夠甜，再加埋菜，鮮味十足。.🍴椒鹽九肚魚$88香口又夠脆卜卜，椒鹽突出又唔會太重口味（太鹹），餸酒必點。.🍴椒鹽雞軟骨$72椒鹽雞軟骨真係my favourite, 每粒雞軟骨要加上薄脆炸粉，兜埋炸蒜及紅椒仔，令到原本無咩味既雞軟骨味道昇華😋.餐廳應該無酒牌，但可以幫你出去買啤酒😋冷氣夠凍。

餐廳係室內版大排檔，主打打邊爐，但今次我就選擇左食佢嘅小菜，一樣咁出色👍唔單只賣相吸引，仲惹味十足，樣樣都大大碟，好足料，絕對讓人垂涎三尺🤤陳醋雲耳 $48 7/10呢碟作為前菜，好岩依家咁熱嘅天氣食，浸得好入味，食落酸酸辣辣，醒胃好味😋支竹豆腐魚柳煲 $78 7.5/10豆腐煲嘅材料好足，炸過嘅豆腐微脆香滑，支竹同魚柳都吸盡醬汁嘅精華，炆得香濃入味，惹味得黎好岩送飯鐵板啫啫通菜 $72 8/10呢碟上枱時，聽到鐵板嘅吱吱響聲，仲聞到濃烈嘅馬拉盞香，碟上灑左少量紅椒及蝦乾，食落微辣，大大提升左通菜嘅鮮味鹹菜胡椒豬肚湯 $98 7/10湯嘅材料好足，豬肚同鹹菜數量比我想像中多，豬肚煲得好淋，火喉岩岩好，肉質唔鞋唔韌，呢個湯胡椒味甚濃，飲完個湯喉嚨會有種刺熱感，幾岩鐘意酸酸辣辣嘅朋友仔霸王雞 （半隻）$118 8/10半隻雞黎講都算大隻，份量好多，雞件嫩滑，有淡淡嘅薑蔥香，農村風味番曬黎🤩

練拳前最緊要食個晚餐，朋友提議去玫瑰餐廳。來到門口🚪，見到好靚既玫瑰花畫門和墻身。尼度有得選小菜和火鍋。望下餐牌，好多野想食，決定叫雞煲兼打冰爐。香菜雞皇煲雞煲好快到，未煮熱已經覺得香噴噴。熱煙縷縷上升，香味撲鼻。煮一陣記得攪拌下，避免燶底喔。好快食得，皮薄肉滑，肉入味。芫荽玉米餃子和自家韭菜餃子餃子同出名的餐廳一樣大大隻，餡料飽滿富鮮味。因為太愛餃子🥟，所以叫左兩款。響鈴每次冰爐必叫，滾三秒食得，脆香可口，不會好油膩。冬瓜片 和淮山片份量多夏天消暑之選當然食冬瓜片，清甜爽口。淮山片粉粉地，健康好味。

蜜椒金薯牛柳粒非常之高質牛肉雖然有鬆肉過，但好香脆薯仔先係重點😍 外脆內軟又香又甜 老干媽四季豆一般啦，唔夠香又唔夠脆味菜大腸腸味超濃 ， 但唔酥臭不過一定要趁熱食咕嚕肉 👍🏻👍🏻皮脆 肉爽 汁啱啱好唔會太濃味 ！ 高質南乳雜菜煲唔香南乳味，但份量同用料非常有誠意百花大腸 墨魚滑彈牙，但大腸脆啲更好蠔仔炒蛋睇外表完全唔係炒蛋雖然蠔仔唔腥，但好咸 質素幾好，份量多，價錢抵以後就係飯堂喇